Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Diskutime Shoqërore » Miliarderët pa shkollë

Miliarderët pa shkollë

Shko poshtë  Mesazh [Faqja 1 e 1]

1Normal Miliarderët pa shkollë prej Mon Dec 29 2008, 22:13

LuNa

avatar
Moderator/e
Moderator/e
Dell u regjistrua për biologji në Universitetin e Teksasit, por kalonte më shumë kohë duke u marrë me pjesët e kompjuterëve, sesa duke lexuar librat.

Në vend që të studionte, ai filloi të shiste kompjuterë të rinj, nëpërmjet reklamave në gazetat lokale. Me gjithë ato para nëpër duar, ai vendosi të mos kthehej më në shkollë. E la universitetin në moshën 19-vjeçare, për të drejtuar kompaninë që do të merrte emrin "Dell Inc". Vetëm brenda pak viteve, shitjet vjetore të "Dell Inc" i kaluan 100 miliardë dollarë. Edhe një ndër njerëzit më të pasur në botë dhe krijuesi i "Microsoft"-it, Bill Gejts, në fakt nuk e ka përfunduar universitetin. Sidoqoftë, kjo nuk e ka penguar atë të ketë sukses të madh. Li Kashing dikur ishte thjesht një emigrant i varfër e më pas ai nisi të shiste lule plastike në Hong-Kong, në vitet 50. Tani ai është njeriu më i pasur në Hong-Kong. Sheldon Adelson, djali i një taksisti nga Bostoni, mori 200 dollarë borxh në moshën 12-vjeçare për të filluar të shiste gazeta. Filloi më vonë të luante kumar në kazinotë e Las Vegasit dhe Singaporit. Ai e bëri kompaninë e tij "Las Vegas Sands" publike në vitin 2004. Por, sidoqoftë, nuk duhet të kuptoni nga shembulli i këtyre miliarderëve se shkolla është e pavlefshme. Edhe vetë e kuptojnë rëndësinë e arsimit dhe kjo është një ndër arsyet pse ata investojnë një pjesë të pasurisë së tyre në këtë fushë.

Bill Gejts
Pasuria: 58 miliardë dollarë
Ka lënë Universitetin e Harvardit. Një ndër njerëzit më të pasur në botë dhe krijuesi i "Microsoft"-it, Bill Gates në fakt s e ka përfunduar universitetin. Sidoqoftë, kjo s e ka penguar atë që të ketë një sukses të madh. Fondacioni i tij, "Bill dhe Melinda Gates" ka 38.7 miliardë dollarë asete; dhuron për kauza që kanë qëllim t u ofrojnë mjete financiare të varfërve dhe ndihmon në zhvillimin e vaksinave dhe përmirësimin e sistemeve shkollore.

Li Ka-shing
Pasuria: 26.5 miliardë dollarë
La shkollën në moshën 12-vjeçare. Dikur ishte thjesht një emigrant i varfër e më pas ai nisi të shiste lule plastike në Hong-Kong në vitet 50. Tani është njeriu më i pasur në Hong-Kong. Ai është operatori më i madh në botë i kontenierëve, tregtari më i madh në botë me shumicë i produkteve të bukurisë dhe atyre të shëndetësisë etj. Li Ka-Shing ka bërë të ditura planet e tij për të dhuruar një të tretën e pasurisë me kalimin e kohës. Djali i tij, Viktor, e ndihmon për të drejtuar perandorinë e tij gjigante.
Sheldon Adelson
Pasuria: 26 miliardë dollarë
La kolegjin "City College" në Nju Jork. Djali i një taksisti nga Bostoni, mori 200 dollarë borxh në moshën 12-vjeçare për të filluar të shiste gazeta. Më vonë ai filloi të punonte si komisar hipotekash, këshilltar investimesh dhe konsulent financiar. Ai la shkollën e mesme dhe provoi të studionte për muzikë kur ishte adoleshent. Filloi më vonë të luante kumar në kazinotë e Las Vegasit dhe Singaporit. Ai e bëri kompaninë e tij "Las Vegas Sands" publike në vitin 2004.

Lerri Elison
Pasuria: 25 miliardë dollarë
La në mes Universitetin e Illinoisit. Miliarderi i rritur në Çikago studioi për Fizikë në Universitetin e Çikagos, por nuk arriti të diplomohej. Ai krijoi kompaninë "Oracle" në vitin 1977 dhe e bëri atë publike në vitin 1986, një ditë përpara "Microsoft"-it. Të dyja këto kompani kanë pasur konkurrencë të fortë me njëra-tjetrën që prej krijimit të tyre. Ai është përpjekur të fitojë trofeun më prestigjioz për jahtin më të madh në botë, por humbi vitin e kaluar me "Luna Rosi".

Roman Abramoviç
Pasuria: 23.5 miliardë dollarë
Mbeti jetim në moshën katërvjeçare dhe u rrit nga gjyshja dhe xhaxhai. Më tej, la në mes shkollën e mesme. Përsëri më vonë la universitetin për të marrë pjesë në çështjet e diskutueshme të eksportit të naftës ruse. Në vitin 1995 u bashkua me rusin Boris Berezovksi dhe bleu gjigandin e naftës "Sibneft" për 100 milionë dollarë dhe ia shiti "Gazpromit" për 13 miliardë dollarë pas një dekade. Përveç klubit të futbollit “Çelsi”, ai ka edhe avionë privatë, jahte dhe një shtëpi që kushton rreth 100 milionë dollarë.

Xhek Tejlor
Pasuria: 14 miliardë dollarë
E la Universitetin e Uashingtonit për të shërbyer në marinë dhe u bë pilot luftarak gjatë Luftës së Dytë Botërore. Pas luftës shiti makina dhe u bë menaxher shitjes në kompaninë "St. Louis Cadillac". I mbështetur nga bosi i tij, ai filloi biznesin e tij të makinave me qira. Biznesi lulëzoi në vitin 1970. Sot, shitjet e kompanisë së tij "Enterprise Rent-A-Car" i kalojnë 9 miliardë dollarët. Djali i tij Andre, ka filluar të punojë me të sapo ka arritur moshën për të marrë patentën.

Amancio Ortega
Pasuria: 20.2 miliardë dollarë
La shkollën në moshën 14-vjeçare. Me ndihmën e ish-gruas së tij, Rosalia Mera, ai filloi të krijonte fustane dhe të brendshme në dhomën e tyre të ndenjes, para 45 viteve. Ky biznes u kthye në një prej prodhimeve më të suksesshme të rrobave në gjithë botën dhe në vitin 2007 shënonte 14.8 miliardë dollarë në shitje. Ai tashmë ka 3902 dyqane në 70 vende të botës. Ortega është president dhe ka gjithashtu në pronësi një klub të garave të kuajve dhe një pjesë të një lige futbolli.

Francois Pinault
Pasuria: 16.9 miliardë dollarë
Ai la shkollën e mesme për të filluar punë si një tregtar i panjohur druri nga Franca në Britani. Taktikat e tij prej grabitqari në biznes e ndihmuan atë të ndërtonte një perandori gjigante. Sot, ai është aksioneri kryesor në grupin e mallrave luksoze "PPR", ku përfshihen marka si "Gucci", "Balenciaga" dhe "Stella Mccartney". Djali i tij, Francois Henri, i cili tani drejton biznesin e familjes, sapo u shtua me djalë nga aktorja Salma Hayek.

Majkëll Dell
Pasuria: 16.4 miliardë dollarë
La në mes Universitetin e Teksasit. Teksani me zë të butë rimori postin e shefit ekzekutiv në kompaninë "Dell Computer" në janar të vitit 2007, për herë të parë që prej vitit 2004, kur pengesa të shumta dëmtuan aksionet e kompanisë. Ai humbi vendin e parë në tregun e kompjuterëve në vitin 2006. Filloi të shiste kompjuterë nga dhoma e konviktit në Universitetin e Teksasit në vitin 1984 me nga njëmijë dollarë secilin e më pas la shkollën.

Pol Allen
Pasuria: 16 miliardë dollarë
La Universitetin e Uashingtonit. Bashkëthemeluesi i kompanisë "Microsoft" mund të jetë një prej investitorëve të teknologjisë më shpresëdhënëse që ka ekzistuar ndonjëherë. Ai ka qëndruar tetë vite në kompaninë që nisi të krijonte në vitin 1975 me Bill Gates dhe 24 vjet pasi ka hequr dorë, ajo kompani i ofron akoma një të katërtën e pasurisë së tij të përgjithshme. Ai ka humbur shuma të mëdha parash në projekte pa vizione, siç ishte kompania "Interval Research Group".

Gazeta ballkan


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi