Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Nëntori i flamurit kombëtar, nëntori i komandantit legjendar Adem Jashari

Nëntori i flamurit kombëtar, nëntori i komandantit legjendar Adem Jashari

Shko poshtë  Mesazh [Faqja 1 e 1]

Ma-Origano

avatar
Moderator/e
Moderator/e
Nëntori i flamurit kombëtar, nëntori i komandantit legjendar Adem Jashari


Janë bërë tok në një vend e në një sofër vëllezërit nga trojet etnike

“Janë mbledhur tok e në një sofër vëllezërit nga trojet etnike për të kremtuar bashkë në Dukagjin festën e madhe të flamurit kombëtar dhe për të nderuar ditëlindjen e komandantit legjendar të UÇK-së, Adem Jashari. Manifestimi “Shqipja nuk vdes” po lidh penj e atdheut”, ka thënë në hapje të takimeve në Pejë, organizatori i takimeve



Pejë, 16 nëntor- Nëntori i flamurit tonë kombëtar, nëntori i komandantit legjendar Adem Jashari, ka bërë tok e në të njëjtën sofër vëllezërit nga trojet etnike përmes Manifestimit Kulturor të trojeve etnike “Shqipja nuk vdes”, që u bë freski për Dukagjinin në kohën e përditshmërisë së fushatës zgjedhore.

“Janë mbledhur tok e në një sofër vëllezërit nga trojet etnike për të kremtuar bashkë në Dukagjin festën e madhe të flamurit kombëtar dhe për të nderuar ditëlindjen e komandantit legjendar të UÇK-së, Adem Jashari. Manifestimi “Shqipja nuk vdes” po lidh penj e atdheut”, ka thënë në hapje të takimeve në Pejë, organizatori i takimeve, Ukshin Jashari, kryetar i Shoqatës së Vëllazërisë Kosovë- Malësi e Madhe “Martin Dreshaj”. Pas kësaj ka vazhduar fesa e përbashkët e vëllezërve nga Hoti, Gruda, Plava e Gucia, Malësia e Rozhajës, Kosova Lindore dhe nga i tërë Dukagjini e Kosova. Filmi “Nga shpërngulja deri të egzodusi”, i producentit At Pashk Gojçaj përmes fakteve dokumentare dhe lojës së bukur të aktorëve malësorë ka rikthyer kujtesën në kohën e katrahurave kur vëllezërit nga Malësia kishin hapur dyert e zemrat për të zhvendosurit nga Kosova nga dhuna barbare serbe. Ka prezantuar ky film fragmente të filmuara nga vendi i ngjarjes që kanë bërë të shpaloset para syve të 150 pjesëmarrësve e kaluara plot dhunë, vrasje e katrahura. Përmbajtja e filmit ka bërë që edhe udhëheqësi i këtij programi të mbetej i nemitur dhe të harronte, që sipas skenarit, t’ia jepte fjalën mysafirit të ndërtuar At Patër Pashku.

Një moment i bukur i këtij manifestimi ka qenë paraqitja e këngëtarit të njohur Mhill Krasniqi nga Grupi “Bijtë e Marsh Krasniqit, pastaj e këngëtarit Enver bashkë me Azem Lukajn dhe e aktorëve të teatrit të Shoqatës, që po sillnin porosinë se shqiptarët kudo që janë të një gjaku e të një gjuhe. Pas kësaj është bërë promovimi i librit “Klithma e një shqiponje” të autorit dr. Fran Ivezaj, njeri ky i njohur bashkë me shumë të tjerë për angazhimet në mbrojtjen e çështjes shqiptare dhe në sensibilizimin e faktorit ndërkombëtar për kërkesat legjitime dhe për luftën e drejtë të bijve më të mirë të kombit që me uniformat e UÇK-së po hynin në betejat e lavdisë për t’i kthyer nderin e nëpërkëmbur atdheut dhe kombit.

Për librin ka folur dr. Xhavit Aliçkaj, i cili ka veçuar se ky libër i intelektualit e veprimtarit të shquar Ivezaj, që përkohësisht punon e jeton në SHBA është në vepër e veçantë për një kohë që dëshmoi se Amerika respekton demokracinë dhe gjendet afër shqiptarëve dhe zërit të tyre për liri. Redaktori i librit Nikollë Camaj, që po përfaqësonte pushtetin lokal të komunës urbane të Tuzit, ka folur për librin dhe angazhimet e tij për të dalë kjo vepër sa më në nivel letrar e artistik. Ai ka folur edhe për momentin aktual politik në Kosovë e trojet etnike duke apeluar për kujdes dhe respekt mes vëllezërish. Ky moment dhe shfaqja pastaj e filmit “Mirupafshim atdhe”, në të cilin rolet po interpretonin anëtarët e Shoqatës së Vëllazërisë , ka bërë që të lindin idetë për një projekt të ri filmik duke u bazuar në temën e dramës “Abetare nëpër shekuj” të autorit Rrahman Jasharaj. Malësorët janë zotuar se do të përdorin pozitivisht gjithë lidhjet në SHBA te bijtë e tyre për të siguruar fonde në mënyrë , që si u shprehen ata, bashkërisht t’i lënë në celuloid gjeneratave një projekt të qëlluar e të punuar bashkë.

Malësorët kanë falënderuar Viktor Gashin e hotelit “Dona” për mikpritjen dhe Ymer Ymerin, Lulëzim Kullashin, Nexhmi Lajçin, Sali Lukaj, Beqir Kajtazin e Avdullah Vokshin për ndihmat modeste, por shumë domethënëse për organizimin e një kokteji për 150 pjesëmarrësit. Organizatori u ka ndarë mirënjohje publike veprimtarëve nga trojte etnike që ndihmuan në ngritjen e urave të vëllazërisë. Mes të mirënjohurve është edhe nje nga përgjegjësit e "malësia.org" Lindon Camaj dhe tërë stafi i kësaj gazete elektronike për kontributin e dhënë për të depërtuar e vërteta lidhur me të gjitha ngjarjet në Malësi dhe për këtë truall etnik dhe shqiptarët atje.



Rrahman Jasharaj - Kosovë


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
ADEM JASHARI ka qene nje trime i forte


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi