Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Nipi i Ismail Qemalit: Turp për Rektoratin, interesa meskine

Nipi i Ismail Qemalit: Turp për Rektoratin, interesa meskine

Shko poshtë  Mesazh [Faqja 1 e 1]

LuNa

avatar
Moderator/e
Moderator/e
Nipi i Ismail Qemalit ndjehet i revoltuar për vendimin e marrë nga disa senatorë të Universitetit të Vlorës për heqjen nga universiteti të emrit të gjyshit të tij. “Janë thjesht interesa meskine” thotë Nedin Vlora, nipi i drejtpërdrejtë i themeluesit të parë të shtetit shqiptar. Ai mendon se qeveria shqiptare nuk do të marrë parasysh propozimin e bërë nga disa pedagogë të paaftë të universitetit të Vlorës.
Jeni të informuar profesor Vlora lidhur me zhurmën që bëhët në Shqipëri për heqjen e emrit të Ismail Qemalit nga Universiteti i Vlorës?
Sigurisht po e ndjek debatin që ka përfshirë shtypin dhe ndihem vërtet keq, madje shumë keq. Kjo, jo pse jam trashëgimtari i Ismail Qemalit, por edhe sepse jam shqiptar dhe besoj se këtë keqardhje e ka ndjerë çdo shqiptar që e do Atdheun e tij, historinë dhe burrat e kombit që kanë kontribuar në histori.
Nuk më kish shkuar në mënd kurrë, që një ditë njerëz të kulturës, të dijës, të arrinin të njollosin emrin e një patrioti, që me dedikimin e tij, i bëri me atdhe shqiptarët, formoi shtetin shqiptar. Ehe pse disa nga këta,kanë demonstruar se nuk e meritojnë.
Ndjeheni i cenuar si pasardhës i Ismail Qemalit ndaj këtij vendimi dhe çfarë do t’i këshillonit kryeministrit Berisha që do të ketë mbi tryezë këtë vendim?
Sigurisht ndjehem i prekur, diçka më tej i ofenduar, jo thjesht si pasardhës i kësaj figure të rëndësishme mbarëkombëtare, por thjesht si shqiptar. Vërtetë unë kam lindur në Itali dhe ky nuk është faji im, por për shkak të politikës së mbretit Zog, që detyroi dhe internoi të paralindurin e parë Muhamet Nedin dhe familjen e tij.
Prof.dr.Berisha nuk besoj se ka nevojë për këshillën time, pasi gjykoj se është person inteligjent dhe ekspert në politikë dhe jam i bindur se nuk do të vulosë kërkesën e 8 senatorëve të Universitetit Ismail Qemali në Vlorë se do të injorojë motivimet e shprehura nga Dr. Shaska, që, ndoshta mendon se kush mëson vetëm matematikë, mund të konsiderohet si shkencëtar. Për më tepër në Universitetin e Vlorës, ka shumë degë të ndryshme dhe mësohen shumë disiplina midis të cilave, jo shkencore. Ndaj gjykoj se justifikimi i dhënë nga ky rektor, është absolutisht i papranueshëm dhe as i propozueshëm.
Cili ka qenë kontributi juaj si prof. i Universitetit të Barit,me Universitetin “Ismail Qemali” në Vlorë?
Prej shumë vitesh kam qenë i interesuar që të nënshkruaj një marrëveshje për shkëmbim pedagogësh dhe studentësh midis dy universiteteve. Universiteti i Barit ka shumë marrëveshje me Universitetet më të rëndësishme në të gjithë botën dhe çuditërisht ishte shumë e vështirë që të arrinim që të kishim një financim për zbatimin e protokollit të firmosur midis dy universiteteve. Insistova gjatë, këmbëngula shumë në të mirë të punës, në nder të Vlorës dhe financimi u akordua. Ishte një organizim i një Konference ndërkombëtare në Universitetin e Vlorës mbi argumente juridikë të kërkuar nga departamenti kompetent, organizuar kjo me rastin e ditës së Drejtësisë më 10 maj.
Pas zgjedhjes së z. Shaska, u fiksua një takim, ku shkova posaçërisht në Vlorë, për t’i përcjellë përshëndetjet e Universitetit të Barit dhe për të përfunduar organizimin e konferencës së programuar. Rektori mbërrin në Vlorë dy ditë me vonesë, pasi ishte bllokuar në aeroport në Amerikë nga dëbora dhe të shtunën edhe pse e dinte që e prisja në Vlorë, nuk më pret duke më vënë në dijeni nëpërmjet sekretares së tij se “të shtunën nuk punoj”. U ktheva menjëherë në Bari dhe menjëherë paraqita dorëheqjen time si përfaqësues i marrëveshjes dhe ktheva mbrapsht financimin e akorduar nga Universiteti i Barit, që do të thotë: Anulimin e Konferencës së programuar. Për këtë informova rektorin Shaska, që nuk më ktheu asnjë përgjigje.
Si do ta konsideroni këtë sjellje të një rektori që vjen me një imazh të ri “nga Amerika”?
Kjo sjellje tregon interesimin e tij, pse jo edhe aftësitë që ka për të përmirësuar punën në Universitetin e Vlorës, por, mesa duket, më shumë se sa Konferenca shkencore e shqetëson emri i Universitetit.
Si do ta komentonit ju kërkesën e 8 senatorëve të Universitetit për heqjen e emrit “Ismail Qemali”, ndërsa 6 të tjerë kanë protestuar dhe opinioni i shëndoshë ndjehet i revoltuar?
Duke parë shkaqet që paraqiten, mund ta përmbledhësh vetëm në një fjalë të vetme: qesharake, naïve, mungesë serioziteti në punën e tyre.
Sikur ta kishin në dorë këta senatorë, me siguri do ti ndërronin edhe emrin e aeroportit “Nënë Tereza”. Jam koshient të shprehem se këta senatorë, këta akademikë, që nuk di, nëse me koshiencë apo për servilizëm mbështetën propozimin e Shaskajt, kanë demonstruar sjelljen e tyre antishqiptare. Ata nuk e duan atdheun e tyre, shtetin e tyre dhe Ismail Qemalin dhe as patriotët e mëdhenj që e themeloi shtetin i dhanë Pavarësinë Shqipërisë. Fakti që propozimi vjen nga profesorë universitetesh, ka demonstruar se ata nuk janë në lartësinë e duhur si edukues të brezave. Ata janë mediokër, që nuk e di se nga çfarë interesash janë nisur dhe nuk e di nëse kanë arritur në përfundimin se mbeten një njollë turpi në historikun e Universitetit “Ismail Qemali në Vlorë.
Nëse do të ishte prof.Nedin Vlora Ministër i arsimit, si do të kishit gjykuar për këta 8 senatorë?
Nëse do të isha unë? Përveçse do t’i largoja nga vendi i punës, do të kërkoja që t’u hiqej edhe nënshtetësia shqiptare. Ky vendim i tyre që më shumë ka shkaktuar ilaritet dhe i gjeti punë me disa të merret me ta, mendoj se kanë pështyrë flamurin shqiptar.
Për lexuesin shqiptar duam të dimë me pak fjalë, kush është prof.Nedim Vlora dhe cili është kontributi juaj për Shqipërinë? Jam djali i Ismail Qemal Galib, nipi i parë i patriotit Ismail Bej, i lindur në Nicë më 21 janar 1914, një ditë më parë që Ismail Bej, la qeverinë shqiptare për të shkuar në Nicë Francë.
Pyesni për kontribute? Ndoshta na duhej të flisnim gjatë, por për të qenë korrekt me pyetjen tuaj dua t’ju them se menjëherë pas eksodit të ambasadave, drejtova në Bari Qeverinë e Shqipërisë së Lirë demokratike me kundërshtim të fortë nga qeveria komuniste e Ramiz Alisë. Si pasojë pak ditë më pas, mora nga ana e sigurimit kërcënime me vdekje. Dëshiroj ta bëj objekt të një interviste tjetër nëse dëshironi?
Heqja e emrit “Ismail Qemali” të Universitetit të Vlorës,për pasojë edhe i monumentit të bronxtë, do të cilësohej një tradhëti kombëtare?
Sigurisht,ndoshta diçka më shumë,Kjo për faktin se të bësh këtë veprim,bazuar në një vendim të tetë kokrrave “senatorë”,do të thotë të fshish pjesën më të artë të historisë së kombit shqiptar dhe të mohosh origjinën e shtetit tënd,që avash avash,po mbush një shekull. Unë i ftoj këta senatorë të mëdhenj, që bashkë me rektorin Shaskaj, këtë ideator të madh, të paraqiten më 28 nëntor në Sheshin e Flamurit, për të nderuar ngjarjen historike. Do të ishte kulmi i hipokrizisë,i pafytyrësisë së tyre, prania aty.
Mendoni profesor se pas kësaj kërkese, fshihen interesa të tjera?
Nuk di të përgjigjem saktë për këtë, por mendoj, se rektori dhe ai senat akademik, do të kishin bërë mirë që të mendojnë dhe vlerësojnë problemet që ngrenë profesorët e këtij Universiteti si dhe kundërshtimet e bazuara që ngrihen çdo ditë nga studentët. Duket, janë të pazotë për të kryer këtë detyrë kryesore dhe bëjnë zhurmë për emrin, a thua se ju prish punë “Ismail Qemali” për të bërë detyrën e tyre themelore si pedagogë e senatorë. Përsëri mund të përdor fjalën qesharake. Ajo që dua të them në këtë intervistë,është se emri i mirë i një Universiteti, vjen nga aftësia profesionale e profesorëve të tij, që mbi gjithçka duhet të jenë edukatorë dhe kur rektor Shaska, ka demonstruar tashmë publikisht se nuk ka qenë dhe nuk mund të jetë edukator dhe në lartësinë e detyrës që ka marrë.
(d.b/GazetaShqiptare/Balkanweb)


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi