Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Çeshtjet lokale nga Malesia

Çeshtjet lokale nga Malesia

Shko poshtë  Mesazh [Faqja 1 e 1]

1Normal Çeshtjet lokale nga Malesia prej Mon Jan 14 2008, 02:01

Ma-Origano

avatar
Moderator/e
Moderator/e
Si manipulohemi nga politikanetPara një kohe lxeova në mediat malazeze për grindjen në mes dy politikanëve dhe kjo zgjoi indunjatë tek unë. Fjala është për Ferhat Dinoshën (DUA) dhe Nebojša Medojević ( PZP).

z. Medojević kishte perkrahur sërbët në rastin e Kosovës dhe tashti z. Dinosha e akuzonte se po bënte flirt me elektoratin serb, për të rikthyer besimin që kishte humbur te këta për votën që i kishte dhënë Kushtetutës. Kjo është më se e qartë, por çka kishte harruar z. Dinosha ishte ajo që edhe ky vet e bënte të njëjtën gjë me elektoratin ( popullatën) shqiptare në këtë rast. Ne e dimë që z. Dinosha është në koalicion me DPS dhe çdo manovër e tij është pluhër syshë e asgjë tjetër. Mirë më kujtohet bashkpunimi i tij me Živorad Igić , njëshin e Slobos për Kosovën. Mirë më kujtohën deklarata e tij për një ”Dhomë të posaçme” për shqiptarët në Mal të Zi. Mirë më kujtohet fushata e tij përkrahëse për referendumin e shtetit të ri. Mirë më kujtohen vargjet që ja kishte thurur shqiponjës, por jo shabës dykrenare shqiptare, por asaj malazeze.Më kujtohen edhe të tjera por nuk do ti përmendi kësaj here.

Po si veproi ky kur erdhi në rendin e ditës çështja e komunës? Na shpalli të pa aftë, pa resurse! Tha që nuk kishim kushte për të mbijetuar si komunë e pavarur dhe se duhej të presim edhe disa vjet. Tha që kishte folur dhe marrë këshilla nga Prishtina dhe Shkupi (?). Po me Malësinë a kishte folur e këshilluar? Po edhe sikurë mos të ishim të aftë, a thue veçse të aftit dhe të pasurit duhet të egzistojnë? Kush ka të drejtë që ta vlersojë aftësinë në këtë rast? Po komunat e veriut si kan mundësi të mbijetojnë, çfarë resursesh kan ata? Mos janë më të pasura se Malësia? Po sikurë veç të pasurit të kishin të drejtë në egzistencë si do të dukej bota sot? Z. Dinosha dhe z. Medojević, pa dyshim që të dy janë në shërbim të pushtetit aktual dhe çka është interesante se këta të dy rrinë në një bankë si shokët më të mirë në parlament. Dua te them që njerëzit që me zë të lartë flasin për një gjë, por kur vjen puna tek finalja bëjnë diçka tjetër, dhe pastaj gjejnë justifikime të llojllojshme, nuk mund të jenë tjetër veçse vasal të rregjimit. Nuk e di se ku e ka fundin naivitei ynë? Kaq kësaj here.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

2Normal Re: Çeshtjet lokale nga Malesia prej Mon Jan 14 2008, 02:02

Ma-Origano

avatar
Moderator/e
Moderator/e
Koplik, Policia sekuestron rreth 1 ton hashash

Gjatë kontrollit të ushtruar janë gjetur dhe sekuestruar në cilësinë e provës materiale 100 thasëve me kanabis sativa (totali rreth 900 kilogramë) si dhe 1 kilogram marijuanë

MALESI E MADHE -Zbulohet laboratori i përpunimit të drogës në Malësinë e Madhe. Pas një hetimi dyjavor, forcat e Sektorit të Antidrogës në Drejtorinë e Policisë së Shkodrës në bashkëpunim me ato të Komisariatit të Koplikut, kanë sekuestruar pasditen e së martës rreth 900 kilogramë lëndë bimore të thatë, që dyshohet të jetë kanabis-sativa, si dhe 1 kilogram bimë narkotike që dyshohet të jetë e llojit “marijuanë”. Burime zyrtare nga dikasteri i Rendit, bëjnë me dije se sasia e madhe e drogës është gjetur në banesën e Bahri Delajt, nga fshati Jubicë e Komunës Qendër të Malësisë së Madhe. Ndërkohë, është bërë shpallja në kërkim e 25-vjeçarit, i cili akuzohet për “prodhim dhe shitje të lëndëve narkotike”, si dhe “prodhim dhe fabrikim të lëndëve narkotike”. Për të mundësuar vënien në pranga të autorit të krimit, uniformat blu të Shkodrës kanë kërkuar ndihmën e homologëve të tyre në Mal të Zi. Zbulimi i ndërtesës ku ishte instaluar laboratori i drogës është bërë i mundur pas sinjalizimeve të marra në rrugë operative si dhe pas identifikimit të disa parcelave të kultivuara me kanabis-sativa në zonën e thellë të Shkrelit.

LABORATORI
Dy javë më parë, në zonën e Shrelit në malësinë e Madhe janë zbuluar dhe asgjësuar disa parcela të mbjella me kanabis-sativa. Nisur nga ky fakt, efektivat e Sektorit të Antidrogës në Koplik dhe Shkodër kanë nisur punën për zbulimin e rrjetit që merrej me përpunimin dhe shpërndarjen e lëndës narkotike. Nga hetimet e bëra, të cilat janë fokusuar në lidhjet e mundshme mes personave që kishin në pronësi këto parcela dhe shpërndarësve të drogës është arritur deri tek Bahri Beqir Delaj. Rreth orës 15:00 të së martës, forca të shumta policore kanë shkuar për kontroll në banesën e Delajt në fshatin Jubicë. Gjatë kontrollit të ushtruar janë gjetur dhe sekuestruar në cilësinë e provës materiale 100 thasëve me kanabis sativa (totali rreth 900 kilogramë) si dhe 1 kilogram marijuanë. Gjithashtu, në banesën e 25-vjeçarit është gjetur dhe një pajisje metalike në forme U–je që mendohet se bën presimin dhe paketimin e lëndës narkotike; 42 copë letër ngjitëse natriban, 2 thika dhe 1 palë doreza.

KËRKIMI
Në momentin e ushtrimit të kontrollit, Bahri Delaj nuk ndodhej në banesën e tij. Sipas burimeve policore, dyshohet që 25-vjeçari të ketë kaluar kufirin për në Mal të Zi. Ky dyshim shtohet duke pasur parasysh afërsinë e zonës ku banon autori i krimit me Malin e Zi. Është kjo arsyeja që blutë e Shkodrës iu kanë kërkuar ndihmë homologëve të tyre të vendit fqinj, për kapjen e të kërkuarit Delaj. (G.SH)
www.balkanweb.com

PS
Nga njera ane e Malesise ne tjetren. Rrezik per rinine qe futet ne rrugen e krimit dhe se vet fillojne te perdorin droga. Per fat te keq viteve te fundit esht rritur numri i narkomanve, si ne Shqiperi, por edhe ne Malesi


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

3Normal Re: Çeshtjet lokale nga Malesia prej Mon Jan 14 2008, 02:02

Ma-Origano

avatar
Moderator/e
Moderator/e
Apologjia e vertet e Sokratit” 09.12.2007

Në QIK, në Tuz , më 08.12.2007, u vu në skënë drama e njohur “Sokrati”, me autor grek, por nën interpretimin e aktorit të njohur shqiptar, Mirush Kabashi. Skena ishte impresive, ndërsa tematika e kësaj dramë, ose më mirë të themi monodramë, për shumë vende mund të jetë aktuale dhe sot edhe pse na përshkruan kohën parakrishtit.
- Tematika e kësaj monodramë kishte të bëjë me pushtetin e kohës së filozofit të njohur grek –Sokratit, me akuzat e renda që i drejtoheshinpë këtij personazhi kryesor që ishte intelektual i pafajshë, kishte të bëjë edhe me interesin, religjionin por edhe me dashurin. Akuzat ishina aq të rënda sa e detyruan Sokratin të përfundoj jetën tragjikisht (u detyrua tëpij helmin).
Drama u mirëprit fare mirë nga publiku malsor, saqë dëgjoheshin përshpëritjet “asgjë nuk ka ndryshuar tash dy mijë e më shum vitë”. Kjo dramë u shfaq në kuadër të javës së kulturës të komunës së Podgoricës, por duhet theksuar se ky aktor pë më këtë dramë fitoj çmimin e parë në Kajro, si dhe u mirëprit mirë nga kritika Serbe në Beograd edhe pse drama u shfaq në gjuhën shqipe. Të gjithë ata që kan pasur rastin ta shikojnë këtë dramë nuk i çudit fakti për këto çmime, kur eshikon se si interpreton aktori, lëvizjet, gjestet e shumë gjëra të tjera që kan të bëjnë me artin dramatik.





V.G


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

4Normal Re: Çeshtjet lokale nga Malesia prej Mon Jan 14 2008, 02:03

Ma-Origano

avatar
Moderator/e
Moderator/e
Refuzohet Ribalanci i Planit financiar

Tuz
- Këshilltarët e Kuvendit të KU të Tuzit në seancën e organizuar para dy ditëve, nuk e aprovuan Vendimin mbi Ribalancin e Planit financiar, i cili është rritur për 343.000 euro, në shumën prej 2.374.000.
Kryetari i KU të Tuzit, Smajl-Maliq Çunmulaj para këshilltarëve vuri në pah se Ribalanci është sjellur në të njëjtën mënyrë, sikur edhe Plani financiar.
"Jam kompetent për shpenzimet e mjeteve nga Plani financiar, por si të jem përgjegjës kur nga muaji gusht nuk kam kurrfarë të dhënash mbi shpenzimet, sepse nga Kryeqyteti nuk m`i dërgojnë dokumentacionet.", thotë Çunmulaj.
Në fillim të seancës, midis kryetarit të Kuvendit, Nikollë Camaj dhe këshilltari të PDS, Halil Dukoviq u zhvilluan disa polemika. Këshilltari i PSD, Ismet Gjokoviq shprehi pakënaqësi ndaj sasisë së mjeteve të dedikuara për KU të Tuzit, sidomos atyre për zhvillimin e kulturës dhe të sportit.
Marash Dedvukaj, sjelljen e këshilltarëve të opozitës së KU e cilësoi më absurde sesa atë të Kryeqytetit. Në diskutimin e Dedvukajt reagoi dr. Halil Dukoviq, duke thënë se nuk është mirë që këshilltari Dedvukaj i ndan njerëzit në armiq dhe patriotë. Dukoviq shprehu bindjen se qytetarët e Malësisë do ta kuptojnë mirë se kush është miku dhe kush armiku i tyre.
Ndërkaq, për Fadil Kajoshaj nga UDSH, ëshë tragjike që kreu i KU nuk ka lidhje me Planin finaciar dhe se askush nuk i pyet ata: "Çfarë bëni ju këtu, përveç asaj se vetëm rrini dhe i merrni rrogat, si dhe kritikoni përfaqësuesit e Kryeqytetit?"
Në këtë mbledhje u fol edhe që të formohet grupi punues, i cili do të merret me prioritetet kryesore të zhvillimit të programit për vitin 2008. Gjithashtu u miratua Vendimi për formimin e Komisionit për revizionin e zbatimit të Ligjit mbi Kryeqytetin, i cili përveç përfaqësuesve të klubeve të këshilltarëve do të ketë edhe 4 specialistë.
Këshilltarët miratuan njëzëri Vendimin pr fillimin e përpilimit të Elaboratit mbi instalimin e objekteve të përkohshme për zonat afariste 5 dhe 6 të truallit ndërtimor urban në territorin e KU të Tuzit.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

5Normal Re: Çeshtjet lokale nga Malesia prej Mon Jan 14 2008, 02:03

Ma-Origano

avatar
Moderator/e
Moderator/e
Po afrohet festa të cilën e feston krejt kombi shqiptar, por po dëgjohet që në Malësi ka disa propozime se si dhe ku duhet të mbahet manifestimi kryesor. Nuk e kuptoj se pse nuk mund të bjenë dakord për vendmbajtjen e këtij manifestimi ? A kemi mundësi që ne këtu nëpërmes të këtij forumi të japim mendimet tona për këtë. Pra të japim mendime, por jo edhe destruktive. Mundësisht të diskutojmë në mënyrë racionale. Kërkoj nga Qytetza që më mirë të na tregojë se për çka është fjala?


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

6Normal Re: Çeshtjet lokale nga Malesia prej Mon Jan 14 2008, 02:04

Ma-Origano

avatar
Moderator/e
Moderator/e
Opinione & Vështrime >>>



Dita e flamurit, përsëri ?!

Çdo vit, si të afrohet Festa e Flamurit, fillon "gara" se kush do ta paralajmërojë i pari dhe kush do ta zënë i pari, kush do ta "grabisë" i pari ditën e Festës. Thuajse, Bota dhe Jeta po mbarojnë nëse nuk arrihet të bëhet rezervimi, apo, “bookimi” (si në hotel) i asaj dite. Koha është që populli ynë, nëse dëshiron të hyjë në Europë, të relaksohet nga disa dukuri, të cilat kanë qenë karakteristike për një sistem të kaluar - atë komunist.

Xhoana M. Perkaj

Duket si titull kontradikto: Dita e Flamurit! Në shikim të parë nuk duhet kjo "përsëri", sepse Dita e Flamurit është një konstantë në jetën e të gjithë atyre që e ndiejnë veten shqiptarë, kudo që të jetojnë në botë. Por, pse pra, ky titull, me këtë "përsëri"? Titulli është dashur të jetë më i gjerë, por, nuk ka aq hapësirë të rezervuar. Sepse, titulli do të ishte shndërruar në një tregim të vogël. Ku është çështja? Çdo vit, me afrimin e festës kombëtare, te ne në Malësi fillojnë ethet se si do të organizohet festimi qendror, më mirë të them se kush do ta organizojë. Kjo është akute veçanërisht në rrethanat aktuale të vetëqeverisjes lokale ku Tuzi është vetëm komunë urbane. Komunizmi si sistem global (fatkeqësisht global), ka rënë që më 1989, me shembjen e Murit të Berlinit, si simbol të ndarjes fizike të botës së lirë dhe botës së robëruar(lexo: komuniste). Me këtë datë ka rënë diktatura në Europë (jo edhe tjetërkund, se Europa ka qenë gjithmonë "sistem" i veçantë dhe, njëkohësisht, qendër e Botës). Mirëpo, gjithmonë ekziston një "mirëpo". Sa kanë depërtuar rrjedhat qenësore europiane në Ballkan? Fare pak, ose më mirë të them se kanë mbetur të përkufizuara brenda suazave ekonomike dhe tranzicionit aktual, e fare pak kanë ndikuar në ndryshimin e botëkuptimeve tradicionale. Kjo vlen veçanërisht për këndin tonë të vogël, ku jetojmë edhe ne.
Çdo vit, si të afrohet Festa e Flamurit, fillon "gara" se kush do ta paralajmërojë i pari dhe kush do ta zënë i pari, kush do ta "grabisë" i pari ditën e Festës. Thuajse, Bota dhe Jeta po mbarojnë nëse nuk arrihet të bëhet rezervimi, apo, “bookimi” (si në hotel) i asaj dite. Koha është që populli ynë, nëse dëshiron të hyjë në Europë, të relaksohet nga disa dukuri të cilat kanë qenë karakteristike për një sistem të kaluar - atë komunist. Këto dukuri janë, në rend të parë, centralizimi dhe patronizimi. Kur flasim për centralizimin, është gjë e njohur se kjo më së shumti ka pasur të bëjë me rrafshin ekonomik, por, njëkohësisht, ka qenë karakteristikë qenësore edhe e lëmenjëve të tjerë të jetës, pra, edhe të kulturës si kulm i piramidës së një shoqërie. Pra, ta rikujtojmë edhe një herë se si është vepruar në komunizëm. E ke festuar festën ashtu si ka thënë dikush nga "lart". Na kujtohen ende festimet e festave komuniste (mos t’i përmendim, se na "kanë dalë për hunde" të gjithëve) kur na detyronin që si pionierë, ose, më vonë, nxënës të shkollave të mesme, të merrnim pjesë të gjithë në shënimin e ditëlindjeve të diktatorëve komunistë, shënimin e 1 Majit ose Ditës së Republikës së ish shtetit jugosllav. Njerëzit nuk kanë guxuar të mendojnë me kokën e vet as kur është fjala për gjëra të këtilla, është dashur të tubohen të gjithë të njëjtën ditë, që përshtypja të jetë sa më madhështore për pushtetmbajtësit e pranishëm. Mirëpo, për fat të mirë, ajo kohë ka kaluar. Sot, Ballkani është i lirë. Dhe ne jemi njerëz të lirë. Nesër do të hyjmë në Bashkësinë Europiane. Duhet të relaksohemi nga "stërkama" lidhur me shënimet e datave të tilla. T’i ikim centralizmit komunist dhe patronizmit, sepse për çdo 28 Nëntor shtrohet pyetja e njëjtë në mesin tonë se duhet të ekzistojë dikush që duhet të na organizojë që të gjithë masovikisht ta shënojmë këtë datë, në të njëjtin moment.
Për Ballkanin vijnë kohëra të reja, kur do të jemi si tërë bota europiane. Kur nuk do të ketë nevojë të manifestohet masoviteti dhe homogjenizimi i popullsisë. Në trojet e tjera shqiptare i tërë muaji i Nëntorit është muaji i festimeve të kësaj date të madhe. Mbetet të shpresojmë që koha do ta bëjë të vetën dhe se ngadalë, edhe te ne do të ndryshojë mentaliteti.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

7Normal Re: Çeshtjet lokale nga Malesia prej Mon Jan 14 2008, 02:05

Ma-Origano

avatar
Moderator/e
Moderator/e
Të shtunën më, 20.10.2007, me fillim në ora 20:00h në qëndren informative kulturore “Malësia” në Tuz, u shfaq drama e ashtuquajtur “Aleksandër Moisiu”.
Ndryshe kur dramat zakonisht fillojn në skenë, këtu përsonazhi kryesor i dramës që quhej Aleksandër - hyri nga dera që hyn publiku, dhe me një zë të lartë tha: "Mirëmbrëma" dhe kështu filloi të shfaqej drama, fillimisht me një personazh, për tu shoqëruar më pas me bashkëshortën e tij gjermane që quhej Johana si dhe më pas me aktorët tjerë. Tematika e kësaj drame ka të bëjë me identitetin kombëtar të aktorit më ne zë të asaj kohe z. Aleksandër Moisiu.
- Në këtë dramë u paraqit Aleksandri si aktori më i mirë gjerman, se arti nuk njef kufij e kombe, por me Aleksandrin ndodhi diçka tjetër, ai e harroi edhe pesëmbëdhjet vjetorin e martesës së tij që e brengoste diçka e madhe që nuk e linte të qëtë. Aleksandri kishte vendos që në kohen e mbretit Zog të kërkonte nënshtetësin e shtetit shqiptar, se diku në kontinentin e vjetër europian egziston një shtet që nihet me emrin Shqipëria e që e kishte prejardhjen aktori i famshëm Aleksandër Moisiu.
-Aleksander Moisiu lindi ne qytetin e Durresit ne vitin 1879. Prinderit e aktorit te shquar shqiptar ishin nga vende te ndryshme te Shqiperise. I ati nga Kavaja ndersa e ema ne ate kohe ndodhej ne jug te Italise. Me bashkimin e prinderve te tij aktori e kaloi pothuaj gjithe rinine e tij ne qytetin e Durresit dhe me pas ne Tirane duke u larguar ne moshen 20-vjecare nga Shqiperia per t'u zhvendosur se bashku me nenen dhe dy motrat e tij ne Vjene te Austrise.
Në këtë dramë aktruan aktorët e njohur nga teatri kombëtar i Prishtinës si: Selman Jusufi, Drita begolli, Veton Osmani, mehmet Broznica, afrim Kasapolli, Fatmire Selaj dhe Ramadan Malaj. Autor i kësaj drame është Musa Ramadani nën regjin e Agim selimit. Drama u mirëprit dhe u duartrokit nga publiku malsor. Aleksandër Moisiu ishte aq i famshëm dhe i njohur saqë kur ndërroi jet mediat europiane shkruan “Vdiq Teatri Gjerman”.



Valbona Gojçaj


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

8Normal Re: Çeshtjet lokale nga Malesia prej Mon Jan 14 2008, 02:06

Ma-Origano

avatar
Moderator/e
Moderator/e
Për nderë të 95 vjetroit të pavarësisë dhe 100 vjetorit të Lemajës, LD organizoi solemnitet në Triesh postuar 27.11.2007



Me 25 nëntor, Lidhja Demokratrike në Mal të Zi, organizoi një tubim solemn, me rastin e Ditës së flamurit tonë kombëtar dhe 95 vjetorit të pavarësisë së shtetit Shqiptar. Motiv shtesë që ky tubim të mbahet pikërisht në Triesh ishte edhe një ngjarje e shënuar historike që ndodhi në këtë trevë në vitin 1907 e njohur si "Lufta në Lemajë" e cila u parapriu ngjarjeve të ngjashme të mëvonshme në trevën e Malësisë.

Para qytetarëve të shumtë nga Trieshi dhe më gjërë, të pranishmit i përshëndeti kryetari i KU të Tuzit Smail-Maliq Çunmulaj, i cili ishte ftuar në këtë tubim, e më pas folën edhe Vasel Margilaj dhe Xhemal Nikaj.

Lidhur me rëndësinë e kësaj date historike dhe për domethënien e sajë për gjeneratën tonë, folën derjtuesit e këtij tubimi studentët, Lindita Dedivanaj dhe Marash Dukaj. Ata, në formë dialogu i prezantuan publikut trieshjan përjetimin e e flamurit, domethënien qe ka kjo festë për Malësin, por vlerësuan edhe kontributin që i dhanë malësorët historisë sonë. Në pjesën zyrtare të këtij tubimi, vargje kushtuar ditës së Flamuirt i recitoi Besnik Gjonaj.

Në fund të këtij manifestimi, të pranishmit i i përshëndeti edhe Kryetari i Lidhjes demokratike të Malësisë, z. Nikollë Camaj. Ai duke veçuar obligimin programor për shënimin e datave dhe ngjarjeve nga e kaluara jonë historike, theksoi se prania e madhe e qytetarëve, e dëshmon se organizimi i këtij tubimi në Triesh ishte më se i qëlluar, në veçanti për shkak të ngjarjeve të lartëpërmendura në Trieshin e Malësisë, gjithëherë dashamirë të çështjes kombëtare. "Lufta e Lëmajës ishte një vetëtimë që u parapriu bubullimave të mëdha dhe rrebeshit të Kryengritjes së Malësisë si lajmëtare e pavarësisë shqiptare, si gurëthemel i asaj që do të ndërtohet më vonë e që çatia do ti vehet, me 28 Nëntor të vitit 1912", tha ndër të tjerat z. Camaj. Ai e potencoi vlerësimin e subjektit politik që i takon, se në fshatërat e Malësisë duhet të shkohet edhe atëher kur festohet, e jo vetem kur kërkohen votat. Me shpresë se herëve tjera do të festojme duke pasur edhe një shtet shqiptar në Ballkan dhe se, edhe në Mal të Zi do të ketë më shumë drejtësi, duke aluduar në akcionin policor famkeq "Fluturimi i shiponjës", z. Camaj u uroi Festen të pranishëmve dhe gjithë shqiptarëve kudo që janë.

Në fund ai i ftoi të pranishmit dhe gjithë qytetarët e Malësisë që të marrin pjesë në manifestimin qendror në Tuz, që do të mbahet më 28 nëntor, në organizimin e tri subjketeve politike shqiptare, shoqatave joqeveritare dhe unioni studentor.

Shiko Fotografite


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

9Normal Re: Çeshtjet lokale nga Malesia prej Mon Jan 14 2008, 02:06

Ma-Origano

avatar
Moderator/e
Moderator/e




Ne Dinoshe u be inaugurimi i ures se re mbi lumin Cem


Edhe kesaj radhe me skandale, ashtu siç dine ti pergadisin dhe ti bejne.
Ujesiedhsin e inaguruan edhe pse nuk eshte as afer per tu kruere, tri lagje te Dinoshes ngelin pa uje. Kjo behet ne Malesi. Ne ceremonin e rastit kishin ardhur Dinosha, Mugodha, Vujanoviq, etj, por kryetrain e komunes z. Maliq Çunmulaj nuk e kishin informuar per pikat e programit e as per koston dhe gjera tjera esenciale qe e kishin per detyre ta informonin. Perveç kesaj vajza te reja ne petka kometare malazeze qarosnin te ftuarit dhe qytetaret me raki, sikur te ishte ne Ceti!!! Dinosha (fshati) e gezofte uren dhe te shpresojme se edhe gjithe banoret do te marrin ujin aq te nevojshem, sepse ato lagje me larg Cemi ngelen pa uje. Edhe kesaj here, si edhe hereve tjera ne Malesi, gjerat kryhen pergjysem dhe ne nje menyre qe te shkatojne perçarje.



Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

10Normal Re: Çeshtjet lokale nga Malesia prej Mon Jan 14 2008, 02:07

Ma-Origano

avatar
Moderator/e
Moderator/e
une kam kaluar asajt e kam shikua si eshte


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

11Normal Re: Çeshtjet lokale nga Malesia prej Mon Jan 14 2008, 02:07

Ma-Origano

avatar
Moderator/e
Moderator/e
Me dashuri kundër përçamjeve dhe urrejtjes 20.10.2007



Me rastin e përvjetorit të lumturimit të motrës tonë Nanë Terezës e cila me dashuri pushtoi botën SH.K.A. nga Hoti “Ded Gjon Luli” organizoj një mbrëmje me moton “Me dashuri kundër përçamjeve dhe urrejtjes”. Në këtë mbrëmje përveç kësaj shoqate morën pjesë Dom nik Ukgjini nga shkodra dhe Prof. Omer Kajoshaj nga Malsia. Këta të dy ligjeruan dhe thirrën besimtarët që dashuria të jet arma më e forta e jona, poashtu moren pjesë me poezi Besnik Gjonaj, Idriz Gjokaj, Alfons Gojçaj si dhe nga SH.K.A. “Ded Gjon Luli” Barbana Dushaj, Sh.K.A. “ Liria” nga Mileshi me këngë dhe vadhe, Llesh Dushaj këngë me qyteli për Nan Terezën dhe Nikollë Nikprëlaj më kangët “Nanë Terezën” dhe “U knoft hymni kombëtar”.
- Kjo mbrëmje u mbajt në Q.K.I. “Malësia” e cila ishte shum e vogël që të pranonte të gjithë të interesuarit. Qellimi i organizatorit ka kën që të thërrasin të gjithë vllezërit dhe motrat kudo që gjinden që të pranojn dhe të lutën për bashkim pajtim dhe përparim se e vetmja mënyrë asht që ti ndihmojm vendit i cili po lëshohet, gjuhës e cila po harrohet, flamurit i cili po mohohet, dashurisë e cila po shkatrrohet. Shembulli më i keq i urrejtjes dhe përçarjes është 9 shtatori i vitit të kaluar ku akuzohen 18 malësor, e si argument terrorist jan paraqit flamuri ynë kombëtar, fotoja e Nanë Terezës, këngat dhe shkrimet në gjuhen shqipe, libra dhe fanela të shoqatës son,etj. Për në këto nuk kan të bejnë me terrorizëm por me racizëm. Ky ishte qellimi që të organizojmë një mbrëmje të tillë që të japim një mesazh të madh mbarëkombëtar “të gjithë me dashuri kundër përçamjeve dhe urrejtjes ” Në fund të mbremjes organizuesit fal sponsorëve për këtë mbrëmje shtruan një koktej për të pranishmit.


SH.K.A. “Ded Gjon Luli”


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

12Normal Re: Çeshtjet lokale nga Malesia prej Mon Jan 14 2008, 02:10

Ma-Origano

avatar
Moderator/e
Moderator/e
MIRATOHET RAPORTI I GRUPIT TË PUNËS PËR VLERËSIMIN E DËMEVE TË SHKAKTUARA NGA FATKEQËSITË ELEMENTARE NË KOMUNËN E TUZIT


Ndihmë për individët dhe familjet e dëmtuara postuar: 12.11.2007


Tuz - Kryetari i Komunës urbane të Tuzit, Smail Maliq Çunmulaj miratoi raportin e Grupit të punës për vlerësimin e dëmeve të shkaktuara nga fatkeqësitë elemenare në territorin e kësaj komune.
Pas miratimit të raportit, ai ka ndarë një shumë prej gjithsej 1000 eurosh për individët dhe familjet që pësuan nga fatkeqësitë elementare.
Ndihmë kanë përfituar edhe personat e handikapuar që jetojnë në territorin e Komunës urbane të Tuzit. Gjithsej 14 persona të handikapuar rëndë kanë përfituar nga 100 euro ndihmë me këtë rast. Koha Javore


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

13Normal Re: Çeshtjet lokale nga Malesia prej Tue Jan 15 2008, 06:00

Ma-Origano

avatar
Moderator/e
Moderator/e
90 vjetori i vdekjes së heroinës shqiptare, Tringë Smajles

Tringa e Grudës - një zanë mali

Me rastin e 90 vjetorit të vdekjes së heroinës shqiptare, Tringë Smajles, (apo siç e quante populli Tringa e Grudës) SHKA "Gruda" në fund të vitit të kaluar organizoi në Tuz një akademi, ku folën: dr. Palokë Berisha, Kadri Ujkaj, Ndua Bacaj, dr.Lukë Gjokaj dhe Pjetër Ivezaj.

Në fillim të akademisë së organizuar me rastin e 90-vjetorit të vdekjes së Tringë Smajles Ivezaj, në emër të organizatorit, të pranishmit i përshëndeti kryetari i Shoqatës "Gruda" mr. Rrok Gjolaj, i cili aktivizimin e seksionit për shkencën, (në kuadër të shoqatës), e konsideroi si një bërthamë që shpreson, që në të ardhmen rreth vetes të tubojë intelektualë nga e gjithë Malësia. "Ky seksion dha kontribut të çmueshëm duke organizuar edhe dy sesione të tjera të mëparshme", tha Gjolaj.
Profesori dhe studiuesi i njohur nga Malësia, Dr. Palokë Berisha në kumtesën e tij "Tringë Smajlja Ivezaj - krenaria e popullit shqiptar" theksoi se Tringa radhitet ndër ato femra shqiptare që dhanë një kontribut të madh për lirinë dhe pavarësinë e popullit shqiptar në shekullin XX. Ai vuri në dukje se kjo heroinë mori pjesë në luftë në ballë të frontit për lirinë e popullit shqiptar, për furnizimin e luftëtarëve me ushqime, me ujë dhe municion. Në fund, folësi Berisha thirri që Smajl Martinit dhe vajzës së tij, Tringës, t'u jepet vendi i merituar në histori: "Le të ngriten përmendore për Smajl Martinin dhe Tringën dhe le të mbajnë emrin e tyre institucionet kulturore edukativo-arsimore".
Kritiku letrar nga Kopliku - Shqipëri, Kadri Ujkaj, u paraqit me kumtesën:"Figura epike e femrës shqiptare në poezinë tonë popullore". Ai në kumtesën e vet vuri në dukje se Tringës, populli nuk ia kurseu këngën, këtë dëshmi të përjetësisë si kreshtë e qëndresës, e duke sfiduar deri edhe ligjet e natyrës, feminilitetin e saj në emër të lirisë. "Tringë Smajlja në 90 vjetorin e saj të vdekjes përjeton forcën e dashurisë për liri, si domethënie ekzistenciale e kombit tonë, që është ndër më të masakruarit, ndër më të coptuarit etj".
Për publicistin dhe studiuesin nga Malësia e Madhe andej kufirit - pra në Shqipëri, Ndue Bacaj, Tringë Smajlja ishte një ndër simbolet më sinjifikative të Grudës, Malësisë së Madhe dhe krejt Shqipërisë, duke e krahasuar atë me një zanë mali, që kishte, jo vetëm trajta njerëzore të racës sonë, por edhe hyjnore, si vetë zanat që nuk u kanë munguar kurrë trojeve tona. Tringë Smajlja ishte jo vetëm një burrëreshë e patriote që u jepte zemër kryengritësve, por ishte edhe një luftëtare e sprovuar duke marrë pjesë në shumicën e betejave.

Dr. Lukë Gjokaj në kumtesën e vet tha se që para kryengritjes legjendare të Malësisë, si rrallë herë në historinë e ndonjë vendi, krah për krah me trimat dhe vëllezërit e vet do të sulmojnë dhe marrin pjesë në operime luftarake edhe vashat malësore. Ndër to posaçërisht u veçua Tringë Smajlja, e cila u nderua dhe u bë e njohur me epitetin e saj heroik - Tringa e Grudës.
Ndërkaq, Pjetër Ivezaj, duke folur për jetën dhe angazhimet e saj dhe të babait - Smajlit, në luftëra të ndryshme, tha se Tringa ishte pjesëmarrëse aktive e shumë luftërave, pastaj edhe në Kryengritjen e Malësisë së Madhe, si dhe ishte njëra nga organizatoret kryesore të saj. Duke e mbyllur fjalën, Ivezaj përmendi edhe kontributin e Tringës në hapjen e shkollave në Dinoshë, Priftën, Kshevë.
Në emër të familjes së afërt tubimin e përshëndeti Martin Ivezaj, i cili duke përgëzuar organizatorin dhe folësit, duke përmendur mes tjerash Hotin, Grudën dhe në përgjithësi Malësinë, tha se Historia e Popullit Shqiptar u ka mbetur borxh këtyre trevave, në të cilat kanë ndodhur ngjarje të rëndësishme të popullit tonë.
Këtë akademi përkujtimore e drejtoi profesoresha Vitorre Lulgjuraj.

Koha Javore rr.d.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

14Normal Re: Çeshtjet lokale nga Malesia prej Tue Jan 15 2008, 06:00

Ma-Origano

avatar
Moderator/e
Moderator/e
PAS MOSAPROVIMIT TË PLANIT FINANCIAR, KRYETARI I KOMUNËS URBANE TË TUZIT, SMAJL-MALIQ ÇUNMULAJ PARALAJMËRON
Ekziston mundësia e financimit të përkohshëm


Tuz - Në mbledhjen e fundit të Kuvendit të KU të Tuzit, që u mbajt në fundvitin e kaluar, Propozimi i Vendimit mbi Planin financiar për vitin 2008, në shumën prej 3.747.200,00 euro nuk fitoi shumicën e votave dhe si i tillë mbeti të përpunohet dhe të aprovohet në një nga seancat e ardhshme të këtij viti.
Në lidhje me këtë kryetari i KU të Tuzit, Smajl Çunmulaj, sqaron : "Duke iu përmbajtur kornizave ligjore që na obligojnë në hartimin e Planit financiar, unë si kryetar me bashkëpunëtorët e mi kemi bërë të gjitha aktivitetet, që i parasheh Ligji mbi hartimin e Planit financiar", duke shtuar se "në diskutimin publik ne kemi kërkuar 4.223.000,00, mirëpo", konstaton ai, "në bazë të obligimeve ligjore mbi të cilat funksionon KU e Tuzit dhe atë se çfarë duhet ne të ndërmarrim, përfundimisht Plani financiar duhet të jetë i dakorduar me Zyrën e financave të Kryeqytetit".
Kundërshtimi i këshilltarëve të IQ-së, së cilës i takon edhe z. Çunmulaj, mbetet ende i paqartë, madje ai thotë se edhe ai vetë nuk është i kënaqur me këtë Plan financiar. "Këto janë ato fakticitete që mbizotërojnë në raportet midis KU-së së Tuzit dhe Kryeqytetit", tregon kryetari Çunmulaj. Ai përsërit se mosaprovimi i Planit financiar nga ana e koalicionit që përmban shumicën në Kuvendin e KU të Tuzit nuk ka qenë diçka e mirë, sepse, siç thotë ai, kjo mund të shkaktojë të ashtuquajturin financim të përkohshëm.
Në pyetjen tonë se si qëndron disponimi brenda koalicionit, Çunmulaj përgjigjet: "Çmoj se brenda koalicionit nuk ka divergjenca".
Të përkujtojmë se në mbledhjen e fundit të Kuvendit vetëm këshilltari Kolë Lulgjuraj (PSP) votoi pro, ata të IQ-së dhe UDSH-së ishin kundër, kurse këshilltarët të LD, PSD dhe PDS ishin të përmbajtur, pasi që ai është zvogëluar për një gjysmë milion eurash. Koha Javore rr.d.


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

15Normal Re: Çeshtjet lokale nga Malesia prej Tue Jan 15 2008, 06:01

Ma-Origano

avatar
Moderator/e
Moderator/e
INTERVISTË E AMBASADORIT AMERIKAN RODERIK MUR

Të përfundojnë procedurat për "Fluturimin e shqiponjës"


Katër shtetas amerikanë janë akuzuar për terrorizëm, kurse ka edhe akuza se ata dhe familjarët e tyre kanë qenë keqtrajtaur gjatë arrestimit dhe paraburgimit. Ne e kuptojmë mjaft me seriozitet detyrën numër një të çdo ambasade të SHBA-së që të mbrojë të drejtat e shtetasve amerikanë në mënyrë që të sigurojë që ata të trajtohen në mënyrë humane dhe të ndershme. Nëpunësit tonë konsullorë tashmë më se 15 herë u kanë bërë vizitë të pandehurve dhe janë në kontakte të vazhdueshme me familjarët. Është mjaft i madh interesimi për këtë rast nga familjarët e diasporës shqiptare në SHBA, nga Kongresi dhe Qeveria ime. Ne nuk do të përzihemi në këtë proces gjyqësor. Ne llogarisim në faktin se procesi është i ndershëm dhe demokratik dhe se epilogu i tij do të jetë i ndershëm.
Unë kam biseduar me zyrtarë të shumtë në këtë vend mbi akuzat se nëpunësit e policisë i kanë keqtrajtuar disa nga të pandehurit, përfshirë edhe shtetasit amerikanë. Ne vërtetë dëshirojmë që epilogu i këtij hetimi të ndriçohet dhe nëse dëshmohet që kjo vërtetë të ketë ndodhur, që autorët e keqpërdorimeve të përballen me drejtësinë dhe të dënohen. Kjo është një kërkesë krejtësisht e arsyeshme.
Së dyti, nga shkaku se të pandehurit aktualisht ndodhen në burg, Kongresi dhe familjarët kanë shprehur shqetësimin e tyre për shkak të kohës së gjatë të gjykimit. Ne nuk dëshirojmë të përzihemi në procesin gjyqësor, ngase e dimë se ai dallon nga sistemi ynë, por vërtetë dëshirojmë që kjo të marrë fund sa më parë që të jetë e mundshme me një epilog të ndershëm. Lidhur me pyetjen nëse një pjesë e Qeverisë Amerikane ka marrë pjesë në aksionin "Fluturimi i shqiponjës", kjo ka ndodhur shumë përpara ardhjes sime këtu dhe nuk jam plotësisht i njohur me atë çfarë ka ndodhur, por edhe sikur të kishte ndodhur, kjo është diçka për të cilën nuk do të flisnim publikisht.

Koha Javore


Forumi aLbdigital
Jeta është e bukur - Jetoje ! malesia.org&malesiaforum.com
Shiko profilin e anëtarit http://www.malesia.org

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi