Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Vizat me Maqedoninë ende në fuqi

Vizat me Maqedoninë ende në fuqi

Shko poshtë  Mesazh [Faqja 1 e 1]

1Normal Vizat me Maqedoninë ende në fuqi prej Sat Aug 23 2008, 07:22

LuNa

avatar
Moderator/e
Moderator/e
Disa gabime teknike bëjnë që vizat me Maqedoninë të jenë ende në fuqi, ndërkohë nga data 1 gusht është shtuar edhe një siguracion shëndetësor i detyruar për çdo ditë qëndrimi në Maqedoni prej 3 eurosh.

Vizat me Maqedoninë vazhdojnë të jenë në fuqi edhe pse ligji është miratuar nga Parlamenti Maqedonisë dhe dekretuar nga presidenti maqedonas Branko Cervenkovski që nga data 1 gusht. Priteshin shtatë ditë që pas këtij dekretimi që ligji të dilte në fletoren zyrtare maqedonase dhe të kishte fuqi ligjore.

Por ditët e javët kaluan dhe muaji gusht dhe vera po ikën dhe ligji ende nuk ka dalë në fletoren zyrtare dhe radhët e gjata dhe sfilitjet e shtetasve shqiptarë që duan të kalojnë kufirin fqinjë të Maqedonisë janë të pafundme.

Rreth këtij problemi kontaktuam me përgjegjësin e marrëdhënieve me publikun pranë presidentit maqedonas, Zoran Ivanov i cili na tha se që nga data 4 gusht ligji i heqjes së vizave më Shqipërinë është dekretuar nga presidenti Cervenkovski sëbashku me 60 ligje të tjera që kanë qenë po atë ditë për t`u dekretuar.

Zoran Ivanov ka thënë për “Shekullin” se për ne asnjëherë nuk ka qenë kontestues nënshkrimi i këtij ligji për ratifikimin e marrëveshjes për heqjen e vizave më Shqipërinë.

Ndërkohë që rreth këtij problemi i kërkuam një konfirmim zëdhënësit të parlamentit maqedonas Teodor Petrov i cili për gazetën “ Shekulli” ka thënë se ligji në fjalë vërtet është firmosur nga presidenti Maqedonas Branko Cervenkovski por mosshpallja e tij në gazetën zyrtare Maqedonase ka ardhur si rezultat i disa gabimeve teknike në parlament i cili tani nuk mund t`i riparojë pasi ndodhet me pushime.

Kështu ne nuk kemi njoftuar sipas rregullit edhe ministrinë e jashtme shqiptare se ky ligj ka hyrë në fuqi deri sa ai të riparohet nga disa gabime të vogla teknike dhe këto rregullime do t`i kryejë përsëri parlamenti i Maqedonisë- shtojnë ata- brenda muajit shtator kur të vijnë nga pushimet.

Dhe deri sa të rregullohen këto gabime janë shtetasit shqiptarë që po e paguajnë koston e radhëve të gjata nëpër sportelet e doganës maqedonase apo në ambasadën maqedonase në Tiranë në këtë vapë përvëluese. Por telashet më shtetin fqinjë maqedonas nuk kanë të sosur për shqiptarët që duan të udhëtojnë në Maqedoni. Nga data 1 gusht është shtuar një siguracion shëndetësor i detyruar për çdo ditë qëndrimi në Maqedoni duhet të paguash 3 euro.

Ky siguracion pritet në afërsi të doganës shqiptare nga zyrat e siguracioneve shqiptare por që këtë siguracion t`a kërkon edhe polici shqiptar i doganës maqedonasel.

Por një fakt tjetër është se ky siguracion shëndetësor kërkohet vetëm për shtetasit shqiptarë që shkojnë në Maqedoni. Kontaktuam me telefon me sektorin konsullor të Ministrisë së Jashtme ët Maqedonisë rreth kësaj pagese, zëdhënësja e kësaj ministrie na tha se ky siguracion shëndetësor bëhet në vartësi të kohë qëndrimit në shtetin maqedonas.

E pyetur se pse këto rregulla vlejnë vetëm për shqiptarët ndërkohë që shtetasit e tjerë që hyjnë në Maqedoni nuk paguajnë siguracion shëndetësor ajo na përgjigjet që kjo është një çështje e autoriteteve kufitare se sa i respektojnë ata këto ligje.
Një nga oficerët e doganës maqedonase që nuk pranoj të identifikohet me emër ka thënë se kjo është një aferë abuzive pasi nuk ka sigurim shëndetësor të detyruar, pasi kudo ai është vullnetar.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi