Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Ryker: Kosova ndodhet në fazën finale të shtetësisë

Ryker: Kosova ndodhet në fazën finale të shtetësisë

Shko poshtë  Mesazh [Faqja 1 e 1]

Ma-Origano

avatar
Moderator/e
Moderator/e
Kosova ndodhet në periudhën finale të krijimit të shtetësisë, tha kryeadministratori i Kosovës, Joakim Ryker gjatë vizitës së sotme në Prizren, i shoqëruar nga komandanti i KFOR-it, Roland Kater. Ryker dhe Kater vlerësuan se Kosova këtë vit do të bëhet e pavarur, falë vullnetit të popullit të saj, por edhe angazhimit të faktorit ndërkombëtar. Kosova me gjysmën e popullsisë nën moshën 20 vjeçare, ka strukturën më të re të popullsisë në Kosovë. Mund të themi se Kosova ka numrin më të madh të të rinjëve në Evropë dhe kjo tregon shumë për vendin, tha gjenerali Kater .


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Rusia shpreh përsëri kundërshtimin ndaj imponimit të pavarësisë së Kosovës

Autori i Lajmit:
24-ore.com
Duke komentuar qëndrimin Shteteve të Bashkuara se pavarësia e mbikëqyrur për Kosovën është e vetmja zgjidhje, Daniel Server, ekspert për Ballkanin nga Instituti amerikan i Paqes, tha se "ky është qëndrim i ndërtuar i SHBA-ve që do të përpiqen ta realizojnë deri në fund të muajit maj".
Por, Server nuk është i sigurt nëse kjo mund të realizohet deri në fund të majit, pasi sipas tij, "tash për tash gjërat duken shumë të paqarta", ndërkohë që siç thotë, vizita e delegacionit të Këshillit të Sigurimit të KB-së në Kosovë, "do të ketë njëfarë ndikimi". Ndërkaq, duke folur për vendimin për statusin e Kosovës që pritet të merret në Këshillin e Sigurimit dhe për kundërshtimin e Rusisë që kërcënohet me veto, Server këtë situatë e sheh si "shumë të rrezikshme", kurse finalen e "paqartë". "Për fat të keq, është një situatë, në të cilën Beogradi po angazhohet maksimalisht për ta parandaluar zgjidhjen", tha Server, duke shtuar se "do të ishte situatë fatkeqe nëse do të ketë shtyrje të mëtejme, pasi ato me siguri nënkuptojnë dhunë të mëtejshme në Kosovë". Kjo situatë do të jetë e keqe, thotë ai, veçanërisht për serbët e Kosovës, por "do të ishte gjë e keqe edhe për shqiptarët e Kosovës, pasi do të shihnin se nuk po e marrin njohjen ndërkombëtare", theksoi Server. Sipas tij, edhe në rast se Rusia e përdor veton, SHBA-të dhe vendet e tjera perëndimore do ta njohin deklaratën për pavarësi të Kuvendit të Kosovës dhe beson se"kjo do të ishte e drejtë", por vetëm si zgjidhja e dytë më e mirë. Ndërkaq zgjidhja më e mirë është rezoluta e Këshillit të Sigurimit, nënvizoi Server për Radion Evropa e Lirë.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Ryker: Ceshtja e Kosoves do zgjidhet sic duhet

• “Kam besim në Bashkësinë Ndërkombëtare që çështjen e Kosovës do ta zgjidhin ashtu si duhet”, ka thënë shefi i UNMIK-ut Joakim Ryker gjate një konference për gazetarë të mbajtur sot në Prishtinë.

Shefi i UNMIK-ut Joakim Ryker ka shprehur besimin e tij se ceshtja e Kosoves do te zgjidhet ashtu sic duhet gjate një konference për gazetarë të mbajtur sot në Prishtinë. Ryker foli gjithashtu edhe për vizitën e misionit faktmbledhës të KS i cili pritet të arrijë këtë javë në vendin tonë. Ryker tha se delegacioni faktmbledhës i KS është themel i rëndësishëm në përgatitjet e marrjes së vendimit për Kosovën. Ryker tha se ardhja e delegacionit faktmbledhës në Kosovë synon që t’u mundësojë anëtarëve të KS, që me sytë e tyre të shohin gjendjen në terren. “Mendoj që nevoja e Këshillit të Sigurimit është që shtetet të cilat nuk janë të familjarizuara me çështjen e Kosovës të familjarizohem me situatën”, tha Ryker .Sipas tij, delegacioni i faktmbledhësve më të arritur në Prishtinë do të takohet me shefin e UNMIK -ut dhe komandantin e KFOR-it. Ndërkohë që për paralajmërimet e ardhjes së serbëve në kufi me Kosovën, Ryker tha se nuk do të këtë mbyllje të kufirit, por do të behët kontrollimi në hyrjen numër një.“Ka njerëz që dëshirojnë të grumbullohen nëpër kufij, mirëpo nëse ata dëshirojnë të hyjnë në Kosovë janë të lirë ta bëjnë këtë, mirëpo do të ketë kontroll brenda kufirit” tha Ryker. Ai u ka bërë thirrje serbëve të Kosovës që të mos izolohen, por të jenë pjesë e institucioneve të Kosovës. Ryker, gjithashtu tha se institucionet vendore kanë bërë shumë përparime në përmbushjen e Rezolutës 1244, nëpërmes ndërtimit të institucioneve demokratike dhe rënie së nivelit të krimit, ndërkohë që ngecjet më të mëdha ai tha se janë në procesin e kthimit, pjesëmarrjen joadekuate të serbëve në institucione dhe nivelin e ulët të zhvillimit ekonomik. Ryker tha se standardet nuk janë përmbushur plotësisht, mirëpo ato kanë ndihmuar në normalizimin e jetës në vend dhe se institucionet e vendit tash kanë marrë më tepër kompetenca, kështu që UNMIK-u aktualisht po jep vetëm një ndihmë të vogël.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Kosova, NATO: OKB te mbeshtese pavarësinë e mbikqyrur

• Misioni i Këshillit të Sigurimit u takua sot në Bruksel me Sekretarin e Përgjithshëm të NATO-s Jap de Hop Skefer dhe Komisionerin e per Zgjerim Oli Rehn

Zyrtaret e NATO-s u kane bere thirrje Kombeve te Bashkuara qe ta mbeshtesin planin e Martti Ahtisaarit per pavaresine e mbikqyrur per Kosoven. Sekretari i pergjithshem Jaap De Hoop Scheffer ka paraqitur misionit faktmbledhes te Keshillit te Sigurimit per nevojen e zgjidhjes se shpejte te statusit te Kosoves, dhe ka shtuar se do te ishte e rrezikshme nje ngecje apo zvarritje e procesit. Scheffer i ka njoftuar ambasadoret e 15 vendeve anetare te KS me "rrethanat e sigurise ne Kosove, nga pikepamja e Aleances Veriatlantike", duke theksuar se "Kosova eshte çeshtja kyçe e sigurise ne Evrope". "Ne ne NATO duam ta shohim Keshillin e Sigurimit qe ta diskutoje kete çeshtje dhe te vije tek nje rezolute" te bazuar ne propozimet e te derguarit te Kombeve te Bashkuara, tha zedhenesi i aleances, James Appathurai.

Delegacioni i Keshillit te Sigurimit i OKB, qendroi ne Bruksel ne ndalesen e pare te misionit faktmbledhes per Kosoven ku u bisedua për zgjidhjen e statusit të Kosovës dhe për rolin e Aleancës për sigurimin e kushteve në realizimin e statusit të ardhshëm te Kosoves. "Jemi ketu per te mesuar se çfare po ndodh ne Kosove", tha me te arritur ne seline e NATO-s, ambasadori amerikan ne KB, Zalmay Khalilzad. "Misioni informues eshte i rendesishem dhe behet ne kohen e duhur", tha zedhenesi i NATO-s. "Sekretari i pergjithshem do te donte te shohe nje rezolute sa me shpejt te jete e mundur", tha Appathurai.

Delegacioni i kryesuar nga ambasadori i Belgjikes ne KB, Johan Verbeke, u takua edhe me Komisionerin e per Zgjerim Oli Rehn, dhe Peter Feith, i cili pritet te jete kandidati kryesor per postin e perfaqesuesit nderkombetar ne Kosove. "Ne takimet do te diskutojme thellesisht dimensionin evropian dhe te NATO-s ne çeshtjen e Kosoves", tha Verbeke. "Kjo do te na mundesoje qe te veprojme me pergjegjesi kur te vendosim mbi çeshtjen", pohoi ambasadori i Belgjikes. Pas Brukselit, delegacioni i Keshillit te Sigurimit do te udhetoje ne Beograd.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Rehn: Nje zgjidhje e shpejte per statusin e Kosoves

Derguar me: 08/05/2007

• Olli Rehn tha se për statusin e Kosovës nevojitet nje zgjidhje e shpejtë, të qëndrueshme, shumëetnike dhe demokratike e bazuar në planin e Martti Ahtisaarit

Komisionari për Zgjerim i Bashkimit Evropian Olli Rehn tha se për statusin e Kosovës nevojitet nje zgjidhje e shpejtë e bazuar në planin e Martti Ahtisaarit dhe rezolutë e re e Këshillit të Sigurimit për një zgjidhje të qëndrueshme të Kosovës shumëetnike dhe demokratike.

Rehn ka thënë se rezoluta duhet të jetë juridikisht dhe politikisht e qartë në mënyrë që misioni i ri ndërkombëtar i BE-së të mund të vendoset në Kosovë. Lidhur me zgjedhjen e radikalit Tomislav Nikolic kryetar të parlamentit të Serbisë, Rehn tha se "brishtësia e zhvillimit demokratik në Serbi po bëhet e rrezikshme për zhvillimet në rajon. (Europa e Lire)


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Pavaresia e kollajshme

Baton Haxhiu
E Enjte, 10 Maj 2007


A mund te kete pavaresi te kollajshme per Kosoven. Apo ajo pavaresi do te behet me force. Dy dilemat e shtruara nga ambasadori Uisner ne Paris para intelektualeve te atjeshem tregonin per problemet serioze qe Rusia i ka sjelle procesit te pavaresimit te Kosoves. Ketyre dilemave shume pak u kishte ndihmuar edhe Komisioni faktmbledhes qe me rekomandimet e tyre (konkludime te pakta) kishin bere pershkrimin e situates pa ndonje qartesim te asaj qe duhet te ndodhte me tutje.

Ky pershkrim nuk mbante peshen e situates se tendosur ne Kosove qe po shkaktohet nga pritja e gjate qe kosovaret po e bejne per statusin dhe te ardhmen e saj.

Me gjase shumekush ka filluar te harroje se cila ka qene e kaluara e afert e ketij vendi dhe pse Kosova duhet te jete e pavarur nga Serbia. Ka kohe qe ky vend ka heshtur per ate qe ka ndodhur por eshte momenti te thuhet se ne asnje cast nuk do t'i shkoje ne mend askujt qe te kthehet prapa.

Per ata qe se dine, ose kane harruar, e sidomos per serbet qe jane ketu deh qe deshirojne te kthehen dhe te jetojne ne Kosove, duhet ta kene te qarte se per ta eshte me mire nje Kosove e pavarur se sa nje Kosove me gjendje te tanishme.

Nje kujtim per te gjithe ata qe mendojne ndryshe dhe per ata qe s'deshirojne te kthehen tek e kaluara duhet perkujtuar keto gjera:

Ne Kosove kane ngjare gjera te tmerrshme, dhe nuk lypsen fjale ketu. Prandaj duhet qartesuar mire e mire se ne Kosove dhe per Kosoven puna eshte kryer.

Eshte veshtire qe te paramendohen qe njerezit, te cilet kane duruar te gjitha ato, te pranojne te jetojne ne kuader te shtetit te Serbise sic thoshin ne raportin faktmbledhes lideret beogradas dhe sic pretendojne te ndertojne nje Kosove me Serbine shteti i Rusise dhe disa shtete tjera qe fare skano lidhje me Kosoven.

Pse kerkohet nje bashkim i pamundur kur dihet qarte se bota ka pasur guximin te ndaje Gjermanine dhe gjermanet per shkak te krimit te kryer, dhe ate nje popull dhe nje shtet te perbashket. Vetem per ta ndeshkuar krimin. Nuk shoh arsye qe nje fuqi qofte edhe Rusia me fuqine e Vetos ne KS ta bashkoje Kosoven me Serbine, jo vetem per shkak te krimit te bere por edhe per shkak te heshtjes kolektive serbe ndaj ketij krimi.

Nuk e besoj se Kosova do te jetoje me krimin dhe me njerezit qe nuk jane distancuar nga krimi. Per 120 vjet jetese me shqiptaret, serbet kane pasur rast te jetojne dhe bashkejetojne me ne. Ata per te gjitha keto vjet kane bere krime dhe deportime. Nuk munden shqiptaret me te fshijne memorien cdo 20 vjet. Dhe ketu perfundon e drejta morale e Serbise per te sunduar mbi Kosoven.

Per boten perendimore dhe shqiptaret, kjo perpjekje e tanishme serbe dhe ruse njekohesisht, sinqerisht perfshin berjen e asgjeje qe do te vononte rivleresimin kombetar te cilin serbet duhet ta bejne ndaj vetes dhe shoqerise se tyre. Dhe konceptin e pakuptimte per Kosoven qe ka Rusia ne keto momente. Mund te kete dicka madhore, ose me madhore ne raport me BE-se dhe SHBA-ne, por eshte e paqendrueshme qe dy milion njerez te jene viktime e pritjes dhe nje regjion potencialisht bure baroti. Ketu lufta ka perfunduar. Prandaj duhet t'i ruajme serbet dhe shqiptaret nga nje armiqesi ende e pasheruar. Duhet t'ia japin rastin paqes ne nje Kosove te pavarur ku bashkesia nderkombetare e ka fjalen e fundit te saj.

Eshte per te ardhur keq qe ne Serbi ka pak dallime ne reagimet publike te serbeve qe kane qasje ndaj te dhenave perendimore per Kosoven dhe popullaten qe jetojne ketu. Shihej gjate bisedes qe te gjithe lideret serbe, me pak perjashtime, e ndienin veten te lire qe te kritikojne Milosheviqin para grupit faktmbledhes, por aty shihej se lideret politike te Serbise nuk debatuan mencurine dhe moralitetin e se ardhmes. Mendjet ishin te mbyllura dhe ne nje menyre a tjeter sinqerisht jane veshtire te paramendohen.

Per kete arsye eshte me rendesi per te gjithe ambasadoret qe kane vizituar Kosoven te gjejne menyrat per te mbajtur paraqitjen e fuqishme te nje morali politik karshi situates dhe asaj qe ka ndodhur ne Kosove duke paraqitur aksionin ne Keshillin e Sigurimit kunder nje te kaluare dhe nje regjimi qe e ka merituar. Vetem nje paraqitje e tille mund te beje presion ne Beograd qe te provokoje nisjen e ndryshimeve.

Serbet nuk duhet te lihen qe te vuajne ne vetmi dhe te mllefosen edhe me tej. Te lihen e te bejne pazare virtuale. Te lihen dhe te ndertojne nje enderr te tyre per Kosoven mesjetare. Ajo Kosove se bashku me te kaluaren e saj ka vdekur pergjithmone. Ka vdekur sepse ata nuk kane merituar ta kene dhe nuk kane ditur ta mbajne.

Bashkesia nderkomebatre duhet qe shpejt te ndertoje ndryshime, jo ne rekonstruktim qe do ta ndihmonte Serbine nga konsekuencat e dhimbshme te se keqes. Ata mund te kene me kujtese nacionaliste dhe me veprime militante. Kjo perkedhelje duhet te marre fund sepse atyre iu duhet ndihme perendimore per ekonomi dhe kooekzistence me te tjeret. Nuk mund te presim te gjithe qe ata te nderrojne veten e tyre kur ata duan. Kjo pune duhet te marre fund sa nuk eshte bere vone.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Sejdiu: Nuk e di se kur, por Kosova do ta fitoje pavarsine

• Fatmir Sejdiu ka deklaruar sot se nuk e di saktë se kur Kosova do të pavarësohet, por është shprehur i sigurtë se Kosova së shpejti do ta fitojë këtë status

Presidenti i Kosovës Fatmir Sejdiu ka deklaruar sot se nuk e di saktë se kur Kosova do të pavarësohet, por është shprehur i sigurtë se Kosova së shpejti do ta fitojë këtë status nga bashkësia ndërkombëtare.

Gjatë një vizite në Gjilan, Sejdiu tha se procesi nëpër të cilin po kalon Kosova ishte i gjatë dhe me shumë vështirësi, por me propozimin e Ahtisaarit, këtij procesi i është afruar fundi. Ai ka thënë se pala kosovare gjatë negociatave ka bërë disa kompromise "për te ardhmen e Kosovës.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Ryker: Rezoluta e Kosovës



• Joakim Ryker tha se rezoluta mund të miratohet deri më 21 qershor dhe sa më shpejt që është e mundur duhet të aprovohen 18 ligje nga ana e Kuvendit të Kosovës

Shefi i UNMIK-ut, Joakim Ryker ka thënë mbrëmë në Gjakovë, se mbi 50 për qind ekzistojnë shanset për miratimi e rezolutës së re në KS të OKB-së që çon në pavarësinë e mbikëqyrur të Kosovës. Ai tha se rezoluta mund të miratohet deri më 21 qershor dhe sa më shpejt që është e mundur duhet të aprovohen 18 ligje nga ana e Kuvendit të Kosovës.

“Ju keni nevojë për kushtetutë, Ligjin zgjedhor dhe simbolet shtetërore. Kjo mund të arrihet me një angazhim të madh, në mënyrë që pas katër muajsh UNMIK-u të shkojë dhe kështu të jemi të lumtur bashkë me ju”, tha Ryker .


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Ceshtja e Kosoves, Fried: SHBA nuk do veprojnë në mënyrë të njëanshme


• Ndihmës sekretari amerikan i shtetit, Daniel Fried, ka deklaruar se Uashingtoni nuk do të bëjë asnjë lëvizje të njëanshme rreth njohjes së pavarësisë së Kosovës

Sipas një raporti të Associated Press, ndihmës sekretari amerikan i shtetit, Daniel Fried, ka deklaruar se Uashingtoni nuk do të bëjë asnjë lëvizje të njëanshme rreth njohjes së pavarësisë së Kosovës. Ai konfirmoi se takimi i fundit i Moskës ka dështuar në synimin që të tejkalojë dallimet amerikano-ruse rreth të ardhmes së Kosovës, por ka shtuar se Uashingtoni do të vazhdojë të shtyjë rezolutën brenda Këshillit të Sugurimit të OKB-së.



"Ne nuk shohim asnjë avantazh në ndërmarrjen e aksioneve jashtë KS të OKB. Ne shohim vetëm disavantazhe në aksione të tilla. Rezoluta e Këshillit të Sigurimit është më e përshtatshmja për këtë çështje ", ka thënë Fried gjatë një qëndrimi në shtabin e NATO-s në Bruksel. Fried gjithashtu ka paralajmëruar se do të ishin të rrezikshme lëvizjet në drejtim të shpalljes së pavarësisë pa bekimin e OKB-së.



"Sidoqoftë, me gjasë, bëhet fjalë për situatën kur pavarësia do të ndodhë, në njërën apo tjetrën mënyrë. Por, ajo do të jetë një pavarësi e mbikëqyrur, pra e kontrolluar, dhe, si e tillë, më e mirë për të gjithë", ka thënë Fried. Ai shtoi se alternativa është ”më kaotike, më e përgjakshme dhe me turbulltë për të gjithë”. Fried ka thënë se zyrtarët e SHBA-ve do të vazhdojnë të punojnë më BE-në për të bërë presion ndaj Rusisë për rezolutën e Këshillit të Sigurimit të Kombeve të Bashkuara.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Ma-Origano

avatar
Moderator/e
Moderator/e
Rajs: Nuk ka kompromis me Rusine për statusin e Kosovës


Derguar me: 21/05/2007
• “Shtetet e Bashkuara te Amerikes po bëjnë gjithçka që njerëzit të kuptojnë se Kosova është rast i veçantë dhe se nuk do të ndikojë në vendet tjera”

Sekretarja amerikane e shtetit Condoleezza Rice ka deklaruar se tani per tani nuk ka ende kompromis rreth statusit të ardhshëm të Kosovës duke iu refereuar kundershtimit rus , por plani i Ahtisaarit mbron interesat e të gjithëve. Ne nje interviste dhene per televizionit rus NTV Rajs tha se Uashingtoni e konsideron Kosovën si një rast unik dhe se zgjidhja për Kosovën nuk mund të jetë shembull për problemet e rajonit të Osetisë dhe Abkazisë. Ajo ka thënë se “SHBA-të po bëjnë gjithçka që njerëzit të kuptojnë se Kosova është rast i veçantë dhe se nuk do të ndikojë në vendet tjera”.

Në pyetjen nëse ajo sheh një paralele mes situatës në Kosovë me ato në Abkhazi dhe Osetinë Jugore, Condoleezza Rice ka deklaruar se rrethanat janë të ndryshme. Për rezolutën që pritet të miratohet në OKB, Rice thotë se dokumenti nuk insiston në pavarësinë për Kosovën, por e parasheh si të mundshme. Në nje intervistë, Sekretarja e shtetit, Condoleezza Rice tha se SHBA-të po bëjnë gjithçka, në mënyrë që pala ruse ta kuptojë se ekzistojnë garanci të qarta dhe serioze për minoritetin serb në Kosovë. (RTK)


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi