Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Arti Dhe Kultura «« » Arti Dhe Letersia Shqiptare » Nezir Myrta - Buzëqeshjet E Lirisë

Nezir Myrta - Buzëqeshjet E Lirisë

Shko tek faqja : Previous  1, 2

Shko poshtë  Mesazh [Faqja 2 e 2]

1Normal Nezir Myrta - Buzëqeshjet E Lirisë prej Sat Jul 11 2009, 13:48

Malcorja


Antar/e
Antar/e
First topic message reminder :

NJOHJA E UNIVERSIT 
http://i77.servimg.com/u/f77/12/37/76/52/abdils10.jpg
- Avdylselam Eminit, dëshmorit
të Universitetit të Tetovës!



(17.Fror, 1995) Në Ditën e Rënies heroike të Dëshmorit!



Shkronjat shqipe ishin gjithmonë të përgjakura
Ato krijuan me gjak fjalën - Ballkan
Shkronjat shqipe edhe në fund të shekullit XX
krijuan me gjak edhe fjalën - Universitet!
Librat shqipe ishin gjithmonë të përgjakura
se tingujt e Shqipes buronin nga aorta e zemrës
Aty ku buron e vlon gjaku i dashurisë arbërore!
Tingëllonin prore me buzë e gojë përgjakura-
Fjalët shqipe Këngët shqipe edhe shiqimet shqipe!

Me gojë të përgjakur gjithmonë folëm e kënduam
Në vend të vajzës arbërore -
Avdylselami puthi plumbat e armikut
dashuroi vdekjen për Jetën e Universitetit
e -
kënga e lashtë mori dhenë e mori botën
edhe ujërat me tallaze të shkumbëzuara:
"O nuk po muj baclok me folë,
Se m'ka ra do gjak në gojë!" - britën
Bjeshkët e Nemuna me Hysen Bajrin
jehonën e tyre e përciellen bjeshkët britmën
në Kalanë e Tetovës - e
britën gurët në themele të Universitetit
nga Pollogu e valet atllantike të gjuha e atllantëve

Bota përjetoi Përmbytjën e Madhe atëbotë,
Bota është përmbytur por jo Atllantishtja!

Me buzë të përgjakura puthëm Gurin themeltar
me dashurinë e parë -
me gishta të përgjakur shfletuam Historinë e Gurtë!
Sepse shkronjat shqipe të gjithë i patën gjak -
edhe kengët tona shqipe të gjithë i patën gjak
edhe si njerëz të kësaj bote qorre na kanë gjak

edhe gojën edhe librin u dasht ta hapim me gjak
edhe shkruam e lexuam vaje prore me lot në sy
edhe Universitetin shqiptar u dasht ta hapim me gjak
sepse ua kanë dro shkronjave të para ballkanike!

Universi është i madh të njihet kaq shpejtë!

Nezir Myrta
Njujork, 17. Fror, 1995.

Shiko profilin e anëtarit

41Normal Re: Nezir Myrta - Buzëqeshjet E Lirisë prej Sat Jul 11 2009, 14:29

Malcorja


Antar/e
Antar/e
I BININ MALET BORISË


I binin malet borisë
rrëxoheshin grykave shkëmbinj e
ngriteshin majave plisat e bardhë
e shkrepave shkreptima
binin plisa gjaku

Kohërat vënin nganjë vulë në ballë
Muranë pesëqind myhyra dovletesh
murana rënie e ngritje miletesh

erdhen e shkuan
nuk u kthyen kurrë me
e lan gjurmë e vrragë në gjakun tim

erdhen e thanë se jemi miq
e mbi supe mbanin armë
mbi koka plisa të hekurt
në zemër mbajnë shtypje masakra robëri

Guri im prore me armë nënkrye
baballarët me ta i ndrruan kapuçat

E kohërat Kapuç me Mangë

I binin Malet Borisë
hynin kolonat e bardha grykave
e dilnin të kuqe fushave djerrina

Lisat i digjshin rrufetë
plisat i dridhshin bubullimat
binin shkëmbinj mbi ujëra të skuqura

Notonin në Vorbulla Plisat
deheshin nën hije Pisat -
dridheshin ne maja Lisat

I Binin Malet Borisë!

(2.mai,1986)

Shiko profilin e anëtarit

42Normal Re: Nezir Myrta - Buzëqeshjet E Lirisë prej Sat Jul 11 2009, 14:30

Malcorja


Antar/e
Antar/e
LULET E GURIT


Në thelb të Gurit
Fara e Drurit

brënda Gurit
Rrënja e Drurit

rritet Trungu
lart kah qielli

lëshon Degët
Rreze Dielli

Zemra e Gurit
e shkrumbuar
Dega e Drurit
e lulëzuar

Syri i Gurit
mbushur Lot
Dega e Drurit
blerim plot

Qendron Druri
Me Lule Guri!

(1986)

Shiko profilin e anëtarit

43Normal Re: Nezir Myrta - Buzëqeshjet E Lirisë prej Sat Jul 11 2009, 14:31

Malcorja


Antar/e
Antar/e
THEATRI I KOHËS SONË


Prova prova prova

Në Theatër
derisa të ndahen Rolet...
Premiera duhet të japet sëshpejti

Regjisori Sylejman Lokaj
është në hall të madh

as në Qiell as në Tokë

nuk e gjenë askund -
aktorin kryesor Nik Bardhin
Heroin e dramës "Ura e Shënjtë"

as në Tokë as në Qiell

Roli Kryesor jam Unë
Kapedan i kapedanëve të Rrafshit të Dukagjinit
qysh para Epokës së Re
mjellmat e bardha nga kaltria
korba të zi mbi lisa të varreve tona
paralajmërojnë

Përsëritjen e Historisë

Ku gojohen mesveti
Urata e Mallkimi në Kosovë
si rriçnat i hanë sorrat e larme

Historia e shtrirë Shtat'bojë njeri!

Nuk dua të shtrihem
Dua të Flijohem -
Mbi Urën e Shënjtë!

Vertikalisht!

Prova prova prova
Provohet Mbrëmja me Aktorët
Në Theatrin e Kohës Sonë -

Derisa të shfaqet Premiera!

(1987)

Shiko profilin e anëtarit

44Normal Re: Nezir Myrta - Buzëqeshjet E Lirisë prej Sat Jul 11 2009, 14:31

Malcorja


Antar/e
Antar/e
FITORJA ËSHTË ZEMRA


- Bajram Currit



Lodhesh e lodhesh deri Buzë Vdekjes
sa ngreh Krye mbi Krahët e Tu
Spartak - pa njeren Dorë!


Ngjitesh e ngjitesh deri afr Majës
sa pushon pak mbi Fjalë të Urtë
Spartak - pa njeren Këmbë!


Shikon e shikon Tej Bjeshkëve të Jetës
sa mendon pak me Kokë në Bjeshkë -
Spartak - pa njerin Sy!


Ece, deri në Dragobi dragonj
Trupa Mbërthyer nëpër Hunj
E deri në Dukagjin - Spartak
Bajram Trup i Gjallë Trimërie!

Fitorja është Zemra!

(1983)

post sript: ky kapitull poezishë u botua ne "Shtigje"
në Kosovë, poashtu u emitua nga RTirana më 1992
recitoi Kastriot Çaushi, redaktore Luiza Musta.

Shiko profilin e anëtarit

45Normal Re: Nezir Myrta - Buzëqeshjet E Lirisë prej Sat Jul 11 2009, 14:32

Malcorja


Antar/e
Antar/e
KUNORË SONETESH

(e shkrova kur ishja 16 vjeç)

GJAMA E ORËS SË MALEVE


- Luigj Gurakuqit -

akrostiku


Lot Thoni gjakpirës i Kuçedrës Dheun nën thembër ta rrëmihu,
U hap Syri i Zjarrtë i atdhedashësit e shkrepi - gacë e Rrufesë!
Idhull i Vendlindjes bukuroshe - Atë Flokun me rreze ia krihu,
Gurakuq o Shpirt - Orë e Maleve, që Fisit Tonë i dole në Besë!

Jehon kujtimi o Jakin Shkodra sa e gjatë Qe Qendresa Jote!
Gllauki që të urrejti një Dhëmb shtrige Ty o Shpirt Luftetari -
U kalle Kandil që zdrite zemrën e përgjakur të këtij Behari!
Roje Guri bilbil që Larg Folesë derdhe Kangën nëpër Mote!

Athua nuk ndigjoi Vasha e Parnasit tej detit në tëhuajin Dhee,
Kur Pushoi kangën në Mallengjim një Shtegtar që s'shtegëton!
Unë s'Qajë pra, se Ra Theror për Atdhe të vetin ku është Lee!

Qëndro luftëtar me Pëndë në Dorë vllau n'këto Vargje t'këndon,
I Gjallë N'Qiell të Shqipes e në Syrin tim sot meteor i zjarrtë Je!
Trofe Bilbil i Maleve i Ringjallur në Shpresa të zemrës m'ligjëron!

botoi revista letrare JETA E RE Nr.6 / Prishtinë (kur isha 16 vjeç).
(lexo Emrin e Tij vertikalisht, germat e para të rreshtave, se nuk po e zën këtu krejt rreshtin, pas postimit)


VARGJE RINIE

Shiko profilin e anëtarit

46Normal Re: Nezir Myrta - Buzëqeshjet E Lirisë prej Sat Jul 11 2009, 14:33

Malcorja


Antar/e
Antar/e
BJESHKËT E NEMUNA


Në vend të Pagëzimit
mbeti emër Mallkimi

Bjeshkët e Nemuna
mbeti dashuria ime

Frynë Erë Mallkimi
deri në Fjalën pa Zë

Kush ju mallkoi kështu
me këtë emër të rëndë
më tregoni -

se u dogja nga Dashuria!

(1987)

Shiko profilin e anëtarit

47Normal Re: Nezir Myrta - Buzëqeshjet E Lirisë prej Sat Jul 11 2009, 14:36

Malcorja


Antar/e
Antar/e
BUNA

...kjo është jeta
sa diell sa shi me stuhi
Jeta të nxitë të shkrepesh edhe gur fjalësh të rrufeve
edhe pa dashje
sepse -
edhe Ne duam të shkrepim gur fjalësh dashurie
se nuk i kemi lindë zotit me zor

Po si i ke Valët sonte Buna...?

Ne zogj dielli e zogj stuhishë
por - ndihemi krenarë
sepse -
kur bie shi me shtrëngata meçava të frigshme
e skuqet qielli me vëtëtima nga gjarpinjt e rrufeve
të gjithë zogjët e gjallesat më të fuqishme
struken vrimave - e vetëm
shqiponjat fluturojnë lartë në qiell
dhe shpërlajnë krahët në tallazet e fortunave!

Derikurë Ne do t'i lajmë Mëkatet e Evës?!

Athua i lanë Mëkatet Tona edhe Eva n'AtëBotë!?

Jemi zogj dielli e zogj stuhishë
larg Atdheut jeta është
Ferr me Lule!

Kam zakon të të shohë para Buna
se më shumë e dua Bunën me valët e saja
që ta freskojnë shpirtin ëmbël Valet Tona
se sa Amazonin me valle të çmendura zonash!

Kjo është jeta Buna...

e ç'më gjet, që ndjehëm pranë puhisë së Bunës sonte?
Shqiponjë mbi Valet Valë - e jo si Noli Anës Bunës!
Se Noli mbeti në Boston!
E aqë shumë e deshi Bunën!

Kjo është Jeta
Buna Jonë!

(16.06.02)

Shiko profilin e anëtarit

48Normal Re: Nezir Myrta - Buzëqeshjet E Lirisë prej Sat Jul 11 2009, 14:37

Malcorja


Antar/e
Antar/e
POEMA PËR POPULLIN


Populi ecë e nuk ngutet
Udhës me gropa zemre e kalldremeve historike
Nuk ngutet se është i Lodhur- i Këputur nga Thikat
Varrët Thika pas Shpinde ia kanë këputur shpirtin

Pesha e hidhur e historisë së tij -
Plot data lavra vitesh në ballë e shekuj betejash
Pa Pre e pa Fre -

Historia e Huaj i rrinë Gerrbë Mbi Shpindë ende!?
E -
Shpindën e ka plot gjak e trupin shoshë shpatash e plumbash

Plot plagë të moçme mijavjeçe

Duket sikur ngjitet gujaz Përpjetëzes Epike
Kurrë i gjunjzuar numron Hapat e Epokave
Që Ia lan veç një Copë Trup e Shpirt -
E me shpirt ndërdhëmb mundohet Për Të Gjallë!

Plot plagë të moçme mijavjeçe!



2.

Populli ecë ngadale e nuk ngutet -
Viteve të Krrusura Ura historike të Via Egnatias
Koha pa ujë në Sy ia qet thiijat e përgjegjura
për 'i pikë xeher tambli në Sy të gjegjur e t'regjur

Tamblin e Nanës ia qet për hundësh -
Deri ta qet një fjalëgoje
tue qitë zjarr për sy e tym përgoje

thuase - i kemi lindë zotit me zor!

Populli ecë ngadalë e nuk ngutet -
Varg i Gjatë Thik'përpjetë zor është m'u ngjitë kështu
S'ka kohë me u ndalë as para varreve as para të vdekurve
Të plagosur nuk sheh askund të shtrimë edhe ata ecin
Përpjetëzes së Plumbtë

Nuk kemi Kohë as me vdekë!

E Koha bie mazunë përdhe, nuk qet za as fjalë përgoje
Buzët - Shkrum i Gjallë - e luan kryet pëndueshëm -
Ka dro do ta shkelë Tjetra Kohë në gjysëmrruge

Mbetet kush mbetet e del në Breg Kohe - kush të del!

Historia e Popullit -
Nuk Shkruhet me Shkrola e Shkokla
Kur ecet Thik'përpjetëzes Gjarpnushë Historike

Populli ecë ngadale e nuk ngutet...!




3.

Ecë ngadale e nuk ngutet -

Kuk ngjitet ngarkuar Gur Muzeshë e arkeologjishë të thyeme antke -
Bjeshkët e Namuna i Banë me Shpindë

E Bjeshkë Shtyen me Gjoks!

Skurruar ne Gjak Triumfal të Fitoreve të Huaja
E Dikush ne Gisht në Gojë -
Dikund me Gisht në Kokë e dikund ia merr kamba kambën
me Zorrë nëpër kambë -
Pret të ia Jep Dorën Bjeshka - ajo ende i rrokullisë gur!

Koha Breshkë Ende ia Qet Thijat e Përgjegjura...

Përditë i del Doresh nganjë Bjeshkë e nga një Vrrijë
Me hekura në duar - don të dali hekurah - Moteve të Nxime!
Ia Nxini Jetën historia e veshur me Uniforma shtrigash

Me Bjeshkë e Vrriijë ndër Sqetulla -

Historia i ndalet para kambëve - keshe po ia fshinë djerëset e gjakun - djerëset i vlojnë n'ballë e s'un ia gjenë kund Çaren Vetit!

Përditë në lojna të reja - Shtrigash të Vjetra!




4.

Populli ecë ngadale e nuk ngutet -
Epokave Qorre Historike me Hapa të Randë - Bjeshkë!
Me Kokë Plumb - të rënduar mbi Kohë

Me Kohë Plumb në Zemër!

Me Shpindë të Plumbtë te Dy Luftave Botnore
Me 'i Botë në Shpindë -
me ndërskamca historike të pahistori
Përditë ia grryejnë Gjeografinë e vet ndër kambë

Përditë ta Grryejnë Dheun Ndër Kambë!

E ende Mizat e Trollit ardhse marrin Krahë Drangojsh për tu ngjitur në Qiell -
E me i shtie në Grusht Retë e Mendimit Bosh!

Ende - Mizat dojnë të bahen drangoj e Drangojtë sikur po paraqiten si miza -

Me Sy Mize nëpër Pluhurin e Mbetur në Tribuna Tribunatorësh!

Epokat e Lavdishe Hillire -
diegur e humbur pashënjëpadokë Nën-Tokë e Nën-Ujëra!
Edhe vet Koha sot po e sheh Kthjelltë Rrënjen e Gjallë
deri në Fundbote të Antikunit -

Gjaku Dardan vlon Ende illir ballkan!

Populli Ecë Ende Përpjetëzes Gjarpnushë Historike
Ngadale E Nuk Ngutet...!

(7. mars, 1996) Nga Vëllimi - POEMA PËR POPULLIN

Shiko profilin e anëtarit

49Normal Re: Nezir Myrta - Buzëqeshjet E Lirisë prej Sat Jul 11 2009, 14:37

Malcorja


Antar/e
Antar/e
SHQIPËRIA E BASHKUAR

E bukur është Kosova
E Bukur është Shqipëria

Siç është E Dashur Nana!

Më çon peshë shtat'palë Qiell
Më shtie në Dhe shtat'palë Tokë!

Edhe deri atje ku bre miza hekur
Edhe deri atje ku bre hekuri gjakun tonë!

Shqipëria e Zhbime - Rrafsh me Tokë
Shqipëria e Mbime - Rrafsh me Qiell!

Shqipëria me Botë në Sy -

si Farë në tokat Mere nëpër mahalla të botës
e bota me Shqipër në zemër

Shqipëria gjithmonë e pushtuar
Shqipëria - kurrë e nënshtruar!

Shqipëria e Bashkuar!




2.

Ushtima -
Me shënjen Viktoria
deri Te Molla e Kuqe
Filloi -

E Para
Në europën e Lindjes së Madhe
U lind në Prishtinë
E në thellësitë e Tokës së Kosovës
E rreh tupani i Dardanisë!

Dardania kumbonare bashkimi
E mbahet krisma - e mbahet fjala - Shqipëri!

Me njeren dorë kafshaten e bukës
E, jemi gai -
Me tjetrën kambëzën e pushkës!
Me gojë - bukë e plumba
Me sy shkreptëtima rrufee shqiponjash
Me hap drejtë shoqishoit në sy
Derisa të bëhet njera Dyshë -

- O Varre o Djepa!

Derisa varret me shokë shqiptare të linden në Djepa
Derisa Djepat me Dhëmb Ujku në Kaptyll djepi
Të përkunden në varre!

Me gjak e varrë lidhet Balli i Republikës!

Republika nuk lindet etiu si dielli
As nuk bie vetiu si shiu -

Republikën e bashkojnë fije-fije
Burrat -
E lidhin Nyje rreshtash e rrashtash !

- Ku janë Burrat?
- Ku janë Varret?

Duri gurin nuk e sheh
Burri burrin nuk po njeh!

Kosova - prore e kositur
Kosova - kurrë e nënshtruar!

Shqipëria e Bashkuar!

(Kalendor, 1992) nga vëllimi poetik POEMA PËR POPULLIN

Kjo poezi u emitua përmes RTV shqiptar më 1992, recitoi aktori i mirënjohur Kastriot Çaushi.

Shiko profilin e anëtarit

50Normal Re: Nezir Myrta - Buzëqeshjet E Lirisë prej Sat Jul 11 2009, 14:38

Malcorja


Antar/e
Antar/e
KOSOVA
Kosova ime -
sa ma shumë qendrove u bëre edhe ma e dashur
u bëre edhe ma e dhëmbshme edhe ma e fortë
përbinë dhëmbjet krismat lotët

bebëzat e syve thahen mos me rreh çerpik
mbesin bebëza të hapura nga malli
aorta e zemrës pushon mos me rreh pulsi i gjakut
buzët e njoma thahen kur nuk i njomë edhe me lot!

Nëse doni të lindeni martirë krenarë
vrisni ushujzat karpate duke qeshur me ushtimat
e Bjeshkëve të Nemuna -
qe përgjakin shushurimen e valëve të Drinit të Bardhë
nëse doni të lindeni duke iu parë Kosova
në sy të Kosovës e në zemër të Kosovës
Linduni përgjithmonë!

Syri i Kosovës së përlotur sheh gjithkah
Zemra shkrum e Kosovës rreh gjithkah
Gjaku shqiptar i Kosovës gufon gjithkah
Gjithë bota sqiptare sot është nga Kosova!

Gjithkah shkove ore burrë kosove
E Kosovën kurrë nuk e harrove ! -
Pulsi i gjakut të Kosovës kurrë nuk pushon

sa t'i bie diell e hanë kësaj Toke!

(25. 11, 1995)

Shiko profilin e anëtarit

51Normal Re: Nezir Myrta - Buzëqeshjet E Lirisë prej Sat Jul 11 2009, 14:38

Malcorja


Antar/e
Antar/e
LAJMET NGA PRISHTINA NUK JEPEN PËR TË GJALLË




Mbi Kosovë shkel dikush që s'ia përmendi emrin
është emër i zi futë e zezë -
pa gjini pa numër pa trajtë a gjenezë
lakohet vetiu si gjarpër nëpër vetat gramatikore të emrit tim

Mbi Kosovë vret diçka që s'i përngjet Njeriut
as besës as dashurisë!

Mbi Kosovë shkel dikush që s'ia përmendi emrin
se është emër i vdekshëm i prangave të territ mnerës e humnerës
është emër i kobshëm varri pa mbishkrim pa gur
është emër pa rrënje pa zanore siellet pa bisht pa krye!

Mbi Kosovë shkel dikush që kurrë nuk duhet t'i përmendet emri
është emër që vret e pret e le shkret urëza vatre
shkreton vende në sofra e ballin e oxhakut në oda
gëzimin në sy pëshpëritjen në buzë e gjakun në fytyrë

është emër që pret vetvrasjen e vet!

Lajmet nga Prishtina nuk epen për t'gjallë!
Mbi Kosovë - Lindet Liria
Gjallë është e për t'gjallë nuk lidhet Dardania!

(28. 11. 1995) nga vëllimi POEMA PËR POPULLIN


post skript: ky ishte parashikimi im më 1995, parase të kalojmë në poezitë e luftës e poezitë e lirisë. Shqiptari nuk pyet kah është rruga për në Kosovë!

Shiko profilin e anëtarit

52Normal Re: Nezir Myrta - Buzëqeshjet E Lirisë prej Sat Jul 11 2009, 14:39

Malcorja


Antar/e
Antar/e
KËNGA E POPULLIT
Kënga e popullit -
këndua nën hundë kur nuk donte të merr vesh mali
as te sheh fusha

kur vlon gjaku e gufon shpirti
i ka adhë deri në fyt

këngë e kënduar nëpër tymëra flakë e lotë

këngë e kënduar e gjithmonë e pashkruar
pa shkronja as orthografi pa lasp as shtypshkrojë
këngë që gufon në zemër e vlon përgoje shkrum i gjallë
e kënduar në hastra çerga qilima e drrasa të thata si fati
në gryka maja e shkëmbinj malesh të larta
gjithë natënelume pa shtie gjumë në sy
me vajë në buzë -
e lotët pikuan në çergë e lotët pikuan në shkëmb

e pika shpoi gurin tue rrehë në një pikë!

***

Kënga e popullit u këndua
deri iu bre fija lahutës e iu këput teli qiftelisë
lahuta e qiftelia mbeten varë atëditesot
u pre këna në kulla - u pre kënga mbi shkëmbinj

kënga mbet vaji i burrit

edhe para djepave edhe para varreve
edhe kur Hana u përgjak mbi mal
edhe kur Dielli leu si gjaku në agim

edhe kur Hana ishte në të sosur
edhe kur vaji ishte në të nisur

edhe kur Dielli u zu me kuçedër
jehoi kënga e populli e shpërtheu vaji i burrit:
- O lum për ty o për të lumin Zot
o ë kambë na u çua Sokol e Halili!...

Doli Zana e Malit e
Mali ushtoi prej Djalit

kur kqyren në varr
gjeten veç 'i grusht eshtra

e zana mori malin
e toka mori djalin

kënga mbet Vaji i Burrit!

(1995) nga POEMA PËR POPULLIN

Shiko profilin e anëtarit

53Normal Re: Nezir Myrta - Buzëqeshjet E Lirisë prej Sat Jul 11 2009, 14:39

Malcorja


Antar/e
Antar/e
HISTORIA E POPULLIT
Historia shpesh -
është edhe lojë grabitçare
e fëmijve

fëmijët luajnë në zall -
me gur e bujashka me copa hekuri
edhe me zjarr
keshe po mbarojnë ura kulla tempuj e rrokaqiej

vijnë tjerët e ua prishin më këmbë -
e mbi ato ndërtojnë lodra tjera

vijnë tjerët e luajnë lojëra tjera
dhe harrohet Loja e Fëmijve të Parë

këngët zonat e mrekullueshme hyjnore
harrohen vallëzimet e Shqipeve e Gjuha e Parë

e fshihen gjurmat e gishtave të përgjakur nëpër zalle!

Kush mund ta luajë ma bukur Atë Lojën e Parë
se sa Ata që e luajtën Të Parët ?
Kush mund të nxierri Za ma të bukur
se sa Ata që kënduan Të Parët?

Historia shpesh -
është Lojë grabitçare e fëmijve!



(SHËMBJA E NJË HISTORIE)


Erdhen -
e m'i rrëxuan krejt murana e mure Trojesh
statujat e Kangëve të Diellit e Hyjnive
faltore hyjnore hyllire iu rrjedhë gjuha gjak ende
pllakat e gurëve të datave të mia të mëdha
ma thyen zemrën e këngve të gurta

e nuk i lanë kund dy gur bashkë

mbi muranat e rrëxuara -
ende shihet fuqia e duarve e mendjes tempuj kohërash
e mbaruan tempuj tjerë e thurën këngë tjera
dhe e çthuren historinë!

Erdhen tjerët vargevijë -
u sollen rreth atllasëve madhorë akropole Ethanë
m'i rrëxuan amfitheatrot e gurta paa Heraklit të Hershëm
qytete të lashta që i harroi historia në parahistori
m'i thyen gurët e varreve, m'i vodhen mbishkrimet
germat e mia të Gjuhës së Parë
e,
varret nuk flitshin as eshtrat nuk lësonin zane
i fshinë emrat e trojeve të mia emrat e gjyshave
ma shkyen hartën time gjeografike emrat e lumejve e detrave
emrat e oqeaneve edhe vet emrat e Yjeve e Yllësive

ma vodhen emrin e diellit tim hell i zjarrtë
tej Apollonisë Butrintit që sot janë pa koka
vjedhur nga gjaku i hajnava varrtarve zjarrtarve të hershëm
edhe sot në epoken e re

erdhen tjerët e mbjnë gozhduar në çengela gjeohistorinë time
nga e gjeten Egjeun, nga Ulkinia e Ulpiana e shëmbur
e,
deri tek Gyka e Dardhaneleve dardhane...

Erdhen e thuren historië e tyre të pahistori
dhe e çthuren historinë e botës!...

Ballkani Hillirik - plaku europian
të gjithve ua vizatoi në zall me kunin - germat e para
të gjithve iu dha dijeni diejsh e ata iu kthyen ne dijeni djajsh
të gjithve iu dha dje dije të shkruajnë emrat e tyre
zanore diftongje formema

krejt çka sheh e s'sheh syri
krejt çka ndien e s'ndien veshi
krejt çka thotë e s'thotë gjuha

ua dha krejt çka thot vet zoti Thoti
që fliste Shqip!

Është Lëkundje linguistike botërore
Lëkundje Lukunishë!

Linguistikës i dridhet gjuha në gojë!

(1995) nga POEMA PËR POPULLIN

Shiko profilin e anëtarit

54Normal Re: Nezir Myrta - Buzëqeshjet E Lirisë prej Sat Jul 11 2009, 14:40

Malcorja


Antar/e
Antar/e
GJUHA SHQIPE


Gjuha shqipe -
është rrjedha e lumit e gurgullima e Kronit
është Zoni i Zotit -
currilat e pikllimeve të shiut në strehë zemre
rrjedha e konit të pashterrshëm të jetës shkrum i gjallë
burim ka zemrën e gurit të trollit nëpër damarë të gjakut të shkëmbinjve

sa të jetë toka - tokë
sa të jetë dielli - diell e hana - hanë!

E thirrja - Nanë!

Gjuha shqipe -
është ushtima e ujëvareve kur bie mbi shkëmbinj
është shushurima e erës e dridhja e fuqishme e stuhive

është zani i zëmrës së nanës në majethike
është duhama e babait në tranët e kullës e në shtrat të vdekjes
është ushtima e ushtrisë grykave dhe jehona e britmave majave ne mbrojtje te atdheut -
është gjëmimi i kullave rrafsh me tokë - nga krismat rrafsh me qiell
është marrshi vigan i popullit mbi tokën e vet të lirë!

Gjuha shqipe -
është gufimi i shpirtit nga të rrahurat e fuqishme të zemrës
kur dojë të shpërthejnë zanoret e para të emrit të trollit të lindjes
ku emrohet toka me emrin e vertetë të gjakut të derdhur

kur e sheh babain lidhur me zinxhirë e gjaku skurrë përfaqe
kur e sheh vllaun duke dhëne shpirt me grushta ne Dhe
kur e sheh motrën me flakë në krye duke vrapuar oborrit

kur digjet bukuria e shkrumohet bari e lulet e zemrës thahen
kur bie kulmi i fatit në tokë e lukinitë edhe në qiell robërie!

Gjuha shqipe -
është rrezja e diellit në agim nga kaltria e kuqrremtë
është cicërrima e zogjve nëpër degë me bulëza e ngjyrat e luleve në kopshte shpirti

është frymëmarrja e thellë e gurit në murana lotësh
është ecja e vrullshme e të rinjve rrugëve fatit të dashurisë
është ecja çapkene e vashave duke i valvitur flokët në erë
është balli i lavruar i pleqve prej umave të kohërave të liga
është zani nënhundë i plakave duke tjerrur të kaluarën në furka
në shllungat e bashkëve të reve të tymosura
duke i mbështjellur pejtë e viteve e kohërat në boshta.

Gjuha shqipe -
flet kudo e gjithkah në dritë e terr
flet me krye, flet me sy, flet me gishta
e flet nënhundë -
kur populli është duke pregatitur historinë e vet
kur nuk i pëlqen diçka as gjithçka dhe e din se ende nuk i ka ardhë dita -

një ditë e ka edhe qeni - thot populli
e kur është dita e qenit, populli jeton qençe në kohë qeni
dikush e luan kryet në shënjë të shkeljes së lirive të njerit
e dikush e luan kryet për ta kallë vet shtëpinë e tij

populli - flet e fle rrallë e përmallë

njeriu vdes duke buzëqeshur sikur me luajtë
kur ka pse të vdesë!
Mate veten - pse u linde të bëhesh hamall bote gjithmonë të krrusesh derisa të mbetesh dikund në ndonjë qoshe pa frymë!
Mate veten! E Mate Fjalën!

Të flasësh gjuhën shqipe -
duhet ta keshë fjalën në majegjuhe
ta njohësh atë gjuhë mijavjeçe me rrënjë në gjak dhe eshtra
nga belbëzimet e foshnjes në djep, në postajë, në shavar në kashtë - nëpër buxhilla të ujit nga vërshimat e kobshme
t'i njohesh klithjet e fëmijve duke u rrëxuar në hapat e parë të ecjes këmbadoras -
t'i njohesh ofshamat e pleqve kur nxëjnë në t'thua në prag dere
kur mezi luhen e çohen duke u mbajtur për shkopin e viteve topalle -
t'i njohesh ofshamat e nanave para bijve të vdekur duke u shkrirë si krypa në ujë -
t'i njohesh ofshamat e baballarëve para varreve që ua këputin shpirtin!

Atëherë ke çka folë e ke çka shkruan -
kur ta dridhë fjala fjalën në buzë pa e qitë përgoje
atëherë vërtet - ke çka kallxon!

Të flasësh në gjuhën shqipe -
duhet ta shqipërosh gjëmimin e motit e ta zbërtheshë në diftongje e zanore bubullimën e Motit të Madh
të emrit të djalit të vetëm të Trollit Trim!

Kur emron foshnjen -
duhet parase ta keshë emruar djepin me kaptyll e emrat e lojërave të fëminisë -
emrat e gjymëtyrëve të trupit e dyerve të shtëpisë
përpara duhet të ia keshë emruar: rrugët, sheshet, shkollat, trollin, vendlindjen, kathedralet, monumentet e muzetë historike e parahistorike -
me këtë gjuhën e bukur shqipe

përndryshe -
fëmia do të gabojë në emërtimet e fëmijve të vet
e ti do ta gaboshë rrugën në oborr e s'ke askënd të gjallë ta pyesesh -

e do të mungojnë gjithmonë lodrat e fëmijve
e do të mungojnë gjithmonë fjalët e pleqve
e do të mungojnë gjithmonë ushtarët e vërtetë e gjeneralet trima të mënçur -
do të mungojnë rrugët e jetës në shkolla

e do të mungojë historia!

Gjuha shqipe -
është bukuria e jetës mbi tokë
sa të jetë toka - tokë, e dielli - diell, e hana - hanë

e sa të jetë thirrja - Nanë!

(1995, duke pregatitur Lirinë e Kosovës)

nga POEMA PËR POPULLIN

Shiko profilin e anëtarit

55Normal Re: Nezir Myrta - Buzëqeshjet E Lirisë prej Sat Jul 11 2009, 14:40

Malcorja


Antar/e
Antar/e
Nezir Myrta / DREDHA E ERËS






Dredha e erës në rrugë
bën pluhnajë -
mbyllni sytë për një çast
sa të kalojë
ajo bartë kujtime të diegura
e insekte të cofta fjalesh

ndodhë ndonjë infektim eventual

kujdestari i rrugës -
nën parmakë të pluhrosur
shikon me bisht të syrit

zilia të qet n'punë të trollit

dredha e erës në rrugë
mbledhë pluhurin e mendimeve të shprishura
gjethet e fjalëve të verdha pa zanore

çfarë nuk banë e dredhnja

mbyllni hundët për një çast
sa të kalojë -
dredha e erës
ndodhë pezmatim i kordhave zanore
të pshëretimave

në rrugë ndihet kollitje ironike!

Shiko profilin e anëtarit

56Normal Re: Nezir Myrta - Buzëqeshjet E Lirisë prej Sat Jul 11 2009, 14:41

Malcorja


Antar/e
Antar/e
Nezir Myrta / BUZËQESHJA E DYTË






diçka tjeter diçka tjeter baclok -
po ku ta marresh kur harlisesh e nuk e gjenë
kërqelja jote e vogël nuk ta ngrehë barren e madhe yjore
e ke ngarkuar gabim me gur t'rrokotelur e kujton se janë
safire -
nuk bahet bjeshka me kërqele o baclok -
sillju rrotull e rrotull e assesi te ngjitesh ne maje
zeri yt i vogel humbë ne jehona te medha ushtima bjeshkesh

hapi yt i vockel siellet veç rranzes -
duhet mjeshtri te ngjitesh ne Gjeravine leqeve te theqafjeve
ne zgabime -
mos t'i ze mjegulla sytë e me t'marrë kallukogja atje
te duket Kosova det -
udhëleqet e bjeshkëve kanë orthografi të shtirë me shenja
piksimi te gjakut
ti kurrë s'i mësove -
veç sillu kah rranza me kërqelen tende te vogël sillu

ruanazo te mos ngjaje njeriu ne fjalen e tij te bukur
ruanazo te ngjaje njeriu ne fjalen e tij te shemtuar -

karvanet e fjalëve kote si ti u ngjiten dhe u zhdorgjen
pa therrë në këmbë -
me fëmij në kosha e me kujtime duç në gji të brejtur tejash tinzake
nuk i thonë tëjat e fjaleve vlimet e këngëve të mbetura
gojëhapura në krisma -
me fjalëtëje nuk e shkon ashkun e vringllimave të gjakut
veç lodhesh kot -
me barrë të huaja që s'di as dreqi te iu bie ne fije kah zhbirojnë -
mbase dole n'zgabim në udhë e hyre në udhëtëpaudhë
- e bajsh me shëndet

ruanazo te ngjaje njeriu ne fjalen e tij te vjedhur nga zjarri yjor

nuk ka asgje ma shemtim se t'i biesh rranzes rrotull
me nje kerqele t'vogel
mbaron e plasë prej gulshimeve te ndryeme ne vete gjoja po ngjitesh majes me gjymetyre te huaja -
me zor as me inat nuk rrexohet bjeshka o baclok -
baj pezm me buçuk me shllinë në sy e kujto se
u rrite me shllinë bjeshke -
hiqe qafe lakun e pezmit te huaj qe ta ka shtrengua fytin
e t'le n'hanë

ti mund te nisesh trup e perpjetë po bjeshka ka udhëleqe qe ta zene frymen -
me atë kerqele mendimi te vogel s'ke kaçik per fjalë as per pune
o baclok -
s'di kushdreqi je po mbase dole e hyne ne udhëtëpaudhë
e bajsh me shendet!

Shiko profilin e anëtarit

57Normal Re: Nezir Myrta - Buzëqeshjet E Lirisë prej Sat Jul 11 2009, 14:42

Malcorja


Antar/e
Antar/e
Nezir Myrta / UJËRAT E ZEZA




merre veten me të mirë
zakonisht thonë ata që mbysin
vetveten nga xhelozia -

nuk donë që edhe dikush
të bëhet katil i vetvetes

qyteti i ri i fjalës
po ndërtohet -
po kanalet e ujërave të zeza
të qytetit të vjetër
mund të kene shpërthyer dikund
nga erozioni e oksidimi e shtërzimi
i legurave metalike bel ame

merr kohë -
derisa të largohen duhmat

veç mos ta njollosin
fjalën -
ujërat e zeza

don mund e kohë -
te pastrohet themeli
i qytetit te fjalës!

Shiko profilin e anëtarit

58Normal Re: Nezir Myrta - Buzëqeshjet E Lirisë prej Sat Jul 11 2009, 14:42

Malcorja


Antar/e
Antar/e
Nezir Myrta / FJALA E FTOFTË




Fjalë e ftoftë
është vdekja


ecim kah pikëpjekja


shumë ma mirë i vdekur
se sa bar i dergjur plastik
art artificial pa blerim
trup plepi e erë djepi


vdekja është fjalë e ftoftë

më vret -
vdekja e të dashurve -
vdekja në trojet trime
vet kurrë s'pata dro
moti ia kam hjekë dhëmbjen vetit

posa t'i frigohesh vdekjes
ajo fill të troket në derë

dera ime prore hapekrah


e vrave një -
bëre deren e hekurt
i vrave dy -
lëre deren e drurit
vrave dyzet e sipër
deren lëre hapekrah

jo, deren hapekrah e vet shpatit

Brechti pasi foli për turpin e kombit të tij tha:
'Tigrat i vrava e m'grinë pleshtat!'

Më vdiqe moj fjalë e fortë
më ndoqe moj fjalë e ftoftë

do të të bëj shkrum!

Shiko profilin e anëtarit

59Normal Re: Nezir Myrta - Buzëqeshjet E Lirisë prej Sat Jul 11 2009, 14:43

Malcorja


Antar/e
Antar/e
Nezir Myrta / BIJTË E SHTRIGAVE




Shtrigat -
pollen në Ballkan
u rriten n'mes nesh
bijtë e shtrigave

atëditesot

nuk prajnë se kafshuari
edhe atë që nuk e hangër as lufta
e hanë -
bijtë e shtrigave

ditenpërdiell

tëvona -
i thehet rrumi në um
dhe i han vet shtriga
bijtë e vet

natenpërhanë

hangtë -
kërhanë e gërrshanë!

kohë shtrigë
Ndalohu!

Shiko profilin e anëtarit

60Normal Re: Nezir Myrta - Buzëqeshjet E Lirisë prej Sat Jul 11 2009, 14:45

Malcorja


Antar/e
Antar/e
Nezir Myrta / KURRË S'U MËSOVE





Kush ka faj -
pse nuk din me dashtë

e ke dikund një fije geni
heret të lidhur nyje
e nuk të len kurrë me pa ditë
ta ka ndarë rriten

ta rrumcallen kokën
me grisa të mprehura
në dorën tënde -
sikur i bie briskut të rruzes n'rryp

e ata ruaje si sytë -
nyjen e fijes së genit tënd
veç për t'zezen tënde

nuk e din as emrin tënd
nuk e njeh as vetveten
nuk ia din hadin vetit
plesht n'sy të herojve

nuk i beson as dores sate
e të vie të shohesh -
çka nuk iu beson as syve tuaj
nuk t'bie n'mend as për emër tënd

i nxënë kopil -
kah fryn veriu e kah frynë era
ara e bardhë e fara kah ban dreqi vo

egjër rrënzë kallirit të grurit
e kujton se edhe sot -
han kush bukë egjre

kurrë s'u mësove me dashtë

kurrë nuk dijte -
se si rritet kopeja
veç bënu tri e ujku përmbi
ujk në shoqishoin


kurrë s'u mësove!

Shiko profilin e anëtarit

61Normal Re: Nezir Myrta - Buzëqeshjet E Lirisë prej Sat Jul 11 2009, 14:45

Malcorja


Antar/e
Antar/e
Nezir Myrta / ROBI DHE LIRIA








Është shumë vështirë -
i robëruari të mësohet me lirinë

rob i lirë

përditë i turitur robzoti e robnjeriu shekullor
iu kanë mësuar veshtë me urdhëra të huaja
me moton irike hypset'vrava e zhdrypset'vrava

tash i doli edhe vehtja qejfit


a ka buzëqeshje ma të thellë që ta dridhë shpirtin
kur i friksuari i përbuzuri i shtriri përtoke para të huajit
i parodi i pasoji i paqenëni hungron në t'vetin poatyre rrugëve
që dje ishin të lara n'gjak nga shkopijt plumbat e vargojt e tankeve

mos me t'njoftë, shtrënjtë të blejë!

Liria është një fushë e gjërë e pamatur
mate hapin e qite vrapin -
fusha e gjanë, n'mujsh me i dalë mbatanë
askuj nuk i bëhet vonë!


Dridhje neverike!


Liria është një qiell i hapur i paskaj
mati krahët a i ke krahshqiponje
askuj nuk i bëhet vonë!

Liri absolute ke veç kur t'i lajshë duart!

Shiko profilin e anëtarit

62Normal Re: Nezir Myrta - Buzëqeshjet E Lirisë prej Sat Jul 11 2009, 14:46

Malcorja


Antar/e
Antar/e
Nezir Myrta / PRISHTINA




Prini Prishtina
me zëra nga troje të Shqipes

zëra të rij shpëtuar pahiri nëpër kukama shekujsh

zëra të lindur nga gjamët e vuajtjes deri n'Ka të Zi
zëra mjerimi të lindur edhe atje ku dreqi ban vo
atje ku nuk mundi të shkeli lirë as armiku ma i fshtirë

nga shkrepat e Tuzit e kreshtat e Dushkajes
nga shpatet e Podgurit e djerrinat e Drenikës
nga zhvinat e Kaçanikut e kërrshat e Dibres

zëra të lindur nëpër flakë e tym kohërash të nxime

erdhen e prinë në Prishtinë
e nëpër flakë e sollen lirinë

Prishtina zëri i trojeve të Shqipes!

Shiko profilin e anëtarit

63Normal Re: Nezir Myrta - Buzëqeshjet E Lirisë prej Sat Jul 11 2009, 14:46

Malcorja


Antar/e
Antar/e
Nezir Myrta / THEATRI I KOHËS SONË

Prova prova prova
Në Theatër
derisa të ndahen Rolet...
Premiera duhet të japet sëshpejti
Regjisori Sylejman Lokaj
është në hall të madh
as në Qiell as në Tokë

nuk e gjenë askund -
aktorin kryesor Nik Bardhin
Heroin e dramës "Ura e Shënjtë"
as në Tokë as në Qiell
Roli Kryesor jam Unë


Kapedan i kapedanëve të Rrafshit të Dukagjinit

qysh para Epokës së Re
mjellmat e bardha nga kaltria
korba të zi mbi lisa të varreve tona
paralajmërojnë



Përsëritjen e Historisë

Ku gojohen mesveti
Urata e Mallkimi në Kosovë
si rriçnat i hanë sorrat e larme
Historia e shtrirë Shtat'bojë njeri!
Nuk dua të shtrihem
Dua të Flijohem -
Mbi Urën e Shënjtë!



Vertikalisht!



Prova prova prova
Provohet Mbrëmja me Aktorët
Në Theatrin e Kohës Sonë -
Derisa të shfaqet Premiera!



(1987)

Shiko profilin e anëtarit

64Normal Re: Nezir Myrta - Buzëqeshjet E Lirisë prej Sat Jul 11 2009, 14:47

Malcorja


Antar/e
Antar/e
ezir Myrta / KROJET E HUAJA TË LËNË NË HËNË



ç'nxierr fjala



ç'po beni

a kaq të pamëshirshëm ndaj fjalës

flokët e dimrit ju vëjnë në gjumë

ju përkundin dritëzat kristal nga acari

nuk e shihni kohën duke reshur mbi krye

qenkeni lodhur nga vrapi i fjalës

fajet e fjalës janë faje të mëdha

burime të ngrime akull ku rri shqipja maje shkrepash

zgjohuni e mos shtërzeni

a kaq fort qenkan ngrirë burimet e fjalës?

Deri në Hënën e Tretë do tu ngrihen shikimet

e do shikoni nënakull bebëza të hapura kah qielli

zgjohui e mos shtërzeni

nuk e shihni se edhe lotët janë ngrirë?

Nxierrni damarë të rinj nga toka e zanoreve

nuk e dini se ka edhe lumenj nëntokësor?

Eh! Mjerë për kronin që s'ka më ujë as gurrë

dhe e mashtrojnë rrjedhat e shirave të verës!

Rrëmih nën guri të fjalës thellë nën gjuhë të tokës sate

se krojet e huaja të lënë në Hënë!

Shiko profilin e anëtarit

65Normal Re: Nezir Myrta - Buzëqeshjet E Lirisë prej Sat Jul 11 2009, 14:47

Malcorja


Antar/e
Antar/e
Nezir Myrta / MOS BËNI DIELLIN MU SHUA


IN MEMORIAM



- Diellza E Rrezarta -

Përkujtim:

- Diellza Berishës e
- Rrezarta Tullarit, që humben jetën tragjikisht dhe
- Dy Nënave të Tyre - Përkujtim, në vend urimi 2009!




Mos e bëni aq me e plasë gurin,
Mos e bëni që dielli sot mu shua -
Rrezarta Diellza në Ju kanë nurin!

Nuk kthehet kurrë çka ka shkua:
Po t'i ktheni vajet Tuaja Një Fuqi,
Mos të bëhet jeta lot një prrua!

Kthehet diç tjetër ashk përsëri
Prore Diellza Rrezarta janë aty -
Parasyve atë s'mund ta kuptoni!

Ato i keni ag e terr rreze në sy
Ruani shpirtat e Tyre në fjalë!
Ruajini mendët që keni në kry'!

Mundet mosozo rëndë me dalë
Ju përciell Juve kudo ai kujtimi -
Mos i bëni lotët krejt aq të valë!

Mundohuni prore që nga pikëllimi,
Ta bëni ofshamën si rreze t'artë -
Për Ju Nëna lot si krejt rruzullimi!

Dielli Diellzen në rreze prore bartë,
E çka t'i them unë n'vaje një nëne -
Që edhe vet mjalti i duket thartë!

Ngushllimi kotet në gjak në vene,
Gropën n'zemër mbusheni Besim:
Gjithkah po ndjekë vdekja kretene!

Nuk i ndaj dy ëngjuj të rrinë shqim
Rrezarta e Diellza me të njejtin fat -
Paten le të prehen tok një amshim!

Shih të njejtin emër edhe Diellza pat
Ashtu siç janë Dy emrat përjetësues,
T'pavdekshme prore kudo i kemi ngat!

Diellza vie me një tufë rrezesh n'dorë
Rrezarta Diellore n'vend loti siell fat -
Të dyjat i përjetojmë lule në kurorë!

Diellza Rrezarta ne na ndritin prore -
Me t'njejtat rreze të bardha borë,
Shohim çdo ag Të Dyja dorpërdore!

O Nëna Ju keni veç kujtime të mira,
Të Dyjave ua siellin Dritën Hyjnore -
Mos u fundosni prore në pshëretira!

Diellza Rrezarta një kumtim amshimi,
Kuptim përjetësie emra prore t'gjallë!
Ato janë Dy Shpirta që flakron agimi!

Na kujtojnë çdo ditë që të kemi mall
Fshini ata lot që Ju rrjedhin vetiu -
Me psherëtima ndaj vdekjes përballë!

Dy Drita T'Syve - Dy Nënave shkrum,
Nga hijet e liga që iu sollen vërdallë -
Mbahuni të forta e qendroni shumë!

Se lotët e Juve - trazojnë Përjetsinë,
N'secilen pikëloti ua trazoni shpirtat -
Diellza e Rrezarta janë me Perëndinë!

(30.12.08.)

Shiko profilin e anëtarit

66Normal Re: Nezir Myrta - Buzëqeshjet E Lirisë prej Sat Jul 11 2009, 14:48

Malcorja


Antar/e
Antar/e
Nezir Myrta / ORA E POPULLIT






Ora e popullit-
Ishte gjarpëri i madh në themel të shtëpisë
Ora e shtëpisë - roje kundër të ligave

Shtëpia ka pas Orë
e njeriu ka pasë Orë

me dy gjarpërinj në bark ka luftuar

po njeri prej tyre flinte në gjumë
- e nuk i bëhej vonë për ashjë

njeriu e gjarpëri jetojnë në një truall
as nuk ia sheh njeriut ëndrrat -
mësa ia sheh gjarpërit këmbët

Njeriu me Orë e ka shpëtuar një shtëpi një katund
Një qytet një popull e ka shpëtuar një botë -

Mallkimi më i madh është me te vdekë Ora

popullin mund t’a shpëtoj veç një minut
Ora e popullit- Ora që rrin zgjuar -

Ora e Gjallë!

Mvaret a e ka populli Oren e vet zgjuar
a e ka Oren vet brenda epikës së tij

mosozot dikush të shkeli në sofrën e bukës
E të Beses -

nga padituria bën cdo gjë të ligë
edhe e vret veten -
kur nuk gjen tjeter shteg te kaloj ferrin e ligesise

mosozot njeriu me shkelë mbi gjakun e vet
nuk i del askund ilaç brënda Tokës e Qiellit!


- Qoftë Ora e Mirë e zgjuar!

Shiko profilin e anëtarit

67Normal Re: Nezir Myrta - Buzëqeshjet E Lirisë prej Sat Jul 11 2009, 14:50

Malcorja


Antar/e
Antar/e
Nezir Myrta / KËNGA E POPULLIT







Kënga e popullit -
e kënduar nën hundë
kur nuk donte të merr vesh mali
- as të sheh fusha

kur vlon e gufon shpirti
i ka ardhë deri në fyt

këngë e kënduar nëpër tymëra flakë e lot

këngë e kënduar e pashkruar -
pa shkronja as ortografi pa laps as shtypshkronje

këngë që gufon në zemër
e,
vlon përgoje shkrum i gjallë

e kënduar në hasra çerga qylyma
- në gryka maja e shkambinj malesh

gjithnatenelume - pa shtie gjum ne sy
me vaj në buzë
e,
lotet pikën në çergë e lotet pikën në shkamb

e pika e shpoi gurin duke rrehë në një pikë!

Kënga e popullit u këndua
deri iu këput fija lahutes e teli çiftelisë

lahuta e çiftelia mbeten atditesot varë -
u pre kënga në kulla u pre kënga në shkëmbinj

kënga është vaji i burrit

edhe para djepave edhe para varreve

edhe kur hëna u përgjak mbi mal
edhe kur dielli u lind si gjaku në agim

edhe kur Hëna ishte sosur
edhe kur vaji ishte nisur

edhe kur dielli u zu me kuçedër
jehoi kënga e popullit
e,
shpërtheu vaji i burrit:

-O lum për ty o për të lumin Zot
O në këmbë u çua Sokol e Halili

e,
doli Zana E Malit
e,
mali ushtoi prej djalit

kur këqyrën në varr -
gjeten veç 'i grusht eshtra

e zana mori malin
e toka mori djalin

e,
kënga mbet Vaji i Burrit!

Shiko profilin e anëtarit

68Normal Re: Nezir Myrta - Buzëqeshjet E Lirisë prej Sat Jul 11 2009, 14:51

Malcorja


Antar/e
Antar/e
Nezir Myrta / PROVË




Nuk janë bij të shqipes -
ata që s'e kanë zemrën shqiponje
vetiu humbin e treten në mashtrime të botës

nuk janë bij të shqipes -
ata mohojnë Gjuhën e Të Parëve

zogjëve të qyqes -
iu duken ma të bukura krrokamat e korbave

nuk janë bij të shqipes -
ata që harrojnë gjëmimin e gjoksit të Mic Sokolit
- mbi topa sulltanësh

ata që harrojnë Shkambin Jakup Ferri -
me Shtat plagë mbshtetë për shkamb

ata që harrojnë Oso Kuken -
nën të cilin ecën kuk bjeshkët e lame n'gjak

ata që harrojnë Elez Isufin -
Epikë e tymosur në shkambij në Radikë

ata që harrojnë Çerçiz Topullin -
O do t'ju skuqë ore me boje në kala

ata që harrojnë Isa Boletinin -
që nënshkroi Shqipninë me grykë koburje

ata që harrojnë Tahir Mehen -
tu i shpua kodrat e hekurta e korbat e çelikt

ata që nuk vizitojnë Shtatoren Adem Jashari e
Kullën e Ramush Haradinajt Flamur!

Nuk janë bij të shqipes -
ata që harrojnë vrullin e luftës çlirimtare
nga Janina e deri tek eshtrat tonë të dhëmbshën në Tivar!

Nuk janë bij të shqipes -
ata që s'e kanë zemrën shqiponje!

Shiko profilin e anëtarit

69Normal Re: Nezir Myrta - Buzëqeshjet E Lirisë prej Sat Jul 11 2009, 14:51

Malcorja


Antar/e
Antar/e
Nezir Myrta / QE ANTIKA




Një puhizë lehtë frynë prej tejantike,
gjithçka më spjegon se ç'po ndodh -
brënda gufon një dallgë tejoqeanike;
shpirtat e trazuar kahdo i ka lodhë.

Disa e shohin vetëm një degë lisin,
që rri në hava dhe lëkundet në erë -
trungun s'ia shohin as n'maje plisin,
germa kote thurin edhe disa tjerë.

Gërmon gjoja thellë për një fosile,
çohet edhe bie ushtar i dorëzuar -
shtërzon se gjoja ajo paska hile -
që s'po i bijka ashtit tij të dërmuar!

Ashti i fosiles është një asht vigani,
që në zemër kish një det plot tallaze -
e ka ndrydhur koha e ka shtyp tirani!
Antika i rri n'gjunj gjamë plot maraze.

Çohen disa që s'ia dijnë as nishanin,
gjoja po i ngjasin për qiell e për tokë -
gjak i përdhosur që ka shitë vatanin -
hartë shkrum humbë pashënjepadokë!

Dikush dënesë si i vdekuri prej urie,
shpurdh si kukuth zërin plot me vaje -
pa asnjë pikë gjaku të asaj historie,
don ta shohu lisin mu deri në maje!

Mu aty ku dielli ishte në flamur -
Emri i trojeve trime emër i përdhosur.
Ngrehu gjamë gjaku shpërthe n'gur!
Dallga n'damarë kurr s'mu ka sosur!

Mos shih anash kudo vajin e qyqeve,
Lekët janë shpëtimi Pellgasët Lelek -
Rrethimin e çanë shpërthimi Shqipeve!
Që lë me sy hapur monstrat plot lek.

Leka i Madh bëri botën sa një gogël,
Kush është gjak i tij le ta vërtetojë -
Aty ku vijojë fjalën dje Ai Leka i Vogël,
Aty vet illiriku dje e sot të dëshmojë!

Në hallka të këputura dridhet historia,
Shqipja prapa yjeve si rrin e mbuluar -
N'përbirim sferash që i dredh dinakëria.
Shqipja n'ballë luftrash prore ka valuar!

Shiko profilin e anëtarit

Sponsored content


Mbrapsht në krye  Mesazh [Faqja 2 e 2]

Shko tek faqja : Previous  1, 2

Drejtat e ktij Forumit:
Ju nuk mund ti përgjigjeni temave të këtij forumi