Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Arti Dhe Kultura «« » Këngetaret & Muzika Shqiptare » Anjeza Shahini perseri ne skene

Anjeza Shahini perseri ne skene

Shko poshtë  Mesazh [Faqja 1 e 1]

1Normal Anjeza Shahini perseri ne skene prej Tue Aug 26 2008, 00:24

LuNa

avatar
Moderator/e
Moderator/e
Pas Eurovizionit, nata e mbrëmshme, ka qenë më e rëndësishmja në karrierën e këngëtares Anjeza Shahini. Më në fund, ajo e mbajti premtimin e dhënë, duke publikuar albumin e saj të parë, i cili dje në mbrëmje u prezantua në një nga diskot verore në plazhin e Golemit. Plot 5 vjet që nga hera e parë që u ngjit në skenën e “Ethet e së premtes”, ku edhe u promovua si një ndër artistet më të talentuara, Anjeza sjell me vokalin e saj të fuqishëm 9 këngë, nën siglën “Erdhi momenti”.

Dhe sigurisht që ky ishte momenti i duhur për të sjellë këngë që flasin 100 për qind për dashurinë. “Këngët përmbajnë shumë pak trishtim apo lot dhe pjesa dërrmuese e tyre sjellin pjesën më të bukur të kësaj ndjenje”, është shprehur Anjeza, kthyer me vokalin e saj, emocionet që u ngjalli vite më parë gjithë shqiptarëve, kur u ngjit në skenën e Eurovizion.

Por mbrëmë mes miqve të saj më të ngushtë, ajo është ndier po kaq krenare, duke shtrënguar në dorë CD-në e albumit të parë, që do të jetë dhurata më e bukur që ajodo t’u bëjë fansave në këtë sezon të nxehtë. Kënga shoqërohet me një videoklip, i cili është realizuar nga Max Production dhe do të jetë pjesë e ekraneve shqiptare duke filluar që sot, me imazhe të cilat do të sjellin një Anjezë krejt ndryshe nga sa mund ta keni imagjinuar.

ALBUMI
Promovimi i albumit “Erdhi momenti”, është bërë në një nga diskot verore në Golem, aty ku miqtë më të ngushtë të këngëtares janë ftuar për të zbuluar surprizën e saj të fundit. Dhe, në fakt, Anjeza ka ditur të justifikojë këtë vonesë, madje në momentin e duhur. Ka qenë pikërisht koha që ajo kishte planifikuar, në vigjilje të 5-vjetorit në skenë, për t’u lançuar zyrtarisht në tregun muzikor shqiptar me një album. Madje, titulli i albumit është zgjedhur nga vetë Anjeza, e cila shpjegon se ky album për të është si një ditëlindje. “Kompakt-diskun e titullova ‘Erdhi momenti’ dhe pagëzimin e tij e kam bërë teksa dëgjoja për herë të parë këngën e shkruar nga Adrian Hila”, thotë ajo. Nëse titujt e këngëve mund të duken paksa monotonë, në fakt, tema kryesore e tyre mbetet dashuria, të cilës Anjeza i këndon fuqishëm, edhe pse nuk dihet ende nëse në jetën e saj ka realisht ndonjë person. Në cd përfshihen 9 këngë, mes të cilave “Erdhi momenti”, “Veten s’e gjetëm”, “Shuhem & ndizem me ty”, “Nëse dyshon”, “Lot pendimi”, “Kur jelarg”, “Lamtumirë” dhe “Nga zero”. Për të finalizuar punën e saj, Shahini ka bashkëpunuar me kompozitorët Adrian Hila, Pirro Çako dhe Gent Myftarai. Ndërkohë që një surprizë për sa i takon teksteve të këngëve, mbeten katër prej tyre, të cilat kanë si autore motrën e këngëtares, e cila i ka besuar vargjet e saj Anjezës. Përsa u takon rrymave, më e dashura, e cila edhe spikat në këtë album mbetet ajo pop, por nuk mungojnë as pop-rok dhe ai klasik. Pas prezantimit të këngës dhe videoklipit për miqtë e saj, Anjeza ka kënduar për miqtë e të ftuarit edhe dy këngë nga albumi i saj, ndërsa pas kësaj, të gjithë kanë festuar duke kërcyer nën ritmet e këngëve të albumit “Erdhi momenti”.

RIKTHIMI I ANJEZËS
Në vjeshtën e vitit të shkuar, Anjeza Shahini u kthye zyrtarisht në Tiranë, pas përfundimit të studimeve për kanto në një nga konservatorët më të njohur në Vjenë. Qëllimi i studimeve ishte për të përmirësuar vokalin e saj më shumë drejt rrymave pop dhe duket se këtë ndryshim ajo e tregoi gjatë prezantimit në “Kënga Magjike”, ku edhe u vlerësua me çmimin e Kritikës. Madje, vetë këngëtarja gjatë intervistave ka theksuar se investimi i saj 2-vjeçar në kryeqytetin e muzikës, Vjenë, i ka shërbyer për të qenë më e përgjegjshme për muzikën që këndon, të ketë më tepër informacion, si dhe të fitojë një eksperiencë perëndimore. Dhe pas kësaj, më në fund ajo ia ka arritur qëllimit final: një album për fansat dhe një hap më përpara në karrierën e saj muzikore.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi