Rihanna është në shok pasi ish- i dashuri i saj Chris Brown ka lansuar një video publike ku kërkon falje për përleshjen me këngëtaren.
Reperi është deklaruar fajtor për sulmin që ka bërë mbi këngëtaren e hitit “Umbrella” në shkurt të këtij viti, ndërsa është dënuar me pesë vite lirim me kusht dhe me shërbim ndaj shoqërisë.

Këtë muaj Brown lansoi një video në faqen TMZ.com ku shpreh pendimin për veprimet e tij.

Ndërkohë, një burim i revistës britanike “Now”, ka thënë se Rihanna është në shok të plotë pas publikimit të kësaj videoje, sepse ajo nuk ka dashur që e njëjta gjë të del sërish në lajme dhe të përflitet sërish për incidentin.