Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Teknologjia Dhe Interneti «« » Informatikë & Internet » Interneti, i pushtuar nga falsifikatorët e mashtruesit

Interneti, i pushtuar nga falsifikatorët e mashtruesit

Shko poshtë  Mesazh [Faqja 1 e 1]

aLbdigital

avatar
Webmaster & Admin
Webmaster & Admin
Babai i internetit paralajmëron

"Interneti, i pushtuar nga falsifikatorët e mashtruesit"



Së voni, "Top-Show" trajtoi një temë me të vërtetë interesante, duke të intriguar ta ndiqje në çdo sekondë të tijën. Bëhej fjalë për hackersat shqiptarë (thyerësit e faqeve të internetit). E ndërsa të gjithë të ftuarit e kolegut Alban Dudushi e shikonin problemin nga këndvështrime të ndryshme, vetëm njërit prej tyre dukej se i kishte hyrë frika, ende pa u aktivizuar mirë "ushtria" e masive e hackersave shqiptarë, që rezulton të jetë në fillimet e saj. Ajo ishte gazetarja Belina Budini. E veshur me një fustan të kuq me lule të zeza, tejet klasik, që do ta kishte zili vetë Valeria Marini apo Siena Miller, kolegia Budini, që dukej si një modele e vërtetë gjatë "Top-Show", do të pohonte se interneti është i mbushur me një informacion të pafund. Por kur vjen puna te bloget e ndryshme ato nuk janë të sakta. Në fakt, shumëllojshmëria informative që të ofrohet në web është mahnitëse dhe lehtësuese për çdo gazetar. Kjo është njëra anë e medaljes. Tani që shpikja më e madhe e shekullit XX është kthyer në një mjet komercial, ku ti mund të bësh ç‘të duash, pjesa e mashtrimit mes tij është kthyer në problemin më kryesor. Një gjë të tillë e demonstroi shkurt e bukur me pak fjalë një djalë i ri nga të ftuarit e "Top-Show", që me të drejtë Dudushi ndjeu keqardhje që se kishte ulur në panel. Dy ditë pas transmetimit të kësaj teme, teksa po dëgjoja lajmet në BBC, radio 4, u anonçua transmetimi i intervistës me njeriun që shpiku internetin, Sir Sir Tim Berners-Lee. Nuk duhej humbur rasti për ta dëgjuar babanë e internetit. Ja rrëfimi i njeriut që shpiku "World Wide Web" në vitin 1990.


Shqetësimi

Që në fillim të intervistës, shkencëtari britanik, Sir Tim Berners-Lee, do të lëshonte alarmin se krijesa e tij tani është kthyer në diçka të rrezikshme, vegël për falsifikatorët dhe mashtruesit.

"Është bërë me të vërtetë diçka e rrezikshme, një vend ku e pavërteta fillon të shpërndahet më shpejt se e vërteta, mbi të gjitha interneti po kthehet në një diçka të padrejtë për shumë njerëz", do të deklaronte babai i internetit. Sipas tij, nëse nuk të krijohen mundësi për të kuptuar zhvillimin e vrullshëm të internetit dhe pasojat negative të tij, do të krijohen probleme me të vërtetë të këqija, duke i bërë kështu një parantezë iniciativës së tij më të re, atë të krijimit të një dege që do të studiojë botën e web-it. "Disa gjëra totalisht jodemokratike mund të lindin si pasojë e dezinformacionit, të cilat i gjen në web. Duke studiuar këtë fushë dhe efektin e saj negativ në këtë teknologji, është një nga gjërat të cilat padyshim është shumë e rëndësishme".


Lind shkenca e studimit të web-it

Dhe për ta bërë një gjë të tillë, Sir Tim Berners-Lee e ka gati propozimin. Ai ka në plan të krijojë një iniciativë te re kërkimore në fushën e shkencës së web-it. Përgatitjet janë drejt finalizimit dhe do të jetë një bashkëpunim mes universitetit të Southampton dhe Institutit të Teknologjisë në Massachusetts.

Përmes një nisme të tillë, ai kërkon të arrijë kërkime të thella rreth impaktit social dhe implikimeve të zhvillimit të web-it, përfshi influencën që do të ketë në të ardhmen "World Wide Web".
Më tej, Sir Tim shpjegoi se iniciativa e tij kërkimore në fushën e internetit, "Web Science Research Initiative" nuk do të përqendrohet te problemet shkencore të shkencës së kompjuterëve.

Ai tha: "Edhe aspekte të tjera të internetit do të përfshihen në studim. Njerëz me aftësi të ndryshme do të punojnë së bashku për të ndërtuar një web të ri, i cili do të jetë akoma më i mirë". Parë në aspektin e shkollimit krijimi i një dege të re në universitet e quajtur, Shkenca e web-it, për Sir Tim është një domosdoshmëri, pasi deri më sot nuk ka degë të tilla nëpër universitete.

"Ne marrim ankesa nga kompani të cilat duan njerëz me aftësi për të kuptuar internetin nga ana teknologjike dhe ajo sociale. Kur shikon kurset e universiteteve, shkenca e internetit nuk ekziston. Kështu, ne duam të formojmë njerëz që janë të aftë të kenë në CV-në e tyre edhe njohjen e kësaj fushe".

Kush është shpikësi i "www"

Tim Berners-Lee lindi në Londër në vitin 1995. Ai studioi fizikë në Universitetin e Oksfordit, ku edhe ndërtoi kompjuterin e tij të parë. Në vitin 1982, kur po punonte si konsulent softuerësh për CERN, "The European Organisation for Nuclear Research" (Organizatën Evropiane të Kërkimeve Nukleare) filloi të mendonte se si të dhënat, përfshi disa "media file" mund të lidheshin me njëra-tjetrën. Zgjidhja e tij ishte bashkimi i dy koncepteve ekzistuese, që ishin interneti dhe Hypertext. Lëvizja e tij ishte që gjithçka të ishte një burim i hapur, e cila lejonte teknologjinë të zhvillohet në mënyrë të organizuar, pa pasur nevojë për leje. Kjo, më shumë se çdo gjë tjetër, ishte ajo e cila do ta bënte web-in një fenomen botëror. "Vendimi për ta bërë web-in një sistem të hapur ishte e domosdoshme, në mënyrë që të bëhej universal. Ti nuk mund të propozosh diçka universale dhe në të njëjtën kohë të ruash kontrollin e saj", sqaron shkencëtari britanik. Berners-Lee vazhdon të jetë numri një i drejtimit të "World Wide Web Consortium", që njihet si (W3C) në "Massachusetts Institute of Technology" në Boston. Tmerrësisht një njeri privat, që vazhdon të ketë një prezencë në web, gjë e cila e kënaq. "Jam shumë i gëzuar nga pasuria e madhe që t‘i gjen në web, përfshi diversitetin dhe mënyra që po përdoret. Janë shumë pjesë të ëndrrës origjinale, të cilat nuk janë zbatuar ende, por ato mund dhe do të zbatohen".


Forumi aLbdigital
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi