LISTA E FILMAVE SHQIPTARE, LISTA SIPAS RENDIT ALFABETIK TE FILMAVE SHQIPTARE NE VITE


1. A, B, C...ZH
Xhanfize Keko (1971)
Fëmijët përgatiten të shkojnë në klasën e parë. Në klasë mësuesja u mëson gërmat e para. Ajo punon me durim me fëmijët. Jepen preokupimet e fëmijëve në shkollë dhe në shtëpi. Aspekte nga ekskursionet dhe lojrat gjatë pushimit.

2. AGIMET E STINËS SË MADHE
Albert Minga (1981)
Ndërtimi i Shqipërisë pas luftës. Ish borgjezia, tregëtarët, organizojnë banda të armatosura sepse janë të pakënaqur nga sistemi i ri. Latif Bora, një ish komandat partizan, vihet padashur në shërbim të tyre.

3. ALO TEKNIKU
Niko Kanxheri (1982)
Televariete e realizuar me numra të zgjedhur nga Estrada profesioniste eTiranës.

4. AMIGO
Çerçiz Zykaj (1995)
Babai e trajton shumë keq djalin e tij. Djaloshi i vetmuar gjen ngushëllim te shoku i tij i ngushtë, qeni.

5. APASIONATA
Muco, K. Mitro (1983)
Motivi kryesor i sonatës së famshme “Apasionata” të Ludvik Van Bethoven, nga një punë diplome, bëhet lajtmotiv në dashurinë e Mirës, studente e pianos dhe Arturit, student i pikturës i cili nuk është vërtet i dhënë pas pikturës por e bën shkollën për t’i bërë qejfin të atit një njeri me rëndësi në një ministri. Më pas konfliktet zgjidhen dhe Arturi gjen vendin e vet në jetë.

6. ARJANA
G. Stavri (1989)

Fatmiri, një mjek i ri mundohet të ndërtojë një karrierë por largohet nga profesioni i tij kur çlirohet nga profesori i tij. Fatmiri kupton se po bëhet vegël në duart e të tjerëve për të arritur interesat e tyre. Fabula e filmit ndërtohet sipas këndvështrimit të Arjanës se kush do të jetë dashuria e saj.

7. ASGJË NUK HARROHET
Esat Ibro (1985)

Ngjarjet e filmit zhvillohen në ditët e sotme por sillen edhe ngjarje nga e kaluara për të hedhur dritë në fakte dhe karaktere të ndryshme. Një i riatdhesuar vritet në një qytet të vogël. Askush nuk e di kush është vrasësi. Krye hetuesi e merr përsipër këtë ngjarje dhe ia del të zbulojë shkaqet e krimit.

8. ATA ISHIN KATËR
Esat Mysliu, Kujtim Çashku (1977)

1944… Po afrohet liria. Në prag të Kongresit të Përmetit katër partizanë marrin detyrë të çojnë te partizanët një këngë. Partizanit Mete i duket kjo një detyrë e çuditëshme. Para se të arrijnë në destinacion, katër partizanët bien në përpjekje me gjermanët.

9. BABAI I STUDENTIT
Fatmir Koçi (1988)

Një fshatar niset për në kryeqytet për të vizituar të birin student. Ai e sheh të birin në shoqërinë e dy vajzave kryeqytetase të veshura sipas modës së fundit. I riu e anashkalon takimin me të atin. Kur më pas e takon të atin diçka është thyer midis tyre.

10. BALONAT
Ismail Zhabjaku (1979)

Lufta Antifashist zgjon edhe fëmijët. Me ndihmën e mësuesit të tyre ata mendojnë të shkruajnë në balona parrulla që t’i shohë i gjithë populli dhe fashistët të mos kenë mundësi t’i fshijnë. Fashistët arrijnë t’i zbulojnë dhe plagosin njërin prej fëmijëve por balonat me parrulla anitfashiste vazhdojnë të ngrihen lart.

11. BALADA E KURBINIT
Kujtim Çashku (1989)

Ushtarë që nisen në luftë si mercenarë dhe kthehen të vdekur. Vajza që presin e presin dhe më në fund martohen me të tjerë. Një vezir mundohet të marrë një grua të re të bukur dhe indiferente e cila gjendet midis burrit me të cilin u martua, e lodhur nga pritja e gjatë dhe burrit që më në fund u kthye.

12. BALLË PËR BALLË
Kujtim Çashku, Piro Milkani (1979)

Ekranizim i romanit të Isamil Kadaresë “Dimri i madh”. Besnik Bermema ishte përkthyes në konferencën e partive komuiste të mbajtur në Moskë në vitin 1961. Ai ishte dëshmitar i thyerjes më të madhe midis dy partive komuniste që i përkisnin respektivisht një kombi të madh dhe një kombi të vogël. Ngjarjet dramatike në konfliktin ushtarak ndodhin në një bazë detare në territorin Shqiptar, në Pashaliman, të cilën Sovjetikët nuk arrtitën ta përvetësonin

13. BARDHË E ZI
Gjergj Xhuvani (1990)

Një zyrtar i lartë partie dhe një mjek që punon në një fshat të thellë malor, marrin lajmin e vdekjes së mikut të tyre të fëmijërisë. Të dy, veç e veç, nisen për në varrim. Vështirësitë që ndeshin gjatë rrugës, kujtimet e secilit dhe takimi mes tyre, zbulojnë karakteret dhe transformimet që kanë ndodhur për shkak të psikologjisë së tyre, respektivisht ajo e një karrieristi dhe ajo e një njeriu që përpiqet të jetë më human.

14. BARDHËSI
Besim Kurti (1986)

Dimri i vështirë i 1985 frymëzoi kineastët të realizonin këtë film. Dy histori ndjekin linjat e filmit: ajo e një vajze malësore që ndjek një kurs për infermiere në Tiranë dhe ka ngecur atje për shkak të motit të egër, si dhe historinë e një grupi pilotësh që ndërmarrin një udhëtim të pazakontë në veri për një dërgesë të vështirë.

15. BENI ECEN VETË
Xhanfize Keko (1975)

Benin nuk e lejojnë të luajë jashtë mureve të shtëpisë. Xha Thomai që vjen nga fshati, e merr me vehte dhe për herë të parë Beni gjendet pa kujdesin e prindërve. Beni për herë të parë jeton në një familje fshatare, ku i duhet të mësojë shumë gjëra të reja. Një natë Beni mbetet i vetëm në mes të pyllit, por tashmë ai fillon të zbulojë një jetë shumë pranë natyrës.

16. BESA E KUQE
Piro Milkani (1982)

Trajton historinë e pesë Heronjve të Vigut të cilët u vranë në një betejë të ashpër gjatë Luftës Antifashise Nacional Çlirimtare.

17. BINARËT
Muharrem Fejzo (1987)

Asimi, një nga djemtë e një trenisti të vjetër, ka marrë rrugë të keqe: nuk i pëlqen puna dhe nuk është i lumtur me vendin modest që ka zënë në jetë. I vëllai, Kujtimi, është një punëtor i thjeshtë. Filmi arrin kulmin e tij në episodin e provës, ku del në pah shpirti heroik i Kujtimit nga njëra anë dhe pendesa dhe ndryshimi i sjelljes tek Asimi në anën tjetër.

18. BOLERO
Besnik Bisha (1996)

Është e dhimbshme të mbetesh me gjysmën tënde. Në kuptimin simbolik emigrimi ndërton shpresën iluzive atë që e pandehim por s’ndodh ashtu siç do ta dëshironim. Në formën e një rrethi ekzistencialist zeroja mbetet këtu, gjithshka nis nga e para me pandehmën e ringjalljes. Me këtë shpresë që mund të bëhet realitet familja personazh përjeton dramën e zbulimit të identiteti të ri.

19. BORXHLIU, televiziv
Arjan Çuliqi (1998)

Telekomedi. Përmes situatave komike rrjedhin ngjarjet në jetën e një tregtari i cili e nis biznesin e tij duke u futur në borxhe tek miqtë e tij.

20. BOTË E PADUKSHME
Kristaq Dhamo (1987)

Përmes një fabule të thjeshtë dhe një drame psikologjike, filmi flet për pasionin, ndershmërinë dhe përgjegjësinë e Besmirës, një mjeke e cila eksperimenton një auto vaksinë, flet për përpjekjet e saj kundra njerëzve jo kompetentë dhe të paaftë.

21. BRAZDAT
Kristaq Dhamo (1973)

Marta është një vajzë e re energjike, e cila fiton simpatinë e të gjithëve kur vendos të bëhet traktoriste. Në fillim, burri i saj, Ademi, i cili do ta ketë Martën shoqe pune dhe do të ngasin të njëjtin traktor, e inkurajon këtë dëshirë të Martës. Por më pas familja e re ka probleme, Marta zbulon karakterin e vërtetë të Ademit, i cili jepet shumë pas interesave vetjake.

22. BREGU I ASHPËR
Drita Koçi (1988)

Në fund të luftës së II Botërore, Luljeta caktohet të punojë si aktiviste e partisë në zonat e thella malore. Kriminelët e detyrojnë gruan të rrijë e mbyllur brenda katër mureve, sipas kanunit, dhe kjo e pengon Luljetën të zhvillojë aktivitetin e saj.

23. CIRKU NË FSHAT
Hysen Hakani (1977)

Agroni është një klloun i njohur cirku që bezdiset nga rokopuja e kafshëve të cirkut. Shemshedini është i mendimit t’i largojë fare këto kafshë nga cirku dhe kështu fillojnë e përfundojnë shumë peripeci humoristike ku edhe kafshët e stërvitura hyjnë në konflikt me njerëzit.

24. ÇIFTI I LUMTUR
Piro Milkani (1975)

Një komedi për jetën e viteve ‘70. Dy të rinj, që vijnë nga besime të ndryshme fetare, vendosin të martohen me njëri tjetrin.dhe ua bëjnë të njohur dashurinë prindërve të tyre. Në takimin midis dy baballarëve, i ati i djalit, i rrethuar nga gruaja dhe halla krijon gjithfarë situatash komike pasi nuk e fsheh dot se nuk e do vajzën që vjen nga “një fe tjetër”. Por më në fund dorëzohet.

25. CUCA E MALEVE
Dhimitër Anagnosti (1974)

Film muzikor sipas baletit me të njëjtin titull. Gjini, një malësor i pabindur është çkishëruar. Për këtë, vajza e tij mbetet e pa pagëzuar dhe pa emër. “Cuca” përkrahet vetëm pas luftës nacional çlirimtare dhe fillon të punojë në kurset e para kundër analfabetizmit. Por bandat e fshehura, ku janë mbledhur edhe njerëz që kanë çkishëruar të atin, e vrasin.

26. ÇANTA E ZEZË, televiziv
Vladimir Kasa (1986)

Telekomedi që satirizon problemin e korrupsionit në shoqërinë tonë.

27. ÇETA E VOGËL
Mark Topallaj (1979)

Bazuar në ngjarjet e vërteta të heronjve të Vigut, pesë shokëve luftëtarë të ekzekutuar nga Germanët në veri të Shqipërisë gjtaë luftës së Dytë Botërore. Filmi “Çeta e vogël” është çensuruar dhe më pas e xhiruar në një version tjetër.

28. DASËM E ÇUDITSHME
Esat Ibro (1986)

1943…Në frymën e fundit, partizani Gani u kërkon shokëve të sigurohen që vajza e tij Sherka të martohet në datën e caktuar. Por kur fillon dasma, ata zbulojnë që dhëndëri është bashkëpunëtor me pushtuesit. Sherka vendos të anullojë dasmën dhe bashkohet me shokët e të atit në luftën për liri.

29. DASMA E SHTYRË
Mark Topallaj (1985)

Filmi trajton shtypjen ekonomike dhe shoqërore të malësorëve të thjeshtë në vitet 1923-24. Sokoli, një i ri, pasi merr hak për të vuajturit, bashkohet me trupat e Bajram Currit në Revolucionin Demokratik të 1924-s.

30. DASMA E SAKOS
Vladimir Prifti (1998)

Ngjarjet e Dasmës së Sakos vijnë përmes mjegullash mesjetare në një qytet fantozmagorik. Nën çatitë e gurta dhe muret kështjellore, ndodhin drama të mëdha. Një përzjerje e trembshme gjërash të egra me të brishta, urrejtjesh me dashuritë, vdekjesh me ripërtëritje. Metaforat marrin të thonë se shpërdorimi i pushtetit ka thelb të njëjtë por shfaqje të ndryshme. Në të gjitha rastet aspirata e vetme e njeriut është liria dhe një jetë me dinjitet të vërtetë njerëzor.

31. DASHI PA BRIRË, televiziv
Arian Çuliqi (1994)

Telekomedi. Tregon tipin e njeriut shabllon që edhe dashurinë do ta ndërtojë në bazë të disa skemave.

32. DASHURIA E FUNDIT
Gjergj Xhuvani (1994)

Drama e një prostitute. Historia e dashurisë së saj të fundit e ndihmoi të merrte kurajo e të ngriheshe kundër asaj që po eksperimentonte, kundër opinionit, predikimeve. Duke luftuar vetë ajo mundi të dalë nga kjo gjendje.

33. DASHURI ME KRISMA, televiziv
Arian Çuliqi (1998)

Telekomedi. Viti 1997, hapen burgjet. Guri një i burgosur dashurohet me Rinën. I ati dëshiron të bëjë burgun në vend të djalit, por burgu është i boshatisur. Polici nuk e pranon të futet në burg qoftë edhe me para.

34. DEBATIK
Hysen Hakani (1961)

1942. Tre vjet mbas pushtimit fashist, fëmijët krijojnë organizatën e fëmijëve anti-fashistë që e quajtën Debatik. Coli, një djalë i varfër jetim pranohet në Debatik. Ai arrin të lajmërojë mësuesin komunist që është në kurth dhe vritet në një moment tensioni. Xha Demiri e gjen të vdekur dhe e merr në karrocë.

35. DETYRË E POSAÇME
Kristaq Dhamo (1963)

Filmi është bazuar në ngjarje reale të viteve ‘50. Tomorri është i infiltruar në një grup të agjenturave të huaja. Ai fiton besimin e Zylfiut, Eminesë, Ndrek Gjergjit, të lidhur me agjenturat dhe Anton Murrizit që vjen nga jashtë. Kështu Tomorri zbulon dokumente sekrete, baza dhe mjete komunikimi. Tomorri lufton për të shkatërruar këto agjentura

36. DËSHMORËT E MONUMENTEVE
Fehmi Hoshafi (1980)
Filmi i parë i xhiruar në bazë ngjarjesh të vërteta të ndodhura gjatë Luftës së Parë Botërore. Një ekspeditë austro Hungareze disponon informacione dhe ngre një zonë arkeologjike në qytetin e vjetër Apollonia. Ekspertët e kësaj ekspedite, si arkeologu Shniker, duan të grabisin monumente të lashta, por fshatarët e zonës të udhëhequr nga mësuesi luftojnë për t’i mbrojtur. Austro Hungarezët ekzekutojnë mësuesin.

37. DHE VJEN NJË DITË
Vladimir Prifti (1986)

Një dramë po ndodh me ekonomistin Llano Bleta. Me pikëpamjet e tij individuale për një jetë më të rehatshme, ai gradualisht i pret të gjitha lidhjet me fshatin e tij, duke lënduar kështu, pa e kuptuar, ndjenjat e atyre që e duan më shumë. Ky degradim i moralit etik vihet re gjithashtu edhe në punën e tij.

38. DITA E PARË E EMËRIMIT
Rikard Ljarja (1981)

Bardha është përgjegjëse sektori në një kooperativë bujqësore, ndërsa Gjika përgjegjës turni në një minierë. Për punë të palodhur ata emërohen në dikastere të ministrisë, Bardha, drejtoreshë në një ministri ndërsa Gjika zv/ministër. Këto emërime priten me gëzim nga minatorët dhe kooperativistët.

39. DITËT E QYTETIT TIM
Albert Minga (1982)
Televariete e realizuar me estradën e Vlorës që satirizon thashethemet, qëndrimet indiferente, shpifjet etj.

40. DIMRI I FUNDIT
Ibrahim Muça, K. Mitro (1976)

Gjermanët vijnë mes borës dhe dimrit. Në fshat mbeten vetëm gratë, të cilat luftojnë deri sa partizanët e plagosur, të strehuar në fshat, të tërhiqen më thellë dhe bora të mbulojë gjurmët. Ballë për ballë me gjermanët dhe nën kontrollin e tyre, gratë e fshatit, të udhëhequra nga nënë Shano dhe nënë Mara, nisen në grumbull për të bërë dru, por në të vërtetë arrijnë me bukë dhe ushqime të partizanët.

41. DITËT QË SOLLËN PRANVERËN
Vladimir Kasa (1979)

Ngjarjet zhvillohen në zonën e Malësisë së Madhe pas çlirimit. Në veri të Shqipërisë bandat e armatosura ndiqen nga partizanët dhe forcat e ndjekjes. Në përleshje me bandat vritet Beshari.

42. DJALI ELASTIK
Besim Kurti (1989)

Ai është një djalë 9 vjeçar i dalluar për mjeshtëritë e tij si akrobat që vihen re nga gjyshi i tij. Ai i kënaq të gjithë me durimin dhe pasionin e tij. Heroi ynë do të kalojë shumë vështirësi deri sa të bashkohet me trupën e cirkut, por ato nuk ia arrijnë të lëmojnë pasionet dhe dëshirat e tij fëminore.

43. DOLLIA E DASMËS SIME
Mark Topallaj (1978)

Ekranizim i novelës “Nusja e humbëtirës”. Bela përgatitet të shkojë nuse në shtëpinë e Ganiut, të fejuarit të saj që do të dalë partizan në mal. Ngjarjet zhvillohen gjatë udhëtimit të karvanit të nuses i cili gjen rrugës një partizan të plagosur. Ganiu ndihmon partizanin dhe e le Belën në shtëpinë e tij. Bela vendos të dalë partizane që ditën e parë të nusërisë.

44. DORA E NGROHTË
Kujtim Çashku (1983)

Djaloshi Besim, nuk gjen ngrohtësi nga njerku i tij Ahmeti. Ai braktis shkollën dhe bën gabime të rënda. Por është pikërisht dora e ngrohtë e shokëve të klasës dhe e të gjithë shoqërisë që e kthejnë Besimin në jetë.

45. DORINA
Agim Qirjaqi (1979)

Bashkëshorët Dorina dhe Viktori janë para rrezikut të divorcit. Viktori kërkon që Dorina të heshtë para mashtirmeve të drejtorit të saj. Por më pas arrin të kutpojë virtytet e bashkëshortes.

46. DRITAT E QYTEZËS
Fehmi Hoshafi (1983)
Harizi jeton në qytetin e bukur të Ksamilit. Ai shfaq shenja dembleizmi dhe parazitizmi për punën, mundohet të përfitojë ndonjë vend të rehatshëm dhe kur nuk ja del, fillon të shpifë e të dërgojë letra anonime. Këto sjellje e shqetësojnë bashkëshorten e tij dhe ajo vendos të largohet.

47. DUAJE EMRIN TËND
Ibrahim Muço, Kristaq Mitro (1984)

Jona, Arseni dhe Agroni nuk janë thjesht tre të sapodiplomuar që bëjnë praktikën në një kantier industrial, por janë tre të rinj të cilët mundohen të gjejnë një vend në shoqëri. Përmes lidhjeve shoqërore dhe dashurisë së tyre, filmi hyn në botët e tyre shpirtërore dhe psikologjike duke zbuluar kështu konceptet e tyre dhe vlerat morale.

48. DUEL I HESHTUR
Dhimitër Anagnosti (1967)

Dy persona, kapter Rahmiu dhe Islami, rrëmbejnë një anije ushtarake për të emigruar në Itali. Ata luftojnë me marinarin Skënder Guri, i cili përleshet me ata dhe arrin ta kthejë anijen përsëri në Shqipëri.

49. DUKE KËRKUAR 5-ORËSHIN
Xhezair Dafa (1974)

Heroi i filmit kërkon të merret me ndonjë lloj sporti, jo nga pasioni, por nga përtacia, pasi do të fitojë kështu një punë ditore pesëorëshe. Kështu rrjedhin shumë situata komike.

50. DY HERË MAT
Bujar Kapexhiu (1986)

Ilo Pinci, specialist i peshkut dhe midhjeve, edhe shahist i njohur, arrin në një qytet të vogël bregdetar si i ftuar në një simultane shahu. Por ajo që e shtyn më shumë të vijë në këtë qytet është dëshira e tij e fshehtë për të zbuluar të dhëna praktike dhe teknike në lidhje me kultivimin e midhjeve. Ai është i bindur se do ta përballojë lehtësisht ndeshjen me shahistët vendas por në simultane mundet nga Rudina e vogël.

51. DHE VJEN NJE DITË
Vladimir Prifti (1987)

Një dramë po ndodh me ekonomistin Llano Bleta. Me pikëpamjet e tij individuale për një jetë më të rehatshme, ai gradualisht i pret të gjitha lidhjet me fshatin e tij, duke lënduar kështu, pa e kuptuar, ndjenjat e atyre që e duan më shumë. Ky degradim i moralit etik vihet re gjithashtu edhe në punën e tij.

52. EDHE ASHTU EDHE KËSHTU
Bujar Kapexhiu (1989)

Teoriku Apostol Sako shkruan artikuj dhe jep leksione mbi dashurinë e lirë të rinisë në një kohë kur një konflikt i madh ndodh në familjen tij. E bija, Alma, studente e inxhinierisë, dashuron një këngëtar atëherë kur i ati do ta martojë me një diplomat. Konflikti zgjidhet përmes situatave komike.

53. EDHE NE LUFTUAM
Jani Tane (1981)

Gjatë luftës Nacional Çlirimtare, fëmijët zhvilluan një veprimtari të gjërë kundër pushtuesve dhe tradhëtarëve të vendit. Ndihmonin nëjsitet guerile në qytet, ngjisnin trakte, mblidhin ndihma për partizanët.

54. E DIELA E FUNDIT
Gjergji Xhuvani (1992)

Kjo është historia e një çifti të moshuarish të cilët gjatë një dite plot me surpriza sjellin në mendje se sa të vetmuar ndjehen. Në fund të ditës shtëpia e tyre kthehet në një burg në mes të qytetit të zhurmshëm.

55. E FSHEHTA E NJË NATE
Myzejen Nepravishta (1978)

Mbas mbarimit të luftës, avakot Jani, ish bashkëpunëtor i gjermanëve me ndihmën e z. Kaso, përgatitet të arratiset me një varkë. Dy fëmijë, Gëzimi dhe Meti, pasi dëgjojnë planin e tyre e mbysin varkën dhe sinjalizojnë partizanët. Avokati dyshon për z. Kaso dhe e vret atë

56. EJA
Piro Milkani (1987)

Ngjarjet e filmi zhvillohen në një qytet të vogël ku një grup studentesh të infiermierisë po bëjnë praktikën mësimore. Shpresa, heroina e filmit, sheh midis vajzave, vajzën e saj, Vjosana, e lindur nga një dashuri e pafat. Ajo i flet të shoqit për këtë histori të hidhur.

57. EMBLEMA E DIKURSHME - televiziv
Ylli Pepo (1979)

Gjeologët shqiptarë zbulojnë një fontanë nafte pikërisht në një zonë ku vite më parë gjeologët ruse kishin dështuar. Zbulimi arrihet nga inxhinier Bardhyli i ndihmuar nga mësuesja, të cilët hetojnë në të kaluarën e fshatit dhe deshifrojnë emblemën e një pllakati të lashtë mural në kishën e fshatit.

58. ENIGMA
Spartak Pecani (1991)

Albana, nxënëse në shkollën e baletit, shkon në Romë për tu kuruar nga një sëmundje e rëndë. Mes saj dhe profesorit Italian që e kuron, lind një miqësi e ngrohtë. Albana nuk i shpëton dot sëmundjes dhe doktori e ndjen veten fajtor për vdekjen e saj.

59. ËNDËRR PËR NJË KARRIGE
Fehmi Hoshafi (1984)

Një dëshirë e nëndrejtorit, Koli, është të zëvëndësojë drejtorin që ka dalë pension. Por Kolin e shqetëson mendimi se mos se zë këtë vend Vjollca, kryetrarja e degës së planit. Këtë ja vërtetojnë ëndrrat që ai sheh. Shqetësimet e tij dalin realiste. Drejtoreshë vendoset një tjetër punonjëse, gruaja e shoferit Meçe.

60. ENVERI YNË
Ibrahim Muça, Kristaq Mitro (1985)

Regjisor Bujari po punon për të bërë një film mbi jetën dhe veprimtarinë e Enver Hoxhës. Gjatë filmit jepen shumë retrospektiva, që nga koha e luftës dhe deri në fund të jetës së tij.

61. ERA E NGROHTË E THELLËSIVE, televiziv
Vladimir Prifti (1982)

Rakipit, një minator veteran, i vjen keq të dalë në pension dhe të ndahet nga miniera. Në këtë kohë vjen për të punuar në minierë një djali iri, Beni i cili në fillim heziton në punë. Në minierë, Beni njihet me një vajzë të re.

62. ESTRADA NË EKRAN
Fehmi Hoshafi (1968)

Një kino-komedi interpretuar nga trupa e estradës së Tiranës.

63. ENGJËLLI BLU (Edeni i braktisur)
Eno Milkani (2002)

Ngjarjet zhvillohen në një fshat në jug të Shqipërisë të mbushur vetëm me pleq ku nuk ka më as gëzim, as buzëqeshje por vetëm rroba të zeza, ndërtesa të vjetra dhe det. Një ditë në fshat gjendet një fëmijë i braktisur që sjell lumturinë mes pleqve. Ai erdhi vërtet si engjëll nga qielli. Por fëmija zhduket ashtu papritur si u shfaq. Në fshat bie zia.

64. FAMILJA IME
Albert Xholi (1987)

Teto Kalina mbetet vetëm pas vdekjes së të shoqit. Nipi ka detyrë të kujdeset për të. Së bashku me rregullat e ngurta ajo sjell në shtëpinë e re traditat më të mira popullore të rregullit dhe sjelljes së mirë.

65. FEJESA E BLERTËS
Besim Kurti, Ismail Zhabjaku (1984)

Blerta, kapitene e skuadrës së voljebollit, dashuron Mirin, shoferin e kooperativës. Por Miri quhet edhe nipi i kryetares së kooperativës, që është në Tiranë. Huan Suka, një ngatërrestar dhe servil, bind të atin e Blertës që ta fejojë Blertën me nipin e kryetares. Por kjo ngatërresë zgjidhet me ardhjen në kooperativë të nipit të kryetares.

66. FËMIJËT E SAJ
Hysen Hakani (1957)

Vitet 50-të. Ngjarjet zhvillohen në një fshat të thellë malor, ku një qen i tërbuar kafshon djalin e Fatimes. Doktori i fshatit e këshillon Fatimen të vrapojë në qytet për t’i bërë tetanozin, por ajo e çon fëmijën te Remja një grua që shëron duke përdorur magjinë. Sëmundja e djalit të vogël përparoi dhe ai vdiq.

67. FJALË PAFUND
Spartak Pecani (1986)

Bardhyli dhe Madalena janë një çift i sapomartuar. Ata jetojnë të lumtur dhe në harmoni deri në momentin kur Bardhyli ndikohet nga fjalët e komshinjve të panjohur. Midis bashkëshortëve fillojnë zënkat dhe zemërimi.

68. FIJET QË PRITEN
Muharrem Fejzo (1976)

Një agjent i huaj, Sami Ameni, zbret në aeroportin e Rinasit dhe menjëherë nis kërkimet për të aktivizuar një agjent tjetër, Markon, me të cilin ka bashkëpunuar pranë gjermanëve gjatë luftës. Plani i tyre është hedhja në erë e një uzinë të madhe. Për këtë u duhet të marrin të dhëna nga Besa, e cila ka humbur disa dokumenta dhe ndjehet e kërcënuar. Por plani i tyre dështon.

69. FILLIM I VËSHTIRË
Albert Xholi (1986)

“Rreziku i ardhjes së njerkës” vjen papritur në jetën e Bledit të vogël. Ky lajm që vogëlushi e mëson rastësisht ishte një shok emocional për të. Nga ana tjetër kjo ndikon në lidhjen shpirtërore midis babait të Bledit, Agronit, dhe Zanës, një kolege e tij e cila ushqen një ndjenjë të thellë dashurie për Agronin.

70. FLAMUR NË DALLGË
Kujtim Meçaj 1977

Një anije e flotës tregtare niset me shërbim jashtë atdheut por e zë furtuna në det. Anija ankorohet në një port të huaj. Autoritetet urdhërojnë daljen e anijes nga porti në kohë me furtunë. Anija mes vështirësive kthehet në atdhe.

71. FLAKA E MALEVE
Vladimir Kasa (1982)

Ngjarjet zhvillohen në vitet 1910-1912, gjatë kryengritjeve të armatosura kundër pushtuesve osmanë dhe shovinistëve fqinjë që donin të synonin copëtimin e Shqipërisë.

72. FLETË TË BARDHA
Mevlan Shanaj (1990)

Shkrimtari Ermir Gjika përjeton raportet e krijimit të tij artistik për jetën, dramën e gruas së tij që s’arrin të gjejë ekuivalencën intelektuale me bashkëshortin dhe dramën e tre të rinjve në kërkim të dashurisë.

73. FLUTURA NË KABINËN TIME
Vladimir Prifti (1988)

Tom Melgushi, i eksituar nga pija, endet rrugëve duke shqetësuar njerëzit. Një ditë Flutura, mësuesja e fshatit hipën në kamionin e tij dhe në sytë e Tomës shihet një fije shprese për një lidhje të qëndrueshme. Toma bëhet objekt kritikash për aksidentin e Fluturës e cila hidhet nga kabina e trembur nga dhuna e Tomës.

74. FRAKTURA
Piro Milkani (1983)

Gazi, një djalë i vogël, çdo mëngjez kur shkon në shkollë përshëndet djaloshin sklupturë që është vendsour në parkun e qytetit dhe fëmijët i kanë vënë emrin Ilir. Por një ditë Ilirit i thyejnë krahët dhe Gazi i vogël kalon një dramë që gjyshi dhe prindërit e kuptojnë tepër vonë.

75. FUNDI I MARRËZISË, televiziv
Arian Çuliqi (1995)

Në vitet e tranzicionit njerëzit kanë harruar punën dhe luajnë vetëm me fjalëkryq. Një i huaj ka ardhur të bëjë biznes por sorrollatet nga një zyrë në tjetrën pa mbaruar punë. I huaji largohet në aeroport duke marrë si dhuratë në mënyrë simbolike, një tufë gazetash me vehte.

76. FUNDI I NJË GJAKMARRJEJE
Rikard Ljarja (1983)

Subjekti trajton realitetin gjatë regjimit zogist duke fajësuar përgjegjësit për përçarjen e popullit dhe nxitjen e hakmarrjes midis tyre. Dy të rinj, Mazi dhe Dushi, rrjedhin nga dy familje malësore që janë në gjak me njëra tjetrën prej shumë kohësh. Njëra familje jeton në malësitë e thella dhe tjetra në qytet.

77. FUNERAL BUISNESS
Gjergj Xhuvani (1999)

Vendi është i zhytur në krizën e besimit ndaj ligjit, moralit, drejtësisë së shtetit. Nën këtë epidemi dhune, Sana një grua e thjeshtë e cila nuk pranon këtë kod moral, nuk dorëzohet kurrë së mbrojturi familjen e vet. Tenisoni, ankthi, tmerri, vetmia. Sa forcë kanë të mposhtin një grua që beson në Zot dhe do familjen e saj.

78. FURTUNA
Juri Ozerov, Kristaq Dhamo (1957)

Lufta e Dytë Botërore. Zana dhe Beni, i plagosur, kalojnë në situata të vështira si ilegalë në qytet dhe pastaj në burg. Aksionet e tyre sjellin reagime të ndryshme si te avokat Eshtrefi, bashkëpunëtor i pushtuesit, te Shpresa dhe Vasili dy të rinj antifashistë. Zana dhe Beni bien në dashuri me njëri tjetrin. Filmi ka skena të misioneve angleze dhe sovjetike.

79. FUSHË E BLERTË, FUSHË E KUQE
Gëzim Erebara (1984)

Lufta e Dytë Botërore… Rinia antifashiste tërhoqi masa të gjera të popullit në fushat e futbollit duke i kthyer ndeshjet sportive në manifestime kundër pushtuesve. Të tilla ishin edhe ndeshjet e futbollit midis skuadrës amatore “Shprefeja” dhe skuadrës fashiste. Lojtarët shqiptarë dhe fansat e tyre përleshen me fashistët dhe e kthejnë fushën e blertë në një fushë beteje.

80. GABIMI
Drita Koçi (1986)

Martini është një djalë kureshtar. Për shkak të karakterit të tij herë aktiv dhe herë i mbyllur në vetvete, ndodhin shpesh keqkuptime, edhe të hidhura, midis Martinit dhe prindërve të tij, mësuesve, shokëve, vëllait të madh dhe motrës së vogël. Si duhet të sillen prindërit, mësuesja dhe të afërmit me Martinin që të mos fyejnë personalitetin e tij?

81. GËZHOJA E VJETËR
Saimir Kumbaro (1980)

Serveti është shok i Pandit. Ky i fundit është rekrutuar nga agjentët e huaj të kundërspiunazhit për të kërkuar informacione në lidhje me një uzinë ushtarake ku punon shoku i tij Serveti. Për të arritur qëllimet e tij, Pandi e kërcënon Servetin i cili ka plagosur aksidentalisht një shok të tijin gjatë shërbimit ushtarak. Serveti refuzon t’i shërbejë Pandit dhe vritet nga ai.

82. GODITJA, televiziv
Niko Kanxheri (1980)

Në një pus nafte drejtori dhe përkrahësit e tij japin urdhërin për ndërprerjen e punimeve por kundërshtohet nga Genci dhe punëtorët. Për këtë urdhër të padrejtë punëtorët vënë para përgjegjësië drejtorin dhe përkrahësit e tij.

83. GRACKA
Saimir Kumbaro (1983)

Dy prej oborrëtarëve të mbretit Zog rekurtohen nga agjenturat e huaja dhe futen ilegalisht në Shqipëri. Por banditët të mashtruar kapen dhe gjatë hetuesisë thyen. Kjo i shërben Sigurimit të Shtetit që organzion lojën për kapjen e njerëzve që hidhen në Shqipëri nga agjenturat e huaja.

84. GUNA MBI TELA
Muharrem Fejzo (1977)

Në këtë film pëmblidhet si një vepër korale një nga ngjarjet më të rëndësishme historike, ikja nga Vlora e trupave italiane të mbetura pas luftës së parë botërore. Luftëtarët hyjnë në kampin e rrethuar armik, jo me ndihmën e armëve të sofistikuara të kohës, por me ndihmën e gunave që hedhin mbi tela. Flijohet Hodo

85. GURËT E SHTËPISË SIME
Dhimitër Anagnosti (1985)

Lufta e Dytë Botërore… Brigjet jugore të Shqipërisë. Ngjarjet fillojnë fill pas luftës Italo – Greke dhe mbarojnë me kapitullimin e Italisë fashiste dhe pushtimin e Shqipërisë nga Gjemanës Nazistë. Italianët shpërngulin fshatin sepse e akuzojnë se i japin sinjale grekëve. Heroizmi i fshatarëve si mësuesi, dr. Leka, Seo etj., është tema kryesore e filmit.

86. GURI I BESËS
Mark Topallaj (1986)

Përfaqësuesit e huaj të firmës në minierën e Rubikut, vijnë nga Tirana dhe Italia për të shtypur revoltën e minatorëve të indinjuar. Ato kërkojnë ndihmën e shtresës së pasur, autoriteteve dhe klerikëve të zonës për të arritur qëllimet e tyre.

87. GUXIMTARËT
Gëzim Erebara (1970)

Iliri po rritet si një fëmijë egoist dhe tepër i përkëdhelur. Shokët e tij të klasës e rrethojnë me dashuri dhe përkujdesje për interesa më të gjëra. Iliri niset me një grup alpinistësh të rinj në malet e Shqipërisë së Veriut. Më në fund ai e sheh jetën nga një tjetër këndvështrim.

88. GJENERAL GRAMAFONI
Viktor Gjika (1978)

Në mesin e viteve ’30 fillon penetrimi dhe parapërgatitja e pushtimit Italian të vitit 1939. Halit Berati një klarinetist virtuoz dhe Parandili, ftohen nga një sipërmarrës Italian të inçizojnë në pllaka gramafoni meloditë e tyre, të cilat do të shiten së bashku me muzikën italiane të kohës së fashizmit. Gjatë kësaj kohe fillojnë grevat e punëtorëve të naftës, ku Halil Berati është punëtor.

89. GJENERALI I USHTRISË SË VDEKUR
Vladimir Prifti (1975)

Një gjeneral dhe një prift Italian vijnë në Shqipëri për të mbledhur eshtrat e ushtarëve të tyre të rënë gjatë luftës së II Botërore në lufrat me forcat partizane. Subjekti dramatik është ndërtuar në mënurë inverse, nga fundi ngjitet drej fillimit, nga eshtrat tek “reformimi i ushtrisë në rradhë me qivurë”. Teknologji luftarake: ata nuk po gërmojnë në tokë por më shumë ata po gërmojnë në kujtimet e njerëzve, në kujtesën kombëtare.

90. GJITHË FAJIN E KA PARAJA, televiziv
Arjan Çuliqi (1997)

Telekomedi. Zeqo Pilafi zgjedh rrugën e mashtrimit për tu bërë i pasur. E quan veten mjek të perëndisë dhe fillon të vizitojë njerëz. Pas disa vizitave paaftësia dhe mashtrimi dalin në shesh.

91. GJUETIA E FUNDIT, televiziv
Koço Devole (1992)

Një komedi groteske që simbolizon tragjedinë e një vendi ku sundonte një diktaturë e sigurimit të shtetit. Filmi tregon egërsinë e kësaj diktature që e depersonalizon njeriun.

92. GJURMA
Kristaq Dhamo (1970)

Doktor Artani punon në një kantier malor të sharrave. Mjek i talentuar, i vetkënaqur nga sukseset, pak nga pak shkëputet nga jeta e popullit, molepset nga konceptet e huaja mikroborgjeze. Shokët si: dr. Agimi, e prof. Tahsimi si edhe familja, gruaja e vjehrra, ngrihen kundër koncepteve të tij. Në rrethana tragjike ai vret veten.

93. GJURMË NË DËBORË
Edmond Tare (1984)

Në kufi zbulohen gjurmë. Kufitar Iliri dyshon në veprimet e Shan Shopelit, përgjegjës i orteqeve. Iliri dhe Shani vihen ballë për ballë në një duel të heshtur. Dyshimet vërtetohen. Shani është në shërbim të armiqve.

94. GJURMË NË KALTËRSI
Saimir Kumbaro (1981)

Astriti, një pilot i ri, sapo ka dalë nga bangat e shkollës së aviacionit, arrin disa rezulate, por emocionohet gjatë stërvitjes. Me ndihmën e komandant Markos dhë të shokëve si edhe me vullnet të fortë ai arrin suksesin.

95. GJYSHI PARTIZAN, televiziv
Jani Tane (1978)

Blendi i vogël së bashku me familjen janë me pushime në plazh. Ai i sheh gjyshit një shenjë në trup. Gjyshi i rrëfen Blendit për historinë e plagës së luftës, për bariun që i shpëtoi jetën dhe nuk e ka njohur kurrë.

96. HETIMI VAZHDON
Mark Topallaj (1988)

Një kufomë gjendet diku në periferi të qytetit. Hetuesit përballen me problemin: kush është vrasësi dhe arësyet që e shtynë në krim? Misteri qartësohet ngadalë sepse vrasësit kryen krime të tjera për të mbuluar të parin.

97. HIJE QË MBETEN PAS
Esat Mysliu (1985)

Agroni dhe Marjeta po jetojnë një fejesë të lumtur deri në ditën kur në një gjygj të proçeduar nga Agroni, dy persona të akuzuar për vjedhje, zbulojnë fakte që implikojnë edhe babanë e Marjetës. Agroni vihet në mes të dashurisë së tij dhe detyrës. Pas një dileme ai gjen kurajo dhe vendosmëri të refuzojë dashurinë me interes të së fejuarës së tij.

98. HISTORIANI DHE KAMELEONËT
Saimir Kumbaro (1988)

Vitet ’30. Ambicja e çmendur e monarkut të provojë se rjedh nga një familje e lashtë fisnikësh, sjell në Shqipëri një historian të huaj. I huaji do të punojë midis autoriteteve të një prefekture të panjohur të mbretërisë, midis njerëzve të degjeneruar dhe injorantë, të cilët duke u futur në situata komike bëhen qesharakë dhe të pa respektueshëm.

99. HORIZONTE TË HAPURA
Viktor Gjika (1968)

Ngjarja bazohet në ngjarje reale në portin e Durrësit, ku punon Sokrati, Robert Çamçakizi dhe Urani, i cili, sakrifikon jetën e tij për të ruajtur bigën gjatë një stuhie

100. ILEGALËT
Rikard Ljarja, Saimir Kumbaro (1976)
Lëvizja Antifashiste në qytet ka marrë përpjestime të mëdha. Ndërkohë një emisar i SIM-it (zbulimi informativ i ushtrisë Italiane) nën petkun e inxhinier Tostit kërkon të depërtojë në radhët e njësiteve guerile. Por vigjëlenca dhe largpamësia e komunistëve si Besimi e Milo, bën që veglat e SIM-it të japin llogari për krimet e bëra.

101. INTENDENTI
Xhezair Dafa (1980)

Në zemër të dimrit një intendent partizan niset për të çuar ushqime në spitalin partizan. Rrugës, ndeshet me patrullat gjermane dhe detyrohet të lërë ushqimet në dyqanin e Salos. Kur kthehet përsëri në dyqan, Salo i rrëfen se ushqimet ishin grabitur nga ballistët. Intendenti kërkon ndihmën e këshillit antifashist për të gjetur ushqimet e partizanëve dhe kështu zbulon bashkëpunëtorët e armiqve.

102. INXHINIERI I MINIERËS, televiziv
Vladimir Kasa (1990)

Ekonomistja Vera informon inxhinier Arsenin rreth miratimit të projektit të minierës. Intrigat e të tjerëve bëjnë xheloze gruan e inxhinierit, i cili braktis shtëpinë.

103. I PAHARRUARI, televiziv
Mevlan Shanaj (1984)

Miliatanti Besim Pepa, pas qëndrimit në kryeqytete të ndryshme të Europës, kthehet në Shqipëri rreth vitetve 1932-1936. Edhe këtu ndiqet, persekutohet, burgoset dhe detyrohet të emigrojë përsëri.

104. I TETI NË BRONZ
Viktor Gjika (1970)

Në përvjetorin e vdekjes së komisarit Ibrahim Kovaçi, shtatë nga shokët e tij të luftës, mësuesi, Arifi, Alma, dr. Borova, Andoni, Rustemi dhe Xhemali, shoqërojnë bustin e komisarit për në fshatin e tij të lindjes ku do t’i dedikohet një ceremoni përkujtimore. Gjatë rrugës, secili nga ata sjell në mendje ngjarje të lidhura me jetën dhe luftën e Ibrahimit dhe konfrontimet me antogonistin Sali Protopapa.

105. I TRETI
Albert Minga (1978)

Qazim Beluli një militant komunist është zhdukur. Zbulimi i huaj nëpërmjet agjentëve të tij njofton se ai është arratsiur, në fakt atë e kanë vrarë. Filmi i përmasave të mëdha zbulon shakqet e vrasjes së Qazim Belulit

106. I TRETI NË MES
Fatmir Koçi (1988)

Një artist po punon portretin e një djaloshi. Në pjesën e ballit të skulpturës ka një njollë të zezë. Duke e gdhendur atë, del një plumb i vogël, i vjetër dhe bie në dysheme. Është një kujtim nga e kaluara dhe nga e tashmja.

107. JETA NË DUART E TJETRIT
Albert Xholi (1990)

Dy shokë shkolle, Fredi dhe Spiro, takohen rastësisht. Fredi punon në një fshat të thellë ndërsa Spiro ka karrierë të shkëlqyer në qytet. Spiro, zyrtat i lartë, ndjehet i tërhequr nga bukuria e Anës, gruas së Fredit. Papritur Ana ndeshet me një anë të panjohur të karkaterit të të shoqit. Për hir të karrierës që i ofron Spiro, ai nuk e kupton që miku i dikurshëm po i kërkon në këmbim diçka shumë të shenjtë për Anën.

108. KAPEDANI
Fehmi Hoshafi, Muharrem Fejzo (1972)

Në fshat në krye të kooperativës po komandon një grua dhe xha Sulo i ankohet për këtë shokut të tij Beqo. Kështu fillojnë situatat komike. Ai vendos të kërkojë “të drejtat” e tij në Tiranë, ku miku i tij, Ropi, punon në një post të rëndësishëm. Por xha Sulo gjen në Tiranë jo vetëm nusen e tij balerinë, por edhe Beqon bashkë me të cilin zbulon se është i rrethuar nga bota e grave.

109. KARNAVALET
Ismail Zhabjaku (1980)

Ekranizim i komedisë “Karnavalet e Korçës” nga Spiro Çomora. Në ditët e karnavaleve, shërbyesja Nasta dhe Loni venë në lojë tregëtarin Nikollaq Jorganxhi dhe të shoqen Olimbinë. Ky është momenti ku ata mund të shprehin mendimin e tyre në lidhje me individët e zbrazët, materialistë dhe injorantë që përkrahin qeverinë. Filmi është komedia e parë muzikore shqiptare.

110. KËMISHËT ME DYLLË
Besim Kurti (1987)

Periudha e rilindjes Shqiptare. Jano Zefi është kryetari i një çete komitësh që ka humbur dy njerëzit më të dashur, gruan dhe fëmijën. Pas kësaj humbje të madhe ai gjendet në udhëkryq: të vazhdojë apo ta braktisë rezistencën e armatosur? Njihemi me botën e gjërë të Janos i cili mbron fëmijët që ushtria turke i ka marrë si ushtarë.

111. KËRCËNIMI
Mark Topallaj (1981)

Filmi tregon tentativat e armiqve të jashtëm që përpiqen të depërtojnë në objeket e rëndësishme ushtarake të vendit tonë. Agjenturat e huaja kërkojnë të rekrutojnë Arbenin, inxhinier konstruktor në një bazë detare dhe për këtë shfrytëzojnë miqësinë e tij me Emën, vajza e një agjenteje me kombësi të huaj. Ema vendos të denoncojë vetvehten ndërsa Arbeni nuk e pranon një tradhëti të tillë.

112. KËSHILLTARËT
Xhezair Dafa (1979)

Fundi i vitit 1943. Të gjithë anëtarët e këshillit antifashist, të pranishëm në një ceremoni dasme në fshat, arrestohen. Gjermanët kanë arrestuar edhe dhëndërin. Këshillëtarët vihen nën presion për të nënshkruar një deklaratë kundër këshillit antifashist, si kusht i vetëm për lirimin e tyre. Ata refuzojnë dhe ndërkohë planifikojnë arratisjen e dhëndërit në rast të një ekzekutimi.

113. KËTU BËN FTOHTË, televiziv
Pluton Vasi (1992)

Detyrimi i të rinjve për të shkuar nizamë në ushtritë e huaja, mes tragjedisë triumfon dashuria e nënës për të birin.

114. KOHË E LARGËT
Spartak Pecani (1983)

Bazuar në tregimin e Sotir Andonit “David Selenikasi”. Filmi flet për aspektet dramatike të mesjetës të personifikuara në fatin e piktorit Andrea Selenica. Ai ka një fund tragjik. Bie pre’ e pabesive të klerikëve të cilët “në emër të zotit” nuk hezitojnë të përdorin edhe helmin vetëm sepse Andrea guxoi të ngrihej kundra ligjeve të kishës.

115. KOHA NUK PRET
Kujtim Meçaj (1984)
Mbas çlirimit, mbeturinat e rekasionit në bashkëpunim me agjenturat e huaja, sabotojnë paradën dhe hyrjen e qeverisë nëTiranë. Beatriçia, agjente e vjetër, punon si kamariere në një lokal të Tiranës. Forcat e sigurimit asgjësojnë krerët e kësaj veprimtarie.

116. KOLONEL BUNKER
Kujtim Çashku (1996)

Kolonel Bunker ështe një parabol politike e bazuar në fakte, portrete të ngurtësuar mbi të cilat regjimi parnojak terrorizoi popullin tonë. Është viti 1974 dhe tipi Stalinian i qeverisë Shqiptare që ka tjetërsuar virtytin e gjithë qyteteve të botës, tërhiqet brenda një lloji izolimi neurotik. Ishte krijuar një program i njohur me emrin “Bunkerizim”. Filmi fokusohet mbi përshkrimin e një burri i cili jeton me ankthe reale. Muro Neto një ushtarak profesionst, njihet si “Kolonel Bunker”.

117. KOMISARI I DRITËS
Dhimitër Anagnosti, Viktor Gjika (1966)

Dritan Shkaba, mbas luftës, kthehet për të hapur shkolla në fshatrat e thella të malësisë. Kundërshtarë të tij janë disa banditë që luftojnë kundër pushtetit popullor dhe Dom Pali, në qelën e të cilit punon Rudina. Dritani lufton zakonet prapanike që detyrojnë vajzat malësore të rrinë të mbyllura në shtëpitë e tyre dhe përgatit Rudinën për tu bërë mësuese. Dritani vritet brenda në shkollë.

118. KONCERT NË VITIN ‘36
Saimir Kumbaro (1978)

Një këngëtare e re Donika, dhe një pianiste Eleni, nisin një turne koncertesh në qytete të vegjël provincialë duke kaluar me pianon e tyre edhe nëpër fshatra. Dy artistet e reja takojnë shumë mikpritës midis të cilëve popullin e thjeshtë dhe autoritetet lokale që kërkojnë të duken oksidentalë por që në thelb janë të konfrontuar me njëri tjetrin.

119. KORRIERËT
Mevlan Shanaj (1976)

Ngjarjet zhvillohen në dimrin e vitit 1944. Dy korrierë, fshatari Kio dhe Sandri, nga qyteti duhet të çojnë një mesazh tek partisanët, për fillimin e sulmit. Duke kapërcyer patrullat gjermane, të ftohtin e madh dhe ujqit, Sandri vritet. Kio gjendet pa ndjenja por arrin të çojë mesazhin.

120. KREVATI I PERANDORIT
Endri Keko (1973)

Filmi bazohet në poemën me fabul të Dritëro Agollit, mbi hyrjen e partizanit Meke ditën e parë të çlirimit, në pallatin ku më parë ka jetuar mbreti i ikur dhe më pas njerëzit e regjencave pushtuese.

121. KRONIKË E ATYRE VITEVE, televiziv
Spiro Duni (1986)

Shqipëria në prag të pushtimit fashist. Filmi është ndërtuar në tre episode: 1-“ Duam armë”, 2-“Rrëmbimi i armëve”, 3-“Krisma e armëve”. Populli i rrëmben armët dhe lufton kundër pushtuesve në Durrës, Sarandë dhe Vlorë.

122. KRONIKË E NJË NATE
Esat Ibro (1990)

Trupat SS mbledhin popullin e një qyteti bregdetar në një amfiteatër ku me ndihmën e bashkëpunëtorëve zbuluan disa nga guerilasit. Megjithatë ato që arritën të shpëtonin organizuan revoltën brenda amfiteatrit deri sa arritën të vritnin komandantin nazist.

123. KRYENGRITJE NË PALLAT
Xhanfize Keko (1972)

Dy vëllezërit e përkëdhelur, Qestori dhe Erleti, shpesh prishin lodrat e shokëve dhe braktisen nga ta. Një natë, Qestori sheh në ëndërr sikur lodrat bëjnë kryengritje duke e akuzuar atë dhe të vëllanë për pakujdesi ndaj lodrave. Pas kësaj, vëllezërit ndryshojnë sjelljen e tyre me shokët dhe lodrat.

124. KTHIMI I USHTRISË SË VDEKUR
Dhimitër Anagnosti (1989)

Ekranizim i romanit të Ismail Kadaresë, me të njëjtin titull. Një gjeneral dhe një prift Italian arrijnë në Shqipëri për të tërhequr eshtrat e ushtarëve të vrarë gjatë luftës. Gjenerali me priftin, të porositur nga Beti kërkojnë edhe eshtrat e bashkëshortit të saj të vdekur, një koloneli të njohur dhe zbulojnë se ai ka përdhunuar një vajzë të re dhe është vrarë nga e ëma e saj plaka Nicë.

125. KUR HAPEN DYERT E JETËS
Rikard Ljarja (1986)

Bardhi, një mjek i ri, emërohet të punojë në një fshat të largët malor. Ai ia del mbanë me sukses gjatë një operacioni të vështirë me gjithë mungesën e mjeteve më elementare për kryerjen e operacionit. Në fshat, Bardhi njihet me shumë shokë të rinj.

126. KUR HIDHESHIN THEMELET, televiziv
Vladimir Prifti (1978)

Laja, kryetare e këshillit të një fshati malor, synon kooperativizimin e fshatit duke hasur rezistencën e elementëve frenues, që vijnë nga një shtresë të pasurish.

127. KUR HIQEN MASKAT
Dhimitër Anagnosti (1975)

Këngët, humori dhe sarkazma e estradës janë kthyer në episode të një filmi gazmor që ve në lojë veprimet burokratike të zyrtarëve ose sjelljeve të ndryshme liberale që luftoheshin në atë kohë në mënyrë të programuar.

128. KUR NDAHESH NGA SHOKËT
Petrit Llanaj (1986)

Namiku, brenda një kohe të shkurtër sjell shqetësime në atmosferën optimiste të një grupi saldatorësh. Kjo reflektohet edhe në jetën e tij private dhe familjare por sidomos në marrëdhëniet me vjehrrin e tij. Por shpejt, ai e kupton vendin e tij në jetë, kupton se sa poshtë ka rënë dhe reflekton mbi këto mendime.

129. KUR ZBARDHI NJË DITË
Piro Milkani (1971)

Filmi është ndërtuar në tre histori: “Armët”, “Meço” dhe “Ura”. Flet për heroizmin e njerëzve të thjeshtë gjatë viteve të stuhishme të Luftës së Dytë Botërore, ku ata rrëmbejnë armët, rindërtojnë urat e hedhura në erë, ku më të mirët sakrifikohen.

130. KUR PO XHIROHEJ NJË FILM
Xhanfize Keko (1981)

Filmi trajton një temë të rëndësishme sociale në lidhje me familjen. Një film i ri po xhirohet në një qytet të vogël. Aktorët janë një grup fëmijësh. Genti i vogël është nën stress sepse prindërit e tij, Liljana dhe Kujtimi, janë ndarë për shkak të qëndrimit mikroborgjez të Kujtimit kundrejt Liljanës.

131. KUSH ËSHTË VRASËSI
Mark Topallaj (1989)

Trajtohet puna e madhe e Gjergjit dhe shokëve të tij të sigurimit për të eleminuar një grup të rrezikshëm sabotues të udhëhequr nga Thimi Dino, i cili zbulohet nga bashkëpunimi me njerëzit e zakonshëm.

132. KUSH E SOLLI DORUNTINËN
Llazi Sërbo (1991)

Subjekti është marrë dhe shtjellon legjendën popullore të Kostandinit dhe Doruntinës.

133. KUSH VDES NË KËMBË
Vladimir Prifti (1984)

Film portret i bazuar në episodet e jetës dhe aktivitetit patriotik të mësuesit Petro Nini Luarasi, i cili, në fund të shekullit 20 ishte aktiv në mbrojtjen e shkollës dhe gjuhës shqipe.

134. LIRI A VDEKJE
Ibrahim Muça, Kristaq Mitro (1979)

Komitët të udhëhequr nga Çerçiz Topulli, Mihal Grameno dhe Hajredin Tremishti kthehen në fshat te njerëzit e tyre para se të ekzekutojnë bimbashin turk të Gjirokastrës. Pas kësaj, ushtria osmane ndërmerr një fushatë kundër Mashkullorës, krahinë e cila kthehet në një lapidar të rezistencës Shqiptare për pavarësi. Vritet barbarisht edhe mësues Hyseni, që u mëson fëmijëve fshehurazi gjuhën shqipe.

135. LUGINA E PUSHKATARËVE
Todi Bozo, Vitori Çeli (1970)

Met Sokoli, një pioner i ri, ndeshet me një bandë diversantësh që po hynin në Shqipëri. Ai përballon me zgjuarësi vështirësitë dhe ndihmon rojet kufitare të asgjësojnë bandën. Babai i Metit plagoset gjatë konfliktit. Biri i tij zë vendin e të atit në luftën kundër armiqve.

136. LULE TË KUQE, LULE TË ZEZA
Mevlan Shanaj (2003)

Një film rreth marrëdhënieve dramatike, dashurive, vetmive dhe historia e nje grushti njerëzish që jetojnë si satelitë me njëri tjetrin, në një vend ku kishat janë satelitë të xhamive, ku fshatrat janë satelitë të qyteteve, ku varri ka dështuar. Liljana, një grua e lirë që jeton së bashku me të fshehtat e saj, mbetet e braktisur nga i shoqi. Po kështu mbetet edhe Ana, e bija.

137. LULËKUQET MBI MURE
Dhimitër Anagnosti (1976)

Jetimët e një strehe varfnore, nën urdhërat e drejtorit dhe kujdestarit të tyre, pastrojnë çdo natë parrullat që njerëzit kanë shkruar kundër fashizmit. Katër shokë të vegjël, Jaçe, Lelo, Bardhi, Tomi organizojnë rrëzimin e kujdestarit nëpër shkallë. Nga frika e presioneve të kujdestarit, Sulo i vogël përpiqet të kapërcejë muret e jetimores dhe vritet nga patrulla.

138. LUMË DRITE
Ismail Zhabiaku (1975)

Bardhi punon si mësues në një fshat malor. Midis nxënësve është bërë problem Adushi, që ka braktisur shkollën. Por Bardhi i qëndron pranë dhe përpiqet të kuptojë shqetësimet e vërteta të tij. Bardhi i kthen Adushit dashurinë për shkollën.

139. LUMI QË NUK SHTERON
Fatmir Koçi (1989)

Lufta e Dytë Botërore. Në Shqipërinë e jugut disa njerëz qëllohen nga nazistët. Një djalë 1 vjeçar mbijeton në krahët e nënës së tij të vrarë. Tre partizanë dhe tre gra nga fshati mundohen të shpëtojnë jetën e foshnjës përmes plumbave. Një grua e re e ushqen me gji foshnjën.

140. LUNDRIMI I PARË
Hysen Hakani (1984)

Në ekuipazhin e anijes “Shqiponja” ka kohë që zien debati për gjetjen dhe studimin e zonave të gjuetisë së peshkut. Mes debateve fillon punën Petriti, një oficer i ri marine. Ai përkrah kapiten Borakun që ngulmon në futjen e metodave të reja për kapjen e peshkut.

141. MALET ME BLERIM MBULUAR
Dhimitër Anagnosti (1971)

Viti ‘43. Kabo, Jaho si dhe Peliceli, një mjek Italian dhe Zeneli i vogël, mbajnë në një vig Lilo Laben, drejt spitalit partizan. Jaho tregon gjatë rrugës dobësi të veçantë për Lilon. Grupi qëndron në shtëpinë e Safait në natën e dasmës së të birit, Birçes. Dhëndëri bashkohet me shokët e rinj. Në pranverën tjetër, Jaho dhe shokët e tij kthehen për të marrë Lilon në spital, por e gjejnë atë me këmbën e prerë.

142. ME HAPIN E SHOKËVE
Esat Teliti (1979)

Genci një djalë i përkëdhelur krahas mësimit merret me një komplekes të vogël muzikor. Ai bie nga mësimet por prindërit, mësuesit, shokët e ndihmojnë atë të ecë me hapin e shokëve

143. MELODI E PANDËRPRERË
Fehmi Oshafi (1985)

Filmi trajton dashurinë e njeriut për punën, profesionin që ka zgjedhur në jetë. Në qëndër është një bari me tufën e tij të dhive, është bota e tij intime dhe njerëzore.

144. MËNGJESE LUFTE
Kristaq Dhamo (1971)

Lufta e Dytë Botërore. Disa fëmijë të një qyteti të vogël, Guri, Piro, Milo dhe Tomi përfshihen spontanisht në një aksion kundër dy gjermanëve që po lahen në liqen. Shqetësimi i fëmijëve kundrejt pushtuesve, tërheq vëmendjen e të rriturve.

145. MËNGJESE TË REJA
Muharrem Fejzo (1980)

Ditët e para pas çlirimit… Agroni dhe Nora, dy të rinj partizanë, ngarkohen me detyra të rëndësishme në një qytet bregdetar. Së shpejti do të martohen por Nora vuan nga glaukoma. Mjeku që e kuron, Epaminonda, nuk e ndihmon të kalojë sëmundjen, sepse Nora është përfaqësuese e pushtetit popullor.

146. MËSIM PËR LINDËN
Donika Muçi (1971)

Një kino spektakël me në qendër fëmijët, marrë nga një shfaqje e teatrit të kukullave.

147. MËSONJËTORJA
Muharrem Fejzo (1979)

Dafina, nje grua e re e shkolluar kthehet në qytet për të hapur shkollën e parë për vajzat. Ajo ndeshet me pengesat dhe intrigat e thurura nga kreu i Sanxhakut, i cili kërkon rrugë të ndryshme për ta nxjerrë Dafinën nga qyteti. Për të ndaluar përpjekjet e saj për ngritjen e shkollës, kleri përpiqet të helmojë dhe çkishërojë Dafinën. Shkollën e djegin. Xhaxhai i saj, Stefan Bardhi, luftëtari Kajo dhe çifti që e strehon Dafinën, e ndihmojnë atë.

148. MILITANTI
Piro Milkani (1984)

Film portret mbi jetën e militantit Vasil Shanto. Ngjarjet vendosen në qytetin e Shkodrës ku heroi i filmit, Visar Shundi, vjen për të ngjallur punën e komitetit rajonal të partisë. Visari jepet si një njeri me cilësi fisnike dhe njeri aksionesh.

149. MIMOZA LLASTICA
Xhanfize Keko (1973)

Në qendër të filmit është Mimoza, një vajzë e vogël kryeneçe dhe e perkëdhelur që jeton në mes të një kujdesi të tepruar. Mimoza ka gjyshen e vet në dispozicion dhe i dëbon vazhdimisht nga shtëpia shoqet dhe shokët e saj, u prish atyre të gjithë lodrat deri sa mbetet e vetme dhe e penduar vetëm me kukullën.

150. MISIONI PËRTEJ DETIT
Lisenko Malaj (1988)

1944. Fundi i luftës së II Botërore. Katër partizanë zbarkojnë në një ishull Grek përtej detit. Ata kanë dënuar dike, emri fals i të cilit mban mbi supe krime të rënda. Filmi fokusohet në vështirësitë me të cilat përballen partizanët në këtë mision. Bile në disa pika duket se misioni do të dështojë.

151. MONDI DHE DIANA
Besim Kurti (1985)

Mondi, një nxënës shkolle, është i mirë në mësime por shumë impulsiv në karakter. Mësuesja e tij e re dhe pa eksperiencë nuk mund të shohë Mondin e vërtetë dhe në një fare mënyre e kundërshton atë. Ndërsa i ati ndjek nga afër tendencat pozitive të të birit dhe e ndihmon të formojë personalitetin e tij.

152. MONTATORJA
Muharrem Fejzo (1970)

Hëna, një punëtore e re në ndërtimin e një projekti të madh industrial, dëshiron të bëhet montatore. Pas pak kohe dëshira e saj plotësohet. Duke punuar në kantjerin e ndërtimit, Hëna dashurohet me Agimin. Ata do të vazhdojnë të punojnë bashkë në projekte të reja për ndërtimin e vendit.

153. MONUMENTI
Dhimitër Anagnosti (1977)

Një lulishtar plak, Xha Llambi, kujdeset në mes të luftës për lulet. Nazistët i kërkojnë atij disa kurora lulesh për të vrarët e tyre. Lulishtari e përgatit kurorën e madhe por e vendos brenda lulishtes ku është vrarë një partizan i ri. Kur vijnë gjermanët për të marrë kurorat, nis një betejë tjetër ku merr pjesë edhe lulishtari.

154. MURI I GJALLË
Muharrem Fejzo (1989)

Filmi bazohet dhe e zhvillon subjektin e një legjende të njohur të sakrificës në kështjellën e Rozafës, si një interpretim i lirë i asaj që njerëzit kanë ruajtur në shekuj. Tre vëllezër të martuar vendosin të sakrifikojnë në kështjellë gruan që do tu shpjerë drekën, në mënyrë që muri të mos rrëzohet përsëri në tokë.

155. MYSAFIRI
Hysen Hakani (1979)

“Mysafiri” është një agjent i sigurimit të shtetit i cili infiltrohet në agjenturat e zbilimit të huaj që operojnë në Shqipëri. Duke pasur në dorë disa të dhëna kompromentuese, të marra nga Agathia, agjentët e huaj kërcënojnë ing. Fation Papa dhe përpiqen ta detyrojnë të zbulojë informacione në lidhje me minerale të rralla në Shqipëri.

156. NATA
Esat Mysliu (1996)

Apokalipsi kishte ndodhur, por njerzit s’kishin ndryshuar. O Zot! Njerëzit nuk pyesin më për Apokalipsin. Ata sërish do të dehen, do të rrihen e do të vriten, do të vjedhin dhe do të kurvërojnë. Fara njerëzore është prishur. Po përderisa ekziston fëmija, parajsa tokësore nuk është vetëm shpresë.

157. NATA E PARË E LIRISË
Esat Mysliu (1984)

Vjeshtë 1944… Ngjarjet zhvillohen në Beratin e sapoçliruar. Një grup partizanësh ngarkohen me detyrën e normalizimit të jetës në qytet gjatë natës së parë të çlirimit

158. NDËRGJEGJJA
Hysen Hakani (1972)

Fitimi punon si mekanik në një oficinë. Nga pakujdesia, ai le pa rregulluar frenat e një kamioni, dhe i shkakton një aksident Petros, shoferit të kamionit. Petro do të ndëshkohet për pakujdesi. Fitimin fillon ta brejë ndërgjegja por e ka të vështirë të pranojë fajin. E fejuara e tij i jep kurajë për të treguar të vërtetën.

159. NE VINIM NGA LUFTA
Spartak Pecani (1979)

Borgjezët po bien, atyre u është vënë të pagujnë detyrimisht taksën e luftës. Prona private u shtetëzua gjerësisht. Gjatë këtyre ngjarjeve të pasluftës zbulohet puna e fshehtë e një specialisti llogaritar, Abdyli, i cili ndihmon borgjezët e shpronësuar dhe bashkëpunëtorët e fashizmit. Ai thirret për të dhënë llogari.

160. NË ÇDO STINË
Viktor Gjika (1980)

Zana dhe Bardhyli janë dy studentë që dashurohen. Përmes amplitudave shpirtërore të dashurisë së tyre, filmi zbulon ëndrrat, dëshirat dhe preferencat e tyre. Me karakteret që kanë pak a shumë të njëjtën moshë por edhe ndryshime midis njëri tjetrit, filmi jep portretin e studentit të ri.

161. NË DITËT E PUSHIMEVE
Besim Kurti, Drita Koçi (1982)

Një grup fëmijësh kalojnë pushimet në bregun e Adriatikut. Midis tyre është Detini, një djalë i ndrydhur dhe fjalëpak, shokët e vënë në lojë dhe ai mendon të largohet. Por shoku i tij më i afërt, Gjini, e ndihmon të rimarrë veten dhe të futet në shoqëri.

162. NË EMËR TË LIRISË
Fehmi Oshafi (1987)

Lufta e II Botërore në një fshat. Në luftimet me nazistët plagoset një partizan grek por partizanët shqiptarë e ndihmojnë dhe e strehojnë në shtëpinë e një fshatareje. Jeta e partizanit grek dhe mesazhi që ai ka për detyrë të çojë në vendin e duhur, janë në rrezik sepse komanda Gjermane vendoset në shtëpinë ku ai është strehuar.

163. NË FILLIM TË VERËS
Gëzim Erebara (1975)

Viti ‘42. Në një qytet bregdetar, bëhen planet dhe penetrimet e illegalëve për të hedhur në erë një depo ushtarake me municione. Fshatari Jaho Labi, që hyn në punë si hamall dhe vajza e Riza Korrës, Vera, të cilën i ati kërkon ta mbajë të mbyllur, lidhën me njerëzit e lëvizjes komuniste, ndërsa toger Gurabardhi që ka punuar pranë Italianëve e ndihmon të gjithë grupin të arrijë qëllimin.

164. NEKROLOGJI
Fatmir Koçi (1993)

Një kështjellë mesjetare. Një artist ka ndërtuar një monument të madh të një kali pa bark. Mbreti vdes papritur. E shoqja mundohet ta mbajë sekret vdekjen e tij derisa trupi i pajetë kthehet në një skelet mbi fron. Populli ende brohoret për mbretin dhe mbretëresha ha çdo ditë për dy: për vete dhe për mbretin e vdekur.

165. NË KUFI TË DY LEGJENDAVE
Piro Milkani (1981)

Ngjarjet zhvillohen në kënetën e Nusekanës për të cilën flitet edhe në një legjendë. Në këtë kantier vijnë për të kryer praktikën mësimore dy studente të vitit të parë të agronomies, Eda me Borën. Pasioni për profesionin i mobilizon vajzat të ambientohen me jetën. Midis Borës dhe Fanit, agronom i ri, lindin shkëndijat e dashurisë.

166. NËNTORI I DYTË
Viktor Gjika (1982)

Filmi trajton një nga ngjarjet më të rëndësishme të historisë së popullit shqiptar – shpalljen e pavarësisë së kombit Shqiptar. Personalitetet më të famshëm të kombit, të udhëhequr nga patrioti Ismail Qemali, pas shumë pengesash arrijnë të ngrenë flamurin shqiptar dhe të shpallin kështu Pavarësinë e Shqipërisë në Vlorë në 28 Nëntor 1912.

167. NË PRAG TË JETËS
Piro Milkani (1985)

Dy të rinj, Ardi dhe Rina, e pëlqejnë njëri – tjetrin. Ata janë në hapat e parë të jetës së tyre si të rritur. Filmi trajton probleme sociale, rolin e shoqërisë në edukimin dhe përgatitjen e të rinjve.

168. NË PRAG TË LIRISË
Ibrahim Muço, Kristaq Mitro (1981)

Të mbështetur nga nazistët gjermanë, tradhëtarët e kombit formojnë qeverinë kuislinge. Qemal Orbanaj, një i ri, demaskon manovrat e pseudodemokratëve si dhe të Emirës të cilën e ka dashur dikur. Me krijimin e Qeverisë së Përkohëshme, tradhëtarët humbasin shpresat dhe arratisen. Ndërkohë fillon lufta për çlirimin e Tiranës.

169. NË PYJET ME BORË KA JETË
Rikard Ljarja (1978)

Luka transferohet në një qytezë veriore. Në udhëtimin e parë së bashku me të shoqen, rruga është bllokuar nga bora e madhe. Luka i trembet jetës së kësaj qyteze, por gjen një mjedis shoqëror shumë të shëndetshëm, ku gruaja e tij ndjehet shumë mirë.

170. NË SHTËPINË TONË
Dhimitër Anagnosti (1979)

Miri është një djalë i cili ndjek motrën e tij Ana. Ai zbulon që ajo ka lidhje me një djalë të ri. Miri ikën nga shtëpia dhe babai i tij i shqetësuar shkon për ta kërkuar. Kur kthehet në shtëpi, Miri ia tregon babait sekretin e dashurisë së motrës së tij duke shkaktuar një dramë tek autoriteti prindëror, por dashuria e Anës fiton mbi të.

171. NGADHNJIM MBI VDEKJEN
Gëzim Erebara, Piro Milkani (1967)

Lufta e Dytë Botërore. Shqipëria është nën pushtimin nazist. Gjermanët arrijnë të kapin dy vajza të reja dhe i torturojnë ato për të zbuluar lidhjet me lëvizjen komuniste. Në fund ata i ekzekutojnë duke i varur në litar në mes të qytetit për të trembur dhe terrorizuar popullin. Filmi është i bazuar në ngjarjen reale të dy heroinave Bule Naipi dhe Persefoni Kokëdhima.

172. NGA MESI I ERRËSIRËS
Kristaq Dhamo (1978)

Petriti hyn si pastrues në Ministrinë e Brendëshme. Djaloshi i ri zbulon shumë të fshehta të këtyre korridoreve dhe të bashkëpunëtorëve të fashizmit. Ai kërkon të largohet, por njihet me Gjergjin, një ilegal që i kërkon të vazhdojë të punojë me durim. Plot ankth dhe kurajo ai indihmon ilegalët për të rrëmbyer një arkiv të rëndësishëm.

173. NGJYRAT E MOSHËS
Piro Milkani (1990)

Ndërsa maturantët po bëjnë mbrëmjen e maturës në turizmin e Tiranës, në katin e dytë takohen maturantët e shkollës pas njëzet vjetëve. Regjisori trajton problemet dhe shqetësimet e dy festive të ngjashme por me breza të ndryshëm duke u përpjekur kështu të portretizojë momente nga jeta në vitet ’90 në fund të sistemit komunist.

174. NUSJA
Gëzim Erebara (1980)

Shqipëria e Veriut në 1911. Sadik Aliaj marton të birin Baliun me Bardhën e cila në të vërtetë dashuron Sokol Demën të cilit i ka premtuar martesë por që turqit e kanë futur në burg. Natën e Martesës, Bardha i tregon Baliu sekretin e saj. Ky rrëfim i prerë dhe i pazakontë e ve Baliun në dilemë: ose ta vrasë nusen, siç e do kanuni, ose ta dorëzojë te prindërit e Sokol Demës.

175. NUSJA DHE SHTETRRETHIMI
Ibrahim Muço, Kristaq Mitro (1978)

Shpresa shkon në një shtëpi bashkëpunëtorësh të fashizmit për të shitur qëndizma, dhe kryen një atentat të rëndësishem. Pas kësaj i duhet të dalë në ilegalitet e veshur si nuse. Për këtë ajo ndihmohet nga shokët me të cilët ka bashkëpunuar për atentatin. Kështu Shpresa shpëton nga shtetrrethimi.

176. NXËNËSIT E KLASËS SIME
Saimir Kumbaro (1984)

Mësuese Nora transferohet në gjimnasin e një qyteti bregdetar. Edi, një nxënës, kërkon notë të lartë dhe të pamerituar në matematikë dhe e bën këtë hapur. Edi është djali i një funksionari të komitetit ekzekutiv. Mësuesja shqetësohet, nuk bie në kompromis me nxënësin dhe as me prindërit e tij.

177. NJË BABA TEPËR, televiziv
Arjan Çuliqi (2000)

Nëpërmjet humorit dhe satrirës filmi trajton egoizmin e fëmijëve për një jetë më të mirë duke mohuar edhe prindërit.

178. NJË DITË E MREKULLUESHME
Ibrahim Muça (2003)

Një studente shqiptare studion për kanto në Romë. Në shtetin fqinj ajo gjendet para vështirësive të shumta. Duke dashur të mbrohet nga dy përdhunues vajza vret padashje njërin prej tyre. Pëson një tronditje mendore dhe e fusin në çmendinë. I dashuri i saj shqiptar arrin ta nxjerrë nga humnera ku po fundosej dhe e kthen në jetë.

179. NJË DITË NGA NJË JETË
Gjergj Xhuvani (1993)

Ëndrra e një njeriu mosha e vjetër e të cilit ka bërë që ai të tërhiqet nga jeta intensive që jetonte. Ai ndjen se shoqëria nuk e vlerëson më për atë që është dhe gradualisht fillon të jetojë me kujtime deri sa me dëshirën e tij ai i largohet këtij realiteti.

180. NJË DJALË DHE VAJZË
Ibrahim Muça, Kristaq Mitro (1990)

Anila dhe Artani janë në prag të provimit të maturës. Ata jetojnë në të njëjtin pallat dhe kanë hyrë në moshën e ëndërrave të mëdha. Është koha që ata të ndeshen me probleme në jetët e tyre. Ky film trajton shumë aspekte të kësaj moshe delikate.

181. NJË EMËR MIDIS NJERËZVE
Muharrem Fejzo (1983)

Film portret mbi figurën më të njohur të lëvizjes anti – feudale të viteve ’20, patriotit Avni Rustemi. Aktiviteti politik intensiv i Avni Rustemit, jepet i lidhur ngushtë me atmosferën e tendosur të atyre viteve, përpjekjet e forcave progresiste të kombit që çuan në Revolucionin Borgjez të 1924.

182. NJË JETË MË SHUMË
Gëzim Erebara, Gavrosh Haxhihyseni (1986)

Gjatë një bombardimi, Çaku humb prindërit dhe shpëtohet nga një partizan. Bashkë me një shok të tijin, që imitonte Çaplinin dhe ëndërronte të bëhej artist një ditë, Çaku kërkon partizanin që i shpëtoi jetën derisa e gjejnë. Ky takim dhe dashuria e kujdesi për femijët e luftës, ndryshon jetën endacake të Çakut.

183. NJË NATË NËNTORI, televiziv
Vladimir Kasa (1979)

Ngjarjet zhvillohen në shtëpinë e një tregëtari ku gjatë luftës është strehuar një partizan. Këtu është fshehur edhe një kriminel. Karrocieri Kabo, që punon tek tregëtari zbulon këtë të fshehtë.

184. NJERIU I MIRË
Ibrahim Muço, Kristaq Mitro (1982)

Në film veprojnë tre njerëz, Kiço, Telo dhe Vera, e motra e Kiços dhe e dashura e Telos. Telo dhe Vera para se të finalizojnë dashurinë e tyre, kalojnë nëpër intrigat e thurura nga Kiço, i cili duke qënë egoist dhe karrierist nuk mund të pranojë martesën e së motrës me Telon

NJERIU ME TOP
Viktor Gjika (1977)

Ekranizim i romanit me të njëjtin titull të Dritëro Agollit. Mato Gruda, jeton në hasmëri me familjen e plakut Mere Fizi. Mato ka fshehur një top të cilin ëndërron ta përdorë kundër Mere Fizit dhe ka marrë në shtëpi si rob edhe një Italian që e thërret Agush dhe që i mëson përdorimin e topit. Kështu zbulohet e fshehta e një fshatari që lidhet me zor me luftën.

186. NJERËZ NË RRYMË
Besnik Bisha, Grigor Stavri (1989)

Arsen Morina po kalon momente dramatike. Ai mezi reagon ndaj dilemës se çdo të ndodhë me familjen dhe gruan e tij Ana, që janë në rrezik. Arseni nuk ka ndërmend të vegjetojë por të jetë aktiv në jetë duke kaluar tragjedi të vogla e të mëdha.

187. NJË GJENERAL KAPET ROB
Spartak Pecani (1980)

Një fshat i bukur bregdetar… Çeta vullnetare e fshatit gjatë stërvitjes ushtarake ndez fantazinë e fëmijëve. Duke imituar të rriturit dhe duke imagjinuar veten në një kohë lufte, ata ndahen në dy grupe dhe nisin një lojë mjaft tërheqëse. Spikat trimëria e “gjeneral” Batos dhe e Gonit.

188. NJË NATË PA DRITË
Gëzim Erebara (1981)

Një penë e re shfaqet në qarqet letrare të Shkodrës në vitet ’30 – ajo e poetit revolucionar Millosh Gjergj Nikolla, i njohur si Migjeni. Realiteti i errët e revolton poetin thellësisht. Ai e shpreh revoltën e tij me vargje si një denoncim i fuqishëm plot urrejtje kundër pushtetit në fuqi.

189. NJË NDODHI NË PORT
Hysen Hakani (1980)

Fallsifikohen të dhënat laboratorike të kontrollit të mallit në dëm të cilësisë. Kjo bën që të prishet kontrata me një firmë të huaj. Për këtë dyshohet një specialist që merret me kontratat. Me këto akte sabotatorët synojnë të humbasin gjurmët dhe të krijonë pasiguri. Kjo gjë shakton trazira në marrëdhëniet dashurore të Lindës me Artanin djalin e specalistit të portit.

190. NJË NGJARJE NË LIQEN
Jani Tane (1982)

Në një fshat kufitar fëmijët kanë gjetur një varkë të hedhur buzë liqenit. Fëmijët rregullojnë varkën duke menduar se është e kooperativës dhe e çojnë tek vendi ku e gjetën. Ky veprim i tyre zbulon një armik.

191. NJËSITI GUERIL
Hysen Hakani (1969)

Lufta e Dytë Botërore… Agjensia Italiane e spiunazhit (SIM), nëpërmjet Ludovikut mundohet të futet në rradhët e njësiteve guerile të qytetit. Ata synojnë të zbulojnë dhe asgjësojnë krerët dhe të gjithë rezistencën. Agjenti Ludovik zbulohet dhe kështu dështon i gjithë operacioni fashist “Gjarpëri i zi”.

192. NJË SHOQE NGA FSHATI
Piro Milkani (1980)

Kinokomedi që pason “Zonjën nga qyteti”. Ollga përgatitet të shkojë në konferencën e gruas aktiviste ku do të flasë për eksperiencën e saj në lidhje me luftën kundër koncepteve konservative. Gjatë një atmosfere të ngrohtë, Ollga i këndon ninullën e parë nipit të saj të porsalindur: “Na ishte njëherë një Ollgë që mbahej si zonjë.. Kohët kaluan dhe zonja u bë një nga ne, një shoqe nga fshati”.

193. NJË TELEGRAM, NJË KËNGË, televiziv
Mevlan Shanaj (1982)

Një kompozitor i ri, kompozon një këngë për grupin karkateristik “Lira” të Korçës. Ai bëhet dhëndër i grupit karakterist duke u dashurar me Lidën, vajzën e njërit prej këngëtarëve të grupit.

194. NJË UDHËTIM I VËSHTIRË
Petrit Llanaj, Xhezair Dafa (1977)

Miti, një punëtor i vjetër dhe Sokoli, një shofer i ri, bëjnë gjithë përpjeket për të transportuar në rrugë të vështira që nga porti i Durrësit deri në një uzinë të rëndësishme një kullë të lartë metalike, që nuk e merr dot asnjë tjetër përsipër.

195. NJË VIT I GJATË
Esat Ibro (1987)

Donika Sara është drejtoreshë e një ndërmarrjeje të rëndësishme. Papritur bashkëshorti i saj aksidentohet. Tani ajo duhet të zgjedhë midis jetës së saj shoqërore dhe detyrës si grua.

196. NJË VONESË E VOGËL
Xhanfize Keko (1982)

Heronjtë e filmit janë një grup fëmijësh, Besiana, Dorina, Ermali, Kliti, të cilët në 7 Mars, fesën e mësuesit, nisen për në shtëpinë e mësueses së tyre. Filmi është plot me situata të këndshme gjatë rrugës për në shtëpinë e mësueses.

197. ODISEA E TIFOZAVE
Xhezair Dafa (1972)

Filmi është një komedi, në të cilën një grup tifozash të sëmurë shkaktojnë shumë probleme dhe mosmarrëveshje midis tyre dhe qytetit.

198. OPERACIONI "ZJARRI"
Muharrem Fejzo (1973)

Një punonjës i sigurimit, Kreshnik Martini, ka hyrë në rradhët e një bande agjenturiale e hedhur në veprim në Shqipëri dhe mbledh informacione në të gjithë aksionet e saj. Ky film bazohet në një ndodhi të vërtetë të kundërzbulimit shqiptar, i cili në vitin ‘53 ka arritur të zbulojë një rrjet që synonte rrëzimin e pushtetit.

199. OREKSI I MADH, televiziv
Koço Devole (1995)

Në një bar me të dehur, hyn një burrë i huaj me një çantë plot me para. Ai bëhet shkaku i prishjes së qetësisë dhe harmonisë në bar.

200. OSHËTIMË NË BREGDET
Hysen Hakani (1966)

Lufta e Dytë Botërore. Patrioti Jonuz Bruga ka konflikte me djalin e tij më të ri, Selimin, i cili bën një jetë të shthurur dhe tradhëton atdheun e tij duke mos u pajtuar me luftën Antifashiste. Ndërkohë vëllezërit e tij, Dini, Petriti dhe Vehipi luftojnë duke drejtuar grupet guerile të qytetit.

201. PAK FRESKËT SONTE, televiziv
Arian Çuliqi (1995)

Telekomedi. Një çift të papunësh me shumë femijë e lëshojnë shtëpinë e tyre me qera për të jetuar dhe përfundojnë në taracën e pallatit.

202. PARTIZANI I VOGËL VELO
Xhanfize Keko (1980)

I vogli Velo mezi pret të rritet dhe të bëhet partizan i vërtetë. Kjo dëshirë e tij forcohet edhe më shumë pas vrasjes së të atit nga armiqtë dhe ai insiston që ta zëvëndësojë atë me çdo kusht. Disa herë ai nuk pranohet në rradhet e partizanëve për shkak të moshës së tij të vogël dhe të “pushkës që është më e gjatë se ai”. Por Velo nuk jepet. Më në fund ai arrin të pranohet në rradhët e partizanëve.

203. PARRULLAT
Gjergj Xhuvani (2001)

Ngjarjet zhvillohen në vitet e diktaurës komuniste, në një shkollë fshati. Të gjithë ishin të detyruar tu bindeshin urdhërave që vinin nga lart. Mësues Andrea ka një lidhje dashurore me mësuese Dianën. Nxënësit dhe mësuesit ishin të detyruar të shkruanin me gurë parrulla nëpër kodra duke i thurur lavde regjimit në fuqi. Andrean, që kundërshton urdhërat, e transferojnë dhe më pas e arrestojnë

204. PAS FASADËS
Drita Koçi ( 1992)
Ëndra e shqiptarëve të izoluar për të udhëtuar jashtë për specializime, vë përballë njeri tjetrit dy shokë pune.

205. PAS GJURMËVE
Xhanfize Keko (1978)

Periudha e pas luftës. Fëmijët vërejnë një banor të ri, xha Lipen, në lagjen ku jetojnë. Sapo ai vendoset në këtë lagje, një tjetër person endet andej duke shitur plaçka të vjetra. Gjatë pushtimit, plaçkaxhiu ka asistuar në arrestimin e xhaxhait të Luanit. Luani dhe fëmijët e tjerë zbulojnë se të dy burrat po përpiqen të hedhin në erë centralin elektrik të qytetit. Fëmijët lajmërojnë organet e sigurimit të shtetit.

206. PAS TAKIMIT TË FUNDIT
Fehmi Hoshafi (1989)

Bie alarmi në një repart ushtarak. Sjellja e ushtarit është ekzemplare por komandant Fatosi është vonë tashmë. Ai mund të përballet me gjygjin ushtarak për shkak të intrigave të leintnant Raufit. Kjo histori teston lidhjen e tij me të fejuarën.

207. PAS VDEKJES
Kujtim Çashku (1980)

Ekranizim i një nga thesaret e letërsisë shqipe “Klubi i Selanikut” të Çajupit. Viti 1908. Disa pseudo patriotë shqiptarë formojnë një klub me pretendimin se punojnë për të mirën e Shqipërisë. Secili nga ta ka një ëndërr: të jetë i famshëm dhe i pavdekshëm. Kjo dëshirë sfilitëse për famë dhe pavdekësi është vënë në shënjestër nëpërmjet sarkazmës, veçanërisht me lojën e Zenelit, shërbyesit të Skëenderbeut.

208. PËRBALLIMI
Viktor Gjika (1976)

Ekranizim i romanit të Teodor Laços. Pas përfundimit të luftës, njerëzit e rinj që kanë marrë pushtetin fillojnë të përballohen me urinë. Sekretari i partisë së qytetit, Martin Kreka, niset nëpër fshatra dhe udhëheq fushatën për grumbullimin e drithit, që shitet në tregun e zi. Ai ndihmohet nga drejtori i grumbullimit, i cili ka bluar për bukë edhe drithin e farës.

209. PËRSE BIE KJO DAULLE
Piro Milkani (1969)

Bazuar në romanin “Dasma” të Ismail Kadaresë. Katrina dhe Xhaviti, dy të rinj vullnetarë, bien në dashuri gjatë ndërtimit të një hekurudhe dhe vendosin të martohen. Por babai i Katrinës, një malësor që e ka fejuar vajzën pa pëlqimin e saj, nuk mund ta pranojë këtë martesë. Ai shkon në ceremoninë e dasmës për të vrarë të bijën. Por ç’ndodh…?

210. PËRSËRI PRANVERË
Petrit Llanaj (1987)

Dino Bregu, njëherë kryetar i një ferme shtetërore, mëson se Iliri, zëvendësuesi i tij ka marrëdhënie me vajzën e tij të vetme. Atij i duhet të bjerë dakort me këtë situatë dhe me qëndrimin e njerëzve kundrejt tij.

211. PËRTEJ MUREVE TË GURTA
Gëzim Erebara (1979)

Pasi mbush 12 vjeç, Asimeja e re detyrohet të rrijë e mbyllur në shtëpi. Familja e fejon me një të ri të cilin nuk e kishte njohur kurrë më parë. Gjatë luftës, një partizane e plagosur, rri në shtëpinë e Asimesë. Asimeja vendos të dalë partizane.

212. PËRRALLË NGA E KALUARA
Dhimitër Anagnosti (1987)

Variacion i komedisë “14 vjeç dhëndërr “ të A. Z. Çajupit. Në këtë komedi, autori tregon historinë e martesës së Gjinos 14 vjeçar me Marigonë 20 vjeçare. Marigoja hakmerret me të gjithë ata që sajuan këtë martesë të pazakontë dhe më në fund fiton.

213. PËRDHUNUESIT
Spartak Pecani (1994)
Asnjeri nuk e dinte kush ishte babai i fëmijës së saj. Ajo është duke ecur me një mik të vjetër në qytet dhe ata e grabisin dhe e përdhunojnë. Përdhunuesit ishin përreth një grupi motorçiklistësh qe u zhdukën më vonë. Përdhunimi shaktoi një efekt të thellë psikologjik në të. Shoku i saj zbuloi kush ishte përdhunuesi.

214. PESHA E KOHËS
Rikard Ljarja (1988)

Ngjarjet e filmit zhvillohen në një fshat në vitet ’80 në prag të pensionit të kryetarit. Vasili ka shumë merita por deri diku shpirtërisht i “burokratizuar”. Kryetari do që zëvëndësi t’i ngjajë atij në karakter dhe në pikëpamje, por planet e tij dështojnë.

215. PLAGË TË VJETRA
Dhimitër Anagnosti (1969)

Gjini, një plak malësor shtrohet në spitalin e Tiranës për të hequr nga shpatulla një plumb që i ka mbetur si suvenir nga një gjakmarrje e vjetër. Por kur mëson se operacionin do ta kryejë dr. Vera, ai heziton nga mungesa e besimit në aftësitë e grave. Vera, në këtë kohë, po përjeton një dramë familjare për shkak të vendimit që mori i shoqi, Naimi, për të punuar në minierën e Kurbneshit.

216. PLAKU DHE HASMI
Hysen Hakani (1981)

Lufta e Dytë Botërore. Fashistët Italianë kishin internuar në jug të Shqipërisë një numër të madh njerëzish që kishin bërë rezistencë në 7 Prill 1939 kuar ata zbarkuan në Shqipëri. Midis tyre është një plak që e thërrisnin të gjithë “daja”. Në retrospektivë jepen aspekte nga lufta e asaj dite. Daja lufton përkrah me të rinjtë. Më vonë ai bashkohet me partizanët.

217. PLUMBA PERANDORIT
Mevlan Shanaj (1980)

I riu Vasil Laçi qëllon mbi perandorin Viktor Emanueli i II dhe dënohet me vdekje. Fashistët përdorin tortura dhe mjete çnjerëzore për ta ndërruar kombësinë e tij. Ai mbron me bindje aktin kundër mbretit perandor si një vullnet i popullit shqiptar.

218. PLUMBI PREJ PLASTELINE
Petrit Ruka, Artan Minarolli (1995)

Duke paraqitur komeciarlizmin ne art dhe ideologji bota është përfshirë çdo ditë në vetvrasje. Një fëmijë i ekspozuar ndaj agresivitetit në masmedia dhe shoqëri, ndryshon gradualisht nga një i pafajshëm në një vrasës. Filmi akuzon që jemi ne vrasësit e vërtetë, prindërit dhe shoqëria.

219. PORTA EVA
Albert Minga (2000)

Porta Eva" ose tragjedia e trafikut te mishit te bardhe, permbledh ne 88 minutat e filmit, fatin e dy vajzave te reja, Lindes dhe Inxhit, te cilat, te joshura nga endrra mashtruese per lumturine, perfundojne ne fund te detit.

220. PRANVERA S’ERDHI VETËM
Piro Milkani (1988)

Irena, një fizikante e re, bashkë me tre shokë të saj ndërmerr një studim të rëndësishëm larg nga shtëpia. Ajo shkon për një kontroll shëndetësor në spitalin e qytetit dhe mëson se vuan nga leuçemia. Pasi e merr veten nga depresioni shpirtëror ajo fillon të pajtohet me realitetin duke çmuar çdo sekondë të jetës së saj dhe dashurisë së saj, të cilën përpiqet ta shmangë.

221. PRANVERË E HIDHUR
Muharrem Fejzo (1985)

Në qendër të filmit është një fotograf patriot, që sheh se si lëviz qyteti në prag të pushtimit duke fiksuar me aparatin e tij rezistencën heroike të popullit.

222. PRANVERË NE GJIROKASTËR
Muharrem Fejzo (1978)

Film muzikor. Dy të rinj që e kanë njohur njëri tjetrin gjatë një aksioni rinie, po martohen. Rrugës për në shtëpinë e nuses, dhëndëri dhe krushqit udhëtojnë nëpër qytete ku ndihen pëgatitjet për festivalin folklorin të Gjirokastrës. Pas ceremonisë së martesës, nusja merr pjesë në festival.

223. PRITA
Mit’hat Fagu (1968)

Lufta e Dytë Botërore. Një njësit i vogël partizan është ngarkuar me detyrë për të ndaluar një autokolonë gjermane të trupave speciale. Sulo, mitralieri i njësitit, duhet të bllokojë forcat gjermane të përparojnë. Partizanja Shaniko vritet duke luftuar për të shkatërruar kolonën. Sulo, për tu hakmarrë për vdekjen e vajzës, lufton për të asgjësuar autokolonën.

224. PRINDËR TË VEGJËL, televiziv
Jani Tane (1991)

Piktor Iliri i paraqet pikturat ashtu si i ndjen por ato konsiderohen liberale për kohën. Kjo e fyen shpirtërisht. Ai gjen ngushëllim në lidhjen jashtëmartesore me Zanën gjë që shkaton stres tek vajza e tij Entela.

225. PYLLI I LIRISË
Gëzim Erebara (1976)

Vitet e luftës. Vlash Zaka jeton duke kapur kuaj të egër. I vëllai partizan ka vrarë një spiun të Italianëve, kështu që edhe Vlashi është në survejim të plotë. Vlashi jeton nën syrin e spiunit Lami dhe të tregëtarit Ibrahim Beu që vjen të mbledhë kuajt e egër. Por ndihmohet nga xha Kovi, Thimi e Lena. Vlashi e Lena dalin partizanë.

226. QIND PËR QIND
Petrit Ruka, Artan Minarolli (1993)

Farsa elektorale në sistemin totalitarsit në të shkuarën dhe në të ardhmen e parë nga një këndvështrim tragji - komik.

227. QORTIMET E VJESHTËS
Kristaq Dhamo (1981)

Vitet ’30. Në këtë kohë idetë komuniste progresive po hynin në Shqipëri. Kujtimi, një student revlucionar, donte të ndryshonte jetën e të vuajturve nën regjimin e Mbretit Zog. Përmes objektivit të aparatit të tij fotografik ai sheh atmosferën e rëndë të kohës, varfërinë e njerëzve të thjeshtë.

228. QYTETI MË I RI NË BOTË
Xhanfize Keko (1974)

Fatmiri i vogël, prindërit e të cilit kanë punuar në një kantjer ndërtimi, ëndërron të ndërtojë edhe vetë një qytet. Për këtë i ndihmon kujdestarja e kopshtit dhe një punëtor që u sjell të gjithë shokëve të tij vegla pune. Ndërtohet kështu, brenda oborrit të një kopështi, qyteti më i ri i botës dhe zbulohen ëndrrat dhe karakteret fëminore.

229. RADIOSTACIONI
Rikard Ljarja (1979)

Ekranizim i romanit me të njëjtin titull të Ismail Kadaresë. Nëntor 1944. Një skuadër partizane, në të cilën është anëtare Teuta, merr urdhër të ringrenë Radio Tiranën. Partizanët mbledhin punonjësit e mëparshëm të Radio Tiranës dhe intelektualë të ndryshëm që kanë qëndruar larg gjatë kohës së luftës, që të ndihmojnë me transmetimin. Teuta bëhet folësja e parë për Tiranën e lirë.

230. RIKONSTRUKSIONI, televiziv
Vladimir Kasa (1988)
Inxhinier Emili lufton të bëjë karrierë në rrugë të padrejtë duke penguar kuadrot e reja. Paralelisht filmi trajton dashurinë e Zanës, e rritur ne shtëpinë e fëmijës dhe teknikut të ri Agimit.

231. RRETHI I KUJTESËS
Esat Mysliu (1987)

Një sirenë alarmi po ushton. Gruaja e sëmurë bërtet: Rrethi! Rrethi! Hiqmani rrethin! Doktorri mbetet i habitur. Është një rast i veçantë. Margarita Begolli, protagonistja e filmit, kthehet në Shqipëri pas 20 vjetësh me kujtesën e humbur. Cila është enigma?

232. RRETHIMI I VOGËL
Saimir Kumbaro (1986)

Agroni, kryetari i ri i komitetit ekzekutiv të rrethit, ndjehet i rrethuar nga ndikimi i Frosës, së vjehrrës dhe disa të afërmve dhe miqve të cilët duan ta shfrytëzojnë postin e Agronit për interesat e tyre personale.

233. RRUFEJA NË MAL
Vladimir Kasa (1986)


234. RRUGA E LIRISË
Esat Mysliu (1982)

Një grup vajzash dhe grash partizane nisen në Beratin e çliruar për të marrë pjesë në Kongresin e parë të Gruas Antifashiste. Atyre u duhet një rrugë e vështirë për të kaluar midis armiqve në zonat ende të pushtuara dhe të mposhtin koncepte patriarkale e konservatore. Kjo është rrugë plot sakrifica por njëkohësisht rruga e lirisë së gruas.

235. RRUGË TË BARDHA
Viktor Gjika (1974)

Një djalë i ri, Deda, i mbushur me entuziazmin e moshës dhe dashuri për punën, endet përgjatë linjës telefonike duke kërkuar shkëputjen. Njerëzit që jetojnë në zona të thella malore presin me padurim të rregullohet linja e t’i urojnë njëri tjetrit Vitin e Ri. Deda vdes i ngrirë në majë të shtyllës duke luftuar me të ftohtin dhe motin e keq.

236. RRUGICAT QË KËRKONIN DIELL
Rikard Ljarja, Saimir Kumbaro (1975)

Nebi Surreli, së bashku me nënën, jeton në varfëri të plotë, duke tërhequr një karrocë, si shpërndarës qymyri. Në këtë botë gati të nëndheshme njerëzore, ku e poshtëron Ganiu, një tregëtar qymyri, ai njihet me ilegalë të luftës, si Halimi, Gaqua, Mihali dhe Semi dhe pas kësaj fillon të hedhë trakte deri sa merr pjesë në një aksion te rrëmbimit të një shaptilografi.

237. SKËNDERBEU
Sergei Jutkevic (1953)

Historical film about our national hero, Scanderberg. Gjergj Kastrioti unites the Albanian princes through his marriage with Donika and also organizing the Alliance of Lezha, but he confronts, as well, his nephew’s betray, Hamza. The first feature film of the Albanian – Soviet collaboration.

238. SKËTERRË ’43
Rikard Ljarja (1980)

Revoltë në një kamp përqëndrimi fashist në vitin 1943, kundër metodave barbare, terrorit. Të burgosurit kryengritës si: profesori, piktori, Hekurani, Ariani, Mira, Shpresa, organizohen dhe mbajnë lidhje të vazhdueshme me rezistencën jashtë kampit. Me rezistencë të fortë ata arrijnë të shkatërrojnë skëterrën fashiste.

239. SI GJITHË TË TJERËT
Spartak Pecani (1981)

Vullneti, i rritur në shtëpinë fëmijës, sapo ka mbaruar ushtrinë dhe duhet të zgjidhë një sërë problemesh. Për këtë ai gjen mbështetje tek drejtoresha e shtëpisë së fëmijës dhe tek Nasho, ustai i repartit ku ai punonte para ushtrisë, të cilët ndërhyjnë në familjen e Jetës, vajzës që ai dashuron. Vullneti ndjen se po hyn në jetë si gjithë të tjerët.

240. SINJALI I DASHURISË
Besnik Bisha (1988)

A e dashuron Ana atë djalë i cili e ndjek gjithnjë nga pas dhe i dërgon sinjale dashurie në çdo hap? Por gjatë lojrave të dashurisë, ai pëson një aksident dhe i humb shpresat se një ditë do të kthehet në jetën normale. Por Ana beson se dashuria do ta ngrejë përsëri në këmbë. Kështu, ajo e thërret me sinjalin e tyre të dashurisë.

241. STOLAT NË PARK
Bujar Kapexhiu (1988)

Shumë pallto të dashuruarish të qytetit shkojnë direkt për pastrim kimik mbas uljes në stolat e sapolyer të parkut të qytetit. Midis tyre është Edlira, e bija e shefes së pastrimit kimik. Prindërit e saj fillojnë hetimin për të njohur dhëndërin e tyre të ardhshëm. Një shkrimtar i shkëputur nga jeta dhe që ankohet gjithmonë për fatin e keq të punëve të tij, ndihmon në “hetime”.

242. STREHA E RE
Spartak Pecani, Vladimir Kasaj (1977)

Sigurimi i bukës së re në një fshat malor është shumë i vështirë. Filmi bën fjalë për periudhën kur hidhet parrulla për realizimin e detyrave me forcat tona. Një linjë tjetër që ndiqet në film është linja e dashurisë së Bido traktoristit me Verkën.

243. SHEMBJA E IDHUJVE
Piro Milkani (1977)

Ekranizim i romanit me të njëjtin titull. Mësuesi i fshatit ka përballë një kryeplak fanatik, priftin Engjëll dhe një kapter policie që i shkaktojnë shumë vështirësi në punën e tij për edukimin e fëmijëve. Malësorët e varfër gjënden midis dilemave, pasi ata kanë qënë të detyruar tu nënshtrohen bestytnive dhe pushtetit të dekompozuar. Kryeplaku dhe kapteri bëjnë plane për të vrarë mësuesin.

244. SHIRAT E VJESHTËS
Spartak Pecani (1984)

Ndërpritet puna në një kohë me shira të paparashikuara në digën e një hidroçentrali të rendësishëm dhe rrezikohet kështu siguria e projektit. Kjo situatë rëndon më shumë në kryeprojektuesin, ing. Ilirin, i cili bashkë me shokët bën të pamundurën për të dalë nga kjo situatë e vështirë.

245. SHKËLQIM I PËRKOHSHËM
Albert Xholi (1988)

Rikthimi dhe vendosja përfundimtare në fshatin e lindjes është e padëshirueshme për të riun Danja, i cili ka kaluar disa vite në qytet. Danja ëndërron vazhdimisht për qytetin dhe fillon përpjekjet për tu larguar nga fshati.

246. SHOKËT
Kujtim Çashku (1982)

Ngjarjet zhvillohen në një projekt të madh industrial. Gjatë provave për vënien në shfrytëzim të një linje të re në furrnalta, ndodh një shpërthim me pasoja të konsiderueshme dhe eksperimenti ndërpritet. Ing. Genci është përgjegjës për këtë por në fund ai zbulon se shkaku i shpërthimit nuk ishte defekt i projektit por një sabotim i qëllimshëm.

247. SHOKË TË NJË SKUADRE
Dhoksi Sahatçi (1984)

Rudini, nxënës shkolle, luan futboll me dy skuadra fëmijësh. Kjo shkakton rënie në mësime. Ai arrin të fallsifikojë mesataren dhe për këtë përjashtohet nga garat sportive.

248. SHOKU YNË TILI
Fehmi Hoshafi (1981)

Tili është një nxënës i vështirë që bëhet problem për familjen dhe shkollën dhe i sjell shqetësime sidomos mësuese Besës. Fëmijë si Tili kërkojnë një kujdes të veçantë, durim dhe takt, në mënyrë që të shfaqin më të mirën e tyre. Filmi trajton probleme sociale që kërkojnë vullnet dhe këmbëngulje si nga shkolla ashtu edhe nga familja.

249. SHPELLA E PIRATËVE
Eduart Makria (1991)

Pesë fëmijë pa nisen pa leje me një varkë në kërkim të aventurave. Gjatë këtij udhëtimi, ku iu rezervuan shumë surpriza, ata njihen më mirë me njëri - tjetrin. Aventura mbaron kur ata gjejnë një libër shumë të vjetër të mbushur me historitë e legjendave të Shqipërisë.

250. SHPËRTHIMI
Muharrem Fejzo (1974)
Iliri një kërkues nafte fillon shpimet në një zonë gëlqerore, ku nuk ka asnjë të dhënë të studiuesve të mëparshëm. Nuk është e lehtë të kapërcesh të gjithë llojet e vështirësive fizike dhe profesionale dhe të mungesës së përvojës. Por Iliri nuk ka kërkuar më kot dhe fontana e naftës shpërthen.

251. SHPRESA
Eduart Makria (1989)

Shpresa ka një histori dashurie të pafat. I dashuri e ka lënë dhe ajo pati një abort. Ajo është shumë e dëshpëruar. I mënjanon njerëzit dhe ka humbur besimin tek e ardhmja e saj. Por më pas njihet dhe bie në dashuri me inxhinierin e ri, Piron. Dashuria e re, zgjon tek Shpresa interesin për jetën por në të njëjtën kohë ka probleme me familjen e Piros.

252. SHTËPIA JONË E PËRBASHKËT
Ismail Zhabjaku (1981)

Në familjen e Kozma Selitës çdo pjesëtar është i dhënë me pasion pas punës së tij. Mamaja, Vita, është rrobaqepëse, Djali më i madh, Xhoxhi, punon në rafinerinë e naftës, Aurora është farmaciste dhe Vaso naftëtar. Flonja dashuron Vason, por ajo do që Vaso të heqë dorë nga të qënit naftëtar. Por Vaso, i edukuar me dashurinë ndaj profesionit të tij, nuk mund të pajtohet me interesat e Flonjës.

253. SHTIGJE LUFTE
Piro Milkani (1974)
Lufta e dytë botërore. Kanani një luftëtar i famshëm në të gjithë krahinën e Pezes dhe Shabani një fshatar i vuajtur, përballojnë të gjithë djegjet dhe shkatërimet e fshatit dhe me heroizmin e tyre ngrenë popullin në një hakmarrje të madhe.

254. SHTRËNGATË NË MALE, televiziv
Kujtim Meçaj (1979)

Një grup gjeologësh të huaj të kryesuar nga profesor Hubelti kanë ardhur në Shqipëri për të punuar me specialistë shqiptar për zbulimin e mineraleve. Gjeologët shqiptarë vazhdojne punën e pavarur dhe arrjinë rezultatet.

255. TANA
Kristaq Dhamo (1958)

Ngjarjet zhvillohen në vitet ‘50. Në qëndër të filmit është Tana, një vajzë e zgjuar dhe me mendime të përparuara. Ajo dashuron Stefanin, i cili banon në një fshat të varfër malor. Tanës i del përpara mentaliteti i vjetër i gjyshit të saj si dhe xhelozia e Lefterit. Është një lojë dashurie drejt përparimit. Këtu është realizuar puthja e parë në filmat shqiptarë.

256. TAULANTI KËRKON NJË MOTËR
Xhanfize Keko (1984)

Taulanti 4 vjeçar, fëmija i vetëm i një familje intelektuale, nuk mund ta durojë më vetminë. Ai kërkon një motër. Por sa më shumë ngulmon Taulanti, aq më shumë e neglizhojnë prindërit këtë kërkesë. Me ngadalë, dëshira e Taulantit u pëlqen prindërve të cilët e kuptojnë se duhet ta shohin dëshirën e tij më me seriozitet dhe vëmendje.

257. TELA PËR VIOLINË
Bujar Kapexhiu (1987)

Andoni, një violinist i ri po studion seriozisht për konkursin e pranimit në Akademinë e Arteve të Bukura. Por Kozmai, i ati i cili mendon se i biri nuk mund ta fitojë konkursin pa ndërhyrje, lëshon alarmin dhe mobilizon të gjithë miqtë dhe të afërmit. Muço, kryetari i komisionit nuk është në gjëndje të gjykojë me mendje të kthjellët dhe e shfryn të gjithë zemërimin tek violinisti i ri i talentuar.

258. TELEFONI I NJË MËNGJESI
Ibrahim Muço, Kristaq Mitro (1987)

Një ditë, Neritani, një gazetar i ri kupton se fshihet një abuzim i madh pas fakteve të një artikulli të tij, ende të papublikuar të cilin Dhimitri, kunati i tij dhe Marjana, gruaja e drejtorit të kritikuar, po përpiqen ta zhdukin.

259. TË BURGOSURIT E GALERISË
Saimir Kumbaro (1995)

Galeria e Arteve ngjan si një qytet me 4000 mijë banorë. Aty ndodhen 4000 punime të piktorëve shqiptarë realizuar në periudhën e pas çlirimit të vendit nga okupimi fashist.

260. TË MOS HESHTËSH
Spartak Pecani (1985)

Bashkëshorti i Silvit vdes në një aksident…Për një periudhë kohe Silvi humb interesin në jetë. Por jeta vazhdon dhe ajo fillon ta marrë veten. Një dashuri e re e zgjon. Por një ditë ajo zbulon se burri që dashuron, Ardi, është bashkëpunëtor në një vjedhje të madhe të pasurisë shtetërore. Meqë është dëshmitarja e vetme, Ardi i kërkon të ruajë sekretin. Pas një lufte me ndjenjat e veta ajo e denoncon Ardin në organet kompetente.

261. TË PAFTUARIT
Kujtim Çashku (1985)

Bazuar në romanin e Ismail Kadaresë “Prilli i thyer”. Prilli i vitit 1939 është muaji i mjaltit dhe në të njëjtën kohë një muaj tragjik për shkrimtarin Besian Vorpsi dhe të shoqen Diana. I tillë është ky muaj edhe për Gjorg Berishën i cili endet në malësi duke shijuar ditët e tij të fundit të lirisë. Sipas kanunit, ai ka një muaj liri para se të ngujohet në kullën e tij. Jeta e Gjorgut rrezikohet sepse ai u hakmor për vdekjen e të vëllait.

262. TË SHOH NË SY, televiziv
Mevlan Shanaj (1986)

Filmi tregon punën e një ndërmarrje në një zonë malore ku punon si mjeke Diana dhe ekonomist Gjergji. Ata ndeshen me konceptet e kolegëve karrieristë të ndërmarjes dhe me dashurinë e përfolur për Dianën e cila kishte qënë e fejuar.


263. TINGUJT E HARRESËS, televiziv
Leonard Bombaj (1996)

Nëpërmjet dashurisë së dy të rinjve filmi jep një mesazh. Të duash është mënyra për të shlyer sado pak fatkeqësinë e konumikimit njerëzor.

264. TINGUJ LUFTE
Xhanfize Keko (1976)

Bardhi jetim, shkon të punojë në qytet në familjen e pasur të Galip Shkëmbit, i cili ka një djalë, Nardin. Në shtëpinë e tregëtarit të pasur vjen vazhdimisht Eqeremi, që i jep Nardit mësime violine. Por Eqeremi zbulon talentin e Bardhit. Me ndihmën e Eqeremit, Bardhi mëson t’i bjerë violinës, dhe të bëjë aksionet e para kundër fashistëve.

265. TOKA JONË
Hysen Hakani (1964)

Në një fshat në veri të Shqipërisë, reforma agrare i kthen tokën Lokes dhe familjes së saj, të cilën ia kishte përvetësuar me intriga Tuç Maku, një pronar i madh tokash në atë zonë. Fillon konflikti midis dy familjeve. Tuç Maku hakmerret duke vrarë Murrashin djalin e Lokes i cili ishte një nga aplikuesit e reformës agrare. Mbas kësaj tragjedie, Lokja kthehet te fëmijët e saj, Leka dhe Filja.

266. TOKË E PËRGJAKUR
Ibrahim Muça, Kristaq Mitro (1976)

Ngjarjet zhvillohen në tre kohë të ndryshme. Në fillim vritet Miti, babai i Gjergjit të vogël, në mbrojtje të tokës që arrin ta marrë beu. Pastaj bëhet protagonist Gjergji, që ndeshet në mullirin e fshatit me forcat italiane, ku vritet edhe beu edhe mullisi i fshatit. Në pjesën e tretë tregohet për reformën agrare dhe kthimin e tokës te djali i Mitit, Gjergji.

267. TOMKA DHE SHOKËT E TIJ
Xhanfize Keko (1977)

Tomka është një djalë i vogël që i pëlqen të luajë me top së bashku me shokët e tij. Por fushën e futbollit e marrin nazistët që kanë hyrë në qytet. Tomka, nën kujdesin e të rriturve, fillon të organizojë aksione kundër kampit ushtarak që është dislokuar në fushën e tyre të dikurshme të lojës.

268. TRE DITË NGA NJË JETË
Lisenko Malaj (1986)

Dy regjisorë të rinj, Iliri dhe Sandri, po punojnë për një film të ri që i merr ngjarjet nga betejat kundër nazistëve gjatë luftës së Dytë Botërore. Xha Tanushi, heroi i filmit, bëhet pika kyçe për të gjitha episodet e filmi.

269. TRENI NISET NË SHTATË PA PESË
Spartak Pecani (1988)

Elteva, e cila sapo ka filluar punë në bangën e shtetit, fillon të flasë për dëmet e sjella nga puna e dikujt që po ndjek një zgjidhje ekonomike të gabuar. Ajo gjendet në udhëkryqe dhe në një moment pyet veten pse të gjithë janë kundër saj. Në këtë kohë doktori mendon se ajo është shtatëzënë. I dashuri e braktis. Është një intrigë që dikush e thuri pa shumë kujdes por i kushtoi shumë Etlevës.

270. TRE NJERËZ ME GUNA
Saimir Kumbaro (1985)

Tre partizanë të veshur trashë me guna për t’u mbrojtur nga dimri i ashpër nisen për të kryer detyrën. Në rrugë e sipër diktohen nga gjermanët që u vihen në ndjkeje. Bariu Xhemo, për t’i shpëtuar përdor një dredhi të guximshme duke vënë në rrezik veten dhe familjen e tij.

271. TRE VETË KAPËRCEJNË MALIN
Besim Kurti (1988)

Një fshat i vogël gjatë luftës së Dytë Botërore. Për shkak të varfërisë së thellë, disa fshatarë grabisin mallra përtej kufirit malor. Një hendek i madh hapet midis fshatarëve dhe atyre që luftojnë armikun.

272. THESARI
Muharrem Fejzo (1981)

Ndihmat e mëdha në të holla të mbledhur nga populli në shërbim të luftës i besohen Kiços për t’i ruajtur. Mbas çlirimit askush nuk po kujtohej për atë thesar, por Kiçoja i kërkoi vetë ata që ia kishin besuar dhe thesari u dorëzua i paprekur.

273. THIRRJA
Fehmi Hoshafi (1976)

Kujtim Morava shkon të punojë në një fshat shumë të prapambetur ku vepron ende kanuni. Kujtimi merr pjese në prishjen e kishave dhe të xhamive të cilat quheshin qëndra të mbështetjes së kanunit dhe të prapambetjes. Filmi bazohet në ngjarje reale të reformave partiake të fundit të viteve ‘60.

274. UDHA E SHKRONJAVE
Vladimir Prifti ( 1978)

Mësuesi atdhetar Dhaskal Todri, i shoqëruar nga Tunxhi pasi ka bërë një rrugë të gjatë, sjell në Shqipëri shkronjat shqipe që do të përdoren për të shypur abetaren e parë të gjuhës shqipe. Në një han ata takohen me një prift të panjohur i cili i shoqëron për t’i treguar rrugën. Prifti, i shtyrë nga kryepeshkopi, vret mësuesin. Tunxhi vret priftin duke i çuar shkronjat në vendin e duhur.

275. UDHËTIM NË PRANVERË
Qerim Mata (1975)

Film muzikor. Valbona një këngëtare e re, niset me vonesë për të gjetur shokët e saj të ansamblit që kanë filluar një turne nëpër të gjithë Shqipërinë. Një shofer i ri, përpiqet ta ndihmojë dhe e shoqëron kudo, si një bashkëudhëtar i pandarë, deri sa i shfaq edhe dashurinë.

276. UNË E DUA ERËN, televiziv
Albert Minga (1990)

Era besonte në dashurinë e saj duke i dhënë asaj gjithshka por pikërisht këtu fillon drama e saj. Filmi transmeton mesazhin e dinjitetit njerëzor.

277. URA DHE KËSHTJELLA
Rikard Ljarja (1984)

Para syve të Salo Briskut dhe djalit të tij meremetues urash zhvillohen ngjarje të pazakonta. Populli përgatitet të presë me armë pushtuesit. Ky patriotizëm i rrëmben edhe dy meremetusit dhe në kohën kur mbi urë kalojnë ushtarët Italianë, ata e hedhin atë në erë.

278. VAJZAT ME KORDELE TË KUQE
Gëzim Erebara (1978)

Filmi ka në qendër aktivitetin e Jetës, një vajzë e re, nxënëse në shkollën e vajzave. Jeta është anëtare e grupit ilegal dhe ngre në shkollën e saj grupin e të rejave antifashiste. Gjatë një feste, mësuesit fashistë duan të detyrojnë nxënësit të këndojnë himnin fashist, gjë që çon në një nga demonstratat më të mëdha në kryeqytet gjatë së cilës Jeta jep jetën.

279. VAZHDOJMË ME BETHOVENIN
Spartak Pecani (1994)
Fati tragjik i dy të dashuruarve të cilët mbetën të mbyllur aksidentalisht në një bunker.

280. VDEKJA E BURRIT
Lisenko Malaj (1990)

Një ambasador del në pension dhe vendos të kthehet të jetojë në fshatin e lindjes të cilin nuk e ka vizituar gjatë 20 viteve të fundit. Ai bindet për hendekun e madh që ekziston midis tij dhe shokëve të dikurshëm të fëmijërisë. Ai mbyllet në shtëpi, në qilarin e fëmijërisë ku luante dikur me shokët e tij.

281. VDEKJA E KALIT
Saimir Kumbaro (1992)

Kjo është historia e kuajve të njohur të rracës Arba. Në 1975 një gjeneral i njohur i ushtrisë shqiptare, i cili ngriti fermën e pare të kuajve në Shqipëri, u dënua me vdekje. Kjo shënoi fillimin e ekzekutimit të kuajve. Agroni në “Vdekja e kalit”, shpëton një kalë dhe për këtë dënohet nga gjygji ushtarak. Gazeta pariziane “La nuit” e cilëson filmin si autopsi të diktaturës.

282. VËLLEZËR DHE SHOKË
Dhimitër Anagnosti (1980)

Viti 1941, lufta e Dytë Botërore. Filmi fillon me rikthimin e Vasos në fshatin e tij të lindjes. Ky komunist i ri i jep një kuptim tjetër protestave të fshatarëve kundra armiqve. Vëllai i Vasos, Marko, ëndërron të hakmerret kundrejt atyre që grabitën të fejuarën e tij, dhe kjo hakmarrje është pjesë e një revolte të përgjithshme.

283. VENDIMI
Kristaq Dhamo (1984)

Maj 1942. Shqipëria ndodhet nën pushtimin fashist në luftën e Dytë Botërore. Pushtuesit po përpiqen me të gjtha mënyrat të zbulojnë drejtuesit e partisë komuniste të Shqipërisë dhe të fshijnë lëvizjen popullore për liri. Në këtë situate, komunistët përballen me detyrën e zbulimit të tradhëtarëve.

284. VETMI
Spartak Pecani (1990)

Metamorfoza e Endrit. Nga një person me shumë shokë, tani ai ka mbetur vetëm. Shokët e kanë braktisur. Ai shkatërroi dashurinë e Suzit, vajzës së tij. Por Endri më në fund po ndryshon.

285. VITET E PARA
Kristaq Dhamo (1965)

Filmi është bazuar në ngjarje reale marrë nga një roman i Fatmir Gjatës. Ngjarjet ndodhin gjatë tharjes së kënetës së Maliqit midis Stavri Larës, sekretar partie dhe Abdyl Sharrës dhe Zyrakës, të cilët kanë bërë sabotime. Stavri Lara i zbulon ata dhe do t’i demaskojë publikisht. Në ngjarjen reale dy njerëz nga stafi teknik janë ekzekutuar.

286. VITET E PRITJES
Esat Mysliu (1989)

Mesi i viteve ’20. Jano Kodri kthehet nga Amerika por e ka të pamundur të integrohet përsëri në jetë. Të gjithë e pyesin për emigrantë të tjerë që nuk kanë më lidhje me familjet, por Jano rri i heshtur dhe nuk është në gjëndje të komunikojë me të tjerët që e rrethojnë.

287. VJESHTË E NXEHTË E ‘41
Albert Xholi, Eduart Makria (1985)

Kinonovelë sipas tregimit të shkrimtarit Dh. Shuteriqi “Marathonomaku ynë” ku trajtohen ngjarje që lidhen me 8 nëntorin e vitit 1941, ditën e themelimit të Partisë Komuniste Shqiptare. Jep jetën dëshmori i parë komunist Koçi Bako.

288. VRASJE NË GJUETI
Kujtim Çashku (1987)

Tre shokë, Fredi, Aleko dhe Pertefi shkojnë për gjueti. Dikush qëllon gabimisht Pertefin dhe e vret. Megjithatë asnjë nuk është i sigurt kush është vrasësi i vërtetë. Aleko që e ka qëlluar vërtet Pertefin, pa dashje, nuk ka kurajë ta pranojë fajin. Ai përpiqet të përdorë dyshimet dhe ndenjat e fajit.

289. YLLKA
Ylli Pepo (2003)
Ngjarjet zhvillohen në vitet e tranzicionit në Shqipëri. Dy gra shqiptare emigrojnë në Zvicër dhe mundohen të qëndrojnë me çdo kusht atje. Vihen në kërkim të një burri për tu martuar dhe për të fituar leje qëndrimi. Më në fund, Yllka, që kishte edhe të bijën me vete, martohet me një muzikant. Ndërsa shoqja e saj kthehet në Shqipëri dhe martohet me një shqiptar.

290. YJE MBI DRIN
Ismail Zhabjaku (1978)

Pasi largohen specialistët e huaj, inxhinier Lulëzimi ngarkohet të punojë për ndërtimin e hidroçentralit të Fierzës. Lulëzimi përpiqet të gjejë zgjidhje teknike për të ndërtuar vepra të prodhimit të energjisë jo vetëm në Shqipëri por edhe në Ballkan.

291. YJET E NETËVE TË GJATA
Viktor Gjika (1973)

Lufta antifashiste. Tafili, djali i nënë Pashakos, vritet nga fashistët. Pushtuesit, të ndihmuar nga spiunët, bëjnë bastisje në fshatin e Pashakos, dhe e thërrasin atë dhe djemtë e tjerë të saj, që të bëjnë identifikimin e ilegalit, por asnjë nga familja nuk tregon se Tafili është i tyre. Rezistenca e Pashakos vazhdon, megjithë raprezaljet që nuk kanë të mbaruar.

292. ZAMBAKËT E BARDHË, televiziv
Ilir Bega (1983)

Luljeta dhe Jetnori janë studentë dhe e duan njëri-tjetrin. Të dy mbrojnë diplomën me një temë shkencore që ka vlera praktike.

293. ZANI PARTIZANI, televiziv
Pali Kuke (1975)

Lufta e II Botërore. Zani 13 vjeçar pasi gjen një pushkë dhe kap dy robër Italianë, shkon ndrejt tek partizanët. Komandanti nuk e pranon të bëhet partizan se është i vogël. Në një betejë vritet i vëllai dhe Zani e zëvendëson atë duke dalë partizan.

294. ZEMRA E NËNËS
Besnik Bisha (1993)

Nje grua plakë jeton vetëm. Fëmijet e saj kishin ndërtuar jetët e tyre dhe vinin e vizitonin rrallë. Lidhjet me miqtë kishin vdekur. Ajo i kishte transformuar të gjithë të afërmit në kukulla, i kishte vendsour ato në divan rreth dhomës dhe bisedonte çdo ditë me ta. Por ajo nuk ishte e çmendur. Të vetmin shok kishte nipin e saj.

295. ZEMRAT QË NUK PLAKEN
Esat Ibro, Esat Mysliu (1977)

Xha Azemi ka dalë në pension pas 30 vjetësh punë si shofer kamioni. Por ai nuk mësohet dot me këtë qetësi. Shokë të tjerë aktivë e ndihmojnë të kalojë një prag tjetër të jetës.

296. ZËVENDËSI I GRAVE
Fehmi Hoshafi (1987)

Lisimaku vazhdimisht caktohet të zëvëndësojë gratë e ndërmarrjes gjatë lejes së tyre të lindjes. Rritja e Lisimakut në karakter arrihet përmes situatave të papritura ku komikja ndërthuret me dramatiken.

297. ZONJA NGA QYTETI
Piro Milkani (1976)

Vendimi i Ollgës për të jetuar me Melin, vajzën e saj që punon si ndihmësmjeke fshati, kthehet në situata plot peripeci. Pas një panairi të tërë letërkembimi për të gjetur një dhëndër qyteti, Ollga i prezanton Melit, Koçin, që hiqet si artist i vërtetë. Por Meli ka rënë në dashuri me Bujarin dhe nuk shkulet nga fshati.