Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Pavarësia e Kosovës më 17 shkurt

Pavarësia e Kosovës më 17 shkurt

Shko poshtë  Mesazh [Faqja 1 e 1]

1Normal Pavarësia e Kosovës më 17 shkurt prej Tue Jan 22 2008, 00:21

aLbdigital

avatar
Webmaster & Admin
Webmaster & Admin
Shefi i diplomacisë britanike, David Miliband, ka propozuar 4 shkurtin si datë për shpalljen e pavarësisë së Kosovës. Të gjitha mediet sllovene kanë transmetuar të dielën shkrimin e gazetës italiane, La Republika, për të cilën një diplomat italian ka bërë të ditur se – shefi i diplomacisë britanike, David Miliband, gjatë takimit në Kranj të Sllovenisë, ka propozuar që Kosova të shpall pavarësinë më 4 shkurt, një ditë pas raundit të dytë të zgjedhjeve presidenciale në Serbi.

Ky diplomat italian, i cili ka preferuar të mbetet anonim, ka bërë të ditur se të gjitha vendet anëtare të Bashkimit Evropian do ta njohin pavarësinë e Kosovës – nëse Kosova e përshtatë datën e shpalljes së pavarësisë me BE-në.

Sipas gazetës La Republika, Gjermania dhe Franca përkrahin më shumë qëndrimin italian që, shpallja e pavarësisë së Kosovës të mos bëhet para zgjedhjeve parlamentare në Spanjë – pasi që kryeministri spanjoll, Jose Luis Rodriguez Zapatero, do të mund të kishte probleme me njohjen e pavarësisë së Kosovës, për shkak të problemeve që ka në vendin e tij me separatët baskë.

Kjo gazetë italiane po ashtu citon këtë diplomat të ketë thënë se – para se gjithash bëhet fjalë për shpallje të koordinuar të pavarësisë dhe jo të njëanshme – gjë që ka dallim të madh, para se gjithash dallim politik.

Spanja, Hungaria, Sllovakia, Rumania dhe Qiproja janë shtetet që më se paku anojnë kah njohja e pavarësisë së Kosovës, megjithatë, është e qartë se, Evropa do ta përkrahë këtë pavarësi, që do të bazohet në Planin Ahtisaari, shkruan në gazetën La Republika.



Edituar për herë të fundit nga në Fri Feb 08 2008, 15:18, edituar 2 herë gjithsej


Forumi aLbdigital
Shiko profilin e anëtarit

2Normal Re: Pavarësia e Kosovës më 17 shkurt prej Tue Jan 22 2008, 05:07

LuNa

avatar
Moderator/e
Moderator/e
shpresoj qe kete here te marrin shqiptaret e Kosoves ate qe atyre j' u ka takuar dhe eshte dashur ta marrin qemoti


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

3Normal Re: Pavarësia e Kosovës më 17 shkurt prej Fri Feb 08 2008, 15:06

aLbdigital

avatar
Webmaster & Admin
Webmaster & Admin
Pavarësia e Kosovës do shpallet më 17 shkurt



Kryeministri Thaçi deklaroi se po bëhen përgatitjet e fundit


Agjencia e lajmeve italiane e lajmeve "ANSA" ka shpërndarë dje lajmin se Kosova do ta shpallë pavarësinë më 17 shkurt. Duke iu referuar një këshilltari të Kryeministrit Thaçi, "ANSA" theksoi se data e shpalljes së shtetit të ri do të jetë e djela e tretë e muajit, pra 17 shkurti. Kryeministri i Kosovës, Hashim Thaçi, tha se pavarësia e Kosovës është çështje e kryer dhe tani kërkohet vetëm përfundimi i përgatitjeve të fundit për të. Pa dashur të tregojë datën e shpalljes së pavarësisë të cilën thotë se e di ai, Uashingtoni dhe Brukseli, Thaçi theksoi se institucionet e Kosovës janë duke i bërë përgatitjet e fundit për shpalljen e pavarësisë. "Puna e pavarësisë së Kosovës tashmë është e kryer. Kërkohet tani vetëm përfundimi i të gjitha detajeve më të vogla të përgatitjeve që jemi duke bërë. E gjithë qeveria e Kosovës është e angazhuar maksimalisht dhe të gjitha institucionet e saj janë të angazhuara me përkushtimin më të madh për përfundimin e këtij procesi", theksoi Thaçi pas mbledhjes së rregullt të qeverisë. Ai tha se tashmë të gjithë e dinë datën e pavarësisë, si Prishtina ashtu dhe të gjithë miqtë e Kosovës. "Ne jemi duke investuar dhe punuar maksimalisht si autoritet i qeverisë së Kosovës me gjithë formacionin politik të vendit dhe në bashkëpunim të ngushtë me Uashingtonin dhe Brukselin, por me përgjegjësinë tonë më të lartë të institucioneve vendore dhe në bashkëpunim të ngushtë me autoritetet lokale dhe me mirëkuptimin më të lartë të qytetarëve të Kosovës që dita e vendimit për shpalljen e pavarësisë të jetë një ditë e festimit dinjitoz", u shpreh Kryeministri Thaçi. Ai nuk deshi të komentojë asnjë nga deklaratat kundër pavarësisë, duke thënë se ai do të vazhdojë të punojë me të gjithë ata që punojnë për pavarësinë. "Deklaratat kundër pavarësisë së Kosovës nuk i komentoj, unë punoj dhe bashkëpunoj me të gjithë ata që janë zotuar dhe e kanë konfirmuar dhe punojmë bashkërisht për fillimin e implementimit të procesit të pavarësisë së Kosovës. Qëndrimi i OSBE-së është në kuadër të komunitetit ndërkombëtar", u shpreh Thaçi, i pyetur për deklaratën e shefit të OSBE-së, Tim Guldiman. Ai e përjashtoi çdo mundësi të shtyrjes së vendimit për statusin e Kosovës. "Mund të ketë zëra për shtyrje në Beograd, por në Uashington, Bruksel dhe në Prishtinë gjithçka është e përfunduar", u shpreh Thaçi. Ndryshe, sot qeveria e Kosovës në mbledhjen e rregullt miratoi projektvendimin për fillimin e hartimit të ligjit për presidentin, atë për diasporën, shqyrtoi strategjinë legjislative për këtë vit, e cila parasheh procedimin në Kuvend të mbi 100 ligjeve, të cilat parashihet të marrin paraprakisht miratimin e Bashkimit Evropian, ndërsa një komision i veçante do të kontrollojë zbatimin e tyre. Qeveria po ashtu ka vlerësuar se janë shënuar rezultatet e para në vendimin e mëhershëm për zvogëlimin e shpenzimeve buxhetore nga zyrtarët si dhe ka vendosur që të vazhdojnë përgatitjet për manifestimin "Epopeja e UÇK-së" që do të mbahen nën patronazhin e Kryeministrit. Kryeministri po ashtu bëri të ditur se e ka emëruar këshilltarin e tij, Blerim Grajçevcin, koordinator të grupeve për tranzicion. Ndërkaq Kryeparlamentari, Jakup Krasniqi, përsëriti se pavarësia do të shpallet gjatë muajit shkurt. Pas takimit me shefin e Zyrës hungareze në Prishtinë, Zoltan Imec, Krasniqi deklaroi se shpallja e pavarësisë do të bëhet pavarësisht nëse do të merret ose jo vendimi i BE-së për dërgimin e misionit më 18 shkurt. Ndërkaq, përfaqësuesi i qeverisë hungareze tha se qëndrimi i vendit të tij është i njëjtë me atë të vendeve të BE-së. "Pavarësia e Kosovës do të shpallet këtë muaj, pavarësisht vendimit të BE-së për dërgimin e misionit të saj civil në Kosovë", theksoi Kryetari i Kuvendit të Kosovës, Jakup Krasniqi, duke ripërsëritur këtë qëndrim të shprehur edhe kohë më parë.


Forumi aLbdigital
Shiko profilin e anëtarit

4Normal Re: Pavarësia e Kosovës më 17 shkurt prej Fri Feb 08 2008, 15:08

aLbdigital

avatar
Webmaster & Admin
Webmaster & Admin
Shpallja e pavarësisë më 17 shkurt




• Shpallja e pavarësisë do të jetë më 17 shkurt kanë deklaruar burime të larta diplomatike në selinë e Bashkimit Evropian, njoftoi korrespodentja e Radio Televizionit të Kosovës në Bruksel.






Siç bëhet e ditur, zyrtarë të lartë të BE-së tashmë kanë përcaktuar datën e shpalljes së pavarësisë më 17 shkurt dhe se kjo është dakorduar midis Brukselit dhe Uashingtonit. Por, sërish kjo datë ka mbetur në koluaret diplomatike të Brukselit dhe tek institucionet vendore në Kosovë, të cilët tashmë kanë bërë parapërgaditjet për ditën e shpalljes.
Gazeta ditore gjermane “Mindener Tageblatt” ka publikuar lajmin se 17 shkurti do të jetë dita e shpalljes së pavarësisë së Kosovës. Sipas kësaj gazete, 17 shkurti është nxjerrur si datë përfundimtare edhe nga takimi midis përfaqësuesit të lartë të BE-së, Stefan Lehne me ministrin serb për Kosovën, Slobodan Samarxhiq.


Forumi aLbdigital
Shiko profilin e anëtarit

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi