Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Shkenca Dhe Jeta «« » Mjekesia » Te ndryshme rreth Mjekesise

Te ndryshme rreth Mjekesise

Shko poshtë  Mesazh [Faqja 1 e 1]

1Normal Te ndryshme rreth Mjekesise prej Sun Dec 30 2007, 11:39

LuNa

avatar
Moderator/e
Moderator/e
Aspirina e rrezikshëm për fëmijë
Fëmijët me moshë nën 16 vjeç duhet ti largohen përdorimit të Aspirinës, për shkak të rrezikut dhe çrregullimet që mund të shfaqen në punën e trurit dhe mëlçisë.
Prej vitit 1986 deri sot, 18 fëmijë në Angli janë sëmurur prej sindromës Rey, pas përdorimit të Aspirinës. "Shkaqet e sindromës Rey ende nuk janë shpjeguar plotësisht, por këta fëmijë kishin marrë Aspirinë për shërimin e gripit", thuhet në agjencinë e kontrollit të barnave, e cila nga prodhuesit kërkon ta shënojnë në kutinë e ambalazhit këtë paralajmërim.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

2Normal Re: Te ndryshme rreth Mjekesise prej Sun Dec 30 2007, 11:40

LuNa

avatar
Moderator/e
Moderator/e
Gurët në veshka, jo gjithmonë të trashëguar
Specialistët që merren me sëmundjen e veshkave, deklarojnë se shfaqja e shqetësimeve nuk është gjithmonë e trashëguar. Madje ata kanë vënë re se pjesa më e madhe e personave që kanë probleme me veshkat dhe kryesisht me gurët në veshka, vijnë nga prindër që kurrë nuk i kanë ndjerë shqetësimet, madje pavarësisht moshës në të cilën ndodhen, veshkën e kanë organin më të shëndetshëm. Ajo çfarë specialistët u rekomandojnë të gjithë prindërve, në këtë rast është një dietë e ekuilibruar që në ditët e para të lindjes së fëmijës, madje ajo duhet të nisë që në barkun e nënës. Pikërisht në këtë kohë nis edhe dëshira e fëmijës për kripë, lëngje, ëmbëlsira etj. Nisur nga kjo, specialistët e nefrologjisë (mjekë të sëmundjes së veshkave), rekomandojnë që në ushqimin e përditshëm të ketë sa më shumë lëngje, supëra dhe fruta.

Shkenca

Transplantimi, zëvendëson veshkën e vjetër

Në të gjitha rastet, vetëm zëvendësimi i veshkës së dëmtuar me një të re mund ta kthente funksionimin e tyre në normal. Sipas shkencëtarëve, dëmtimi i veshkave dhe më pas kryerja e procesit të dializës, shërben vetëm për të zgjatur pak mbijetesën, por jo për më shumë.

Tumoret në veshka, si dallohen ato
Rreth 80% e kancereve të veshkës janë karcinoma qelizore renale, ky tip kanceri mendohet të ketë lidhje me moshën. Tumoret beninje të veshkave mund të rrinë në trup si të padëmshme. Tumoret malinje shpesh janë në stad të avancuar kur ne i zbulojmë e në përgjithësi nuk i përgjigjen mirë trajtimit mjekësor.

Veshkat, biopsi edhe për këtë organ
Nëse biopsia e veshkave bëhet në kushte sterile, biopsia si ndërhyrje është e parrezikshme për jetën e pacientit. Në këtë rast hiqet një pjesë shumë e vogël e indit të organit pavarësisht cilit, dhe kjo nuk pengon në funksionimin e rregullt të cilitdo organ që është në “vështirësi”.

Shiko profilin e anëtarit

3Normal Re: Te ndryshme rreth Mjekesise prej Sun Dec 30 2007, 11:43

LuNa

avatar
Moderator/e
Moderator/e
Çamçakëzët, armiqtë e dhëmbëve

Reklamat e çamçakëzëve, që shohim përditë në televizion, duket se na e kanë mbushur mendjen se ata mbrojnë dhëmbët nga kavitetet. Por mesazhin e këtyre reklamave e kundërshtojnë ashpër stomatologët, të cilët mendojnë se çamçakëzi është armiku numër një kundër i dhëmbëve. Specialistja stomatologe, Iva Pogaçe thotë se: “Nëse dëshiron të kesh dhëmbë të bukur atëherë laji në mëngjes, nëse do të kesh dhëmbë të shëndetshëm atëherë laji në darkë”. Pogaçe këshillon të gjithë që në pamundësi të shkëputjes së njerëzve nga çëmçakëzi, të bëhet një reduktim sa më i madh. “Nëse pas ushqimit do të donit që goja juaj të ketë një erë të mirë atëherë mund të përdorni karamele të lehta, por edhe këtë mbajeni pak në gojë. Çamçakëzi rrëzon mbushjet e dhëmballëve dhe nuk është i këshillueshëm”, thotë ajo. Sipas saj, çamçakëzi dëmton edhe smaltin, që, siç dihet, është shtresa mbrojtëse e dhëmbëve. Ajo vazhdon më tej, duke thënë se: “Dhëmbët duhen larë pas çdo ngrënieje, por nëse jo atëherë dy herë në ditë, siç thashë dhe më sipër. Tek dentisti duhet shkuar për të kontrolluar dhëmbët një herë në gjashtë muaj. Është e këshillueshme që njerëzit të shkojnë gjithmonë te i njëjti specialist, që kanë shkuar dhe më parë. Arsye se pse të rinjtë nuk vinë është se ata kanë shumë frikë.” “Të them të drejtën kam shumë frikë nga dentisti, shkoj atje shumë rrallë, jam 19 vjeç dhe deri tani kam hequr 2 dhëmballë dhe kam mbushur katër”, thotë Ina. Disa të tjerë neglizhojnë dhe shkojnë te stomatologu kur dhëmbi i tyre ka arritur në gradë të fundit. “Është e vërtetë, pasi nëse një dhëmb nuk kurohet në kohë atëherë ndodh më e keqja. Për shembull, nëse një njeri ka problem me një dhëmbët e sipërm ai ka patjetër nevojë për trajtim. Nëse ai nuk vjen tek ne atëherë kalon në sinozit”, tregon Pogaçe për Gazetën e Tiranës. Ndërsa Fatmira Caka, grua 53-vjeçare, thotë se: “Unë shkoj rregullisht për të kontrolluar gojën, ndërsa djali im e ka tmerr, sa dëgjon “dentist” largohet nga biseda.”

Dentiste Iva Pogaçe ka rreth tre vjet eksperiencë dhe punon së bashku me nënën. Kjo e fundit, në ndryshim me të bijën, ka një jetë të tërë eksperiencë. Ushtron këtë profesion prej rreth 33 vitesh. “Si unë edhe nëna ime kemi realizuar ëndrrën tonë, të bëheshim dentiste dhe të punonim së bashku. Për më tepër, e falënderoj pasi më ndihmon shumë. Jam e lumtur për këtë fat”, përfundon ajo për “GT”-në.

Shkaktarët e humbjes së dhëmbit

Ekzistojnë disa shkaktarë, që ndikojnë në "humbjen" e dhëmbit: Kariesi, ose siç quhet në gjuhën e përditshme prishja e dhëmbit. Pezmatimi (inflamcioni)i aparatit mbështetës të dhëmbit (paradontopatia) dhe trauma, humbja e dhëmbit për shkak të aksidentit. Kariesi është më i shpeshtë dhe karakterizohet me shkatërrim të smaltit (shtresa e parë e dhëmbit) me ecuri të pandërprerë dhe me mundësi të përfshirjes së dentinës dhe të palcës së dhëmbit (shtresa e butë e dhëmbit). Kariesi nuk trashëgohet, por mund të "trashëgohen" shprehitë e këqija, si "moslarja" e dhëmbëve te të gjithë anëtarët e familjes, edukata e ulët shëndetësore, mënyra e të ushqyerit etj.

Shiko profilin e anëtarit

4Normal Re: Te ndryshme rreth Mjekesise prej Sun Dec 30 2007, 11:46

LuNa

avatar
Moderator/e
Moderator/e
Syzet optike të rrugës, të dëmshme

Shumica e pacientëve me probleme të syve, i blejnë syzet optike në rrugë.

Syzet që shiten në rrugë janë të dëmshme për personat, që i përdorin. Alarmin e japin mjekët okulistë, të cilët theksojnë problemet e mëdha që shkaktojnë këto lloj syzesh. Mjekja okuliste Suzana Shkurta, vë në dukje se syzet optike që tregtohen në çdo cep të qytetit të Tiranës, nuk kanë xhama organikë dhe si rezultat sjellin pasoja te pacientët. Pasojat më të mëdha shfaqen te fëmijët. Mjekja Shkurta thekson se “te moshat shkollore, që kanë lindur me anomali, ndikojnë keq për fëmijën prandaj për ta duhet pasur një kujdes i jashtëzakonshëm, për atë se çfarë duhet të përdorë për sytë”. Prindërit duhet që për fëmijët e tyre, duhet të këshillohen me okulistin dhe të drejtohen në dyqanet e syzeve optike, për të shmangur zhvillimin e anomalive. Sipas mjekes, shumica e pacientëve i blejnë syzet në rrugë. Kjo ndodh, jo nga dëshira e tyre, por kushtet ekonomike i çojnë drejt një zgjidhjeje të tillë. Të moshuarit janë blerësit më të mëdhenj të tregut të rrugës. Pasi te të moshuarit nuk vihen re dëme të mëdha nga syzet, krahasuar me fëmijët. Në përgjithësi, të moshuarit i përdorin syzet për afër dhe problemet me shikimin i kanë më të mëdha, prandaj rezultati është se shohin disi më mirë se me sytë e tyre. Besim Maro, tregtar i syzeve shprehet se syzet i marrin nga pikat e shumicës, të cilat e bëjnë furnizimin në Kinë. Për më tepër, ato kanë shumë shitje, të cilat arrijnë në 15 copë në ditë. Ato janë të përbëra nga xham plastikë dhe një skelet jo cilësor. Blerësit më të mëdhenj të tyre janë të moshuarit, sepse sipas tij, ato kanë një kosto më të ulët dhe kushtojnë 5 mijë lekë. Ky çmim është i përballueshëm, për ta. Çmimet e syeve optike, të këshilluara nga mjeku okulist dhe që blihen në dyqane të posaçme, kanë një çmimet janë shumë të larat. Ato fillojnë nga 12 mijë lekë, deri në 30 lekë, e madje dhe më tepër. Hajrie Hita, 60 vjeçe, pohon se është blerëse e rregullt e syzeve që tregtohen në rrugë. Pasi, ato përveçse nuk kanë xhama cilësor, kanë skelet me material tepër të dobët. Kështu ajo është e detyruar që pasi kontrollon numrin e syzeve te mjeku, i ble përsëri në pamundësi të syzeve origjinale. Një pjesë e madhe e qytetarëve shmang vizitën e herëpashershme te mjeku okulist dhe përdor syze me numër që nuk është i këshillueshëm, por që duke i provuar, atyre u duket se është numri i duhur. Mjekët theksojnë se vitet e fundit është vënë re një rritje e madhe e personave që kanë probleme me sytë. Kjo ndodh nga përdorimi me orare të zgjatura i kompjuterit dhe nga shikimi i televizorit. Prandaj për këtë kategori rekomandohet përdorimi i ilaçit me pika, ose siç quhet ndryshe “lot natyral”. Ky ilaç tregtohet jo vetëm në farmaci, por edhe në markete. Emanuela Sako

Shiko profilin e anëtarit

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi