Portali aLbdigital.net
Përshendetje Vizitor i Nderuar...

Me sa duket, ju nuk jeni Identifikuar akoma ne Faqen tone,

ndaj ju paraqitet ky mesazh për tju Kujtuar se ju mund të Identifikoheni që të merrni pjese në

diskutimet dhe Temat e shumta të Forumit tone.

...Në qofte se ende nuk keni një Llogari personale në Forum, mund ta hapni nje të tille duke u Regjistruar

...Regjistrimi Ështe falas dhe ju merr kohe maksimumi 1 min...

Me Respekt dhe Kenaqesi:

Staffi i Forumit aLbdigital.net

You are not connected. Please login or register

Portali aLbdigital.net » »» Diskutime Të Ndryshme «« » Çështja Kombëtare » Pas shpalljes se Pavaresise,si reagon SHBA,BE,NATO,Rusi,,,,

Pas shpalljes se Pavaresise,si reagon SHBA,BE,NATO,Rusi,,,,

Shko poshtë  Mesazh [Faqja 1 e 1]

LuNa

avatar
Moderator/e
Moderator/e
Pas shpalljes së Pavarësisë së Kosovës, reagon SHBA, BE, NATO dhe disa vende të BE
Shpallja e Pavarësisë së Kosovës ishte një akt që zgjati pak minuta gjatë seancës plenare në Kuvendin e Kosovës, por ajo çfarë tashmë shihet me interes nga autoritetet kosovare, por edhe më gjerë, është njohja e pavarësisë nga shtetet e tjera të botës. Tashmë një pikëpyetje e madhe shtrihet para autoriteteve Kosovare: Cilat do të jenë ato shtete që do të njohin Kosovën sovrane? Për këtë çështje, sot do të mblidhen në një seancë të jashtëzakonshme Ministrat e Jashtëm të Bashkimit Evropian, ku pritet të vendosin lidhur me njohjen apo jo të pavarësisë së Kosovës. Pavarësisht kësaj, kanë nisur hipotezat se cilat vende do ta njohin apo jo pavarësinë e Kosovës, nisur edhe nga qëndrimet paraprake që janë mbajtur deri më tani. Madje, këto hipoteza janë pasqyruar dje edhe në agjenci të ndryshme lajmesh siç është edhe ajo serbe "B92", ku sipas raportimeve të kësaj agjencie thuhet se disa vende myslimane, si Arabia Saudite apo Pakistani, do të jenë vendet e para që do të njohin pavarësinë. Po sipas këtyre agjencive, njohja e pavarësisë së Kosovës do të pasohet më pas nga shtete të tjera, si Austria, Danimarka, Finlanda, Luksemburgu, Belgjika, apo Franca, Britania e Madhe, Gjermania dhe Italia. Gjithashtu, edhe Shtetet e Bashkuara të Amerikës futen në ato vende që do të njohin të parat, pavarësinë e shtetit më të ri në botë, Kosovës. Kroacia dhe Maqedonia janë vende që po ashtu pritet të njohin pavarësinë e Kosovës, ndërsa Rusia, Kina, Qipro, Rumania, Bullgaria, Spanja, Sllovakia dhe Greqia, pritet të mos e njohin pavarësinë, referuar agjencive te huaja. Sipas asaj që përflitet edhe në lajmet e agjencive të huaja, edhe vende si India, Brazili apo Argjentina janë kritike ndaj mundësisë për ta njohur Kosovën si një vend më vete.

Disa prej vendeve të mësipërme janë shprehur qysh dje për pavarësinë e Kosovës. Kështu, Bullgaria ka bërë thirrje për një qëndrim të unifikuar të Bashkimit Evropian. Në një deklaratë të Ministrisë së Jashtme Bullgare thuhet se një qëndrim i tillë do të kontribuonte në uljen e rreziqeve të sigurisë në rajon dhe Evropë. Gjermania i ka bërë thirrje palëve që të mbajnë qëndrime të moderuara, duke theksuar se prioriteti më i lartë është ruajtja e stabilitetit në Ballkan. Nga ana tjetër, Britania e Madhe e ka konsideruar pavarësinë e Kosovës një kontekst të ri për statusin e Kosovës. Edhe Maqedonia është shprehur dje për pavarësinë e Kosovës, duke theksuar se vendimi i saj për njohjen, do të jetë në përputhje me interesat nacionale dhe shtetërore të Maqedonisë. Për pavarësinë e Kosovës janë shprehur dje edhe zyrtarë të BE-së dhe NATO-s. Shefi i Politikës së Jashtme të BE-së, Havier Solana i bëri thirrje palëve në Kosovë, por edhe në rajon, të ruajnë qetësinë e të mos u përgjigjen provokimeve, ndërsa Sekretari i Përgjithshëm i NATO-s, Scheffer tha se KFOR do të kryejë misionin e tij në Kosovë derisa të vendoset ndryshe nga Këshilli i Sigurimit në OKB.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

LuNa

avatar
Moderator/e
Moderator/e
Vendet që do ta njohin pavarësinë, sipas agjencive të huaja
Pakistani, Arabia Saudite, Shqipëria, Shtetet e Bashkuara të Amerikës, Austria, Danimarka, Finlanda, Luksemburgu, Belgjika, Franca, Britania e Madhe, Gjermania, Italia, Kroacia, Maqedonia.
Vendet që pritet të mos e njohin, sipas agjencive
Rusia, Kina, Qipro, Rumania, Bullgaria, Spanja, Sllovakia, Greqia, Bosnjë-Hercegovina, India, Brazili, Argjentina
SHBA, Xhorxh Bush
"Për Kosovën, qëndrimi ynë është se statusi i saj duhet zgjidhur që Ballkani të jetë i qëndrueshëm. Shtetet e Bashkuara do të punojnë me të gjithë aleatët tanë, që të bëjmë më të mirën që të mundemi për të garantuar që të mos ketë dhunë".
Rusia
Rusia e quajti shpalljen e Pavarësisë së Kosovës, shkelje të së drejtës ndërkombëtare. Ministria e Jashtme Ruse deklaroi se, pret "nga misioni i OKB-së dhe përfaqësuesit e NATO-s në Kosovë, që t'u përgjigjen detyrimeve dhe të anulojnë këtë vendim të Prishtinës".
Gjermania
Ministria e Jashtme në Berlin, ministri i Jashtëm gjerman, Frank Valter Shtajnmajer u bëri thirrje të gjitha palëve, të mbajnë qëndrime të moderuara pas deklarimit të pavarësisë së Kosovës. Zyra e ministrit të Jashtëm gjerman bëri të ditur se, ai ka folur me homologët e tij në Serbi dhe Slloveni dhe kishin konkluduar se, "prioriteti më i lartë" është ruajtja e stabilitetit në Ballkan. Zëvendëskryetari i fraksionit socialdemokrat në Bundestag, Valter Kolbov tha se beson se Gjermania do ta njohë së bashku me partnerët e tjerë evropianë Kosovën, ditët e ardhshme.
Britania
Një zëdhënës i Foreign Office-t britanik tha se Britania e konsideron pavarësinë e Kosovës "një zhvillim të rëndësishëm, që krijon një kontekst të ri për statusin e Kosovës". Një deklaratë më të plotë, Britania do ta bëjë të hënën.
Franca
Ministri i Jashtëm i Francës, Bernard Kushner e uroi Kosovën për Pavarësinë. Kushneri, i cili po zhvillon një vizitë në Jerusalem, deklaroi se i uron "fat të mirë" Kosovës.
Maqedonia
Zëdhënësi i qeverisë së Maqedonisë tha se, Maqedonia do të ndjekë me vëmendje zhvillimet në rajon. Ivica Bocevski tha lidhur me një njohje të pavarësisë së Kosovës nga Maqedonia se, "cilido vendim që do të marrim, ne do të mbajmë parasysh interesat e qytetarëve tanë, si dhe interesat nacionale dhe shtetërore të Maqedonisë".
Bullgaria
Bullgaria bëri thirrje për një qëndrim të unisuar të Bashkimit Evropian, pas shpalljes së Pavarësisë. Në një deklaratë të Ministrisë së Jashtme Bullgare thuhet se "një qëndrim i harmonizuar i BE, do të kontribuonte shumë në uljen e rreziqeve të sigurisë në rajon dhe në Evropë". Bullgaria do ta zbulojë qëndrimin e saj ,ndaj një njohjeje të pavarësisë së Kosovës vetëm pas mbledhjes së Ministrave të Jashtëm të BE, të hënën.
Bashkimi Evropian, Solana
Shefi i Politikës së Jashtme të BE, Havier Solana tha se stabiliteti në Kosovë dhe në gjithë Ballkanin është me rëndësi esenciale, pas pavarësisë së Kosovës. Zëdhënësi i BE, Jens Mester, në emër të Bashkimit Evopian, bëri thirrje "të gjitha palëve në Kosovë dhe më gjerë në rajon" të rrinë të qeta dhe të mos i përgjigjen ndonjë provokimi".
NATO, Scheffer
NATO-ja deklaroi përmes Sekretarit të saj të Përgjithshëm, Jap de Hoh Scheffer se do të vazhdojë ta kryejë misionin e saj në Kosovë, "derisa KS i OKB-së të vendosë ndryshe". "Në këtë situatë delikate KFOR-i do të reagojë, shpejt dhe me vendosmëri, kundër të gjithë atyre që do të kërkojnë të përdorin dhunë",- deklaroi Sekretari i Përgjithshëm i NATO-s.
Sllovakia
Sllovakia, një vend anëtar i BE-së, tha se nuk do ta njohë Pavarësinë e Kosovës për momentin, bëri të ditur Ministria e Jashtme Sllovake.
Çekia
Presidenti çek, Vaslav Klaus tha se deklarata e pavarësisë së Kosovës mund të ketë pasoja të paprecedent për Evropën pasi mund të shkaktojë një situatë, ku pjesë të tjera të vendeve evropiane të kërkojnë shkëputjen. Klaus tha se ai konsideron vendimin për shkëputjen e njëanshme të Kosovës nga Serbia, si një "vendim me të vërtetë unik në Evropë".
Papa Benedikti i XVI-të
Papa Benedikti i XVI-të kërkoi pas Pavarësisë së Kosovës, angazhim konkret dhe qetësues të politikanëve në rajon, për të penguar reagime të dhunshme dhe dhunë. Një zëdhënës i Vatikanit tha se Papa është pranë njerëzve, në Serbi dhe në Kosovë, dhe "falet për ta në këtë moment vendimtar të historisë së tyre".
Hillari Klinton
Kandidatja demokrate Hillari Klinton ka përshëndetur Deklaratën "historike" të Pavarësisë së Kosovës, ndërsa u ka bërë thirrje vendeve mike dhe aleate "të bashkohen me SHBA dhe BE, për njohjen e Kosovës së pavarur". Sipas senatores së Nju Jorkut, deklarata e Prishtinës, do t'i lejojë Kosovës dhe Serbisë "të hedhin pas krahëve një kapitull të vështirë të historisë së tyre". Hillari vuri theksin "që zgjidhja e kësaj çështjeje ka marrë shumë kohë dhe i ka penguar të dy popujt të shohin përpara, dhe të ndjekin një të ardhme më të mire europiane dhe Euroatlantike".
Edhe Rusia e quajti shpalljen e Pavarësisë së Kosovës, shkelje të së drejtës ndërkombëtare
Presidenti, Boris Tadiç: Serbia kurrë s'do e njohë Pavarësinë
BEOGRAD- I menjëhershëm ka qenë reagimi i Serbisë ndaj shpalljes së Pavarësisë së Kosovës. Ashtu si edhe pritej, Serbia ka hedhur poshtë, me vendosmëri, shpalljen e Pavarësisë nga Kuvendi i Kosovës. Ndërsa në Prishtinë ishte në përfundim e sipër ceremonia e shpalljes së Pavarësisë, nga Beogradi mesazhi erdhi mjaft i qartë kundër këtij akti. Si presidenti Boris Tadiç, ashtu edhe kryeministri Vojisllav Koshtunica kanë përsëritur se Serbia i ka anuluar të gjitha vendimet për shpalljen e pavarësisë. Kryeministri serb Koshtunica tha dje se, pavarësia e njëanshme dhe të gjitha aktet e ardhshme të Kosovës do të quhen "vendime anti-juridike". "Evropa sot uli kokën dhe prandaj edhe ajo do të jetë përgjegjëse për të gjitha pasojat afatgjata",- është shprehur kryeministri Serb, ndërsa fajësoi për këtë atë që ai e quajti "politikë destruktive, të egër e jomorale që zbatojnë Shtetet e Bashkuara". "Duke vënë dhunën mbi parimet e të drejtës ndërkombëtare, Shtetet e Bashkuara të Amerikës, me zbatimin e forcës së verbër nënçmuan dhe detyruan Bashkimin Evropian të shkelë parimet mbi të cilat mbështetet vetë BE-ja",- tha Kryeministri i Serbisë, në një fjalim që u dha direkt në disa televizione serbe. Më tej Koshtunica tha se, Shtetet e Bashkuara të Amerikës dhe aleatët Evropianë "do të shkruhen me germa të zeza në historinë e Serbisë dhe çdo histori e së drejtës ndërkombëtare dhe e rendit botëror të mbështetur mbi të". Edhe Presidenti i Serbisë, Boriç Tadiç, ka reaguar ndaj shpalljes së pavarësisë së Kosovës. Në një deklaratë për shtyp, Tadiç është shprehur se, Serbia kurrë nuk do të njohë pavarësinë e Kosovës. Sipas tij, shteti serb nuk do të ndërmarrë hapa të ngutshëm, ndërkohë që nga UNMIK-u dhe KFOR-i, Tadiç ka kërkuar shkallën më të lartë të sigurisë për serbët. Edhe Rusia e quajti shpalljen e pavarësisë së Kosovës, shkelje të së drejtës ndërkombëtare. Ministria e Jashtme Juse deklaroi se, pret "nga Misioni i OKB-së dhe përfaqësuesit e NATO-s në Kosovë, që t'u përgjigjen detyrimeve dhe të anulojnë këtë vendim të Prishtinës". Me kërkesën e Rusisë, Këshilli i sigurimit të OKB-së duhej të mblidhej dje në një seancë emergjente, për shkak të pavarësisë së Kosovës, por gjithçka u shty për sot.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

LuNa

avatar
Moderator/e
Moderator/e
Reagon Presidenti i SHBA-së, Xhorxh Bush dhe përfaqësuesi i posaçëm i SHBA-së, Wisner
SHBA garantohet kundër dhunës në Kosovë
Shtetet e Bashkuara të Amerikës, së bashku me aleatët, nuk do të lejojnë që në Kosovë të ketë dhunë. Ky ka qenë mesazhi që është dhënë dje nga Presidenti i SHBA-së, Xhorxh Bush, lidhur me shpalljen e Pavarësisë së Kosovës. Në një konferencë për shtyp dhënë gjatë vizitës së tij në Tanzani, presidenti Bush tha se Shtetet e Bashkuara do të punojnë së bashku me aleatët, për të parandaluar përplasje të dhunshme në Kosovë pas shpalljes së Pavarësisë. "Për Kosovën, qëndrimi ynë është se statusi i saj duhet zgjidhur që Ballkani të jetë i qëndrueshëm. Shtetet e Bashkuara do të punojnë me të gjithë aleatët tanë që të bëjmë më të mirën që të mundemi, për të garantuar që të mos ketë dhunë",- u shpreh Bush. Më tej, Presidenti i Amerikës tha se, ishte i inkurajuar që Kosova kishte marrë angazhim për të mbrojtur të drejtat e serbëve. "Ne jemi të inkurajuar nga fakti që qeveria e Kosovës ka shprehur qartë vullnetin e saj dhe dëshirën e saj, për të mbështetur të drejtat e serbëve në Kosovë",- tha Bush, ndërsa i bëri thirrje Serbisë që të punojë për integrimin në Evropë dhe garantoi popullin serb, se do të ketë mbështetjen e Amerikës. Pavarësia e Kosovës është përshëndetur dje edhe nga përfaqësuesi i posaçëm i SHBA-së në negociatat për statusin, Franc Wisner, i cili shprehu kënaqësinë që Kuvendi i Kosovës angazhoi respektimin e planit "Ahtisari". Wisner tha se, Shtetet e Bashkuara të Amerikës mund ta njohin pavarësinë e Kosovës që nesër. Jam gjithashtu shumë i kënaqur që ky veprim u ndërmor në paqe dhe siguri",- tha ai, duke shtuar se ishte i lumtur që forcat e NATO-s janë në terren për të mbrojtur të gjitha komunitetet dhe për të ruajtur rendin",- tha ai. Ambasadori Wisner tha se tani mbetet vetëm që të merren masat që vijnë pas pavarësisë dhe të ndërtohet një shoqëri e re dhe e drejtë. Pas shpalljes së pavarësisë, hapi tjetër i rëndësishëm është njohja e saj dhe është thënë gjerësisht, që Shtetet e Bashkuara dhe vendet perëndimore do të jenë të parat që do ta ndërmerrnin këtë veprim, për të cilin Ambasadori Wisner thotë që do të bëhet shumë shpejt.


Forumi aLbdigital
"Nuk mund te jesh i drejte,nese nuk je i njerezishem"
Shiko profilin e anëtarit

Sponsored content


Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi