Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Arti Dhe Kultura «« » Historia Shqiptare » Errësirë mbi shtetin e Kosovës

Errësirë mbi shtetin e Kosovës

Shko poshtë  Mesazh [Faqja 1 e 1]

1Normal Errësirë mbi shtetin e Kosovës prej Sat Nov 22 2008, 01:46

LuNa

avatar
Moderator/e
Moderator/e
Historia gjithsesi se na ka mësuar për vështirësitë ndaj të cilëve duhet të luftojnë politikanët e shteteve, si dhe për mjetet që ata janë të detyruar t’ i përdorin për të vënë në jetë të ardhmen sigurisht duke mbrojtur me çdo kusht sovranitetin dhe identitetin e tyre shtetëror.

Siç mësojmë nga historia e moçme e një filozofi udhëheqës i cili me sa duket kënaqej me një politikë më të ngadalshme, pohonte se nuk u kishte dhënë bashkatdhetarëve të tij qeverisjen që i përshtatej më mirë lumturisë së tyre, por atë që u bënte më shumë lëshime paragjykimeve të tyre. Ndërsa tjetri filozof, i cili i qëndronte më besnik detyrës së vet, ishte i detyruar nga nevoja të bashkonte deri diku dhunën me autoritetin e besëtytnisë dhe të siguronte suksesin e tij përfundimtar duke lënë vullnetarisht, së pari vendin e tij dhe pastaj edhe jetën e tij.

Në qoftë se këto mësime na tregojnë nga njëra anë se duhet të admirojmë përsosjet që Kosova i bënë mënyrës së vjetër të përgatitjes dhe të realizimit të projekteve të drejta të politikës ato nga ana tjetër na shërbejnë po aq shumë për të na paralajmëruar rreziqet dhe vështirësitë që dalin gjatë këtyre lloj eksperimenteve dhe pakujdesinë e rëndë e shtimit të tyre në mënyrë të panevojshme gjatë kësaj kohe vendimtare dhe historike.

Është e pamundur që një njeri i paanshëm, duke menduar rreth këtij fakti të mos çuditet. Është e pamundur që një njeri me mendime të perëndishme, të mos pikasë në të gishtin e dorës së të gjithëfuqishmit, që na është shtrirë kaq shpesh dhe kaq dukshëm për të na lehtësuar në fazat më kritike të jetës së këtij populli të shumë vuajtur. Gjithashtu po kjo dorë e përsosur do na shtrihet prapë që të na bekojë në këtë kohë me lirinë e plotë dhe ardhmërinë e sigurt të Kosovës edhe përkundër sfidave dhe përpjekjeve për kthim në të kaluarën siç është rasti i gjashtë pikëshit të OKB.

Dihet se gjatë praktikës dalin përditë probleme që vërtetojnë paqartësinë që mbretëron në këto çështje siç është shtetësia e Kosovës dhe e së ardhmes së saj dhe Ballkanit ndërsa kohëve të fundit po i ngatërron aq shumë edhe adaptët më të mëdhenj të shkencës politike dhe diplomacisë. Nevoja, veçanërisht në politikë shpesh lind shpresa të rreme, arsyetime të rreme dhe një sistem masash gjithashtu të gabuara. Kjo nuk duhet të jetë pjesë e ecjes së rrugëtimit tonë dhe as e hedhjes shkopinj në rrotat e historisë së shtetit dhe të së ardhmes së Kosovës.

Është dëshmuar me 17 nëntor se ky popull e meriton lirinë dhe shtetësinë e tij gjithashtu po vërehet dita ditës se ky popull duhet ta dijë të ardhmen e tij përcaktuese evropiane. Mirëpo të mos harrojmë, se paqen nuk do ta kemi gjithmonë në dorë, se sado të matura e ambiciozë qofshim, ne nuk mund të mbështetemi te maturia ose të shpresojmë se do ta shuajmë ambicien e të tjerëve. Ndërkaq, në kohën kur u diskutua për çështjen dhe formën e zgjidhjes së statusit të Kosovës qenë dy klauzola e që ishin burim i shumë sharjeve dhe deklarimeve fyese kundër propozimit për statusin e ardhshëm të Kosovës.

Ai (Propozimi) iu paraqit popullit në të gjitha ngjyrat e ekzagjeruara të shtrembërimit si armë vrastare nga të cilat thuhej se do të shkatërrohet qeverisja e brendshme, do të shfaroset liria e popullit të Kosovës dhe e ardhmja e tij; si përbindëshi i llahtarshëm, nofullat gllabëruese të të cilit nuk do të kursenin as seksin –as moshën , as të epërmin – as të ulëtin - as të shenjtin –as profanin; dhe prapë se prapë sado e çuditshme që mund të duket pas gjithë kësaj zallahie, atyre që mund të mos u ketë qëlluar ta vështrojnë nga i njëjti kënd.

Kështu, ata që e kanë shikuar në këtë mënyrë propozimin e Ahtisaarit si duket nuk kanë ditur ta lexojnë mirë e lëre më ta kuptojnë se në të ishte fshehur shteti i tanishëm i Kosovës ,por edhe me këto kushte që tani shfaqen si shtesë të propozimit por që tani po dalin për ditë sikur kërpudha mbas shiut.

Siç mësojmë nga historia dhe kultura e popujve njeriu është një krijesë e lidhur shumë pas zakonit .Po kështu populli ynë është shumë i dhënë pas zakoneve dhe dokeve sa që mendja e kaluar ende jeton në ta, akoma, kohërat kanë ndryshuar e ardhmja po vije…! Ajo që prek rrallë shqisat e tij në përgjithësi do të ketë veçse një ndikim kalimtar në mendjen e tij .Një shtet siç pretendohet të jetë Kosova e që po të qëndroj vazhdimisht larg dhe jashtë pamjes zor që do të ngjallë interes për ndjenjat dhe sentimentin kombëtar të popullit të Kosovës dhe ardhmërinë e tij.

Kështu që është koha që „politikanët“ e Kosovës të kujdesen që të mos i lidhin duart e shtetit të Kosovës me elementet e të tjerëve se çka thonë e që nuk mund të mbahen edhe pse e diktuar nga nevoja, cenon atë nderim të shenjët për ardhmërinë e saj dhe sakrificën e popullit, sepse ata e dinë që çdo shkelje e së tashme historike do të ketë pasoja në pulsin e së ardhmes së këtij vendi me histori rrëqethëse dhe tragjike.

Dhe krejt në fund duhet ta pranojmë se „gabimet diplomatike“ të Marrëveshjes së Kumanovës, e qershorit 1999, la në mjegull çështjen e Mitrovicës së veriut, apo më mirë e ndau atë dhe pasojat e diplomacisë ruso-serbe përmblidhen në këto 150 goditje diplomatike për të nxjerrë gjashtë pikëshin e OKB-së dhe për ta quar Kosovën në një ngrehinë apo llagëm ballkanik.

Megjithëkëtë ne nuk duhet të kemi frikë se do të ketë një stabilitet të tepruar, përderisa ekziston edhe opsioni i ndryshimit dhe as duhet të dëshirojmë ndalimin e ardhmërisë së shtetit të Kosovës që ai të vazhdojë të ruaj besimin aty ku ai mendon se ka vend me siguri dhe aty ku duke ruajtur vazhdimësinë, ai mund të mënjanojë të këqijat fatale që rrjedhin nga këshillat e paqëndrueshme siç është edhe rasti me propozimin e gjashtë pikëshit të OKB.

Ajo që mund dhe duhet të pritet më shumë nga njerëzit në përgjithësi, në këto rrethanë të rëndësishme për Ballkanin dhe posaçërisht shtetin e Kosovës, është merita negative për të mos sjellë dëm, në vend të meritës pozitive për të bërë mirë. Prandaj ky reflektim hedh një dritë krejt të ndryshme mbi shtetin e Kosovës dhe do na japë mundësinë që të gjykojmë drejtë për rrugën që po ndjek Kosova në këtë periudhë të rëndësishme, ashtu që të mos e lëmë që të vijë errësira mbi shtetin e Kosovës, ajo errësirë që sjellë mjegullinat e marrëveshjeve të mëparshme diplomatike.

Gjon Keka/kospress


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi