Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » SHBA-Rusi,fundi i dashurisë

SHBA-Rusi,fundi i dashurisë

Shko poshtë  Mesazh [Faqja 1 e 1]

1Normal SHBA-Rusi,fundi i dashurisë prej Mon Aug 18 2008, 11:34

LuNa

avatar
Moderator/e
Moderator/e
Pushtimi i pacipë i Gjeorgjisë nga Rusia, ka ngritur një sërë pyetjesh të rëndësishme që amerikanët dhe shumë popuj të tjerë të botës besonin se duhej të ishin zgjidhur me kohë.A është Rusia një kërcënim për fqinjët e saj, për Europën, për SHBA-në?
Çfarë janë të përgatitur të bëjnë SHBA-ja dhe aleatët e NATO-s, nëse Rusia shantazhin apo sulmon një tjetër vend sovran demokratik, që nuk është vend anëtar i Aleancës? A duhet që Perëndimi të vazhdojë bashkëpunimin
me Rusinë, apo duhet të përqendrohet më shumë në përmbajtjen e ambicieve të saj?
Presidenti Bush ka nisur një rivlerësim të marrëdhënieve mes Rusisë dhe SHBA-së, të nxitur nga kriza, që pasardhësi i tij duhet ta rishikojë dhe ta zbatojë. Presidenti i parë, George Bush arriti të menaxhonte në mënyrë të shkathët shpërbërjen e Bashkimit Sovjetik. Presidenti Bill Klinton bëri shumë pak në drejtim të menaxhimit të rënies së Rusisë pas Luftës së Ftohtë dhe presidenti aktual Bush, ka bërë edhe më pak për të mbajtur nën kontroll rigjallërimin e saj. Pasi kritikoi Klintonin sepse i besoi aq shumë Boris Jelcinit, Bush i besoi edhe më shumëVladimir Putinit. Në të vërtetë, Bush dhe evropianët e mbyllën me shumë dëshirë njërin sy, ndërsa Putin, presidenti që tashmë është kthyer në kryeministër, kufizoi lirinë e shtypit, futi në burg politikanët rivalë dhe përdori pasuritë e naftës dhe gazit të Rusisë për të shantazhuar fqinjët. Bush e mbylli njërin vesh ndaj listës së ankesave të Rusisë, shumë prej të cilave të paligjshme, por jo të gjitha. Ne e kundërshtuam zgjerimin e NATO-s kur Klinton e hodhi fillimisht këtë ide. Kur ai nisi, ne ramë dakord se Moska nuk do të ketë të drejtën e vetos, duke u lejuar kështu fqinjëve të saj të aplikojnë për anëtarësim dhe të pranohen në aleancë. Bush nxiti edhe më shumë nacionalizmin rus dhe e lehtësoi punën e Putinit, kur këmbënguli të ndërtonte një sistem të rrallë të mbrojtjes kundër raketave në SHBA dhe një tjetër të ngjashëm në Evropën Qendrore. Pasi kundërshtoi për pak muaj, edhe Polonia e pranoi planin javën e kaluar. Bush mbylli një fushë të rëndësishme bashkëpunimi, kur hodhi poshtë idenë e nevojës për më shumë marrëveshje për kontrollin e armëve. Ky vendim duket më i frikshëm sot. Bush e injoroi krizën në Gjeorgji për muaj me radhë. Tashmë, ai e ka ngritur zërin kundër agresionit rus. Vendimi i tij për të dërguar avionë ushtarakë në Gjeorgji, ishte shumë i shpejtë, në mënyrë të habitshme, dhe kjo e detyroi Rusinë të rishikonte vendimin për ofensivën e saj, duke lënë mënjanë luftën e gjerë. Shpresojmë të funksionojë. Ai duhet t'i thotë edhe presidentit të Gjeorgjisë, se nuk mund të vazhdojë të provokojë Moskën. Ku duhet të shkojë Bush tani? Do të jetë një gabim, tentativa për izolimin e Rusisë. Ajo është një fuqi e madhe ekonomike, me të drejtën e vetos në Këshillin e Sigurimit të OKB-së dhe ka mijëra armë bërthamore. Izolimi ka shumë gjasa të nxisë inate dhe radikalizëm. Rusia duhet të kuptojë se nuk do të ketë bashkëpunim, derisa ajo të heqë dorë nga pushtimi i Gjeorgjisë dhe kërcënimi i fqinjëve. Rusia mezi pret të anëtarësohet në Organizatën Botërore të Tregtisë dhe të nënshkruajë një marrëveshje sigurie me Europën. Të dyja do të pezullohen. Nëse Putin këmbëngul, grupi i tetë vendeve të industrializuara mund të kërkojë kufizimin e përfshirjes së Moskës, por ende nuk jemi të gatshëm të përqafojmë thirrjen e John McCain për të shmangur Rusinë. Bush do t'i lërë trashëgim pasardhësit të tij një sërë problemesh në Afganistan, Irak dhe Pakistan. Presidentit të ardhshëm do t'i duhet të merret edhe me Rusinë, e cila po bëhet edhe më armiqësore. Angazhimi skeptik në fakt, është rruga më e mirë.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi