Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Beogradi i ka shitur arme Gjeorgjise-Moska jasht kontrollit!

Beogradi i ka shitur arme Gjeorgjise-Moska jasht kontrollit!

Shko poshtë  Mesazh [Faqja 1 e 1]

LuNa

avatar
Moderator/e
Moderator/e
Nga fabrika e "Zastavës" u dërguan predha për helikopterët gjuajtës


Beogradi është futur në siklet pas akuzave të aleatit kryesor të saj, Rusisë, se i kanë shitur armë dhe municione Gjeorgjisë. Gjithçka ka ardhur pas një deklarate të Ministrisë së Mbrojtjes së Moskës, e cila bëri të ditur listën e furnitorëve të Tbilisit. Kjo çështje, që citohet nga radio e pavarur e Beogradit, B92, në fakt është pjesë e një investigimi të gjatë të BBC-së, e cila ka intervistuar ish-shefin e diplomacisë serbe, Vuk Drashkoviç, që njihet si një nga mbështetësit më të mëdhenj të aleancës me Moskën.

Ministria e Mbrojtjes e Rusisë bëri të ditur se Serbia është një nga vendet që ka ndihmuar ushtarakisht Gjeorgjinë në konfliktin osetian. Përveç Serbisë, lista e ndihmuesve të Gjeorgjisë përpara se të niste konflikti zgjerohet me SHBA-në, Mbretërinë e Bashkuar, Francën, Greqinë, Turqinë, Izraelin, Lituaninë, Estoninë, Ukrainën dhe të tjerë, thekson radio serbe B92, duke cituar BBC-në. Ndërkaq, ish-ministri i Jashtëm i Serbisë, Vuk Drashkoviç, thekson se përfshirja e Serbisë është shqetësuese, sepse kallashnikovët e prodhuar në fabrikën e armëve të Kragujevaçit "Zastava", janë përdorur për të sulmuar Osetinë Jugore dhe trupat ruse. I cituar nga "B92", Drashkoviç thekson se diplomatët rusë kanë paralajmëruar gjeorgjianët se predhat e helikopterëve që qëlluan trupat e Moskës ishin të prodhimit serb. Politikani nacionalist serb, i cili aktualisht nuk merr pjesë në qeveri, thekson se "kam deklaruar prej kohësh se ishte një ide e keqe t‘i shesësh armë një vendi që është në konflikt me Rusinë, aleati ynë më i madh". Ish-ministri i Jashtëm thekson se në fillim e ka bllokuar marrëveshjen, por ajo u aprovua pas një greve të punëtorëve të fabrikës së armëve. "Zastava" është përmendur me emër në një deklaratë zyrtare të Ministrisë së Mbrojtjes ruse. Ndërkaq, drejtori i fabrikës së armëve "Zastava", Rade Gromoviç, deklaroi se stabilimenti që ai drejton nuk ka eksportuar prej dhjetëra vitesh armatim dhe municion në Gjeorgji, ngaqë licencën shtetërore për eksportimin e armëve të prodhuar në vend e ka Ministria e Mbrojtjes. "Unë nuk e di si janë përdorur kallashnikovët tanë në Gjeorgji. Ndoshta ata i kanë marrë nga Kroacia apo Bosnja, gjatë kohës së ish-Jugosllavisë. Fabrika e armëve "Zastava" dhe shteti serb nuk janë në gjendje të tregojnë se si i kanë përdorur arsenalet e tyre të aratimit, ish-republikat jugosllave, të cilat tani janë shtete të pavarura", tha Gromoviç.

Forcat e Armatosura ruse, në bazën ushtarake në qytetin gjeorgjian Senaki, gjetën armë të prodhuara në Shtetet e Bashkuara të Amerikës (SHBA). Këtë e lajmëroi zëvendësi i shefit të Shtatmadhorisë së armatës ruse, Anatolij Nogovicin. Duke iu drejtuar mediave, Nogovicini shprehu dyshimin se çfarë saktësisht përmban ngarkesa e aeroplanëve amerikanë në Gjeorgji. "Ne do të donim të dimë nëse ajo është ngarkesë humanitare ose ndonjë lloj i ngarkesës ushtarake", deklaroi Nogovicin.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi