Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Kosova e meriton pavarësinë

Kosova e meriton pavarësinë

Shko poshtë  Mesazh [Faqja 1 e 1]

1Normal Kosova e meriton pavarësinë prej Fri Jan 11 2008, 10:39

Ma-Origano

avatar
Moderator/e
Moderator/e
THE TIMES" LONDËR - SERBËT U DËSHMUAN SI SUNDIMTARË TË PAMËSHIRSHËM, KURSE QË NGA VITI 1999 HUMBËN KONTROLLIN MBI KRAHINËN JUGORE

Kosova e meriton pavarësinë


Derisa shqyrton mënyrën se si të reagojë ndaj shpalljes së pashmangshme të pavarësisë, BE-ja duhet të çlirohet sa më tepër që të jetë e mundshme nga fjalimet emocionale të aktorëve rajonalë dhe të revizionistëve dhe t`i mbajë mend tri fakte të thjeshta: - pas vitit 1999 serbët faktikisht dhe pakthyeshëm kanë humbur kontrollin mbi Kosovën, - shumica e kosovarëve dëshiron pavarësinë dhe, mbi të gjitha, - ata meritojnë pavarësinë.

Entoni Lojd

Larg nga kufijtë e Serbisë, një fermë e shëmtuar e revizionizmit, vite me radhë dominonte ndër kritikuesit e dëshirës së shfaqur të kosovarëve për pavarësi. Ai pjesërisht lindi nga dëshira e çoroditur për kontradiktë. Në pjesën më të madhe është rezultat i injorancës, kurse pjesërisht rrjedh nga racizmi: myslimanë enigmatikë e të varfër, gjuha dhe kultura e të cilëve nuk i ngjajnë asnjë tjetre në Europë, shqiptarët e Kosovës janë shënjestër e lehtë "zezake" për elementët tekanjozë të klasave pseudo-politike të Europës Perëndimore
Argumenti i kritikuesve të pavarësisë së Kosovës mbështetet mbi dy parime të rrejshme të mohimit. Pikësëpari, ata pohojnë që Serbia nuk është përgjegjëse për masakrën me përmasa të mëdha ndaj civilëve shqiptarë në periudhën e viteve 1998-1999 dhe në vend të kësaj pohojnë se forcat serbe të sigurimit kanë qenë në njëfarë mënyre të mashtruara të vrasin mijëra njerëz të pafajshëm, pasi që ishin të provokuar nga Ushtria Çlirimtare e Kosovës. Së dyti, ata përfaqësojnë teorinë se rreth 800 mijë refugjatë shqiptarë që braktisën shtëpitë e veta gjatë fushatës ajrore 79-ditëshe të NATO-s e bënë këtë nga frika e bombardimeve, e jo nga njësitet ushtarake serbe.
Sikur këto pohime të ishin të sakta, atëherë argumentet thelbësore për pavarësinë e Kosovës, që është në qendër të vëmendjes ndërkombëtare pas skadimit të afatit të përcaktuar nga OKB-ja për arritjen e marrëveshjes midis Beogradit dhe Prishtinës mbi statusin e ardhshëm të Krahinës, do të ishin krejtësisht të gabuara.
Por, pohimet e tilla nuk janë të sakta. Kjo nuk është diçka që ma merr mendja, por që e di në bazë të fakteve. Kam shumë kujtime nga Kosova që më kanë mbetur gjatë kohës që kalova atje, duke raportuar gjatë periudhës së viteve 1998-2000.
Ndër skenat rrënqethëse të varrezave masive, fshatrave të shkrumbuara dhe kufomave të fryra, në kujtesë më ka mbetur një prej tyre me rëndësi të veçantë. Në fushat afër vendit të quajtur Isniq në jugperëndim të Kosovës, një ditë vere pashë kordonët e policisë serbe që kishin rrethuar afro 40 mijë kosovarë. Të rinj, pleq, meshkuj, femra e fëmijë shikonin të tmerruar horizontin derisa tymi nga fshatrat e tyre, të djegura gjatë sulmit serb nga i cili ikën, grumbullohej si shtëllungë në qiell. "Ku është Europa"? Ku është Amerika", ankohej një refugjat.
Pas disa ditësh policia serbe i përzuri deri në kufi, duke i ndjekur me shkopinj gome dhe me kërcënime që jehonin nga altoparlantet e instaluar në automjetet ushtarake. Këta njerëz nuk kishin ikur nga frika e bombardimeve të NATO-s.
Bomba e parë e NATO-s ka rënë vetëm shtatë muaj më vonë. Ngjarja ndodhi në verën e vitit 1998. Bota në atë kohë fare pak çante kokën për Kosovën, kurse serbët tashmë kishin përzënë mijëra njerëz nga shtëpitë e tyre.
Ky rikujtim është i rëndësishëm për çështjen e pavarësisë së Kosovës tani kur po zbulohet bashkëpjesëmarrja e autoriteteve serbe në shkeljet e të drejtave të njeriut në Kosovë dhe po dëshmohet se edhe atëherë edhe më vonë kanë qenë sundimtarë të pamëshirshëm dhe të padrejtë, nga të cilët shumica e shtypur e shqiptarëve të Kosovës meriton të jetë e pavarur.
UÇK-ja nuk kanë qenë engjuj. Sikurse çdo forcë kryengritëse (e jo grup mafioz, siç thonë revizionistët), e cila përbëhej nga luftëtarët e lirisë, intelektualët, fshatarët, nacionalistët, edhe ata kanë pasur elemente kriminogjene dhe i kanë shkelur fuqishëm të drejtat e njeriut. Mirëpo, ata reflektonin dëshirën e popullatës shumicë për pavarësi, e të cilën dëshirë pikësëpari e bëri kredibile sjellja e qeverisë serbe ndaj popullatës civile.
Derisa bashkësia ndërkombëtare vret mendjen se çfarë të bëjë me Kosovën, do të ishte mirë që t`i rikujtonte këto fakte. Koha nuk është më aleate e asnjërës palë. Pavendosmëria që nga viti 1999 e këtej mori shumë kohë.
Në fillim të këtij viti u ringjall Rusia, e cila dëshiron ta rikthejë influencën në rajon. Ajo minoi planin e arsyeshëm të Kombeve të Bashkuara për pavarësinë e mbikëqyrur të Kosovës. Pasuan pesë muaj negociatash midis serbëve dhe kosovarëve para skadimit të afatit të caktuar deri më 10 dhjetor.
Pat-pozicioni aktual është i qëndrueshëm. Nga njëra anë, kryeministri i posazgjedhur i Kosovës Hashim Thaçi, ish-pjesëtar i UÇK-së, po përgatitet për shpalljen e njëanshmje të pavarësisë me mbështetjen e SHBA-së, Britanisë, Francës dhe shumicës së shteteve të BE-së. Në anën tjetër kryeministri nacionalist serb Vojislav Koshtunica, i mbështetur nga Rusia, paraqiti çështjen e statusit të Kosovës si pjesë e Serbisë si temë kryesore të politikës serbe dhe paralajmëroi për pasoja të rrepta, po qe se BE-ja njeh pavarësinë e Kosovës.
Parashikuesit pesimistë japin pasqyrën e errët, sipas së cilës Kosova shpall pavarësinë për të cilën Serbia pohon se është jolegale pa lejen e e Këshillit të Sigurimit të OKB-së, të cilën e bllokoi Rusia. Dhuna do ta mbërthejë Krahinën, pastaj do të përhapet në Ballkan, sepse serbët në Bosnje dhe shqiptarët në Maqedoni po ashtu dëshirojnë pavarësinë. Së shpejti do të shpërthejë lufta e re ballkanike, e përkeqësuar nga lufta e re e ftohtë.
Mirëpo, realiteti është krejtësisht ndryshe. Z. Thaçi e di se për pavarësinë i nevojitet njohja ndërkombëtare dhe veç ka deklaruar se shpallja do të bëhet në bashkëpunim me BE-në dhe SHBA-në. Ai e kupton se shpallja e njëanshme e nxituar vetëm se do ta thellonte krizën ekonomike të Krahinës, e cila mbështetet plotësisht në ndihmën e jashtme financiare për të mbijetuar.
Aq më tepër, edhe përkundër zhurmës që bën Koshtunica në Serbi, shumica e serbëve është larg e larg më e shqetësuar për hallet e veta ekonomike sesa për statusin e Kosovës dhe nuk ka ndonjë vullnet të posaçëm që të kërkojë patronatin e Rusisë, po qe se kjo nënkupton përkeqësimin e marrëdhënieve me BE-në. Pasi që luftuan dhe brenda 16 viteve humbën katër luftëra, nuk nxitojnë të hyjnë në një konflikt të ri. Edhe përkundër vringëllimit me armë nuk ka mobilizim të njësiteve të armatës serbe.
Brenda Kosovës, si pasojë e mungesës së pajtimit midis dy grupeve etnike ç`prej vitit 1999, popullata minoritare serbe jeton në enklava, kryesisht e ndarë nga shqiptarët. Janë të mundshme rrëmuja qytetare, trazira dhe vrasje, por në praninë e 16.000 ushtarëve të NATO-s në Krahinë gjasat janë fare të vogla për ndonjë konflikt me përmasa të mëdha midis forcave të konfrontuara paramilitare.
Pra, ecja përpara ndoshta nuk është edhe aq e rrezikshme sa druhet. Rrugëdalja ekziston. Mirëpo, në ndërkohë BE duhet t`i përforcojë misionet e veta civile dhe ushtarake në Kosovë, në mënyrë që të kujdesen që pakica serbe të jetë e mbrojtur. Ndonëse do të ishte ideale sikur rrugëdalja të mund të gjendej me pëlqimin e Rusisë dhe të Serbisë, BE-ja duhet të pranojë se ka gjasa të vogla që kjo të ndodhë.
Dhe derisa shqyrton mënyrën se si të reagojë ndaj shpalljes së pashmangshme të pavarësisë, BE-ja duhet të çlirohet sa më tepër që të jetë e mundshme nga fjalimet emocionale të aktorëve rajonalë dhe të revizionistëve dhe t`i mbajë mend tri fakte të thjeshta: - pas vitit 1999 serbët faktikisht dhe pakthyeshëm kanë humbur kontrollin mbi Kosovën, - shumica e kosovarëve dëshiron pavarësinë dhe, mbi të gjitha, - ata meritojnë pavarësinë.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

2Normal Re: Kosova e meriton pavarësinë prej Fri Jan 11 2008, 10:40

Ma-Origano

avatar
Moderator/e
Moderator/e
ju flm per mirkutpimin keto lajme u mundesuan nga Ma-Origano


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

3Normal Re: Kosova e meriton pavarësinë prej Wed Jan 16 2008, 13:02

LuNa

avatar
Moderator/e
Moderator/e
normal qe e meriton pavaresine Kosova,,,,do ta marri dhe kjo nuk diskutohet
po nuk u be Kosova e pamvarur do beheni si ne israel
populli kosovar nuk eshte popull palestinenz,as kosova nuk do mund te jete Israel


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

4Normal Re: Kosova e meriton pavarësinë prej Thu Jan 17 2008, 01:03

Ma-Origano

avatar
Moderator/e
Moderator/e
mendimi im shet se duhet tja japin


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

5Normal Re: Kosova e meriton pavarësinë prej Thu Jan 17 2008, 02:53

LuNa

avatar
Moderator/e
Moderator/e
Ma-Origano shkruajti:mendimi im shet se duhet tja japin

eshte dashur t´ja japin me kohe,por gjithesesi,vone apo heret,do ta marri Smile


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

6Normal Re: Kosova e meriton pavarësinë prej Thu Jan 17 2008, 03:32

Ma-Origano

avatar
Moderator/e
Moderator/e
edi LuNa por cka me be?


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi