Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Teknologjia Dhe Interneti «« » Ekonomi & Biznes » Biznesi...

Biznesi...

Shko poshtë  Mesazh [Faqja 1 e 1]

1Normal Biznesi... prej Sun Jan 13 2008, 11:40

Ma-Origano

avatar
Moderator/e
Moderator/e
KLSH çon ish-drejtorin e KESH-it, BELI, në prokurori

Ndaj ish-drejtorit të KESH-it, Beli, dhe 30 zyrtarëve të tjerë të Korporatës Elektroenergjitike Shqiptare, Kontrolli i Lartë i Shtetit ka kërkuar ndjekje penale. Në krye të listës që KLSH-ja ka çuar në prokurori është ish-kreu i KESH, Andi Beli, i cili akuzohet për shkelje të Vendimit të Këshillit të Ministrave në prokurimet e zhvilluara nga ana e KESH-it. Kështu, sipas KLSH-së ka një shkelje të Vendimit të Këshillit të Ministrave, sipas të cilit në rastet e blerjes së energjisë me prokurim të drejtëpërdrejtë, duhet që të zgjidhet oferta më e ulët financiare që ofrohet. Por nga ana e KESH, sipas KLSH-së, gjatë periudhës në të cilën ka drejtuar Andi Beli Korporatën ky vendim i Këshillit të Ministrave nuk është zbatuar. Pra, energjia nuk është blerë me çmimin më të ulët që është ofruar, por me një çmim më të lartë.
Nga ana tjetër një nga shkeljet për të cilat KLSH-ja ka bërë edhe denoncim në prokurori për ish-drejtorin e KESH-it, Beli, janë mënyrat e pagesave të realizuara për energjinë e blerë nga kompani të ndryshme private. Shkelja e konstatuar nga Kontrolli i Lartë i Shtetit ishte për formën e pagesës së blerjes së energjisë, nga transferta bankare me pagesë në letër krediti që përfshin edhe interesat bankare. Këto veprime, sipas KLSH-së përmbajnë elementë të veprës penale, ku janë shkaktuar edhe dëme të mëdha financiare në bilancin e kësaj kompanie. Vlera e dëmit financiar në KESH kap shifra të larta, pasi edhe volumi i transaksioneve që po kryen kjo kompani është rritur ndjeshëm me dyfishimin e çmimeve të blerjes së energjisë.

***

Në raportin e Kontrollit të Lartë të Shtetit të realizuar gjatë 6 mujorit të parë të këtij viti është konstatuar një volum shkeljesh prej 3 215 952 000 lekë. Ndërsa vetëm dëmi që është konstatuar në KESH shkon në miliona lek. Dosja voluminoze e Kontrolleve në KESH prej më shumë se 400 faqesh, nuk është bërë publike nga ana e Kontrollit të Lartë të Shtetit, ndërsa burime brenda këtij institucioni bëjnë të ditur se kopje të Kontrollit të realizuar në Korporatën Elektroenergjitike Shqiptare i janë dërguar institucioneve më të larta në vend. Në listën e përfshirë në denoncimin e Kontrollit të Lartë të Shtetit përfshihen emrat e shumë drejtuesve të KESH-it. Akuzat e ngritura nga KLSH-ja, janë për shpërdorim detyre dhe shkelje të procedurave në tendera dhe abuzime me detyrën.

***

Gjatë vitit 2006-ë importi i energjisë elektrike ka kapur një vlerë prej rreth 38.3 milionë dollarësh, nga 7.6 milionë dollarë që ka qenë ky tregues gjatë vitit 2005-ë. Ndërsa për vitin 2007-ë parashikohet që vlera e importuar e energjisë të shkojë në 215 milionë dollarë, gati 30 herë më shumë se në vitin 2005-ë dhe rreth 5 herë më shumë se në vitin 2006-ë. Importi i energjisë për vitin që lamë pas ishte i përqendruar kryesisht në muajin e fundit të vitit, ndërsa për vitin 2007-ë parashikohet që 50% e energjisë në çdo muaj të jetë nga importi. Për vitin 2006-ë plotësimi i nevojave të brendshme me energji elektrike, si dhe rritja e çmimit të energjisë kanë pesëfishuar shpenzimet në importe të kësaj kategorie, ndërkohë që sasia e importuar u rrit gjithashtu ndjeshëm, me rreth 3,5 herë, krahasuar me vitin 2005. Ndërsa, për sa i përket vitit 2007-ë krahasimet e treguesit të importit për energjinë sipas të gjitha parashikimeve, do të thyejnë çdo prirje të viteve të mëparshëm. Kontributi i energjisë elektrike vlerësohet rreth 8 për qind në nivelin e përgjithshëm të importeve. Por ky nivel i importit të energjisë elektrike vlerësohet që të jetë disa herë më i madh për vitin 2007-ë. Gjatë 4 muajve të parë të këtij viti ka pasur një rritje të ndjeshme të shpenzimeve për importe të energjisë, që kanë shkuar në rreth 1 milionë USD në ditë. Importimi në sasi të larta të energjisë që pritet të vazhdojë edhe gjatë gjithë këtij viti, ka bërë që Ministria e Financave të kërkojë një menaxhim më të mirë të energjisë nga ana e KESH, duke pasur parasysh efektet negative të këtyre shpenzimeve në buxhet. Pjesa më e madhe e blerjes së energjisë elektrike gjatë muajve të krizës është realizuar me anë të prokurimit të drejtëpërdrejtë që ka qenë edhe një nga format më të kritikuara nga ana e Kryeministrit Berisha në kohën që ai ka qenë në opozitë. Por, duket se mungesa e madhe e energjisë dhe pamundësia për të zhvilluar tendera të suksesshme gjatë periudhës së krizës së energjisë, ka bërë që KESH-i të përdorë në më të shumtën e kohës blerjen e energjisë me anë të prokurimit të drejtëpërdrejtë që sipas Kontrollit të Lartë të Shtetit është bërë edhe baza e një sërë shkeljesh dhe abuzimesh me detyrën nga një pjesë e madhe drejtuesve në Korporatën Elektroenergjitike Shqiptare. Lista prej 30 emrash e zyrtarëve më të lartë të KESH, bazuar në raportin e KLSH-së ka sjellë një humbje financiare prej miliona lekësh .


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

2Normal Re: Biznesi... prej Sun Jan 13 2008, 11:41

Ma-Origano

avatar
Moderator/e
Moderator/e
Lum” kallëzimesh në prokurori, rreth 23 denoncime në ditë <hr style="COLOR: #d1d1e1" SIZE=1>TIRANË- Prokuroria e Rrethit Tiranë, vetëm për 20 ditë ka pranuar e depozituar në kryesekretarin e institucionit të akuzës 450 kallëzime të ndryshme. Ku nga një përllogaritje e thjeshtë, i bie që për 20 ditët e muajt gusht, të jenë depozituar për çdo ditë nga 23 kallëzime. Burimet zyrtare pranë organit të akuzës, konfirmuan shifrat, duke shtuar se "vetëm brenda 20 ditëve të muajt gusht, pranë prokurorisëpolicia e shtetit ka sjellë 400 kallëzime, me persona të arrestuar, të hetuar në gjendje të lirë dhe pa autor. Po ashtu, gjatë këtyre 20 ditëve të para të gushtit, zyrës së prokurorëve të gatshëm pranë prokurorisë së Rrethit Tiranë, janë paraqitur 20 persona, duke bërë kallëzime të ndryshme". Mësohet se, këto kallëzime kanë si objekt vepra të ndryshme penale, si vjedhje, rrahje, kanosje, aksidente që nuk janë të pakta dhe kundërshtim të forcave të policisë, që po ashtu bien në sy që janë me shumicë. Gjithashtu, në kallëzimet e qytetarëve, bie në sy denoncimi për veprën penale të "kanosjes" me anë të telefonit, në mënyrë direkte, dëmtimit të pronës, vjedhje, si dhe për akuza të ndryshme, deri tek ato të vjedhjes me anë të mashtrimit në çifte. Sipas këtyre burimeve theksohet se muaji gusht, ka qenë një nga muajt më me shumë kallëzime se 7 muajt e kaluar të këtij viti. "Me depozitimin e këtyre kallëzimeve pranë kryesekretarisë, prokurorët e gatshëm i kanë vlerësuar fillimisht, duke i ndarë ata që presin për fillimin e hetimit në shtator dhe ata që duhet regjistruar procedim menjëherë. Kështu, deri më tani janë regjistruar si procedim rreth 30 % e kallëzimeve, ndërsa të tjerat priten t'i ndahen në shtator prokurorëve të këtij institucioni", - thuhet nga akuza. Ndërkohë, kallëzimet që presin fillimin e shtatorit do të vlerësohen, më pas verifikohen dhe me konsultimin e zv.prokurorëve të rrethit vendoset të regjistrohet apo jo procedimi penal. Sipas burimeve, nga fundi i muajt korrik e deri në ditët e parë të muajt shtator, prokurorët ndodhen me pushime në bazë të ligjit për "Funksionimin e Prokurorisë", dhe me mbarimin e pushimeve i pret një punë e madhe.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

3Normal Re: Biznesi... prej Sun Jan 13 2008, 11:41

Ma-Origano

avatar
Moderator/e
Moderator/e
Berisha premtoi heqjen e prokurimit të drejtëpërdrejtë <hr style="COLOR: #d1d1e1" SIZE=1>Blerja e energjisë pa tender mbetet një nga format më problematike të konstatuara nga kontrollet
Blerja e energjisë me prokurim të drejtëpërdrejtë është një nga format më problematike të konstatuara në mjaft raporte të Kontrollit të Lartë të Shtetit në vite dhe raporte të institucioneve të tjera që realizojnë kontrolle dhe monitorim të fondeve buxhetore. Ishte vetë Kryeministri Berisha, asokohe në opozitë që kontestoi formën e prokurimit të drejtëpërdrejtë të fondeve të buxhetit të shtetit, dhe veçanërisht ato që përdoren për blerjen e energjisë elektrike. Por që në fillimet e saj, qeveria e djathtë, nuk arriti që të realizonte dot tendera të hapur për blerjen e energjisë elektrike dhe i aplikoi prokurimet e drejtëpërdrejta edhe në shumë sektorë të tjerrë të ekonomisë. Fundi i vitit 2005-ë dhe fillimit i vitit 2006-ë ishte edhe periudha e madhe e shtimit të numrit të prokurimeve të drejtëpërdrejta për blerjen e energjisë elektrike. Madje gjatë kësaj periudhe ka pasur një sërë dështimesh në blerjen e energjisë, gjë që sipas specialistëve dhe ERE solli edhe agravimin e situatës së rëndë energjitike që përjetoi vendi gjatë dimrit 2005-2006. Por e njëjta situatë në blerjen e energjisë ka vazhduar gjatë gjithë vitit 2006-ë dhe në vazhdim. Vetë Berisha ka bërë me dije në momentet e krizës që do të përdoren të gjitha mënyrat për të blerë energji elektrike, duke futur këtu edhe blerjen me anë të prokurimit të drejtëpërdrejtë. Këto blerje janë të rregulluara me anë të një Vendimi të Këshillit të Ministrave. Por nga ana tjetër vetë procedura e negocimit dhe mospasjes së një gare të drejtëpërdrejtë midis pjesëmarrësve në këto blerje, lënë mundësi edhe për abuzime. Një nga shkaqet e vënies në vështirësi për blerjen e energjisë në rajon është mbyllja e centralit bërthamor në Bullgari. Në këto kushte, duke mos pasur asnjë investim në gjithë këto vite, as në prodhim dhe as në transmetim, KESH-i dhe qeveria shqiptare janë të detyruara që të presin radhën në importimin e energjisë nga jashtë. Kjo është edhe një nga arsyet që ka sjellë edhe një problematikë të madhe në marrëveshjet e blerjes së energjisë, pasi energjia që duhet të kontraktohet duhet të gjejë edhe rrugën e lirë të transmetimit nga vendet fqinjë që janë gjithashtu importues neto. Në këto kushte, zgjedhja që po aplikon qeveria për miliardat e energjisë është prokurimi i drejtëpërdrejtë që nga kontrollet dhe në vite ka vërtetuar se është një nga format ku shfaqet edhe volumi më i madh i shkeljeve.

Energjia elektrike tashmë është kthyer në një nga zërat më të rëndësishëm të llogarisë koherente të vendit me jashtë. Kështu për vitin 2007-ë, importi i energjisë elektrike llogaritet që të jetë më shumë se 200 milionë euro dhe dështimi i vazhdueshëm i tenderave të energjisë lë si rrugë të vetme, blerjen me prokurim të drejtëpërdrejtë. Edhe për muajin gusht të këtij viti, energjia e blerë nga KESH-i ishte me anë të prokurimit me negocim. Kështu sipas KESH-it u arrit që të blehej energji me një çmim prej 78 euro për megavat orë nga 5 kompani që sigurojnë një sasi energjie afërsisht sa gjysma e prodhimit të vendit.

Shifrat e abuzimeve kapin 36 milionë USD

Kaq është edhe dëmi financiar që sipas KLSH-së është shkaktuar nga ana e abuzimeve financiare në buxhetin e shtetit, sipas kontrollit të këtij institucioni gjatë pjesës së parë të këtij viti. Në krye të abuzimeve të institucioneve janë përsëri tatimet dhe doganat, por një dosje voluminoze për shkelje të mëdha financiar, sipas raportitështë konstatuar edhe në Korporatën elektroenergjitike Shqiptare. Abuzime të mëdha janë konstatuar edhe në dhënien me qira dhe shitjen e trojeve.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

4Normal Re: Biznesi... prej Sun Jan 13 2008, 11:41

Ma-Origano

avatar
Moderator/e
Moderator/e
Skandali: Uji derdhej në det, KESH vazhdonte importin


KESH i fal 2 milionë euro dy kompanive duke mos konfiskuar sigurimin e kontratës pas shkeljes së saj. Rreth 1.7 milionë euro energji është importuar, në një kohë që uji në kaskadën e Drinit derdhej
Nga 46 milionë dollarë që është sasia totale e importeve për periudhën 2005-2006, vetëm shkeljet financiare që janë konstatuar në KESH shkojnë në 17.5 milionë dollarë (sipas kursit të djeshëm euro/dollar). Nëse i referohemi kontrollit të realizuar nga ana e KLSH në Korporatën Elektroenergjitike Shqiptare, pjesa dërrmuese e shkeljeve janë realizuar në transaksionet e KESH me kompanitë private nga të cilat është blerë energji

Çudirat në menaxhimin e KESH nuk kanë të sosur. Në një kohë që vendi përballej me krizë energjie dhe mungesa të mëdha në energji, KESH derdhte ujin në det, ndërsa vazhdonte të importonte energji nga jashtë. Periudha në fjalë i korrespondon 3 mujorit të parë të vitit 2006. Kontrolli i Lartë i Shtetit ka konstatuar se dëmi financiar i shkaktuar nga hapja e portave në kaskadën e Drinit, në një kohë që vendi importonte energji nga jashtë, shkon në 1.672.337 euro. Energjia që nuk është shfrytëzuar gjatë kësaj periudhe kapte një sasi prej 37.9 GËH.

Kesh i fal 2 milionë euro dy kompanive

Kjo është edhe shuma që Korporata Elektroenergjitike Shqiptare i ka falur dy kompanive me të cilat kishte kontrata për blerjen e energjisë elektrike. Siç u bë e rrugës, gjatë vitit 2006, dy kompanitë që KESH u ka falur 2 milionë euro, nuk kishin zbatuar kontratat për furnizimin me energji të vendit. Dy kompanitë me të cilat KESH kishte lidhur kontrata ishin të detyruara që të ofronin sasinë e energjisë të përcaktuar në kontratë për periudhën 01.04.2006 – 31.12.2006. Por, megjithëse KESH-i kishte në dorë siguracionin e ofertës që ishte 1.949.030 Euro, korporata nuk e konfiskoi ketë shumë për thyerjen e kontratës, në një kohë që kjo vlerë financiare ishte e lënë në formën e këtij figuracioni, posaçërisht për rastet kur kontrata e lidhur shkelej nga kompanitë.

Abuzimet në KESH sa 1/3 e importeve

Nga 46 milionë dollarë që është sasia totale e importeve për periudhën 2005-2006, vetëm shkeljet financiare që janë konstatuar në KESH shkojnë në 17.5 milionë dollarë (sipas kursit të djeshëm euro/dollar). Nëse i referohemi kontrollit të realizuar nga ana e KLSH-së, në Korporatën Elektroenergjitike Shqiptare, pjesa dërrmuese e shkeljeve janë realizuar në transaksionet e KESH, me kompanitë private nga të cilat është blerë energji. Nëse i referohemi statistikave, gjatë 2 viteve 2005-2006 KESH ka importuar rreth 46 milionë dollarë energji elektrike në total. Ndërsa shkeljet financiare të konstatuara nga ana e KLSH-së për këtë periudhë shkojnë në 17.5 milionë dollarë. Pra më shumë se 1/3 e vlerës së energjisë së importuar është klasifikuar si aferë korruptive.

+++

Shkelja e ligjit, dëmi financiar 17.5 milionë USD

Nga mosrealizimi i dispozitave ligjore dhe veprimeve të kundraligjshme, dëmi financiar në KESH shkon 17.5 milionë USD

Shkelje në vlera të konsiderueshme financiare janë konstatuar edhe në moszbatimin e kontratave me kompanitë që është blerë energji, mosblerjen e energjisë elektrike në ato shoqëri të cilat kanë ofruar çmimin më të ulët, importimin e energjisë në një kohë që uji derdhej kot në kaskadën e Drinit, faljen e vlerës së sigurimit në rastet kur kompanitë kanë shkelur kontratat për furnizimin e vendit me energji, etj..

Ky është edhe çmimi i dëmit financiar të shkaktuar nga shkelja e ligjit në KESH gjatë periudhës 2005-2006. Sipas raportit të KLSH-së nga moszbatimi i dispozitave ligjore në fuqi, Korporatës i është shkaktuar një dëm ekonomik në vlerën e 7.43 milionë euro, 237 mijë DM dhe 10.5.2 milionë lekë. Gjithashtu, si pasojë e veprimeve të kundraligjshme është evidentuar nga ana e KLSH-së një efekt negativ financiar për Korporatën në vlerën e 3.4 milionë Euro dhe 64 milionë lekë. Në total dëmi financiar i realizuar gjatë kësaj periudhë shkon në 17.5 milionë dollarë, vetëm për periudhën 2005-2006. Ky është edhe dëmi financiar për të cilin Kontrolli i Lartë i Shtetit ka çuar para organeve të drejtësisë personat shkaktarë përgjegjës të nivelit drejtues, midis të cilëve edhe kreun e KESH-it të asaj kohe, Andi Beli.

Lista e shkeljeve të konstatuara nga ana e KLSH-së gjatë kësaj periudhe ka një diapazon të gjerë. Kështu është konstatuar se janë shkaktuar dëm financiar me vlerë rreth 5.5 milionë euro për mosvënien në evicensë të kredive të dhëna nga ana e Bankës Botërore. Gjithashtu KESH nuk ka përdorur me efektivitet fondet e akorduara nga ana e donatorëve të huaj, parashikuar në kontratat përkatëse me një vlerë prej 500 mijë USD. Shkelje në vlera të konsiderueshme financiare janë konstatuar edhe në moszbatimin e kontratave me kompanitë që është blerë energji, mosblerjen e energjisë elektrike në ato shoqëri të cilat kanë ofruar çmimin më të ulët, importimin e energjisë në një kohë që uji derdhej kot në kaskadën e Drinit, faljen e vlerës së sigurimit në rastet kur kompanitë kanë shkelur kontratat për furnizimin e vendit me energji.

Lista e dëmeve financiare

1)Tejkalimi i humbjeve në rrjet mbi nivelin e miratuar me vendim të Këshillit të Ministrave dhe studimit të Bankës Botërore, që për vitet 3004-2006 rezultojnë 825.1 milionë KËH, duke shkaktuar një dëm ekonomik në vlerën prej 5.8 miliardë lekë.

2)Marrjen e kredive nga Banka Botërore për sistemin e informatizimit të të dhënave ekonomiko financiare dhe projektet e sistemit pilot me një vlerë totale 698 milionë lekë, të cilat nuk janë vënë në eficencë dhe projektet pilot kanë dështuar.

3)Mospërdorimi i fondeve të akorduara nga ana e donatorëve të huaj brenda afateve të parashikuara në kontratat përkatëse, me pasojë pagesën e penaliteteve përkatëse në shumën 33.761.298 lekë. Njëkohësisht në nenin 4 të kontratave të lidhura ka paguar penalitete në formën e Tarifës së Angazhimit, me pasojë rritjen e shpenzimeve financiare në vlerën 16.4 milionë lekë.

4)Mospërcaktimin në kontratën e nënshkruar nga palët, të kushtit për sigurimin e kontratës për mospërmbushjen e detyrimeve kontraktuale apo moslëvrimin të sasisë së energjisë elektrike, sipas kontratës së nënshkruar me 3 shoqëri të huaja, me një efekt negativ në shumën 812.632 Euro, çka bie në kundërshtim me Vendimin e Këshillit të Ministrave për rregullat e prokurimit publik, ku përcaktohet se kushti i sigurimit të kontratës do të jetë sa 10% e vlerës së kontratës.

5)Mosblerjen e energjisë elektrike në ato shoqëri të cilat kanë ofruar çmimin më të ulët, duke shkaktuar një efekt financiar negativ në vlerën e 1.745.571 euro (rezultat i diferencës midis çmimit të blerjes dhe atij të shitjes).

6)Importimin e energjisë në periudhën 01.01.2006-31.03.2006, ndërkohë që në këtë kohë është derdhur ujë në kaskadën e Drinit, duke mos shfrytëzuar 37.7 GËH, veprim i cili ka sjellë një efekt financiar negativ në vlerën e 1.672.337 euro.

7)Moskonfiskimin e vlerës së sigurimit të kontratës për mosrealizimin e detyrimeve kontraktuale për periudhën 01.04.2006 – 31.12.2006 nga 2 shoqëri të huaja, veprim në kundërshtim me kushtet e përgjithshme të kontratës neni 27, duke sjellë një efekt financiar me dëm ekonomik në vlerën 1.949.030 Euro.

8)Heqjen nga kushtet e kontratës të klauzolës në rast mosrealizimi të penaliteteve reciproke, veprim në kundërshtim me nenin 34 të kushteve të veçanta të kontratës, që ka sjellë një efekt financiar negativ në vlerën 64.019.783 lekë.

9)Përdorimi pa efektivitet të letër kredive dhe garancive bankare për blerjen e energjisë elektrike, me pasojë rritjen e shpenzimeve financiare të KESH në vlerat 55.155.031 lekë dhe 3.902 euro.

10)Vonesën prej 7 vjetësh të implementimit të projektit "Rehabilitimi i Hidrocentraleve mbi lumin Drin" dhe zgjatjen e kohës së kontratave me konsulentin, duke rënduar koston në vlerën 2.55 milionë euro, mospërmbushjen e detyrimeve të KESH për projektin, duke paguar më tepër tarifa Angazhimi në vlerën prej 978 mijë euro.

11)Moszbatimin e detyrimeve kontraktuale në 5 raste për dorëzimin në afat të punimeve ose lëvrimin e mallit, veprime të cilat kanë sjellë dëm ekonomik në vlerën 33.6 milionë lekë (penalitete të llogaritura).

KLSH:KESH përjashtoi kompanitë me çmime të ulëta

Raporti, gjatë viteve 2005-2006 kompanitë që ofruan çmim të ulët e skualifikuan

Sipas ekspertëve të Kontrollit të Lartë të Shtetit, dëmet e mëdha prej miliona eurosh të konstatuara gjatë periudhës që në krye të KESH ishte Andi Beli, janë faktuar në bazë të materialeve fizike. Pra KLSH, si institucion kontrolli, ka përdorur të gjithë dokumentacionin e vënë në dispozicion nga ana e KESH, për të zbuluar këto shkelje

Korporata Elektroenergjitike Shqiptare në vitet 2005-2006 nuk ka blerë energji nga kompanitë që kanë ofruar çmime më të ulëta. Blerja e energjisë me prokurim të drejtpërdrejtë, sipas Kontrollit të Lartë të Shtetit, gjatë kësaj periudhe, është bërë në kundërshtim me Vendimin e Këshillit të Ministrave (VKM) nr. 842 datë 30.12.2005, ku thuhet se: "Autorizohet KESH sh.a që nga shoqëritë e listuara të përzgjedhë ato nga të cilat do të marrë energji elektrike, duke përdorur kriterin e çmimit më të ulët të sigurimit të sasisë të nevojshme dhe të transmetimit të energjisë elektrike". Sipas raportit të Kontrollit të Lartë të Shtetit, në kundërshtim me këtë Vendim të Këshillit të Ministrave, pothuajse në të gjitha rastet e blerjes së energjisë elektrike me prokurim të drejtëpërdrejtë me VKM nga ana e KESH sh.a për periudhën tetor 2005-dhjetor 2006, nuk është lidhur kontratë me firmat që kanë ofruar çmimin më të ulët, dhe në ndonjë rast kur është lidhur kontratë nuk është realizuar për të gjithë sasinë e përcaktuar në VKM.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

5Normal Re: Biznesi... prej Sun Jan 13 2008, 11:42

Ma-Origano

avatar
Moderator/e
Moderator/e
Çmimi i lartë, humbjet 1.8 milionë euro

Kaq është humbja që është shkaktuar si pasojë e blerjes së energjisë nga kompanitë që kanë ofruar çmimin më të lartë në prokurime, dhe jo nga ato që kanë ofruar çmimin më të ulët. Humbjet e shkaktuara nga blerja e energjisë me çmime të larta, në një kohë që energjia ofrohej me çmime më të ulëta, i përkasin periudhës 2005-2006, dhe pikërisht asaj kohe që në krye të Korporatës Elektroenergjitike Shqiptare ishte Andi Beli.

Prokuroria, hetim për afera korruptive shtesë

Sipas ekspertëve të Kontrollit të Lartë të Shtetit, dëmet e mëdha prej miliona eurosh të konstatuara gjatë periudhës që në krye të KESH ishte Andi Beli, janë faktuar në bazë të materialeve fizike. Pra KLSH-ja si institucion kontrolli ka përdorur të gjithë dokumentacionin e vënë në dispozicion nga ana e KESH, për të zbuluar këto shkelje. Burime nga KLSH-ja bëjnë me dije se organi i akuzës mund të çojë më tej hetimet për zbulimin e fakteve të reja për afera të tjera korruptive në KESH, që tashmë është kthyer në një gropë të zezë, ku humbjet kanë kapur vlera të mëdha.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

6Normal Re: Biznesi... prej Sun Jan 13 2008, 11:42

Ma-Origano

avatar
Moderator/e
Moderator/e
Kriza: KESH rrit importin e enrgjiëe

Korporata Elektroenergjitike Shqiptare ka bërë të ditur se ka rritur me 1.5 milionë kilovat-orë energjinë e importuar. Importi i energjisë gjatë ditëve në vazhdim, bashkë me shtesën e deklaruar pritet që të shkojë në rreth 8.3 milionë kwh. Por rritja e importit të energjisë nuk pritet që të sjellë ndryshime në furnizimin e vendit me energji. Shkak për këtë situatë është rënia e prodhimit të energjisë në vend. Kështu, prodhimi vendës ka rënë me më shumë se 1 milionë kwh në ditë. Burime nga KESH bëjnë me dije se nga 5.5 milionë kwh që ishte prodhimi vendës gjatë disa ditëve më parë, aktualisht ky prodhim ka shkuar në 4.4 milionë kwh në ditë. Rritja e ndjeshme e importit të energjisë elektrike po shfrytëzohet nga ana e KESH për të ruajtur nivelet e kaskadës së Fierzës. Niveli i liqenit të Fierzës aktualisht është 265.5 metër mbi niveln e detit dhe konstatohet se ka një rritje të lehtë të prurjeve në lumin Drin, por që nuk sjellin asnjë ndryshim në situatën hidrike në vend. Sipas parashikimeve edhe për 2 muajt në vazhdim nuk pritet asgjë e re në furnizimin e vendit me energji. KESH shpreson që të paktën të ruajë oraret aktuale të furnizimit deri në fillimin e reshjeve që janë edhe vendimtare për fatin e kufizimeve. Nga ana tjetër kriza e thellë energjitike ka paralizuar të gjithë sektorët jetikë të vendit, duke sjellë rritje çmimesh dhe vështirësi të mëdha të furnzimit me ujë.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

7Normal Re: Biznesi... prej Sun Jan 13 2008, 11:42

Ma-Origano

avatar
Moderator/e
Moderator/e
Kukullat Barbie, rrezik për jetën e fëmijëve


Tërheqja si pasojë e tejkalimit të nivelit të lejuar të plumbit në ngjyrat e produkteve
Produktet e kompanisë amerikane Mattel Inc që gjenden edhe në dyqanet shqiptare janë të prodhuara në manifakturat e kësaj kompanie në Kinë. Në listën e produkteve bëjnë pjesë lodra të ndryshme për fëmijë në përbërje të të cilave ka elementë të rrezikshëm që rrezikojnë shëndetin e tyre.

Pas përhapjes së skandalit për prodhimet e kompanisë Shoqëria Mattel Inc në të gjithë botën, shoqëria ka bërë të ditur gjatë ditës së djeshme tërheqjen e produkteve të saj edhe nga tregu shqiptar. Referuar edhe lajmeve të publikuara në shumë media të huaja, produktet e kësaj shoqërie përmbajnë elementë të rrezikshëm për shëndetin e fëmijëve. Sipas Associated Press, përgjegjësit për shpërndarjen e miliona lodrave në të gjithë botën, që rrezikojnë shëndetin e fëmijëve, janë vetë kompania amerikane Mattel Inc dhe manifakturat e saj në Kinë. Lodrat e shpërndara edhe në vendin tonë të kësaj kompanie, janë pikërisht pjesë e këtij kontingjenti mallrash, jashtë standardeve me përbërës tepër të rrezikshëm që janë prodhuar në Kinë.

Shoqëria Mattel Inc që njihet për prodhimin e lodrave për fëmijë të markave si Barbie, Fisher Price, Polly Pocket, etj., nëpërmjet njoftimit të saj për shtyp drejtuar konsumatorëve në të gjithë botën, njoftoi tërheqjen të një numri lodrash të saj nga tregu mbarë botëror. Kjo tërheqje erdhi si pasojë e tejkalimit të nivelit të lejuar të plumbit që u konstatua në ngjyrat e disa prej produkteve. Në të njëjtën kohë, Mattel Inc, shpalli tërheqjen vullnetare të disa prej lodrave që përmbajnë magnete të fuqishme që rrezikojnë të shkëputen nga struktura e lodrës dhe të rrezikojnë shëndetin e fëmijëve. Lodrat e afektuara nga këto magnete janë produkte nga programi Polly Pocket.

***

Shoqëria Mattel Inc është e pranishme në tregun e Shqiptar nëpërmjet shpërndarësit të saj të autorizuar për Shqipëri, Kosovë dhe Maqedoni, shoqërisë Solution D. Sipas të dhënave në bashkëpunim me shpërndarësin e saj te autorizuar, shoqëria Mattel Inc identifikoi se ka shpërndarë në tregun e Shqipërisë dy produkte të tilla në sasi të vogla, modeli Barbie & Tanner – kodiJ4927 -12 cope dhe modeli Polly Pocket – kodi J1661 dhe J1662 – 108 copë). Mattel Inc, bën të ditur se së bashku me shpërndarësin, ka marrë masat e duhura dhe ka tërhequr tashmë këto produkte nga tregu i Shqipërisë.

***

Por sipas kësaj shoqëria, në treg ka sasi të tjera të këtyre produkteve që janë shpërndarë nga ana e firmave të tjera që nuk kanë lidhje në shpërndarje me kompanisë Mattel inc. Për të identifikuar dhe për të tërhequr edhe këto produkte të sajat që sipas Mattel Inc janë të rrezikshme për shëndetin e fëmijëve shoqëria dhe shpërndarësi i saj i autorizuar për Kosovën kanë marrë masa dhe po i intensifikojnë ato për identifikimin e këtyre produkteve dhe tërheqjen nga tregu. Kompania Mattel Inc bën të ditur gjithashtu se, në bashkëpunim të ngushtë me shpërndarësin e saj të autorizuar, ka ndërmarrë të gjitha masat për njoftimin e autoriteteve kompetente në përputhje me dispozitat ligjore në fuqi.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

8Normal Re: Biznesi... prej Sun Jan 13 2008, 11:42

Ma-Origano

avatar
Moderator/e
Moderator/e
Konfindustria, kriza po rrezikon lekun

Një situatë e tillë sipas industrialistëve do të përkeqësojë situatën e biznesit vendës. Fenomeni sipas tyre është edhe më shqetësues nëse marrim parasysh, se bazuar në të dhënat e industrive më të rëndësishme të vendit - anëtare të Konfindustrisë, një numër i madh lëndësh të para importi në tregjet ndërkombëtare vihet re se kemi rritje të konsiderueshme çmimesh.
Një zhvlerësim i mundshëm i monedhës vendëse, në kushtet kur kriza energjitike po detyron blerjen e qindra milionë eurove energji, ka vënë në alarm biznesin vendës. Një situatë e tillë do të thoshte që të gjitha lëndët e para të importuara do të ishin më të shtrenjta për biznesin vendës, duke përfshirë këtu edhe karburantet edhe energjinë që janë edhe disa nga faktorët e rëndësishëm të prodhimit. Në deklaratën e saj për mediat Konfindustria, shpreh shqetësimin lidhur me faktin se për herë të parë në sezonin e verës monedha kombëtare LEK nuk po forcohet, dhe në disa momente po shfaq edhe dobësi kundrejt EURO-s. Sipas bizneseve shqiptare kjo dukuri është shqetësuese, duke pasur parasysh kohën kur ndodh, periudhën kulmore të ardhjes së fluksit të emigrantëve në Shqipëri, kur tradicionalisht kemi pasur forcim të Lekut ndaj Euro-s.

***

Dobësimi i Leku-t kushtëzon shtimin e kostove të industrive, që punojnë për tregun e brendshëm, duke parë orientimin e ekonomisë shqiptare ku pesha e eksporteve ështëpothuaj e papërfillshme dhe e orientuar drejt rieksportove, si edhe lëndëve të para minerare. Një situatë e tillë sipas industrialistëve do të përkeqësojë situatën e biznesit vendës. Fenomeni sipas tyre është edhe më shqetësues nëse marrim parasysh se bazuar në të dhënat e industrive më të rëndësishme të vendit - anëtare të Konfindustrisë, një numër i madh lëndësh të para importi, në tregjet ndërkombëtare, vihet re se kanë rritje të konsiderueshme çmimesh. Rritja e çmimeve ka përfshirë industrinë e miellit dhe nënprodhimeve të tij, industrinë e prodhimit të birrës, industrinë e prodhimit të letrës dhe nënprodhimeve të saj, etj.

***

Industrialistët bëjnë të ditur se shkaqet e mosforcimit tradicional të LEK-ut me tendencë dobësimi në periudhën e verës 2007-të mbeten për t’u kërkuar kryesisht në shpenzimet e mëdha të blerjes së energjisë me çmime të larta jashtë vendit, rritjes së çmimit dhe sasisë se importeve të karburanteve, dhe po ashtu edhe problemeve te tjera, që kanë të bëjnë me daljen në sasi të mëdha të valutës jashtë, si pasojë e financimeve të disa investimeve të rëndësishme në vend. Sipas industrialistëve, deficiti tregtar, bazuar në shifrat e 6 mujorit të parë të 2007-të, para fillimit të krizës energjitike, ka kapur nivelet historike relative prej 23% dhe po ashtu edhe në nivele absolute importesh. Për më shumë dhe çka e bën më problematik fenomenin është se dobësimi i Lekut-t në periudhën e verës, ndodh në kushtet kur Banka e Shqipërisë vetëm disa kohë më parë rriti normën bazë të interesit për Leku-n me 0.25%.



Fullani: Bankat të rrisin transparencën me klientët

Bankat e nivelit të dytë duhet që të rrisin transparencën me klientët, pasi ky është një element i rëndësishëm në zhvillimet e marrëdhënieve të këtij biznesi. Deklarata është bërë gjatë ditës së djeshme nga Guvernatori i BSH-së, Ardian Fullani, në seminarin me temë “A reduktohen normat e interesit nga transparenca e bankës qendrore”, me lektor profesorin e mirënjohur ne fushën e transparencës së bankave qendrore, prof. Sylvester Eijffinger nga Fakulteti i Ekonomisë së Universitetit të Tilburg-ut në Hollandë.

Fullani gjatë fjalës sëtij ka bërë të ditur se “do të kërkoja që sistemi bankar të rrisë më tej transparencën e tij me publikun, veçanërisht në drejtim të shpjegimit të thjeshtë dhe të sinqertë të produkteve që ofron, të komisioneve që aplikon, pa harruar të përmendë dhe publikimin në kohë dhe me cilësi të rezultateve financiare, sipas detyrimeve ligjore. Në këtë kontekst, dëshiroj të bëj me dije se Banka e Shqipërisë do të jetë rigoroze në përmbushjen e të gjitha detyrimeve që burojnë nga respektimi i ligjeve dhe bazës rregullative. Siç thotë miku im Eijffinger:“transparenca për njerëz të ndryshëm do të thotë koncepte të ndryshme”. Kuptohet që e lë të hapur debatin si në rrafshin akademik, ashtu edhe në atë praktik. Elemente të reja, tregues sasiorë, modele empirike i shtohen atij vazhdimisht”.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

9Normal Re: Biznesi... prej Sun Jan 13 2008, 11:43

Ma-Origano

avatar
Moderator/e
Moderator/e
Pse nuk po punohet në segmentin Lushnjë-Fier


Punimet me një ritëm tepër të ulët, në autostradën Lushnjë -Fier, e kanë kthyer trafikun në këtë segment në një kaos të vërtetë. Megjithëse janë hapur 5 kilometrat e para të autostradës, vetëm në njërin krah, kjo nuk ka dhënë asnjë ndihmë për përmirësimin e gjendjes.
Punimet e autostradës Lushnjë -Fier vazhdojnë të ecin me ritme të ulëta, ndërsa dje në të gjithë segmentin rrugor të saj nuk konstatohet asnjë punëtor, dhe mjetet e rënda të firmave që kanë marrë përsipër punimet janë parkuar anës rrugës, në pritje për të marrë urdhër për të punuar. Sipas kontratës, kjo autostradë duhet që të mbarojë në muajin mars të vitit 2008-të, pra pas rreth 7 muajsh. Nëse rruga të bie në këtë segment, atëherë të bie në sy ritmi i ulët i punimeve, ku urat ende nuk kanë filluar per tu ndëruar. Por një fakti i tillë nuk e shqetëson italianin Rozati, që është edhe drejtuesi i punimeve në këtë rrugë. Ai është optimist për punën që po kryhet, dhe lidhur me situatëne krijuar, drejtuesi punimeve Rozati, ifirmës kontraktore Maltauro, ka dhënë një konferencë për shtyp ku ka folur lidhur me situatën aktuale në këtë autostradë. Ai sqaron se firma në bazë të kontratës ka filluar punimet në muajin mars të vitit 2006-të dhe dopërfundojëautostradën në mars të vitit 2008-të. Ai është shprehur se : “ne si firmë do të bëjmë të pamundur për ta përfunduar brenda afatit kohor këtë rrugë të rëndësishme, pasi në të kundërt do të përballemi me penalizime .Në këto ne jemi të angazhuar ta mbarojmë atë në kohë dhe me cilësi”. Sipas drejtuesit të punimeve Rozati në këtë moment po punohet për pilat e urave, dhe për të mbledhur materiale për vazhdimin e rrugës. Ndërkohë është punuar për të përgatitur karierat, guroret, ku kjo firmë merr lëndën e parë për të qenë gati kur të na duhet. Gjithçka është e programuar. Sipas tij, pas përfundimit të punimeve autostrada do të ketë një garanci 10 vjeçare. Sigurimi për cilësinë e punimeve për këtë periudhë do të jetë 6 milionë euro, ndërsa 5 milionë euro do të jenë për aksidentet që mund të ndodhin si rezultat i cilësisë së punimeve.

Bllokimi i punimeve në rrugënLushnjë-Fier nuk është i pari që nga fillimet e këtij projekti. Që në fillimin e kësaj rruge, ka pasur një vonese prej disa muajsh. Kështu shiriti i punimeve është prerë nga ana e Kryeministrit Berisha dhe ish-ministrit të Transporteve Basha rreth 3 muaj para se të fillonin edhe punimet e rrugës. Edhe në kontratë, sipas firmës italianë, punimet kanë një afat që ishte rreth 2 muaj më vonë seç kishte parashikuar qeveria. Për të përballuar kostot e ndërtimit të këtij segmenti, është akorduar tashmë një fond që kap vlerën 24 milionë e 350 mijë euro, financuar nga qeveria italiane. Edhe qeveria shqiptare do të kontribuojë në këtë projekt, me anë të një fondi me vlerë rreth 4, 9 milionë eurosh. Kjo shumë do shkojë kryesisht për të përballuar kostot lokale dhe problemet që lidhen me shpronësimet e pronarëve, mbi tokat e të cilëve do të kalojë segmenti Lushnjë-Fier. Projekti për ndërtimin e këtij segmenti tenton përmirësimin e lëvizjes së mjeteve në këtë aks, duke iu afruar standardeve evropiane të rrugëve


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

10Normal Re: Biznesi... prej Sun Jan 13 2008, 11:43

Ma-Origano

avatar
Moderator/e
Moderator/e
Maqedonia hap portat e Drinit të Zi


Prurjet në kaskadën e Drinit kanë shkuar në 40 metër/kub në sekondë gjatë pasdites së djeshme
Hapja e portës sëDrinit të Zi në Strugë dhe të digës në Dibër të Maqedonisë ka bërë që vetëm pas pak orësh, në orët e mbasdites prurjet në kaskadën e Drinit të shkojnë në 40 m3 në sekondë. Padyshim që rritja e prurjeve nuk do të përmirësojnë krizën energjitike që ka pllakosur vendin, por të paktën ato do të mundësojnë ruajtjen e rezervës ujore të hidrocentraleve në veri të vendit.

Strugë - Kërkesës së njëpasnjëshme të qeverisë shqiptare për të zbatuar marrëveshjen në bazë të protokollit të nënshkruar në vitin 1962, qeveria Maqedonase është përgjigjur vetëm gjatë ditës së djeshme me hapjen e portave të Drinit të Zi. Sipas marrëveshjes së lidhur midis Shqipërisë dhe Maqedonisë, përcaktohet që nëse gjatë muajve të verës prurjet në lumin Drin bien poshtë 45 metër/kub në sekondë, atëherë Maqedonia duhet që të hapë portat e saj që bllokojnë ujin për në territorin shqiptar. Qeveria shqiptare prej 10 ditësh kishte kërkuar zbatimin e marrëveshjes dy palëshe, por ajo është zbatuar vetëm sot në mëngjes. Hapja e portës sëDrinit të Zi në Strugë dhe të digës në Dibër të Maqedonisë ka bërë që vetëm pas pak orësh, në orët e mbasdites, prurjet në kaskadën e Drinit të shkojnë në 40 m3 në sekondë. Padyshim që rritja e prurjeve nuk do të përmirësojnë krizën energjitike që ka pllakosur vendin, por të paktën ato do të mundësojnë ruajtjen e rezervës ujore të hidrocentraleve në veri të vendit. Kështu, pas shumë tentativash zbatohet kjo marrëveshje, pas shumë vitesh të periudhës së tranzicionit, pasi kriza energjitike tek ne edhe në të kaluarën ka buruar edhe nga liqeni i Ohrit, pasi fqinjët tanë maqedonas mbyllnin portën e Drinit të Zi në Strugë, duke thyer marrëveshjen dy palëshe dhe duke ndikuar edhe ata në këtë gjendje të vështirë hidrike.

Rrjedha e Drinit të Zi

Drini i Zi buron nga burimi i Shën Naumit dhe rrjedha e tij kalon mes përmes Liqenit të Ohrit, deri në qytetin e Strugës, të cilin lumi e ndan në dy pjesë. Urat e shumta që lidhin dy brigjet e Drinit të Zi, i japin Strugës epitetin “Qyteti i Urave”. Lumi rrjedh në veri, në drejtim të qytetit të Dibrës, në një zonë malore, ku pastaj prek një pjesë të kufirit Maqedoni-Shqipëri, për të kaluar pastaj në territorin e Shqipërisë. Në pjesën e Maqedonisë rrjedha e lumit është e ndërprerë nga dy liqene artificiale, të cilat shërbejnë për përfitimin e rrymës elektrike. Pranë qytetit të Kukësit, Drini i Zi bashkohet me Drinin e Bardhë, duke formuar lumin e bashkuar Drin, që ka derdhje në Detin Adriatik.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

11Normal Re: Biznesi... prej Sun Jan 13 2008, 11:43

Ma-Origano

avatar
Moderator/e
Moderator/e
Skemë e re për TVSH-në në Bujqësi


Tatimi mbi Vlerën e Shtuar për sektorin e bujqësisë pritet që të ndryshojë skemë. Sipas draftit të ri të përgatitur nga ana e ekspertëve të ministrisë së Bujqësisë, futja në skemën e TVSH-së do të fillojë që prej prodhuesit të parë, pra fermerit. Deri tani skema e furnizimit të TVSH-së fillonte në industritë prodhuese, të cilat i lëshonin këto fatura në bazë të preferencave të tyre.Sipas grupit të ekspertëve të këtij projekti, ai do të krijojë një lehtësi shumë të madhe për të gjithë fermerët, pasi do t'i ndihmojë ata që të marrin TVSH-në për prodhimet që shesin. Ndërkohë grupi i punës po punon duke u mbështetur dhe në eksperiencën e vendeve të rajonit, me qëllim realizimin e një projekti të suksesshëm dhe të qëndrueshëm. Por nga ana e përfaqësuesve të përpunimit, një skemë e tillë është vlerësuar si e dështuar dhe me pasojë të dyanshme negative, pasi ajo nuk mund të funksionojë në bujqësinë shqiptare. Sipas agropërpunuesve, një skemë e tillë do të bëjë që fabrikat e përpunimit të produkteve bujqësore të drejton nga importi, dhe kështu që prodhimet vendëse do të mbeten pa u shitur. Sipas MBUMK-s, kjo skemë pritet të bëhet efektive brenda vitit të ardhshëm, 2008-të, pasi të diskutohet dhe me përfaqësues të fermerëve e grupet e interesit.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi