Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Në kontinuitetin e kryengritjeve 500 vjeçare të malësorëve

Në kontinuitetin e kryengritjeve 500 vjeçare të malësorëve

Shko poshtë  Mesazh [Faqja 1 e 1]

Ma-Origano

avatar
Moderator/e
Moderator/e
NË FSHATIN NIKMARASH - NË TRIESH U INAUGURUA PLLAKA PËRKUJTIMORE E MALOTË GJEKËS ARAPAJ

Në kontinuitetin e kryengritjeve 500 vjeçare të malësorëve


Me rastin e 100 vjetorit të luftës heroike të Trieshit në Lemajë, të dielën, në fshatin Nikmarash në Triesh, u bë inaugurimi i pllakës përkujtimore kushtuar Malotë Gjekës Arapaj, udhëheqësi i kësaj lufte. Fjalën e rastit e tha Pjetër Ivezaj, historian, kurse në emër të Shoqatës "Vëllezërit Ivanaj" foli dr. Lukë Gjokaj. Tubimin në Triesh e përshëndeti edhe kryetari i KU të Tuzit, Smajl-Maliq Çunmulaj, kurse në emër të familjes Arapaj të pranishmit i përshëndeti Nikë Gjeti Arapaj. Pllakën përkujtimore e zbuloi i nipi i Malotë Gjekës, Gjon Deda Arapaj.

Të dielën, në fshatin Nikmarash në Triesh, familja Arapaj përkujtoi 100 vjetorin e luftës së Lemajës, me ç`rast u bë edhe inaugurimi i pllakës përkujtimore kushtuar udhëheqësit të kësaj lufte, Malotë Gjekës Arapaj. Para disa dhjetëra njerëzve, moderatori i këtij përkujtimi, Pjetër Lucaj, ndër të tjera, tha " Veprimtaria, përpjekjet dhe angazhimet e shumta të Malotë Gjekës Arapaj nuk ishin të përqendruara vetëm në çlirimin e Trieshit dhe të Malësisë nga zullumi qindravjeçar otoman."
Ndërkaq, fjalën e rastit e mbajti Pjetër Ivezaj, historian, i cili duke folur për rëndësinë e luftës së Lemajës, mes tjerash, veçoi: "Inaugurimi i pllakës përkujtimore kushtuar Malotë Gjekës Arapaj, e ndërtuar nga të afërmit e tij, simbolizon jo vetëm luftën e Lemajës dhe të Trieshti, por edhe të të gjithë shqiptarëve në përgjithësi". Sipas tij ngjarja që ka ndodhur para 100 vjetëve, pra lufta në Lemajë ka zgjuar interesim të madh, jo vetëm te historianët shqiptarë, por edhe te ata botërorë, duke treguar se trieshjanët kanë marrë pjesë në çdo ngjarje.
"Karakolli ushtarak i Lemajës, si njërI ndër karakollet kryesore në kufirin e quajtur, atëherë, kufiri turko-malazez, karakolli në Lemajë do të jetë pikësynimi i sulmeve të trimave të Trieshit, por edhe të tjerëve, sepse trieshjanët nuk pajtohen me vendimet e pushtetit turk", thotë Ivezaj.
Sipas Pjetrit, beteja e Lemajës historikisht mund të konsiderohet si njëra nga betejat që nuk ka pasur derdhje të shumtë të gjakut dhe ka pasur një domethënie mjaft të rëndësishme. Në vazhdim të fjalës Ivezaj vuri në dukje se beteja e Lemajës, e udhëhequr nga Malotë Gjeka Arapaj dhe pjesëmarrësit e tjerë nga Trieshi, e zgjoi interesimin edhe të shumë shteteve, ndër to edhe të SHBA-së. Sipas folësit Ivezaj, aty qëndron edhe roli më i madh historik i Malotë Gjekës dhe shokëve të tij trieshjanë, të cilët luftuan kundër njërit nga shtetet më të forta të kohës.
Duke përfunduar fjalën, Pjetër Ivezaj theksoi se Beteja e Lemajës është në kontinuitetin e kryengritjeve 500 vjeçare të malësorëve dhe është faza e parë e kryengritjes së përgjithshme të Malësisë së Madhe të vitit 1911. Beteja e Lemajës e udhëhequr nga Malotë Gjeka ka qenë betejë e organizuar me trimëri, me kurajo dhe me pushkë, kundër një okupatori atëherë shumë të fortë.
Ndërkaq, në emër të Shoqatës "Vëllezërit Ivanaj", dr. Lukë Gjokaj, duke falënderuar organizatorin, u shpreh se duke përkujtuar Malotë Gjekën Arapaj na jepet rasti të përkujtojmë edhe të gjithë bashkëluftëtarët e Malotës dhe të gjithë burrat dhe burrëreshat e Trieshit dhe të Malësisë së Madhe.
"Malota dhe bashkëluftëtarët e tij, sipas traditave luftarake, e kishin caktuar edhe skenarin e fillimit të sulmit. Lufta e Lemajës i ka specifikat e veta. Jo vetëm se e penguan ngritjen e fortifikatave që ishin menduar të jenë të përjetshme dhe jo vetëm që e shporrën nizamin dhe bazhibuzukun, por malësorët në këtë luftë treguan akte luftarake jashtëzakonisht të larta, çka mund të shihet dhe të takohet vetëm tek popujt e disiplinuar e me tradita të lashta ushtarake".
Aktorja e Teatrit "Migjeni" nga Shkodra, Rajmonda Marku recitoi vargje nga kënga popullore për luftën e Lemajës dhe nga "Lahuta e Malcisë" të Atë Gjergj Fishtës.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
ju flm per mirkuptimin


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
LUFTA NE LEMAJE DHE NE GRABOM - ME RASTIN E 100 VJETORIT (3)

Trieshjanët sulmojnë postat kufitare


L. Lucaj shkruan në punimin tij (Trieshi...f 68-69 ) se eprorët e Trishit në mbledhjen e vëllezërive e kishin caktuar dhe organizuar ditën e sulmit. Atëherë trieshjanët u organizuan si forcë ushtarake dhe sulmuan ashpër me gjithë fuqinë që kishin të dy postat kufitare e jo si deri atëherë me disa vetë, por me dy çetat e Trieshit afër 150 vetësh, në të vërtetë me përjashtim të rezervistëve që ka pasur 33 veta (të moshuar) dhe atyre që ishin në punë jashtë shtetit - 28.

Gjergj Nikprelaj

Do të ishte shumë me rëndësi t`i kishim edhe dokumentet nga Arkivi ushtarak i Turqisë.
Tashti, lufta e përgjakshme në gjatësinë e frontit Lemaja ( Haxhitahir ) - Hani i Grabomit e organizuar nga paria e Trieshit që ditën kritike kishte shkuar në Cetinë, gjoja te Knjazi e Qeveria e tij për të arritur "...mos të kenë përgjegjësi në ditën e sulmit ndaj Perandorisë Osmane, sepse luftën e ka filluar vegjëlia pa dijen tonë"! - thonin ata. Nizamët organizonin sulme të forta në shtëpitë e trieshjanëve, si edhe ndaj pasurisë së tyre, vrisnin bagëti etj., duke parë se s`ka rrugëdalje tjetër dhe se nuk duhet bërë negociata me ushtrinë osmane edhe "përkundër porosisë së eprorëve, se duhet pushuar, sepse, gjoja, gjithçka është zgjedhur në nivelin më të lartë ndërshtetëror " si ka qenë porosia e parisë së Trieshit dihet. Ne shkuam në Cetinë, e ju bini sa më parë"!
L. Lucaj shkruan në punimin tij (Trieshi...f 68-69 ) se eprorët e Trishit në mbledhjen e vëllezërive e kishin caktuar dhe organizuar ditën e sulmit. Atëherë trieshjanët u organizuan si forcë ushtarake dhe sulmuan ashpër me gjithë fuqinë që kishin të dy postat kufitare e jo si deri atëherë me disa vetë, por me dy çetat e Trieshit afër 150 vetësh, në të vërtetë me përjashtim të rezervistëve që ka pasur 33 veta (të moshuar) dhe atyre që ishin në punë jashtë shtetit - 28.
Siç thotë gjenerali Velisha Llazoviq, në raportin sekret dërguar ministrit ushtarak gjeneralit Martinoviq më 11 tetor 1907 me kalendar të vjetër: "Tërë Trieshi gjendet në Luginën e Cemit, në këtë luftë...".
Burimet ruse (raporti nr.47 i datës 12 tetor i vitit 1907) që ambasadori rus nga Cetina ia dërgon ministrisë për Punë të Jashtme në Petrovgrad konfirmon që në konfliktin e armatosur ndërmjet banorëve të brezit kufitar nga Trieshi dhe ushtrisë së rregullt turke (nizamit) u vranë tre ushtarë turq, 9 tjerë u plagosën dhe u plagos një ofricer... Fjala është vetëm për betejën e Lëmajës dhe Sheshit, kurse burimet malazeze raporti i cituar dërguar ministrit ushtarak më parë në Cetinë gjeneralit Martinoviq, thotë se"kemi gjetur tre skeletë të ushtarëve të vrarë nizam". Numri i të plagosurve nuk përmendet...
Nizami,ushtria e rregullt, ka pasur në Haxhitahir (Lemajë e Shesh) 200 veta, të cilët gjendeshin aty jo vetëm si rojë kufiri, por edhe për arsye të punimit të Kështjellës në Shesh. E parëndësishme për çështjen në fjale është pyetja - a ka pasur shqiptarë në përbërjen e Ushtrisë perandorake, sepse kjo ka qenë luftë kundër Turqisë e jo ndërshqiptare...
Në vizitën e paralajmëruar të trieshjanëve Cetinës, delegacionin e tyre e kryesoi major Galo Smail Lekoçaj, përndryshe njeri i mençur. Përveç tij në këtë grup eprorësh ishin edhe Dedë Lokja Gjeloshaj, kapiten i Trieshit, Vatë Ujkaj, komandant i çetës së Trieshit të Epërm, Gjekë Nishku Lucaj, bajraktar i çetës së Trieshit të Poshtëm, Mark Galo Lekoçaj, nëntoger me detyrë në Triesh (Divizioni i Dytë në Podgoricë) dhe Dok Gjelosh Lucaj, sekretar i kapitenit të Trieshit.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Ti i Brengosuri,metevertete te thote mendja qe nuk e di aq histori sa shprehesh?! Po Ti qe e dijke historine e qenke i gjithedijtur,cfare solle ketu me kete shkrimin tend ,jo per mua ,por per lexuesit tjere te forumit?!Ti ,i Brengosuri,per sukseset e tjereve,per ignorimin qe te behet nga fakti se te njohin shume mire kush je,madje dhe si merr fryme,c`lakmi pate e c`orgazem perjetove te me sulmosh pa kurrfare baze,vetem e vetem pse shkruaj ketu me emer e mbiemer ,si Gjoke Gojcaj? C`te bera nese pohova qe nuk jam historjan,por shtrova disa pyetje ,qe per te miren tone ,per realitetin ,per te verteten qe gjithkush e do pervec genjeshtareve,manipuluesve e falcifikatoreve,hipokriteve ,e ku ta di une c`fare tipave te tjere.Skrimi im nuk perben asgje subjektive,as ndaj individeve e as fiseve e mahalleve, qe ti perpiqesh te mi inputosh.Malesia eshte teper e vogel per ta perjetuar e konsideruar te tille,per ta ndare ne mahalle ,lagje e fise.Prirjet e tilla jane tipare te njerzeve primitive qe nuk kane dashuri kombetare .Te atyre qe u shkon gjuha aty ku u dhemb dhembi.Keso elementesh gjeta ne shkresen tende.Dhe dije mire se aq histori sa meshef ti ne shkresen tende ,me duket perulje te them qe e di ne kete moshe qe kam,por e kam degjuar e mesuar shume vite me pare(ndersa ti foleshe serbishte me shoket tu shqiptare ,e ne dasma kendoshe "svako igra po malo") ,madje edhe kenduar e misheruar si pjese te krenarise qe kam per te kaluare tone te lavdishme .E ti te shprehesh cudi ,qe spaskam lexuar asgje ,megjithese (sic shprehesh) "pse dreqin u kem pase cua ne shkolle"?Sikur ti me paske pase shkolluar ,por s`paske gezuar ende satisfakcion qe te ka merituar!!! Ti ,me tutje vazhdon qe nuk do te beshe polemike me mua,por vetem sa te gjuash ata gure ,e meshefur doren,me ate thes ne koke (Pseodonim),me bindje se ashtu i meshefur mundesh t`ia arrish qellimit ,e pa dijtur kush se kush je!Keshtu gjithmone kane vepruar qyqet,spiunat dhe te poshterit dhe populli i ka identifikuar mire qe me kohe shpirterat e tille.Dhe eshte lehte te dallosh shpirtin normal nga shpirti i semure nga xhelozia, zemra e vogel dhe eshtrydhur nga merzia qe dikush tjeter mundet te kete me shume vlere ne shoqeri sesa Ti ,vet.Dhe si mund te keshe,kure perpiqesh te diskreditosh dike per qejfin tend te semure.
Une ,ne shkrimin tim kerkova pergjigje ,meqe edhe te isha historjan ,nuk do mendoja qe i di te gjitha sikur ti.Njesoj do me sulmoje edhe te pohoja qe nuk jam astronaut,sepse doje te perulesh mua permes replikes se rastit ,pa pseodonim. Zoti flokethinjur,ajo qe perpiqesh te me identifikosh si njeri me prirje fisnore,e perbuzur fiset tjera te Malesise,eshte kulmi ,ose i mosnjohjes sime ,ose i poshtersise qe ushqen ndaj meje dhe sigurishte se nuk te pin uje.
Une ,apostafat e theksova vendndodhjen time si Triesh,meqe nuk jam vetem i Hot,por i trieshjan e grudjan,i kojas e i kastrat,mirditor e dibran.Jam katolik dhe mysliman e mbi te gjitha jam shqiptar,edhepse nuk jam historjan
Pakez cuditem ,perse nuk shprehesh keshtu ne takime kur ndodhemi se bashku,kur vec qenke kaq i brengosur per keto pune.Bile ,te Dielen qe kaloi,u pame diku ,me edhe disa shoke te tjere,e nuk verejta qe kishe aq brenga ,te pakten ndaj meje ,a por ruhesh ....Ban mire te ruhesh (nese vec te ka mbetur edhe ndonje send pa zbuluar fytyren tende origjinale),se nuk ben mire te provosh te diskreditosh dike,pa kurrfare baze.E ke hetuar mire se ke mbetur i pavlere tek une ,prandaj provon te hakmerresh nga prita e me maske ne koke.
Nejse, i panderuar,une replikova ne kete teme per hire te lexuesve,sepse edhe nuk ia vlen shume te merrem me ty.Ky ,edhe nuk eshte vendi me i pershtateshem per te treguar vlerat tona ,por mbrojtja eshte e natyrshme edhe tek shtazet kure sulmohen nga armiqet e tyre.
Eshte bere sic duket nje praktike e rrezikshme per karakteret e shume njerzeve te kohes se sotme!Interneti dhe forumet shumekujte i kane dhene guximin per te lare hesape inatit me kundershtaret e tyre dhe ata qe i perjetojne si konkurente te pozites se nderuar ne shoqeri.Ka edhe aso qellimesh te flliqeta ne sherbim te armikut per te diskredituar e c`nderuar edhe ato "kokrra"qe mund te jene referenca mbeshtetese per masat.Me ne malesoret ,po ngjane dicka tipike e tille.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
besoj se ju pelqeu


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi