Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Shkenca Dhe Jeta «« » Shkenca & Jeta » Shkenctaret zbulojne proteinen per infektionin e hepatitis

Shkenctaret zbulojne proteinen per infektionin e hepatitis

Shko poshtë  Mesazh [Faqja 1 e 1]

LuNa

avatar
Moderator/e
Moderator/e
Studjuesit e Institutit të Gjenetikës në Universitetin e Këlnit gjatë një pune kërkimore tre vjeçare kanë arritur siç duket të provojnë, që një proteinë e caktuar luan rol të rëndësishëm në përhapjen e hepatitit C dhe kanserit në mëlçi.

Nemo, kështu quhet proteina, që dërgon një sinjal të caktuar në qelizat e mëlçisë. Me këtë zbulim shkencëtarët nën drejtimin e profesor Manolis Pasparakis shpresojnë që në të ardhmen të mund të zhvillohen medikamente të cilat luftojnë me efikasitet hepatitin C dhe kanserin në mëlçi e ndoshta edhe ndihmojnë të pengojnë shpërthimin e tij.

Nëse mëlçia e infektuar prej hepatitit C nuk luftohet me efikasitet, ajo mund të çojë në nxitjen e kanserit në mëlçi. Kryesisht në Afrikë dhe në Azi, ku regjistrohen çdo vit mëse një milionë të sëmurë rishtaz, shpesh herë të prekurit me hepatitin C dhe kanserin në mëlçi i pret vdekja. Arsyja ka të bëjë krahas mangësive në kujdesin shëndetësor edhe me kushtet e këqia higjenike, që favorizojnë shpërthimin dhe përhapjen e hepatitit. Deri tani nuk ka qenë e qartë, se në ç´rrugë depërton virusi te qelizat e shëndosha.

Gjenetisti Manolis Pasparakis bashkë me ekipin e tij ka rënë në gjurmët e një proteine të quajtur "Nemo", që luan një rol të rëndësishëm, siç sqaron prof. Pasparakis: "Nemo është një proteinë shumë e rëndësishme, që rregullon një rrugë kritike depërtimi, të cilën ne e quajmë NF-Kappa B. Veprimi i kësaj proteine është shumë i rëndësishëm për regullimin e reagimit të qelizave ndaj stresit. Kjo do të thotë, nëse një qelizë NF-Kappa B nuk mund të aktivizohet, atëherë kjo qelizë është e predestinuar të preket nga shumë forma të sulmit dhe mund të vdesë si pasojë. Ndërsa ne arritëm ta bllokojmë proteinën Nemo si element komandues dhe konstatuam, që edhe NF-Kappa B nuk vihej në funksionim e si rrjedhojë edhe ajo ishte e bllokuar."

Prej kësaj në mëlçi ndodh ky proces: nëse NF-Kappa B nuk funksionon, qelizat janë si të thuash në mëshirën e substancave shumë toksike. Si rrjedhojë këto qeliza vdesin dhe vdekja e tyre krijon një situatë kronike. Kjo pasi mëlçia përpiqet ta ndalë këtë proces shkatërrimtar duke lodhur gjithnjë e më shumë qelizat e tjera të shëndetshme. Nëse kjo ndodh për një kohë të gjatë, kemi një konstelacion të infektimit të mëlçisë, që shpesh herë çon drejt kanserit. Nëse e shpjegojmë në mënyrë figurative: proteina Nemo është roja e ashensorit NF-Kappa B, që të çon në katet e veçanta të qelizave. Ky rojtar është i vetmi, që ndër të tjera di se ku janë të instaluara pompat e ujit për shuarjen e zjarrit në rast rreziku. Nëse roja për pak kohë nuk gjendet në shtëpi, atëherë shpërthen zjarri, që shkakton një gjendje fatale, zjarri përhapet i papenguar, ndërsa zjarrëfikësi nuk ka akses në vatrën e tij.

Profesor Pasparakis dhe grupi i shkencatërve përreth tij kanë bërë një hap të rëndësishëm, duke i simuluar këto rrethana në laborator me minjtë. Se çfarë do të thotë kjo për terapitë e ardhshme dhe masat eventuale profilaktike, e sqaron vetë studjuesi: "Në këtë fazë unë nuk mund të spekulloj, por dihet që shumë viruse përdorin rrugë për të ndaluar aktivizimin e NF-Kappa B. Siç kemi zbuluar ne në laboratorin eksperimentues, nëse një virus është në gjendje që në të njëjtën mënyrë të bllokojë qelizat e mëlçisë, siç kemi arritur ta bëjmë ne, duke mbyllur rrugët e kalimit që drejtohen prej proteinës Nemo, atëherë me lehtësi mund të përfytyrojmë, që është pikërisht kjo rrugë, përmes së cilës virusi godet qelizën për të shkaktuar kanserin. Si rrjedhojë për ne është e qartë, që duhet të kërkojmë rrugët për deaktivizimin e këtyre kanaleve dhe kthimin mbrapsht të procesit. Kësisoj virusi nuk do të ishte më në gjendje që ta bllokonte atë."

Nga zbulimi i të tilla rrugëve të infeksionit, siç ka konstatuar grupi përreth profesorit Manolis Pasparakis, deri në zhvillimin e një terapie efikase, në rastin konkret kundër hepatitit C, do të duhen pesë deri në dhjetë vjet. Megjithatë ky është një zbulim udhërrëfyes, që avancon dukshëm përpjekjet për zbërthimin e një procesi të komplikuar dhe kompleks, që shkakton shkatërrim e qelizave të mëlçisë. study


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi