Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Më Pran Njëri-Tjetrit «« » Ndihmoni Njeri-Tjetrin » Viza studentore per ne SH.B.A.Cfar duhet te aplikoni?

Viza studentore per ne SH.B.A.Cfar duhet te aplikoni?

Shko poshtë  Mesazh [Faqja 1 e 1]

LuNa

avatar
Moderator/e
Moderator/e
Nis sezoni. Ja procedurat dhe dokumentacioni që nevojitet për studentët që fitojnë të drejtën e studimit në universitetet amerikane

Nëse jeni një kandidat për student dhe dëshironi të vazhdoni shkollën e lartë në SHBA, gjëja e parë e rëndësishme është të aplikoni sa më shpejt të jetë e mundur, në mënyrë që të lini kohë të mjaftueshme për procedurat. Zyrës konsullore mund t’i duhet të kontrollojë dokumentet dhe kjo mund të marrë kohë.
Ambasada dhe zyrat konsullore duhet t’i lëshojnë vizat studentore deri në 120 ditë përpara datës së regjistrimit nëpër kurse. Në bazë të rregullores së Departamentit të Sigurisë së Brendshme, studentët duhet të hyjnë në SHBA deri në 30 ditë përpara datës së fillimit të kursit.

Kërkesat e nevojshme për të aplikuar për një vizë studentore
Si pjesë e programit të lëshimit të vizave, të gjithë personat ndërmjet 14-79 vjeç duhet të paraqiten për intervistë në ambasadë. Personat nën 13 vjeç dhe mbi 80 vjeç, zakonisht nuk kanë nevojë për një intervistë të posaçme, përveçse në rastet kur një gjë e tillë kërkohet nga zyra konsullore. Është e rëndësishme të dihet që gjatë intervistës do të merren shenjtat dixhitale të gishtave. Gjithashtu, duke qenë se situata akademike e çdo studenti është e ndryshme, studentëve që aplikojnë për të njëjtën vizë, mund t’u bëhen pyetje të ndryshme si edhe mund t’u kërkohen dokumente të ndryshme. Për këtë arsye, kriteret e mëposhtme janë të përgjithshme, por që do të sqarohen më tepër në zyrat konsullore, në varësi të situatës së secilit.
Të gjithë aplikantët duhet të kenë dokumentet e mëposhtme:
- Formularin e aplikimit I-20A-B
- Certifikatën e pranimit si joemigrant
- Statusin e kandidatit për student
Gjithashtu duhet të plotësoni edhe formularin SEVIS I-20, i cili iu dorëzohet nga shkolla. Ky formular duhet plotësuar në të njëjtën kohë si nga ju ashtu edhe nga drejtuesit e shkollës. Të gjithë studentët, së bashku më bashkëshortët apo personat që kanë nën varësi duhet të regjistrohen nën programin SEVIS (Sistemi i shkëmbit të informacionit për studentët dhe vizitorët). Shkolla juaj është përgjegjëse për regjistrimin kompjuterik të të dhënave tuaja në këtë program. Studentëve do t’u duhet të paguajnë një taksë që përfshihet në këtë formular, për çdo program studimi.
Studentët duhet të plotësojnë formularin e aplikuesit për vizë joemigruese, formularin DS-156 si edhe formularin DS-158. Të dy këto formularë duhet të firmosen pasi të jenë plotësuar. Disa aplikantëve mund t’u kërkohet të plotësojnë dhe të firmosin gjithashtu edhe një formular të tretë DS-157. do të ketë po ashtu një formular të veçantë edhe për fëmijët, pavarësisht se ata mund të jenë të përfshirë në pasaportën e prindërve.
Formulari DS-156 duhet të jetë i marsit 2006, i plotësuar në formë elektronike.
Gjatë intervistës në ambasadë, veç shenjave të gishtave që do të merren në mënyrë dixhitale, do të kërkohet edhe një foto dixhitale.
Aplikantët duhet të posedojnë një pasaportë të vlefshme për jashtë shtetit me date skadimi të paktën gjashtë muaj përpara periudhës së ndenjes në SHBA.
Kërkohet një foto (2X2), një faturë për të vërtetuar pagesën e taksës së vizës, taksë për sigurimin e vizës (në rast se jepet) dhe fatura për taksën e formularit SEVIS I-901.

Të gjithë aplikantët duhet të kenë:
Diplomën e përkthyer dhe të noterizuar
Rezultatet e programeve arsimore si TOEFL, SAT, GRE, GMAT etj.
Raport financiar, i cili të vërtetojë që ju dhe prindërit tuaj jeni në gjendje të mbulojnë shpenzimet e shkollës dhe të jetësës gjatë kohës së studimeve. Shembull: nëse ju aso sponsori juaj jeni të punësuar, duhet të sillni një dokument që vërteton të ardhurat tuaja si edhe një dukument origjinal të lëshuar nga banka. Në rast se ju ose sponsori juaj keni një biznes duhet të paraqisni licencën, dokumente të taksave që paguani etj.)
Aplikantët me persona të tjerë në varësi duhet të kenë këto dokumente:
Dokumente që vërtetojnë marrëdhënien me personin në varësi, bashkëshort/e apo fëmijë (p.sh. certifikata lindjeje ose martese). Preferohet që të gjithë këto persona të aplikojnë në të njëjtën kohë, por nëse bashkëshorti ose fëmijët do të aplikojnë më vonë, duhet të dorëzojnë një kopje të pasaportës së mbajtësit të vizës dhe të vizës së bashku me dokumentet e tjera që kërkohen.
Aplikantët për rinovim të vizave duhet të plotësojnë këto dokumente:
Pasaportë të vlefshme për jashtë shtetit.
Formularin DS-156 si edhe formularin DS-158. Të dy këto formularë duhet të firmosen pasi të jenë plotësuar. Disa aplikantëve mund t’u kërkohet të plotësojnë dhe të firmosin gjithashtu edhe një formular të tretë DS-157.
Një faturë për taksën e vizës
Një listë notash nga shkolla
Dokument që vërteton mundësinë për të paguar shkollën
Studentët brenda ose jashtë SHBA-së për rreth 5 muaj nuk kanë nevojë për vizë të re
Shkollat publike:
Për personat që do të ndjekin shkolla publike në SHBA ka disa rregulla të rrepta. Personat që thyejnë këto rregull, nuk mund të marrin një vizë tjetër për 5 vitet e ardhshme. Këto rregulla janë:
Nxënësit që ndjekin një shkollë të mesme publike duhet të ndjekin studimet për 12 muaj. Vizat F-1 nuk lëshohen më për të ndjekur arsimin parashkollor apo shkollën fillore.
Përpara lëshimit të vizës F-1 për ndjekjen e shkollave publike, studentët duhet të vërtetojnë që kanë paguar shpenzimet e nevojshme të kërkuara nga shkolla. Në ambasadë mund të kërkohen kopje të faturave të këtyre pagesave.

Ju duhet të tregoheni të kujdesshëm për periudhën tuaj të qëndrimit në SHBA, duke ndjekur me vëmendje ligjet amerikane të imigrimit. Ju duhet të niseni për në SHBA përpara datës së fundit, të hyrjes në SHBA. Nëse nuk niseni përpara ose në këtë date, ju mund të humbisni statusin e fituar.
Qëndrimi përtej kohës së autorizuar nga viza e lëshuar, kjo konsiderohet si shkelje e ligjeve të imigrimit të SHBA dhe mund t’ju skualifikojë për aplikime të mëtejshme vizash.
Qëndrimi i paligjshëm në SHBA përtej datës së vizës, qoftë edhe një ditë, e skualifikon automatikisht vizën tuaj, çka mund të sjellë edhe riatdhesimin tuaj. Në rast se viza juaj ka mbaruar dhe ju doni të qëndroni edhe më në SHBA, duhet të riaplikoni për një vizë tjetër joemigruese, në shtetit tuaj të kombësisë.
Koha e qëndrimit në SHBA me vizën e studentit
Kur ju hyni në SHBA me një vizë studenti, zakonisht ajo është e vlefshme për të tërë kohën që ju keni statusin e studentit. Pra ju mund të qëndroni për aq kohë sa zgjasin studimet tuaja me kohë të plotë, edhe pse pasaporta apo viza juaja mund të skadojë ndërkohë që jeni në Amerikë. Për studentët të cilët kanë plotësuar kursin e plotë të studimeve dhe praktikën, ata mund të qëndrojnë nga 30-60 ditë më tepër në SHBA, në varësi të programit mësimor.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi