Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Arti Dhe Kultura «« » Muzika e Huaj » Shakira!

Shakira!

Shko poshtë  Mesazh [Faqja 1 e 1]

1Normal Shakira! prej Sat Jan 26 2008, 03:50

LuNa

avatar
Moderator/e
Moderator/e
SHAKIRA FLET PER VETVETEN

"Kam lindur dhe jam rritur ne Kolumbi, por gjithnjë kam dëgjuar grupe si Led Zeppelin, The Cure, the Police, Beatles dhe Nirvana. Isha shumë e dashuruar me tingujt e rokut. Për faktin se babai im është 100 perqind libanez, i jam kushtuar shijeve dhe tingujve arabike.

Gjithsesi, unë jam një shkrirje e të gjitha këtyre pasioneve dhe muzika ime është një përzierje e elementeve qe unë mund ti ve ne bashkejetese ne te njëjtin vend, ne një këngë.
Kënga e pare qe kam shkruar vete për një regjistrim ishte "Objection". Iu luta Zotit dhe i kërkova te me frymëzonte për një këngë te mirë, dhe më kujtohet se fillova te shkruaja këngën disa ore me vonë. Kam shkruar muziken dhe poezine ne te njëjtën kohe. Dhe kur me ndodhi kjo ishte shumë shumë magjike."

***

"Duhet te gjeja një rrugë për te shprehur idetë dhe ndjenjat e mia, historite e mia te përditshme ne Anglisht. Kështu qe bleva fajlore, lexoja poezi, dhe autore si Leonard Cohen dhe Walt Whitman. Ndjej dashuri ne spanjisht, por duhet te mendoj se si ta shpreh këtë dashuri edhe ne Anglisht. Me pas u be një proces i natyrshem.
Nëse vereni subjektin e kengeve te mia, shumë nga ato flasin për eksperiencen dhe ndjenjat personale dhe pjesë nga jeta ime. Është e pamundur të mos flasësh për dashurinë. Është misteri me i madh i jetës qe me bën t'i bëj pyetje të reja vetes çdo ditë."

***
"Unë përpiqem te paraqes vetëm vetveten, por kanë shumë gra te cilat personifikohen me mua. Unë nuk jam gruaja qe laj rrobat e burrit çdo ditë. Shpresoj të mos dukem si lidere feministe duke thënë gjëra te tilla. Jam perpjekur te jem e ndershme me mënyrës si shkruaj. Bota është bërë kaq e vogël dhe muzika është kaq eklektike tani, shijet tona janë kaq te larmishme, saqë ato kalojne kufijte nga një kulturë tek një tjetër. Por unë e di se rok'en'rolli nuk ka për te vdekur kurrë"

Garcia Marquez: Sensualiteti i kolumbianes


Nuk kishte si të mos frymezohej nga Shakira edhe Nobelisti Garcia Marquez, bashkatdhetari i saj, shkrimtari i cmimit Nobel. Ne jo pak raste ai ka shprehur opinionin e tij për yllin e muzikes me te cilin krenohet vendi i tij. Gabriel Garcia Marquez shkruan: "Muzika e Shakires ka një karakteristike personale qe nuk i ngjan asnjë tjetre dhe askush nuk mund te kendoje dhe te kerceje si ajo, ne çfarëdo moshe qe te jetë, me një sensualitet te tillë pafajesie, e cila personifikohet vetëm me te".


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

2Normal Re: Shakira! prej Sat Jan 26 2008, 03:50

LuNa

avatar
Moderator/e
Moderator/e
SHAKIRA, KENGETARJA ME E DEGJUAR NE EUROPE

Bashkepunimi i Shakires me Wyclef Jean vazhdon te jetë ne krye te klasifikimeve europiane për te gjashtën jave me radhe. Kenga "Hips Don't Lie," është me e pelqyera për momentin ne Europe. Ne 9 qershor 2006, Shakira solli për fansat një remiks te hitit te saj, "Hips Don't Lie," nga Albumi "Oral Fixation vol. 2" te cilin e quajti "Bamboo Hips Don't Lie Remix". "Oral Fixation: Vol. 1" doli ne treg me 6 qershor 2005 ne Europe, po këtë muaj ne Ameriken Veriore dhe ne Australi. Pas "La Tortura" ne bashkëpunim me Alejandro Sanz, zuri vendin e pare ne Spanje dhe vendin e 23 te ne 100 këngët me ta mira amerikane, ajo edhe sivjet dëgjohet me shumë për këtë sezon.

Shakira, këngëtarja plot hirë, fituesja e cmimit Grammy, është po kaq e adhuruar nga dashamiresit e muzikes. Jeta e saj është e lidhur me muziken. Ajo e ka shkruar këngën e saj të parë ne moshen tetevjecare. Bjondja nga Kulumbia flet tre gjuhe te huaja por është e dashuruar me spanjishtes.

Ajo është një perfeksioniste qe shpenzon ore te tera ne studio, ka dëshirë te jetë pranë natyres, por pasioni i saj është kitara. Magia (Magic) ishte dalja e pare e saj, ne bashkëpunim me Sony Colombia ne 1991, ne moshen 15 vjeçare. e tashmë ajo është ne kulmin e karrieres se saj muzikore.

Frymezimi i këtij ylli për këngët e saj vjen nga legjenda latino amerikane. Pas diplomimit ne shkollën e mesme ajo vendosi t'i dedikohet pergjithnje muzikes. Me pas ajo ka regjistruar albume te njepasnjeshme si Peligro ("Danger") dhe Pies Descalzos, te cilat kapen menjehere rekordin e me shumë se një milion shitjesh ne Ameriken Latine dhe ne Brazil. Albumi i saj "Dónde Están Los Ladrones", një prodhim i saj me bashkepunimin e Emilio Estefan, e bëri atë te famshme përtej pop rokut latin.

Ai u pelqye ne Amerikë, Argjentine, Kili, Meksike dhe ne Spanje. Për talentin u dhanë një Grammy nga MTV Award, si dhe dy Grammy latine. Daljet e saj ne TV e terhoqen gjithnjë e me shumë publikun sa tashmë ajo njihet si yll i muzikes. Kenget e albumit Laundry Service, te parat ne gjuhën angleze, u bën hit ne botë për muziken pop.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

3Normal Re: Shakira! prej Sat Jan 26 2008, 03:51

LuNa

avatar
Moderator/e
Moderator/e
Shakira, një shkollë për fëmijët e varfër ne qytetin e Lindjes.

Mijëra fëmijë të varfër kolumbianë do të kenë mundësinë për t'u arsimuar më mirë, në sajë të një vajzë që ka qenë dikur si ta, Shakira. Këngëtarja e famshme, këto ditë ka shpalosur një tjetër ide shokuese, sikurse çdo dalje e saj në skenë. Ka planifikuar të hapë një shkollë për rreth 2 000 fëmijë në qytetin e lindjes, Barankila, si pjesë e një programi për arsimimin e fëmijëve të shpërngulur nga konflikti kolumbian. "Arsimimi nuk është luks, është një e drejtë që duhet ta ketë gjithkush, ndaj dhe kjo ide e imja për hapjen e një shkolle të tillë mendoj se është në të mirë të të gjithëve", deklaroi Shakira, përpara një koncerti, të ardhurat e të cilit do të shkojnë në favor të shkollës. Ajo thekson se edhe të ardhurat e shumë koncerteve të tjera që do të pasojnë do t'i akordojë për ndërtimin e shkollës.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

4Normal Re: Shakira! prej Sat Jan 26 2008, 03:52

LuNa

avatar
Moderator/e
Moderator/e
Shakira, ylli latin, një personazh i frikshëm?

Shumë njerëz e konsiderojnë Shakirën si një talent të madh, ndërsa shkrimtari i shquar Gabriel García Márquez ka shkruar: Muzika e Shakirës është e paimitueshme sepse është e mbushur me ritëm, të cilin askush tjetër nuk mund ta zotërojë si ajo. Nisur nga mosha e re dhe sensuliteti i saj i pafajshëm duhet të pranoj, që muzika e Shakirës është një shpikje”. Është ky një vlerësim i jashtëzakonshëm, që vjen për yllin latin të muzikës nga një nobelist i letërsisë. Biondia bukuroshe, që me lëvzijet dhe ritmet sensuale arriti të pushtojë zemrat dhe mendjet e miliona dashamirësve të muzikës në të gjithë botën, vetëm pak javë më parë është shpallur fituese e muzikës latine në MTV. Sensualia Shakira ka marrë çmimin për këngën më të mirë të vitit me suksesin ndërkombëtar “Hips Don’t lie”.
“Në këtë këngë, që ka shëtitur në të gjithë botën kam mundësinë të nxjerr në dukje edhe qytetin që adhuroj, Barranquillën. Më ka bërë të lumtur”, ka deklaruar e emocionuar Shakira gjatë marrjes së çmimit në MTV.

Shakira dhe KUPTIMI I emrit të saj
Isabel Mebarak Ripoll, e njohur thjesht me emrin Shakira u lind në Barranquilla të Kolumbisë më 2 shkurt të vitit 1977 dhe sot është një këngëtare e nivelit ndërkombëtar. Emri i artit Shakira, i përkthyer nga arabishtja do të thotë “femër e mbushur me mirësi”, por është edhe një formë falënderimi duke qenë se vjen nga fjala arabe Shukhran (faleminderit).

Origjina dhe dështimet e para
Bijë e një babai libanez dhe një nëne me origjinë spanjollo-italiane, Shakira u shpërngul drejt Bogotës, kryeqytetit të Kolumbisë në moshën 13-vjeçare. Pasioni për këngën dhe muzikën e çoi drejt realizimit të albumit të parë në vitin 1991, kur ajo ishte vetëm 14 vjeçe. Albumi, që mbante titullin “Magia”, u prit ftohtë si nga kritika ashtu edhe nga publiku. Çuditërisht një fat edhe më të keq pati albumi i saj i dytë “Peligro” (Rrezik). E zhgënjyer nga këto dështime për një çast vendosi ta braktiste botën e muzikës për t’iu dedikuar aktrimit. Në fakt, kishte një pjesë në telenovelën kolumbiane “El Oasi” dhe xhiroi disa spote në vendlindje.

Suksesi i parë
Por dashuria për muzikën nuk ishte shuar dhe duke mposhtur mosbesimin, që njerëzit kishin për muzikën e saj vendosi të publikojë në vitin 1995 një tjetër album “Pies descalzos”, që në fakt ndryshe nga dy albumet e mëparshme ishte shumë më tepër autobiografik dhe pasionant. Disku arriti sukses të madh komercial dhe kënga “Estoy aquí” u bë botërisht e njohur. Tashmë në kreshtën e suksesit, Shakira vendosi të publikonte sërish një album tjetër me këngët e remiksuara të albumit “Pies descalzos”.
Pas këtij suksesi mori kontakte me producentin Emilio Estefan Junior, që vendosi të financonte punën e saj diskografike “Dónde están los ladrones”?. Pavarësisht kostos së lartë të kësaj pune (3 milionë dollarë amerikanë), albumi fitoi mbështetjen e publikut, që e shndërroi menjëherë në një disk platini, ndërsa kritika e cilësoi si albumin më të mirë të këngëtares.
Mes këngëve më të suksesshme të albumit u cilësuan “Inevitable”, “Si te vas”, “Octavo dia e Ojos asi” (që u përkthye në anglisht nga Gloria Estefan për të hyrë më pas në albumin “Laundry Service” me titullin “Eyes like yours”) ku shfaqen ndjeshëm gjurmët instiktive të muzikës së Shakirës. Më pas, ajo regjistroi në Nju Jork “MTV Unplugged” (i pari për një artiste latio-namerikane), sigurisht në gjuhën spanjolle.

Kujdesi për gjuhën angleze
Nga ky moment e më pas, Shakira e përqendroi vëmendjen drejt tregut anglofon: përmirësoi anglishten (gjuhën e marketingut) falë poemave të Walt Whitman-it dhe nisi të shkruajë dhe të këndojë në gjuhën anglo-saksone. Albumi i parë i këtij drejtimi të ri është “Laundry Service”. Ky album i karakterizuar nga këngë rok-melodioz u publikua fillimisht në Shtetet e Bashkuara të Amerikës dhe më pas në pjesën tjetër të botës edhe pse brenda tij kishte disa tekste në gjuhën spanjolle. Edhe pse shumë njerëz mendonin se njohuritë e Shakirës për gjuhën angleze ishin të dobëta, “Laundry Service” rezultoi si një prej albumeve më të shitura në vitin 2002 dhe kënga “Whenever, wherever” (varianti anglisht i “Suerte”) u pëlqye edhe në Evropë. Për t’i dhënë forcë publikimit të këtij albumi ajo vendosi të realizojë në videoklipet e këngëve të saj vallëzime intensive dhe sensuale, që e marrin fillesën nga origjina arabe (i njohur për të gjithë p.sh., vallëzimi i barkut.

Në vijim të suksesit
Në dhjetor të vitit 2002 doli përmbledhja e parë e sukseseve të Shakirës në gjuhën spanjolle, nën titullin “Grandes éxitos”, ndërkohë, që në 30 mars të vitit 2004 mbërriti në tregjet ndërkombëtare “Live & Off the Record”, një DVD, e cila përmbante 10 këngë të Shakirës të performuara gjatë koncertit ndërkombëtar, “Tour della Mangusta” (2002-2003), i quajtur kështu për të nderuar një prej kafshëve, që është në gjendje të vrasë kobrën. Koncerti përfundonte me filmimin e një lufte të ashpër mes të dy kafshëve.

Albumet e fundit
Një punë e jashtëzakonshme e ndarë në dy pjesë. Kështu janë cilësuar albumet e fundit të këngëtares, “Fijación Oral 1”, që doli në tregjet botërore në verën e vitit të shkuar dhe “Oral Fixation 2” i cili u publikua disa muaj më vonë, në nëntor. Bashkautorë të Shakirës në këtë stërmundim muzikor janë Luis Fernando Ochoa dhe Lester Méndez, ndërsa Rita Quintero e ka ndihmuar Shakirën në dy duete me tonë të ulëta.

Jeta private dhe lidhja me djalin e presidentit

Në vitin 2000, këngëtarja u fejua me Antonio de la Rúa, djalin e ish- presidentit të Argjentinës. E megjithatë bashëkpunëtorët e de la Rúa-së e kanë paragjykuar përherë këtë lidhje duke u nisur nga fakti, që sipas tyre Shakira është një personazh i frikshëm, narcizistik dhe arrogant, që zor se mund të përshtatej me krizën ekonomike që kishte prekur vendin amerikan-latin në ato vite. Për t’iu përgjigjur kësaj akuze Shakira organizoi një koncert, fondet e të cilit iu dhuruan një shoqate bamirësie për fëmijët e varfër. E megjithatë, zemërimi me të cilin ajo u përgjigj i bëri shumë njerëz të besojnë se koncerti ishte vetëm një falje dhe një mënyrë që argjentinasit ta duan. Megjithatë publiku i prnaishëm në koncert e priti ngrohtë këngëtaren kolumbiane.
Aktualisht Shakira jeton në Majami, atje ku janë vendosur edhe prindërit e saj.



Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi