Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Diskutime Shoqërore » 46-vjeçarja dhe udhëtimi i ëndrrave

46-vjeçarja dhe udhëtimi i ëndrrave

Shko poshtë  Mesazh [Faqja 1 e 1]

1Normal 46-vjeçarja dhe udhëtimi i ëndrrave prej Wed Jul 15 2009, 02:39

Henea


Antar/e
Antar/e
Britanikja që vendosi t‘ia kthente borxhin vetes pas 26 vitesh shërbimi në familje

Pasi kaloi plot 26 vjet në funksion të plotë të mbarëvajtjes së familjes, rritjes së fëmijëve,
gatimit e kujdesjes për bashkëshortin, Jo Thompson, vendosi që më në fund kishte ardhur momenti i saj i shumëpritur. Ajo vendosi që më në fund mund të shihte botën. "Kisha vite të tëra që merresha vetëm me të tjerët, edhe pse këta ishin familjarët e mi, djemtë dhe
bashkëshorti. Mbaj mend pelenat për 5 fëmijë, qëndrimet për vite me radhë në shi, erë e vapë në derën e shkollës, ndërsa prisja që fëmijët të mbaronin mësimin, të njëjtin treg e supermarket ku blija çdo fundjavë të njëjtat ushqime. Ndërkohë që bota rreth meje ndryshonte vazhdimisht, mua më dukej se kisha mbetur në të njëjtin vend, pa lëvizur.
Nëse me sa ju thashë do të keni krijuar në mendje imazhin e një jete të palumtur, gaboheni. Kaosi i lumtur i një familjeje të madhe të kompenson jashtëzakonisht
për vitet e kaluara në shërbim të saj, për rininë e kaluar në kuzhinë, për udhëtimet
që nuk u ndërmorën kurrë, apo për mbrëmjet e festat që u braktisën. Por çdo fëmijë që vinte në jetë sillte një sfidë të re që nuk të linte kohë të mendoheshe për mungesat e tua. E ndërkohë që ata rriten e "fl uturojnë" nga çerdhja, ëndrrat e së shkuarës nisin e të vijnë ndër mend. Një ditë dola para pasqyrës dhe m‘u bë sikur më tha: "Je 46 vjeç, ç‘pret më
për të realizuar ëndrrat". Në atë çast i hodha një vështrim tim shoqi, që po dremiste në divan me telekomandën e televizorit në dorë. Në sfond dëgjohej zhurma e zakonshme e një ndeshjeje rekbije. Fëmijët ishin të gjithë jashtë. Për një çast gati sa nuk thirra: "Kjo nuk
është jeta ime. Jo më". Mosha si meso grua më thërriste brenda vetes dhe më thoshte se duhet ta jetoja. Po si? Më kujtohej se në të ri kisha një dëshirë të shfrenuar të udhëtoja, ashtu me çantë shpine në kurriz, me hartë në dorë e të flija ku të më zinte nata. Por erdhi
familja dhe ëndrra u mbyll në sirtar. Ndërsa ndodhesha para pasqyrës u binda që ajo mund të realizohej dhe se unë vetëm duhet të bindesha vetë dhe të merrja rrugën. E kjo rrugë do
të më çonte, edhe pse pas 26 vitesh në viset ku dielli perëndon, në ujërat e oqeanit e lind majave të pishave, ku rritet ende gruri nëpër ara dhe frutat nëpër pemë, ku ujërat janë të pastër e qielli pa një re. Si mendova kështu nisa të organizohem. Hapa laptopin, mora
një filxhan me kafe dhe nisa kërkimin. Ajo që unë kisha dëshiruar gjithmonë ishte një rrugëtim nëpër Evropë e më pas një kthesë për nga lindja e botës në Transilvani, Cappadoçia, Taj Mahal, Sumatra, Jacarta, Bali....Preva biletat për gjithë itinerarin që do të kryeja dhe s‘më mbetej veçse të bëja çantën gati. Pa dyshim që një udhëtim i tillë kërkon
të paktën tri gjëra: sensin e aventurës, aftësi organizative dhe sigurisht xhepa të mbushur plot, për çdo rast. Një udhëtim si ai që doja unë nuk ishte aspak i lirë dhe unë nuk e disponoja gjithë shifrën e të hollave, ndaj bëra një plan. Për dy javë, sa të niste udhëtimi im, do të punësohesha me kohë të pjesshme në një dyqan dhe paratë që do të fitoja do të realizoja të gjithë pagesën e udhëtimit. Por, në fakt, ajo që më shqetësonte më shumë nuk ishte kostoja materiale, sesa kostoja personale e një udhëtimi të tillë shumë të gjatë
të ëndërruar në rini e të ndërmarrë në moshë të mesme. Po sikur të kthehesha një person i ndryshëm nga ai që isha nisur? Po sikur të mos kthehesha fare? Pasi i kisha bërë të gjitha planet dhe e kisha ndarë mendjen, e vetmja gjë për të bërë ishte të lajmëroja familjen për
planin tim. Po si t‘ua thosha? T‘u thosha që kisha nevojë për pushim, për t‘u shkëputur nga të gjithë e për të kaluar një kohë me veten në vende të tjera? T‘u thosha që kisha humbur veten në vitet e kaluara në shtëpi dhe se kisha nevojë që ta gjeja? Si e mendova gjatë vendosa t‘ua thosha në darkë dhe shumë thjesht, ndërsa servirja makaronat. Fëmijët
mbetën me gojëhapur, bashkëshorti nuk e pranoi absolutisht si fakt, ndërsa miqtë e mi, madje edhe ata më të ngushtët menduan se ose kisha luajtur mendsh, ose kisha gjetur ndonjë të dashur dhe e gjithë kjo ishte një maskim. Pyetjet ishin nga më të ndryshmet: Përse nuk kisha zgjedhur pushime normale si të gjithë njerëzit normalë? Im shoq më
shihte me mosbesim dhe e vetmja gjë që më tha ishte se e kuptonte situatën time, pasi së fundi kishte lexuar një fletëpalosje për çrregullimet e grave në menopauzë. Të gjitha këto reagime për mua ishin gati ofenduese, fillimisht, por më vonë më bënë të vija buzën në gaz. Në fund të fundit më takonte mua të vendosja e të kryeja këtë rrugëtim, pa
parë djathtas e majtas. Tani ja ku jam në shtëpi ndërsa përgatitem për rrugë. Kam nisur të ëndërroj sërish dhe më e bukura të ndaj disa nga ëndrrat e mia me djemtë. Ata janë më të qetë dhe madje pak nga pak po lumturohen për faktin se më në fund mamaja e tyre, njeriu që i lindi e i rriti e i bëri gati për fluturim, mendonte se tashmë i kishte ardhur radha asaj për të dalë nga çerdhja e për të çarë qiejt.

Shiko profilin e anëtarit

2Normal Re: 46-vjeçarja dhe udhëtimi i ëndrrave prej Wed Jul 15 2009, 02:40

Henea


Antar/e
Antar/e
Enderra e shume njerezve, mjafton deshira, asgje nuk eshte e veshtire !

Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi